JƐRƖMAAYA 2:21 - WƖA TENIŊ

²¹ Mɩ fa leŋe ma chɩŋ nɛ a nagɛ girep tɩa naakeliŋ sɩ chaasa zɔŋ ba kere chɔnsɛ. Bɛɛ nɛ saa tɩɩ ma mɩɩra chɩŋ mɩ lɛ a nagɛ girep tɩa sɩ yalɩba a bɩ bʋbʋɔ kɛnɛ?

JƐRƖMAAYA 2:21 ပူးပေါင်းရင်းမြစ်များ

WƖAA DƖ-SUOMUŊ 18:19

Mɩ nɛ lɩɩsʋ dɩ ʋ dagɛ ʋ biiriŋ arɩ ʋ doho nɩaa sɩ jaŋ to harɩŋ kɔ mɩ wombiiŋ dɩ ba kɛŋ wʋtɩtɩɩ, a ŋɩŋaa wɩaa ba bʋa lɛ, dɩ ŋɩɩ leŋ dɩ mɩ ŋaa wɩɩ-la mɩ sɩ bʋla pɩ Abɩraham arɩ mɩ jaŋ ŋaa pʋ.”

WƖAA DƖ-SUOMUŊ 32:28

Ŋɩɩ nɛ baal-la bʋl, “Ŋ yɩrɩŋ bɩra bɩ jaŋ ŋaa Jekɔb. Ŋ yɩrɩŋ nɛ Iziral, bɛɛ wɩaa ŋ kɛŋ Wɩa arɩ nuhuobiinee loo nɛ a lobo dii.”

WƖA YƖƖLAA 105:6

ma-na Abɩraham sɩ ŋaa ʋ tɩntɩnna doho nɩaa, Jekɔb biiriŋ, nɩalɩŋ ʋ sɩ lɩɩsa.

WƖA YƖƖLAA 44:2

Ŋ kɛŋ ŋ naduo-la nɛ kiri tinteyee nɩaa ta aŋ leŋ la naabalɩmaba hɔŋ ba tinteeŋ lɛ. Ŋ leŋe wɩaa jʋʋ nɩalɩŋ nɛ, ka la naabalɩmaba dʋa woruŋ.

WƖA YƖƖLAA 80:8

La nagɛ girep tɩa nɛ, ŋ kɛnla kaa lɩɩ Ijipiti tinteeŋ lɛ. Ŋ kiri tinteyee dɔnsʋŋ nɩaa nɛ aŋ jonla chɔnsɛ.

WƖA YƖƖLAA 80:9

Ŋ wasɛ leriŋ gollu nɛ, ʋ naapoloo tuu tinteeŋ woruŋ, ʋ jɛrɛ laa tintee-la kala.

MOSIS KƐŊ IZIRAL TƖŊŊAA LƖƖ 15:17

Ŋ jaŋ kɛmba jɩla hɛ ŋ peeliŋ nyuŋ, ŋ tɩtɩa dɩhɔnʋŋ, lee-la ŋ sɩ sɩ ŋ jaŋ joŋo pɩba, lee-la ŋ sɩ saa pɩ ŋ tɩtɩa a jʋjʋʋ.

AZAAYA 1:21

Jerusalɛm fa nagɛ haala sɩ kɛŋ wʋtɩtɩɩ nɛ arɩ ʋ bala, ama lɛɛlɛ ʋ mɩɩra bɩrɩmɛ nɛ a ŋɩŋaa wʋlɩɩlɩŋ. Taŋ-la nɩaa fa kɛŋ wʋtɩtɩɩ, tʋɔpʋl tɩŋŋaa nɛ fa hɛ taŋ-la lɛ, ama lɛɛlɛ nɩkpʋʋraa nɛ suo.

AZAAYA 27:2

Tapʋlɩɩ-la, La TƖƖNA jaŋ bʋl ŋ-la a mʋ tɩgɛ ʋ tɩɩnɛnɛɛ baga-la sɩ nɛŋ woruŋ lɛ:

AZAAYA 41:8

Ama ma-na Iziral tɩŋŋaa mɩ tɩntɩnnaa, ma nɛ mɩ lɩɩsɛ, mɩ nandɔŋɔ Abɩraham doho nɩaa.

AZAAYA 5:4

Wʋbɛɛ nɛ fa maga dɩ mɩ ŋaa mɩ girep tɩɩsɩŋ baga-la lɛ ka mɩ bɩ ŋaa? Mɩ faa chɛ dɩ ʋ nɛŋ nɛŋ-zɔŋŋɔɔ nɛ, ka ʋ mɩɩra nɛŋ nɛŋ-lɔrʋnʋŋ dʋndʋŋa.

AZAAYA 60:21

Ŋ nɩaa kala jaŋ ŋaa tʋɔpʋl tɩmma, ba jaŋ tɩɩ tintee-la a kaa mʋ wuu. Ba nagɛ tɩɩsɩŋ mɩ sɩ chɔnsɔ nɛ, mɩ tɩntɩmɩŋ nɛ ŋɩɩ dɩ mɩ dagɛ mɩ doluŋ.

AZAAYA 61:3

Tʋɔ-chei-la nɩalɩŋ sɩ hɛ Zaayɔŋ lɛ sɩ kɛnɛ, ʋ jaŋ leŋ dɩ ba mɩɩra kɛŋ tʋɔtɔrʋŋ, dɩ tʋɔ-chei-la lɛl. Ba tʋɔŋ fa sɩ chei ŋɩɩ, ba jaŋ mɩɩra yɩɩ tʋɔtɔrɛ yɩɩlaa. Ba kala jaŋ nagɛ tɩɩsɩŋ La TƖƖNA tɩtɩa sɩ chɔnsɔ. Ba jaŋ ŋaa wɩalɩŋ sɩ zɔmɔ a leŋ dɩ La TƖƖNA yɩrɩŋ yɩrɛ.

JƐRƖMAAYA 11:16

Mɩ-na ma TƖƖNA faa yɩrɛma olif tɩa sɩ kɛŋ pɩpaarɩŋ nɛ, a kɛŋ nɛnɛɛ sɩ faasa zɔŋ. Ama mɩ jaŋ leŋ dɩ pel-duoŋ dɔmɔ sɩ nagɛ taŋ sɩ dɔmɔ lu ʋ nyuŋ, a bori ʋ naakelee, dɩ nyiniŋ diiu.

JƐRƖMAAYA 11:17

Mɩ-na ma TƖƖNA, doluŋ kala Tɩɩna sɩ leŋe ma hɛ nɩmɛ, bʋla arɩ wʋlɔrʋŋ jaŋ jʋʋma, bɛɛ wɩaa ma Iziral arɩ ma Juda nɩaa ŋaa wʋbɔŋŋɔɔ nɛ a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a ŋaa mɩ baanɩŋ sii.”

JƐRƖMAAYA 5:10

Má gɔllɛ ʋ girep tɩɩsɩŋ bagɩsɩŋ a cheiba, ama má sɩ́ ba kala chei gbelem gbelem. Má keri ba naakelee ta, bɛɛ wɩaa nɩaa deemba bɩ mɩ-na ma TƖƖNA nɩaa ŋaa.

JEMBIEE 4:1

Sɛlɩmɛ tʋla lɩa, sɛlɩmɛ sɩ zɔmɔ ŋɩɩ bɩrɩmɛ kʋpɛɩ. Wɩa dɩɩ-bal-la tabɩɩ-zɔŋŋɔɔ jaasa pɩŋ womporuŋ lɛ nɛ.

ƐZƖKƖƐL 15:2

“Nuhuobiiŋ, ɛɛ nɛ girep sɩ ŋaa tɩɩbɛ ʋ daaŋ jaŋ ŋaa a kpɩa duuŋ tɩa na-kala tɩɩ-naakeliŋ?

Matiu 21:33

Ŋɩɩ nɛ Yesu bɩra magɛ namaga dɔŋɔ a bʋl, “Baal kʋbala nɛ bil baga a chɔnsɛ girep tɩɩsɩŋ. Ʋ saa kɛrɛ golli baga-la, a lu bʋa baga-la lɛ dɩ ba chagɛ girep nɛnɛ-la lɩɩŋ hɩhɛ, aŋ saa dɩɩ-leŋiŋ a hɔnɔ pɔ. Ŋɩɩ nɛ ʋ paa nɩaa a hɛ ʋ baga-la tʋɔŋ dɩ ba tɩtɩŋ, aŋ mʋ taŋ dɔŋ.

Maak 12:1

Yesu bɩra magɛ namaga a pɩba, “Baal kʋbala nɛ bil baga a chɔnsɛ tɩɩsɩ-la ba sɩɩ yɩrɛ girep. Ʋ lɩgɛ baga-la golli nɛ, a lu bʋa baga-la tʋɔŋ dɩ ba chagɛ tɩɩsɩ-la nɛnɛɛ lɩɩŋ ba sɩ kaa ŋɩŋaa sɩnɩŋ hɩhɛ, aŋ saa dɩɩ-leŋiŋ ma dɩ ba hɔŋ nɩmɛ a pʋpɔ baga-la. Ʋ paa nɩaa a hɛ ʋ baga-la tʋɔŋ dɩ ba tɩtɩŋ. Ka ʋ mʋ taŋ dɔŋ.

Luuk 20:9

Ŋɩɩ nɛ Yesu magɛ namaga deeŋ a pɩ nɩalɩŋ, “Baal kʋbala nɛ fa hɛ nɩmɛ a bil baga a chɔnsɛ girep tɩɩsɩŋ. Ŋɩɩ nɛ ʋ paa nɩaa hɛ baga-la lɛ dɩ ba bibeŋ, aŋ sii mʋ tintee dɔŋ a dieni nɩmɛ.

Jɔɔŋ 15:1

Ŋɩɩ nɛ Yesu bʋl, “Mɩ nɛ ŋaa tɩɩ-tɩtɩɩ-la. Mɩ Nyɩmma ma nagɛ nɩɩ-la sɩɩ beŋ tɩa-la nɛ.

MOSIS BƖRA WULLI WƖA WOMBIIŊ 32:32

Ba wʋŋaalaa nagɛ Sodom arɩ Gomora nɩaa nɛ. Ba nagɛ girep nɛnɛɛ sɩ kɛŋ huoŋ nɛ, ba nɛnɛɛ jagɩsɩŋ kala hɛɩ.

MOSIS BƖRA WULLI WƖA WOMBIIŊ 4:37

Ʋ sɩ cho ma naabalɩmaba nɛ tɩɩ ʋ lɩɩsɛma, a tɩtɩa kɛmma kaa kʋ lɩɩ Ijipiti tinteeŋ lɛ arɩ ʋ doluŋ.

JOSUA 24:31

Josua mɩɩsɩŋ kala lɛ, Iziral tɩŋŋaa fa to La TƖƖNA nɛ woruŋ. Ʋ sʋʋŋ harɩŋ ma, nɩhɩasɩ-la kala sɩ hɛ ba mɩɩsɩŋ lɛ a na wɩalɩŋ La TƖƖNA sɩ ŋaa pɩ Iziral tɩŋŋaa, ba mɩɩsɩŋ kala lɛ Iziral tɩŋŋaa fa ha to Wɩa nɛ.