JƐRƖMAAYA 2:26 - WƖA TENIŊ

²⁶ A nagɛ ba sɩ yie kɛŋ gaara hɩɩsɩŋ kɛnʋ ŋɩɩ, ŋɩɩ nɛ hɩɩsɩŋ jaŋ kɛŋ Iziral tɩŋŋaa, ba kuoru-balaa, ba tɩntɩnnɩ-hɩasɩŋ, ba Wɩɩsʋllɩ sɩpaalaaraa arɩ ba Wɩa wʋlaabʋllaa kala.

JƐRƖMAAYA 2:26 ပူးပေါင်းရင်းမြစ်များ

ƐZƖRA 9:7

A chɩŋ la naabalɩmaba bʋa lɛ a kaa kɔ jɩnɩŋ, la wʋcheelee chaasa yʋgɛ nɛ woruŋ. A tɩŋ la wʋbɔŋŋɔɔ wɩaa nɛ tɩɩ ŋ joŋ la dɩ la kuoroo arɩ ŋ Wɩɩsʋllɩ sɩpaalaaraa hɛ tintee-wogusuŋ kuoroo nɩsɩŋ lɛ. Ba kpʋla, a laa la kɩaa, aŋ kɛsɛ la dɔnsʋŋ kaa mʋ tɔ bɩnɩŋ dɩa. La dii hɩɩsɩŋ nɛ woruŋ, arɩ jɩnɩmba la ha sɩɩ dii hɩɩsɩŋ ŋɩɩ.

WƖA YƖƖLAA 97:7

Hɩɩsɩŋ dii vʋɩ-kpaaraa nɛ, nɩalɩŋ sɩ kɛŋ vʋɩ-pɛɩpɛɩba-la dɩdagɛ ba tɩtɩa, vesiŋ maa kpirimi La Tɩɩna sɩpaaŋ nɛ.

AZAAYA 1:29

Wʋtɩtɩɩ, hɩɩsɩŋ jaŋ kɛmma a tɩŋ tɩɩsɩ-la ma fa sɩɩ kpaarʋ ba ŋaa ma vesiŋ. Ma jaŋ dii hɩɩsɩŋ tɩɩ-chige-la ma sɩ chɔnsɔ wɩaa, kɩalɩŋ ma sɩ lɩɩsa a tuto.

AZAAYA 44:11

Nɩalɩŋ kala sɩɩ kpaarɛba jaŋ dii hɩɩsɩŋ. Nɩalɩŋ sɩ jɩŋ nɩsɩŋ tɩntɩŋŋaa a mɛ tɔmɔ-la ŋaa nuhuobiinee nɛ a bɩ dol kala kɛnɛ. Leŋ dɩ ba kala kʋ hɛ dɔŋɔ lɛ a bʋl wɩɩ-la ba sɩ kɛnɛ. Fawʋllʋŋ jaŋ kɛmba dɩ hɩɩsɩŋ diiba.

AZAAYA 44:9

Nɩalɩŋ kala sɩɩ mɛ tɔŋŋɔɔ bɩ dol kala kɛnɛ, tɔmɔ-la ma sɩ ŋaa ba sɩɩfɩaŋ kɩaa bɩ bʋbʋa kala kɛnɛ. Nɩalɩŋ sɩɩ kpaarɛ tɔmɔ-la ma ŋaa nyʋlɩma nɛ, a ŋaa nɩyaara. Hɩɩsɩŋ jaŋ diiba.

JƐRƖMAAYA 2:36

Bɛɛ nɛ tɩɩ ma bɩ dɩ-bala chɩna aŋ kɛŋ ma wʋŋaalaa bɩbɩrɩmɛ ŋɩɩ? Asiiria tɩŋŋaa fa sɩ leŋe ma dii hɩɩsɩŋ ŋɩɩ, ŋɩɩ tɩtɩa nɛ Ijipiti tɩŋŋaa ma jaŋ leŋ dɩ ma dii hɩɩsɩŋ.

JƐRƖMAAYA 22:22

Peliŋ jaŋ paa ma sɩpaalaaraa a kaa viiri, ka nɩalɩŋ sɩ kʋ pɛ ma lɛ ma mʋ yoŋ-baga. Nɩaa jaŋ jolimima dɩ hɩɩsɩŋ kɛmma, a tɩŋ ma wʋbɔŋŋɔɔ wɩaa.

JƐRƖMAAYA 32:32

Iziral tɩŋŋaa arɩ Juda nɩaa leŋe mɩ baanɩŋ sii nɛ a tɩŋ wʋbɔmɔ-la kala ba sɩ ŋaa wɩaa, ba dɩ ba kuoroo arɩ ba tɩntɩnnɩ-hɩasɩŋ, ba Wɩɩsʋllɩ sɩpaalaaraa arɩ ba nɩalɩŋ sɩ sɩ ba ŋaa mɩ wʋlaabʋllaa nɛ, a pɛ Juda nɩaa arɩ ba nɩalɩŋ sɩ hɛ Jerusalɛm lɛ.

JƐRƖMAAYA 4:9

La TƖƖNA sɩ, “Tapʋlɩɩ-la, kuoru-balɩŋ arɩ ʋ tɩntɩnnɩ-hɩasɩŋ nandaasɩŋ jaŋ yʋɔrɛ. Wɩɩsʋllɩ sɩpaalaaraa tʋɔŋ jaŋ vɩɩŋɛ. Mɩ wʋlaabʋllaa ma niiree jaŋ maa.”

JƐRƖMAAYA 48:27

Mʋab, ŋ fa sieri Iziral tɩŋŋaa lɛ nɛ. Ŋ kɛnʋ gaaraa tʋɔŋ nɛɛ a magɛ dɩ ŋ vigisi nyuŋ a sisieri ʋ lɛ dɩ ŋ nɩɩ bʋl ʋ wɩaa?

ƐZƖKƖƐL 16:54

Hɩɩsɩŋ jaŋ kɛnɩŋ a tɩŋ ŋ wʋŋaalaa wɩaa, hɩɩsɩ-la sɩ jaŋ kɛnɩŋ daga arɩ ŋ naambiiri-la wʋŋaalaa kpɩa ŋ kɩaa nɛ.

ƐZƖKƖƐL 22:26

Wɩɩsʋllɩ sɩpaalaaraa sɩ hɛ Iziral lɛ chei mɩ wombii-la mɩ sɩ bile dɩ ba tuto nɛ. Ba bɩ mɩ kɩalɩŋ sɩ bɩ disiniŋ kɛnɛ ka zil. Ba bɩ nɩaa daga dɩ ba jɩŋ kɩalɩŋ sɩ bɩ disiniŋ kɛnɛ arɩ kɩalɩŋ sɩ kɛŋ disiniŋ mɩ teeŋ pɛgɛ. Ba dagɛ nɩaa arɩ dabaŋ kala tuo kɩalɩŋ sɩ kɛŋ disiniŋ arɩ kɩalɩŋ sɩ bɩ disiniŋ kɛnɛ pɛgɛ, aŋ bɩra bɩ mɩ chɛ-wiesii-la ma ka to. Ŋɩɩ leŋ ba chei mɩ yɩrɩŋ ba tʋɔŋ.

ZƐKARƖYA 5:4

La TƖƖNA doluŋ kala Tɩɩna sɩ, ‘Mɩ jaŋ leŋ dɩ teŋ-la lɩɩ, a mʋ jʋʋ gaarʋ kala dɩa arɩ nɩalɩŋ sɩɩ nyɩɛ wɩaa aŋ ŋmɩŋmɩɛsɛ mɩ yɩrɩŋ lɛ. Teŋ-la jaŋ ka ʋ dɩa lɛ a chei dɩa-la daasɩŋ arɩ ʋ tabɩaa kala.’ ”

Rom Tɩŋŋaa 6:21

Wɩaa deemba ma fa sɩɩ ŋaa, nyʋʋrʋ bɛɛ nɛ ma na? Wɩalɩŋ mɩɩra ŋaa hɩɩsɩŋ kɛmma nɛ lɛɛlɛ. Ba dɩdɛrɩŋ nɛ saa ŋaa sʋʋŋ.