JƐRƖMAAYA 2:34 - WƖA TENIŊ

³⁴ Ma gɛnnɩŋ kala nɛ suo arɩ summo-la sɩ bɩ wɩɩkala cheye chalɩŋ, ka ma bɩ ba na dɩ ba bori ma dɩɩsɩŋ jʋjʋʋ.

JƐRƖMAAYA 2:34 ပူးပေါင်းရင်းမြစ်များ

2 KUOROO 21:16

Manasɛ ha pɛ kpʋ nɩaa sɩ bɩ wɩɩ cheye a yʋgɛ nɛ a leŋ Jerusalɛm kala ŋaa disiŋ, a pɛ ʋ sɩ leŋe Juda nɩaa ŋaa wʋbɔŋ-la, a ŋaa wʋbɔŋŋɔɔ La TƖƖNA teeŋ.

2 KUOROO 24:4

a wasa nyaŋ nɩalɩŋ kala sɩ bɩ wɩɩ cheye, aŋ ka Manasɛ kpʋba. La TƖƖNA fa bɩ cho dɩ ʋ joŋ wɩɩ-la chɛʋ.

MOSIS KƐŊ IZIRAL TƖŊŊAA LƖƖ 22:1

Dɩ nʋʋ nɛ gaa nɛŋ koo piesu a yallɛ koo a kpʋ, dɩ ma kɛnʋ, nɛŋ-la chɩmɩŋ jaŋ ŋaa nɛsɩŋ banɔŋ. Dɩ piese ma nɛ, ʋ chɩmɩŋ jaŋ ŋaa piesee banɛsɛ.

MOSIS KƐŊ IZIRAL TƖŊŊAA LƖƖ 22:2

Dɩ gaara nɛ jʋʋ dɩa tɩtaŋɩŋ dɩ ʋ gaa nʋʋ kʋŋ dɩ ba kɛnʋ a ŋmobu dɩ ʋ to ŋɩɩ lɛ sʋʋ, tɩɩna sɩ ŋmobu bɩ wɩɩkala cheye.

AZAAYA 57:5

Ma yie ŋɩŋaa bachɔrʋŋ arɩ hachɔrʋŋ wɩaa nɛ tɩɩ-lugunuŋ tʋɔŋ, aŋ kɛsɛ ma biiriŋ ma a kpʋkpaarɛ vʋɩyaa lɩɩ-libisiŋ tʋɔŋ arɩ bʋ-kuloo nyuŋ.

AZAAYA 59:3

Ma ŋaa nɩkpʋʋra nɛ, ma nɩsaa kala nɛ fo arɩ chalɩŋ. Ma ŋaa wʋnyɩɛra nɛ, a bʋbʋl wʋbɔŋŋɔɔ.

AZAAYA 59:7

Maa ŋaa wʋbɔŋŋɔɔ nɛ bʋa na-kala lɛ, a kpʋkpʋ nɩaa sɩ bɩ wɩɩkala cheye. Ma tʋɔbɩɩnaa kala ŋaa kʋbɔmɔ nɛ. Dɩ ma nɛ mʋ lee-kala, ma yie chei nɩmɛ kala nɛ ʋ pɩŋ jikpeeŋ.

JƐRƖMAAYA 19:4

Ba vɩamɛ nɛ aŋ kɛŋ leriŋ deeŋ bɩrɩmɛ vesiŋ lee. Ba kpʋ pʋsʋŋ a nyɩga pɩ vesiŋ ba-na koo ba naabalɩmaba koo Juda kuoroo ha sɩ bɩ jɩŋ. Ba kpʋ nɩaa sɩ bɩ wɩɩ cheye nɛ a chei leriŋ deeŋ kala.

JƐRƖMAAYA 2:33

Ma chaasa jɩŋ baalaa chɛnɩŋ nɛ woruŋ. Hachɔrʋŋ wajɩa ma tɩtɩa jaŋ wuo gʋnnɛ wɩaa ma teeŋ.

JƐRƖMAAYA 6:15

Wʋkɩsɩa-la ba sɩɩ ŋaa, hɩɩsɩŋ kɛmba nɛɛ? Aɩ, ba paala bɩ hɩɩsɩŋ ka fá. Ba paala bɩ jɩŋ ŋɩɩ ba sɩ jaŋ kɛŋ sɩaa chei. Ŋɩɩ wɩaa ba jaŋ sʋʋ, a pɛ nɩalɩŋ sɩ sʋba lɛ. Mɩ jaŋ dɔgɩsɛba a kɛmba muuri. Mɩ-na ma TƖƖNA nɛ bʋla.”

JƐRƖMAAYA 7:31

Ba bil vene-la ba sɩɩ yɩrɛ Tɔfɛf dɩ-kpaarɩŋ nɛ Bɛŋ Hɩnɔm fuonaaŋ lɛ, dɩ ba kɛsɛ ba hambolibiisiŋ arɩ ba hantolibiisiŋ a nyɩnyɩgɛ. Wɩɩ mɩ sɩ bɩ ba daga, ŋɩɩ paala bɩ mɩ tʋɔbɩɩnaa kɔ.”

JƐRƖMAAYA 7:6

dɩ ma nɛ bɩ nʋhʋɔraa, biisinsiŋ arɩ yo-haalaa ka wʋrʋgɛ, a bɩ nɩaa sɩ bɩ wɩɩ cheye maa kpʋ tinteeŋ deeŋ lɛ, a bɩ vesiŋ sɩ jaŋ ŋaama wʋbɔŋ harɩŋ ka to,

JƐRƖMAAYA 8:12

Wʋkɩsɩa-la ba sɩɩ ŋaa, hɩɩsɩŋ kɛmba nɛɛ? Aɩ, ba paala bɩ hɩɩsɩŋ ka fá. Ba paala bɩ jɩŋ ŋɩɩ ba sɩ jaŋ kɛŋ sɩaa chei. Ŋɩɩ wɩaa ba jaŋ sʋʋ, a pɛ nɩalɩŋ sɩ sʋba lɛ. Mɩ jaŋ dɔgɩsɛba a kɛmba muuri. Mɩ-na ma TƖƖNA nɛ bʋla.

JEMBIEE 1:9

Ʋ disiŋ-la mɛrɛ ʋ lɛ kieli nɛ, ʋ fa bɩ ʋ chie wɩaa bɩɩna. Ʋ sɩ tele ŋɩɩ kperi, ka nʋʋkala tuo dɩ ʋ nyagɛ ʋ bɔyɛ. “Mɩ Tɩɩna, bee na mɩ sɩɩ na hɛɛŋ ŋɩɩ, bɛɛ wɩaa mɩ dʋndɔmɔ yuo diimi nɛ.”

JEMBIEE 4:14

Lɛɛlɛ, ba gɔllɔɔ laarɛ womporunuŋ lɛ nɛ, a nagɛ nyʋlɩmaa. Ba kpʋ nɩaa a kɛŋ disiniŋ nɛ, nʋʋkala bɩra bɩ chɛ dɩ ʋ digiba.

ƐZƖKƖƐL 20:31

Dɩ ma nɛ kɛsɛ ma hambolibii bumbumba fa sɩ maga dɩ ma joŋo pɩmɛ, a kpʋ a nyɩga pɩpɩ vesiŋ, ʋ ŋɩɩ kala ŋaa disiniŋ nɛ ma ŋaa hɩhɛ ma tɩtɩa lɛ a kaa kɔ arɩ jɩnɩŋ. Iziral tɩmma, ʋ maga dɩ mɩ leŋ ma pɩɛsɛmɛ na wɩɩ nɛɛ? Mɩ-na ma TƖƖNA Wɩɩjarɩbakɔ ŋmɩɛsa, mɩ bɩ jaŋ leŋ dɩ ma pɩɛsɛmɛ na wɩɩkala.’

ƐZƖKƖƐL 22:25

Sɩpaalaara-la sɩ hɛ ŋ lɛ nagɛ naachigiŋ sɩ kpʋ kɩaa a didii nɛ. Ba yie kpʋ nɩaa, a lɩlaa ba dʋa aŋ pɩpaa ba kɩalɩŋ ma sɩ kɛŋ yuŋuŋ, a leŋ yo-haalaa yʋgɛ Jerusalɛm lɛ.

ƐZƖKƖƐL 23:45

Baalaa sɩ kɛŋ tʋɔpʋla jaŋ joŋ cheeriŋ pɩ haala-la sɩ ŋaa hachɔrʋŋ wɩaa a kpʋ nɩaa. Ba jaŋ dɔgɩsɛba, bɛɛ wɩaa ba gɔllɔ saarɛ baalaa a kpʋ nɩaa nɛ.

ƐZƖKƖƐL 24:7

Jerusalɛm nɩaa sɩ kpʋ nɩalɩŋ chalɩŋ jaasɛ ba tabalɩŋ lɛ nɛ. Chal-la jaasɛ bʋ-taala nyuŋ nɛ, ʋ bɩ tinteeŋ jaasa, lee-la hagɩla sɩ bɩ jaŋ wuo tɔ.

ƐZƖKƖƐL 9:9

Ŋɩɩ nɛ Wɩa bʋl, “Iziral arɩ Juda nɩaa chaasa ŋaa wʋbɔŋ bal nɛ, ba kpʋ nɩaa yʋgɛ nɛ tintee-la lɛ, ka Jerusalɛm kala su arɩ wʋbɔŋŋɔɔ ŋaanɩŋ. Ba yie bʋl, ‘La TƖƖNA vɩa la tinteeŋ ta nɛ, ʋ bɩ laa na.’