JƐRƖMAAYA 2:27 - WƖA TENIŊ

²⁷ Ba yie bʋla pɩ tɩa, ‘Ŋ nɛ ŋaa la nyɩmma,’ a bʋla pɩ tabɩɩŋ ma, ‘Ŋ nɛ ŋaa la naaŋ.’ Ba joŋ ba harɩŋ yɩamɛ nɛ, ba sɩpaaŋ tuo mɩ lɛ. Ama dɩ wɩaa nɛ jʋʋba, ba yie bʋla pɩmɛ, ‘Kʋ laala ta.’

JƐRƖMAAYA 2:27 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 29:6

La nyɩmmaba fa bɩ wʋtɩtɩɩ kɛnɛ La TƖƖNA Wɩa teeŋ, ba faa ŋaa wɩalɩŋ sɩ bɩ ʋ tʋɔŋ ka tɔrɛ nɛ. Ba fa vɩa La TƖƖNA dɩɩ-bal-la ta nɛ aŋ joŋ harɩŋ yɩa La TƖƖNA.

AZAAYA 26:16

La TƖƖNA, bʋa-la lɛ ŋ sɩ dɔgɩsɛ ŋ nɩaa, ba na hɛɛŋ. Ŋ sɩ lɛrɛ ba dɩgɩlɩŋ ba kɔ ŋ teeŋ nɛ a nɛrɩgɛ munso sʋsʋlʋŋ.

JƐRƖMAAYA 10:8

Ba kala ŋaa nɩaa sɩ chʋʋla arɩ nɩyaaraa nɛ. Daasɩŋ ba sɩ kaa ŋaa vʋɩyaa sɩ ŋaa kʋpɛɩba nɩɩ dagɛba wɩaa.

JƐRƖMAAYA 18:17

Mɩ jaŋ kɛŋ mɩ nɩaa pɩsɛ ba dʋndɔŋŋɔɔ sɩpaaŋ, a nagɛ peliŋ sɩ du lɩɩ wɩɩpɔsʋŋ a paa kʋŋkɔlʋŋ. Mɩ jaŋ joŋ mɩ harɩŋ yɩaba, mɩ sɩpaaŋ dee, tapʋlɩɩ-la wʋlɔrʋnʋŋ sɩ jaŋ jʋʋba.”

JƐRƖMAAYA 2:24

Ma nagɛ kaku-nɩɩŋ sɩ werige a hɛ tintee-hɩlɩŋ lɛ nɛ a gɔllɔ fá ŋmoo mɩɩsɩŋ chɩchɛ belliŋ. Dɩ ʋ nɩɩ chɛ dɩ bele jɩlʋ, nʋʋkala bɩ ʋ wuo kɛrɛ. Dɩ bele kala nɩɩ chɛʋ, ʋ yie bɩ hɛɛŋ na aŋ jɩjɩlʋ.

JƐRƖMAAYA 22:23

Ma Jerusalɛm nɩalɩŋ sɩ hɔnɔ ta jɩa, aa jʋʋ Lɛbanɔŋ kuolo daasɩŋ dɩɩsɩŋ, dɩ hɛɛŋ nɛ jʋʋma, ma jaŋ huuni. Hɛɛ-la jaŋ nagɛ haala sɩɩ chɛ ʋ lʋl, ʋ luoruŋ wʋwɩɩ.”

JƐRƖMAAYA 3:9

Iziral tɩŋŋaa fa sɩ bɩ wʋchɔrʋmɔɔ ŋaanɩŋ joŋo dɩ ʋ ŋaa wʋbɔŋ ŋɩɩ, ba kpʋkpaarɛ tabɩaa arɩ tɩɩsɩŋ a ŋaa disiniŋ a hɛ tintee-la lɛ.

JƐRƖMAAYA 30:7

Tapʋlɩɩ-la chaasa lɔrɛ nɛ. Tapʋlɩɩ dɔŋ jaŋ tuo a nagʋ. Bʋa-la lɛ wʋwalɩmaa jaŋ jʋʋ Jekɔb, ama ʋ jaŋ lɩɩ ba lɛ suoo.”

JƐRƖMAAYA 32:33

Ba joŋ harɩŋ nɛ yɩamɛ, ba sɩpaaŋ tuo mɩ lɛ. Mɩ sɩ dagɛba bʋlɩa bʋlɩa ma kala, ba bɩ jegile nɩɩ, koo a sɛɩ dɩ mɩ kɛmba tʋra kɩɩ.

JƐRƖMAAYA 37:3

Ama kuoro Zedikaaya mɩɩra tɩŋ Sɛlɛmaaya nanʋala Jehukal arɩ Maasɛya nanʋala Zefanaaya sɩ ŋaa Wɩɩsʋllɩ sɩpaalaara dɩ ba kɛŋ tɩndaarɩŋ deeŋ mʋ pɩ Jɛrɩmaaya: “Laa sʋlʋŋ, sʋl La TƖƖNA Wɩa pɩla.”

JƐRƖMAAYA 42:2

kala mʋ Wɩa wʋlaabʋlla Jɛrɩmaaya teeŋ a bʋla pʋ, “Laa sʋlʋŋ, jegile nɩɩ wɩɩ-la la sɩ kɛnɛ, a sʋl ŋ TƖƖNA Wɩa a pɩ la nɩkaanaa deemba. Ŋ tɩtɩa sɩɩŋ na la nɛ lɛɛlɛ, la fa yʋga nɛ woruŋ, ama lɛɛlɛ la baŋmɛnɛ nɛ ka.

ƐZƖKƖƐL 23:35

Ŋɩɩ wɩaa, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Ŋ sɩ folo yʋ mɩ wɩaa a joŋ harɩŋ yɩamɛ, ʋ maga dɩ ŋ na hɛɛŋ a tɩŋ wʋlɩɩlɩ-la arɩ hachɔrʋŋ wɩalɩŋ ŋ sɩ ŋaa wɩaa nɛ.”

ƐZƖKƖƐL 8:16

Ʋ kɛmmɛ kaa kʋ jʋʋ La TƖƖNA dɩ-bal-la kaala tʋɔŋ, mɩ na baalaa mara arɩ banɔŋ dɩ ba chɩŋ Wɩa dɩɩ-bal-la boi-baalɩŋ lɛ, zawʋra arɩ Wɩɩsʋlʋŋ koru-la pɛgɛ, ba harɩŋ jɩa Wɩa dɩɩ-bal-la ka ba sɩaa chaasɛ wɩɩpɔsʋŋ dɩɩrɩŋ a kpirime chʋchʋɔlɛ wɩɩpɔsʋŋ.

DANƖƐL 9:7

La TƖƖNA, ŋ ŋaa tʋɔpʋl Tɩɩna nɛ, ama jɩnɩŋ hɩɩsɩŋ kɛŋ la Juda nɩaa arɩ Jerusalɛm nɩaa arɩ Iziral tɩŋŋaa kala nɛ, nɩalɩŋ sɩ kpaga arɩ nɩalɩŋ kala sɩ hɛ dɩ-boloo, tinteye-la lɛ ŋ sɩ kɛnla pɩsa hɛ a tɩŋ la sɩ bɩ wʋtɩtɩɩ kɛnɛ ŋ teeŋ wɩaa.

HOSIA 4:12

bɩ wɩaa sɩaa jɩŋ. Ba yie pɩɛsɛ tɔmʋŋ ba sɩ kɛŋ daaŋ saa dɩ ʋ dagɛba wɩaa. Ba wʋlɩɩlɩŋ ŋaanɩŋ kɛmba yeŋŋi nɛ. Ba bɩ wʋtɩtɩɩ kɛnɛ mɩ-na ba Wɩa teeŋ.

HOSIA 5:15

Ŋɩɩ lɛ nɛ mɩ jaŋ mɩɩra mʋ mɩ dɩjʋʋlʋŋ a kaa mʋ yi bʋa-la lɛ ba sɩ jaŋ sɛɩ dɩ ba cheye nɛ, a bee chɩchɛmɛ. Hɛɛŋ nɛ jʋʋba, ba jaŋ chaasa bee chɩchɛmɛ.”

HOSIA 7:14

Ba tʋɔŋ kala dee ba kaa yele pɩpɩmɛ, ba mɩɩrɛ mɩ harɩŋ nɛ. Dɩ ba nɛ sʋla chɩchɛ kʋdiilee arɩ sɩnɩŋ ba yie pɩŋ ba bɔsʋnʋŋ lɛ nɛ a ŋmuŋmoo niiŋ a nagɛ nɩalɩŋ sɩ bɩ mɩ jɩŋ sɩɩ ŋaa ŋɩɩ.