JƐRƖMAAYA 2:25 - WƖA TENIŊ

²⁵ Má sɩ́ fá dɩ ma naasɩŋ dii dɛrɛ, dɩ ma yikorusuŋ ma hɩl. Ama, ma fa sɩ, ‘La bɩ jaŋ wuo mɩɩrɛ harɩŋ, la cho tintee-wogusuŋ vesiŋ nɛ. La jaŋ to ba harɩŋ.’

JƐRƖMAAYA 2:25 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 28:22

Bʋa deeŋ lɛ wɩaa sɩ jʋʋ Ahas nɛ ʋ wasa vɩa La TƖƖNA niiŋ, a kɩɩ faafaa-la.

2 IZIRAL TƖŊŊAA NAABARƖŊ 28:23

Ʋ faa kpaarɛ Damasɩkʋs tɩmma-la sɩ yuo diiu vesiŋ nɛ, aŋ bɩɩnɛ ʋ tʋɔŋ lɛ a bʋl, “Asiiria tɩŋŋaa vesi-la nɛ pɛ ba kuoroo lɛ a yuo diimi. Mɩ jaŋ kpaarɛba, ŋ bɩ pɔ ba jaŋ pɛ mɩ ma lɛ.” Ama wɩɩŋ deeŋ nɛ wasa lɛrɛ wʋlɔrʋnʋŋ kʋ hɛ Ahas arɩ Iziral tɩŋŋaa kala lɛ.

AZAAYA 2:6

La TƖƖNA, ŋ vɩa ŋ nɩaa nɛ, Jekɔb doho nɩalɩŋ, bɛɛ wɩaa baa ŋaa vʋgʋrʋ wɩaa nɛ, wɩalɩŋ nɩalɩŋ sɩ hɛ wɩɩpɔsʋŋ dɩɩrɩŋ arɩ Fɩlɩsɩtɩa tɩŋŋaa sɩɩ ŋaa. Baa to nɩwogusuŋ naabarɩŋ wombiee nɛ.

AZAAYA 57:10

Maa lɔl ma tɩtɩa nɛ wɩaa deemba kala lɛ, aŋ bɩ chɛ ma leŋ, a tɩŋ ma sɩ cho vesiŋ kɩŋkɛŋ wɩaa a bɩɩnɛ ba jaŋ pɩma doluŋ.

JƐRƖMAAYA 13:21

Wʋbɛɛ nɛ ma jaŋ bʋl dɩ La TƖƖNA nɛ leŋe nɩalɩŋ ma sɩ joŋo arɩ ba dɩ ma niiŋ chaasa ŋaa kʋbala nɛ mɩɩra kɛŋ doluŋ ma nyuŋ? Hɛɛŋ bɩ jaŋ jʋʋma a nagɛ haala sɩɩ chɛ ʋ lʋl ʋ luoruŋ wʋwɩɩ ŋɩɩ?

JƐRƖMAAYA 13:22

Dɩ ma nɛ pɩɛsɛ ma tɩtɩa, “Bɛɛ nɛ tɩɩ wɩɩŋ deeŋ ŋaa la lɛ?” Ma wʋbɔŋŋɔɔ sɩ yʋga wɩaa nɛ tɩɩ ba kɩɛsɛ ma gɛnnɩŋ aŋ dɔgɩsɛma ŋɩɩ.

JƐRƖMAAYA 14:10

Wɩɩ-la La TƖƖNA sɩ bʋla tɩgɛ nɩaa deemba lɛ nɛ ŋ-la: “Ba chaasa cho dɩ ba gɔllɔɔ baarɛ nɛ. Ba naasɩŋ bɩ lee-kala buo. Ŋɩɩ wɩaa mɩ-na ma TƖƖNA bɩ ba laa. Lɛɛlɛ nɛ mɩ jaŋ liisi ba tʋɔhɛɛ wɩalɩŋ ba sɩ ŋaa, a dɔgɩsɛba a tɩŋ ba wʋbɔŋŋɔɔ wɩaa.”

JƐRƖMAAYA 18:12

Ama ba jaŋ bʋl, ‘Ŋɩɩ bɩ bʋbʋa kala kɛnɛ. La jaŋ tuto la wombie-la la tɩtɩa sɩ vʋʋra bil. La kʋŋkala jaŋ kɛŋ nyuduoŋ a to ʋ tʋɔbɔmʋŋ harɩŋ.’ ”

JƐRƖMAAYA 2:31

Iziral tɩmma, má jegile nɩɩ wɩɩ-la mɩ sɩɩ pɩɛsɛma: Mɩ wɩaa hɛyɛ ma teeŋ a nagɛ tintee-hɩlɩŋ wɩaa sɩ hɛyɛ ŋɩɩ nɛ, koo mɩ wɩaa lɔrɛ ma teeŋ a nagɛ birimiŋ wɩaa sɩ lɔrɔ ŋɩɩ nɛ? Bɛɛ nɛ saa tɩɩ ma bʋl: La laa la tɩtɩa nɛ ŋ nɩsɩŋ lɛ dɩ la gɔllɔ ta jɩa, a bɩra bɩ jaŋ mɩɩra kɔ ŋ teeŋ?

JƐRƖMAAYA 22:20

Jerusalɛm nɩaa, má mʋ Lɛbanɔŋ a ŋmoo niiŋ, ma leŋ dɩ Basaŋ nɩaa ma nɩɩ ma yikoro. Má chɩŋ Abarɩm peele-la nyuŋ a ŋmoo niiŋ, bɛɛ wɩaa ba yuo dii nɩalɩŋ kala fa sɩ kʋ pɛ ma lɛ nɛ.

JƐRƖMAAYA 22:21

Mɩ chagɩlɛma nɛ bʋa-la lɛ wɩaa fa sɩ vɛŋ woruŋ aa pɩma, ama ma sɩ, ‘La bɩ jaŋ jegile nɩɩ.’ Ŋɩɩ nɛ ma nagɛ ma hambiriŋ kala lɛ, ma bɩ mɩ niiŋ sɛyɛ.

JƐRƖMAAYA 3:13

Má-na sɛɩ arɩ ma cheye nɛ. Ma fa vɩa mɩ-na ma Tɩɩna Wɩa niiŋ nɛ. Ma joŋ ŋɩɩ ma sɩ chomi a pɩ vesiŋ nɛ tɩɩ-lugunuŋ bʋbʋɔŋ, aŋ vɩa dɩ ma to mɩ niiŋ. Mɩ-na ma TƖƖNA nɛ bʋla.’ ”

JƐRƖMAAYA 44:17

La jaŋ sɛnɛ ŋaa wɩalɩŋ kala la sɩ sɩ la jaŋ ŋaa. La jaŋ nyɩgɛ kʋsʋɔrʋsʋŋ a pɩ wɩa-nyuŋ veŋ ha-kuoru-la aŋ wansɛ kʋnyʋalaa ma a pʋ, a nagɛ la dɩ la naabalɩmaba, la kuoroo arɩ la tɩntɩnnɩ-hɩasɩŋ fa sɩ ŋaa ŋɩɩ Juda tasɩŋ arɩ Jerusalɛm womporunuŋ lɛ. Bʋa-la lɛ, la fa kɛŋ kʋdiilee nɛ woruŋ a kɛŋ kɩaa, wɩɩkala bɩ laa walɩmɛ.

JEMBIEE 1:2

Ʋ chaasa yel nɛ tɩtaŋɩŋ, ʋ chaŋkpaŋŋaa kala ŋaa sɩlɩɩrɩŋ. Ʋ hɩɩlaa kala tʋɔŋ nʋʋkala tuo dɩ ʋ nyagɛ ʋ bɔyɛ. Ʋ tanlɔsʋŋ kala joŋu yallɛ nɛ, ba mɩɩra ŋaa ʋ dʋndɔmɔ nɛ.

JEMBIEE 4:4

Mɩ nɩaa leŋe lɩɩnyʋasʋŋ kɛŋ ba bii-mulluŋ nɛ ba nandelimee jɩla mɛrɛ tilimee lɛ. Hambiisiŋ sʋsʋl kʋdiilee ka nʋʋ bɩ baa pa.

ƐZƖKƖƐL 20:32

Ma sɩ, ‘La ma cho la nagɛ tinteye-la dɔnsʋŋ nɩaa nɛ, nɩalɩŋ sɩ hɛ dʋnɩa lɛ a kpʋkpaarɛ tɩɩsɩŋ arɩ tabɩaa.’ Ama wɩɩ-la ma sɩ bɩɩna bɩ jaŋ kɔ dɩ ʋ ŋaa.

HOSIA 2:3

Ŋɩɩ dee, mɩ jaŋ wuri ʋ kɩaa ka dɩ ʋ kɛŋ yarɩ-biree a nagɛ tapʋlɩɩ-la ba sɩ lʋlʋ. Mɩ jaŋ leŋ dɩ ʋ nagɛ tintee-hɩlɩŋ a nagɛ tinteeŋ sɩ hɩla kori-kori dɩ lɩɩnyʋasʋŋ kpʋʋ dɩ ʋ sʋʋ.

HOSIA 2:5

Ba naaŋ ŋaa hachɔrʋŋ nɛ a ŋaa hɩɩsɛ wɩaa a kɛŋ ba luoruŋ. Ʋ sɩ, “Mɩ jaŋ kire to mɩ hɩɩlaba harɩŋ, nɩalɩŋ sɩɩ pɩmɛ mɩ kʋdiilee arɩ lɩɩŋ, pie-pʋnaa gɛnnɩŋ arɩ gɛrɩ-fʋfʋlʋŋ, nʋʋŋ arɩ girep nɛnɛɛ sɩnɩŋ.

MALAKAƖ 3:14

Wɩɩ-la ma sɩ bʋla nɛ ŋ-la: ‘Ʋ ŋaa wʋpɛɩ nɛ dɩ la nɩɩ to Wɩa. Wʋzɔŋ bɛɛba nɛ la na bʋa-la lɛ la sɩ to wɩalɩŋ ʋ sɩ dagɛla a kɛŋ la tɩtɩa muuri La TƖƖNA doluŋ kala Tɩɩna sɩpaaŋ a dagɛ arɩ la tʋɔŋ chei la wʋbɔŋŋɔɔ wɩaa nɛ?

Luuk 15:22

Ama ʋ nyɩmma ha bʋla pɩ ʋ tɩntɩnnaa a bʋl, ‘Má mʋ lɩma a joŋ gɛrɩ-zɔmʋŋ a kaa kʋ laalʋ. Má joŋ nenii-pɩrɩŋ ma a hɛ ʋ nɩsɩŋ aŋ joŋ nɛntɛŋŋɛɛ ma a hɛʋ.

Luuk 16:24

Ŋɩɩ nɛ ʋ yɩrʋ a bʋl, ‘Mɩ nyɩmma Abɩraham, fá mɩ nenige aŋ tɩŋ Lazarɔs dɩ ʋ kɛŋ ʋ neniiŋ yuu lɩɩŋ a kaa kɔ a fɩɛlɛ mɩ nandelimiŋ. Mɩɩ na hɛɛŋ nɛ woruŋ nyiniŋ deeŋ tʋɔŋ.’

Rom Tɩŋŋaa 8:24

La sɩ kɛŋ yɩɛlaa Wɩa lɛ nɛ tɩɩ ʋ laala ta. Dɩ la nɛ na wɩalɩŋ la sɩɩ yɩɛlʋ, ʋ bɩra bɩ maga dɩ la yɩyɩɛlɛ wɩɩ. Dɩ nʋʋ nɛ yɩɛlɛ kʋŋ, dɩ ʋ nɛ naʋ, ʋ jaŋ bɩra yɩyɩɛlɛ kʋ-la wɩaa? Aɩ.

MOSIS BƖRA WULLI WƖA WOMBIIŊ 28:48

Ŋɩɩ wɩaa, ma jaŋ kɛŋ losuŋ, lɩɩnyʋasʋŋ, yarɩ-biree, a nyaabɛ, aŋ pɛ tɩma pɩpɩ ma dʋndɔmɔ-la ma TƖƖNA Wɩa sɩ joŋo hɛ ma lɛ. La TƖƖNA jaŋ leŋ dɩ ma chaasa na hɛɛŋ ŋɩɩ a mʋ sʋʋ.

MOSIS BƖRA WULLI WƖA WOMBIIŊ 32:16

Ma to vesiŋ, wɩɩ-la ʋ sɩɩ kɩsʋ a leŋ ʋ yaraa bieri ʋ na baanɩŋ ma nyuŋ.