JƐRƖMAAYA 2:32 - WƖA TENIŊ

³² Hatolo jaŋ wuo yʋ ʋ yaraa kpɩɛraa lɛɛ, koo ha-falɩŋ jaŋ wuo yʋ ʋ ha-fal-gɛrɩŋ laalɩŋ? Ama mɩ nɩaa paala yʋ mɩ wɩaa nɛ a dieni.

JƐRƖMAAYA 2:32 ပူးပေါင်းရင်းမြစ်များ

WƖAA DƖ-SUOMUŊ 24:22

Bʋntaŋŋaba-la sɩ nyʋa lɩɩŋ dɛrɛ, ŋɩɩ nɛ baal-la joŋ sɛlɩmɛ nenii-pɩrɩŋ ba sɩ yie joŋo hɛ mɩɩsɩŋ arɩ sɛlɩmɛ kagunsuŋ balɩa a pɩ tolo-la. Ba yallɩŋ hɛyɛ.

WƖAA DƖ-SUOMUŊ 24:30

Labaŋ sɩ na nenii-pɩrɩ-la ba sɩ yie joŋo hɛ mɩɩsɩŋ arɩ kagunsu-la dɩ ba hɛ ʋ dɩhaala nɩsɩŋ arɩ wɩɩ-la Rɩbɛka sɩ bʋla arɩ baal-la bʋla pʋ, ʋ sii mʋ Abɩraham tɩntɩnnʋ-la teeŋ dɩ ʋ chɩŋ ʋ bʋntaŋŋaba bʋbʋɔŋ, lɩɩ-bulo-la sɛmɛ.

WƖAA DƖ-SUOMUŊ 24:53

aŋ lɩɩsɛ sɛlɩmɛ arɩ hɔpʋla kpɩɛraa arɩ gɛnnɩŋ a joŋo pɩ Rɩbɛka, a bɩra joŋ kpɩɛraa dɔnsʋŋ ma sɩ yuŋŋie a pɩ Rɩbɛka naaŋ arɩ ʋ naambie Labaŋ.

2 SAMƲƐL 1:24

Iziral tɩŋŋaa haalaa, má yel Sɔɔl lɛ, nɩɩ-la sɩ joŋ gɛrɩ-zɔŋŋɔɔ laalɛma. Ʋ nɛ joŋ sɛlɩmɛ kɩaa a kpɩɛrɛ ma gɛrɩ-balaa ŋɩɩ.

WƖA YƖƖLAA 106:21

Ba yʋ ŋ-na Wɩa sɩ ŋaa wʋkpuŋkperisiŋ, Ijipiti tinteeŋ lɛ a laaba ta wɩaa nɛ.

WƖA YƖƖLAA 9:17

Nɩbɔŋŋɔɔ jaŋ sʋʋ a mʋ lɛlɛɛ-jaŋ, tinteye-la nɩaa kala sɩ yʋ Wɩa wɩaa.

AZAAYA 17:10

Iziral tɩmma, ma yʋ ma Laataara Wɩa wɩaa nɛ, ʋ nɛ Nɩɩ-la sɩ dolie a nagɛ bʋŋ a pʋpɔma ŋɩɩ. Ma mɩɩra chɔnsɛ tɩɩsɩ-la sɩ zɔmɔ nɛ dɩ ma kpʋkpaarɛ vʋɩyaa ba bʋbʋɔŋ.

AZAAYA 57:11

Kʋbɛɛ nɛ ma fɩfá, a bɩ wʋtɩtɩɩ kɛnɛ mɩ teeŋ, a bɩ mɩ wɩaa ka liisi? Mɩ sɩ tɔrɛ mɩ niiŋ a dieni kɩŋkɛŋ wɩaa nɛ tɩɩ ma bɩ mɩ ka fá koo?

AZAAYA 61:10

Mɩ tʋɔŋ tɔrɛ La TƖƖNA lɛ nɛ woruŋ mɩ jʋjʋɔsɛ Wɩa sɩpaaŋ, bɛɛ wɩaa laatanɩŋ nagɛ gɛrɩŋ nɛ ʋ joŋo laalɛmɛ tʋɔpʋla ma nagɛ gɛrɩŋ ʋ joŋo kpɩɛrɛmɛ, a nagɛ ha-falɩŋ bala sɩ kpɩɛrɛ ʋ tɩtɩa ŋɩɩ a bɩra nagɛ ba sɩ kpɩɛrɛ ha-falɩŋ,

JƐRƖMAAYA 13:10

Nɩbɔŋŋɔɔ deemba sɩ vɩa dɩ ba jegile nɩɩ mɩ wɩaa, nɩalɩŋ sɩɩ to ba nyuduoŋ harɩŋ, a kire tuto vʋɩyaa harɩŋ a tɩma pɩpɩba a kpʋkpaarɛba jaŋ nagɛ tɩŋgɛnnɛ deeŋ. Ba jaŋ chei a chaasa ŋaa nɩpɛɩba.

JƐRƖMAAYA 13:25

Ma toruŋ nɛ ŋɩɩ, kpaal-la mɩ sɩ daga pɩma nɛ ŋɩɩ. Mɩ-na ma TƖƖNA nɛ bʋla, bɛɛ wɩaa ma yʋ mɩ wɩaa nɛ aŋ joŋ ma yɩɛlaa hɛ wʋnyɩɛrɩ vʋɩyaa lɛ.

JƐRƖMAAYA 18:15

Ama mɩ nɩaa yʋ mɩ wɩaa nɛ. Ba nyɩgɛ kʋsʋɔrʋsʋŋ a pɩpɩ tɔŋŋɔɔ sɩ ŋaa kʋpɛɩba nɛ. Tɔmɔ-la nɛ leŋe ba titel ba wʋŋaalaa lɛ, a bɩ wombii-bɩnɩa-la ka to. Tɔmɔ-la leŋe ba vɩvɛŋ wombiee ba sɩ vɩa ta lɛ nɛ, wombiee ba sɩ bɩ wasa.

JƐRƖMAAYA 2:11

Tintee-kala nɩaa tuo a vɩa ba vesiŋ aŋ mɩɩra tuto veŋ-wogo. (Ba vesi-la ŋaa kʋpɛɩ ma nɛ.) Ama mɩ nɩaa-na joŋ yɩrɩ-zɔŋ-la mɩ sɩ laa pɩba, a mɩɩra pɩ vʋɩyaa sɩ ŋaa kʋpɛɩba nɛ.

JƐRƖMAAYA 2:33

Ma chaasa jɩŋ baalaa chɛnɩŋ nɛ woruŋ. Hachɔrʋŋ wajɩa ma tɩtɩa jaŋ wuo gʋnnɛ wɩaa ma teeŋ.

JƐRƖMAAYA 23:27

Ba bɩɩna ba sɩ bʋl duosoo wɩaa pɩpɩ dɔŋɔ ŋɩɩ jaŋ leŋ dɩ mɩ nɩaa yʋ mɩ wɩaa, arɩ ba naabalɩmaba sɩ kpaarɛ vene-la ba sɩɩ yɩrɛ Baal a yʋ mɩ wɩaa ŋɩɩ.

JƐRƖMAAYA 3:21

Nɩaa nɩɩ yel dundol kpʋlaa nyuŋ, Iziral tɩŋŋaa nɩɩ yel ŋɩɩ aŋ sʋsʋl dɩ mɩ joŋo chɛba, bɛɛ wɩaa ba yʋ mɩ-na ba TƖƖNA Wɩa wɩaa nɛ a vɩa mɩ wombiiŋ.

ƐZƖKƖƐL 22:12

Nɩalɩŋ sɩ hɛ ŋ lɛ yie laa kpalaa aŋ kpʋ nɩaa. Ba yie joŋ kɩaa chɩŋ nɩaa aŋ chɩchɛ nyʋʋrʋŋ yʋgɛ, aŋ gʋrɛ ma Iziral tɩŋŋaa dɔnsʋŋ a kuori. Ma yʋ mɩ wɩaa nɛ. Mɩ-na ma TƖƖNA Wɩɩjarɩbakɔ nɛ bʋla.

HOSIA 8:14

Iziral tɩŋŋaa saa kuoru dɩɩsɩŋ nɛ, Juda nɩaa ma saa kɛrɩsɩŋ golli tabalaa yʋgɛ. Ama ba yʋ mɩ-na Nɩɩ-la sɩ ŋaaba wɩaa nɛ, ŋɩɩ wɩaa mɩ jaŋ joŋ nyiniŋ hɛ tabala-la lɛ, dɩ ʋ joŋ ba dɩ-duoruŋ dii.”

MOSIS BƖRA WULLI WƖA WOMBIIŊ 32:15

Ma Iziral tɩŋŋaa dii kɩaa deemba nɛ a nɛrɛ woruŋ aŋ joŋ harɩŋ yɩa Wɩa sɩ dolie a nagɛ bʋŋ a ŋaama, aŋ vɩa ma Laataara.

Jɔɔŋ Wʋnaalaa 21:2

Ŋɩɩ nɛ mɩ na Wɩa taŋ-la sɩ bɩ disiniŋ kɛnɛ, Jerusalɛm falɩɩ-la, dɩ ʋ lɩɩ Wɩa-jaŋ a kʋ tuu. Wɩa kpɩɛrʋ ʋ zɔŋ a nagɛ ba sɩ yie kpɩɛrɛ haala ŋɩɩ nɛ a kaa mʋ pɩ ʋ bala.

SƖPAALAARAA 8:34

aŋ yʋ ba TƖƖNA Wɩa sɩ laaba ta ba dʋndɔmɔ-la kala sɩ golliba nɩsɩŋ lɛ.