JƐRƖMAAYA 2:19 - WƖA TENIŊ

¹⁹ Ma tɩtɩa wʋbɔŋŋɔɔ nɛ jaŋ gʋra diima. Ma sɩ mɩɩrɛ mɩ harɩŋ, ŋɩɩ jaŋ leŋ dɩ ma laa cheeriŋ. Lɛɛlɛ nɛ ma jaŋ jɩŋ arɩ ʋ ŋaa wʋbɔŋ nɛ, a ŋaa wʋtɔɔ, ma sɩ vɩamɛ a bɩ mɩ-na ma TƖƖNA Wɩa ka fá. Mɩ-na ma TƖƖNA doluŋ kala Tɩɩna nɛ bʋla.

JƐRƖMAAYA 2:19 ပူးပေါင်းရင်းမြစ်များ

1 KUOROO 18:18

Ɩlaaja bʋl, “Mɩ bɩ wɩɩkala hɛ Iziral tinteeŋ lɛ. Ŋ dɩ ŋ nyɩmma dɩa nɩaa nɛ hɛ wɩaa. Ma nɛ vɩa wɩalɩŋ La TƖƖNA sɩ daga aŋ mʋ tuto vene-la ba sɩɩ yɩrɛ Baal.

2 IZIRAL TƖŊŊAA NAABARƖŊ 12:5

Ŋɩɩ nɛ Wɩa wʋlaabʋllʋ-la ba sɩ yɩrɛ Sɛmaaya kɔ Rihobuam arɩ Juda sɩpaalaara-la sɩ hilimi Jerusalɛm lɛ teeŋ a tɩŋ ba sɩɩ fá Sɩsak wɩaa a bʋla pɩba, “Ŋ-la nɛ La TƖƖNA bʋl, ‘Má vɩamɛ nɛ, ŋɩɩ wɩaa, mɩ ma vɩama hɛ Sɩsak nɩsɩŋ lɛ nɛ.’ ”

2 IZIRAL TƖŊŊAA NAABARƖŊ 21:10

Ɛdɔm tɩŋŋaa ha vɩa dɩ ba to Juda nɩaa nɛ arɩ jɩnɩŋ kala. Bʋa-la tɩtɩa lɛ nɛ taŋ-la ba sɩɩ yɩrɛ Lɩbɩna nɩaa ma vɩa dɩ ba to Juda kuoro Jehoram a tɩŋ ʋ sɩ vɩa La TƖƖNA, ba naabalɩmaba Wɩa.

2 IZIRAL TƖŊŊAA NAABARƖŊ 25:16

Ʋ fa ha sɩɩ bʋl wɩaa ŋɩɩ, kuoro pɩɛsʋ, “La lɩɩsɩŋ nɛɛ dɩ ŋ chagɩlɛ kuoroo? Bɩra sɩ́ wɩɩ bʋl, dɩ ŋɩɩ dee mɩ jaŋ leŋ dɩ ba kpʋŋ.” Ŋɩɩ nɛ Wɩa wʋlaabʋllʋ-la leŋ, aŋ bʋl, “Mɩ jɩma arɩ Wɩa ŋaa siri nɛ dɩ ʋ cheyiŋ, bɛɛ wɩaa ŋ ŋaa wʋbɔŋŋɔɔ deemba kala nɛ aŋ bɩra vɩa dɩ ŋ jegile nɩɩ mɩ sɩɩ chagɩlɩŋ.”

WƖA YƖƖLAA 36:1

Nɩbɔŋŋɔɔ bɩ Wɩa ka fá, wʋbɔŋŋɔɔ dʋndʋŋa nɛ ba bɩbɩɩnɛ ba tʋɔŋ lɛ.

MOSIS KƐŊ IZIRAL TƖŊŊAA LƖƖ 33:6

Ŋɩɩ nɛ Iziral tɩŋŋaa wuri ba kpɩɛraa kala ta peel-la ba sɩɩ yɩrɛ Sɩnaɩ bʋbʋɔŋ.

NAMAGABA 1:31

ma jaŋ na hɛɛŋ a tɩŋ ma mɛlɛ-la wɩaa, dɩ wɩalɩŋ ma sɩ ŋaa mɩɩra nyʋa ma nyuŋ lɛ.

NAMAGABA 1:32

Yaarɩŋ nɛ yie kpʋ nɩyaaraa, chʋʋlʋŋ nɛ yie kpʋ nɩɩ-la sɩ vɩa dɩ ʋ gʋnnɛ wʋjɩmɩŋ.

NAMAGABA 5:22

Nɩbɔmʋŋ wʋŋaalaa gʋra kɛŋ ʋ tɩtɩa nɛ. Ʋ wʋbɔŋŋɔɔ vɔbʋ.

AZAAYA 3:9

Dɩ ŋ nɛ beŋ ba sɩaa lɛ, ŋ jaŋ jɩŋ arɩ ba ŋaa wʋbɔŋ ŋaara nɛ. Ba yie ŋaa wʋbɔmʋŋ pʋlʋmʋŋ tʋɔŋ a nagɛ Sodom tɩŋŋaa fa sɩɩ ŋaa ŋɩɩ nɛ, ba bɩ kaa fɩfaa. Ba jaŋ na hɛɛŋ, ba tɩtɩa nɛ lɛrɛ wʋlɔrʋŋ deeŋ kʋʋ hɛ ba tɩtɩa lɛ.

AZAAYA 5:5

Lɛɛlɛ, mɩ jaŋ bʋl wɩɩ-la mɩ sɩ jaŋ joŋo ŋaa mɩ girep tɩɩsɩŋ baga-la lɛ a pɩma. Mɩ jaŋ kɩɛsɛ lɩga-la aŋ ka dɩ ʋ kala chei, mɩ jaŋ ŋmoo ʋ jebii-la lo ka dɩ baga kɩaa jʋʋ didii tɩɩnɛnɛ-la.

AZAAYA 50:1

Wɩɩ-la La TƖƖNA sɩ pɩɛsɛ Iziral tɩŋŋaa nɛ ŋ-la: “Teŋ-la mɩ sɩ ŋmʋnsa pɩ ma naaŋ, aŋ kiru ta hɛ nɩɩ nɛ? Koo kʋbɛɛ chɩŋ nɛ mɩ dii a joŋu yalla tiŋ? Ma wʋbɔŋŋɔɔ wɩaa nɛ tɩɩ ma nagɛ nʋʋ ba sɩ yalla. Ma wʋcheelee nɛ tɩɩ mɩ kirima ta.

JƐRƖMAAYA 1:16

Mɩ jaŋ dii mɩ nɩaa sarɩya a tɩŋ ba wʋbɔŋŋɔɔ wɩaa. Ba vɩamɛ nɛ, aŋ nyɩgɛ kʋsʋɔrʋsʋŋ pɩpɩ vesiŋ a kpʋkpaarɛ vʋɩyaa ba tɩtɩa sɩ ŋaa.

JƐRƖMAAYA 13:22

Dɩ ma nɛ pɩɛsɛ ma tɩtɩa, “Bɛɛ nɛ tɩɩ wɩɩŋ deeŋ ŋaa la lɛ?” Ma wʋbɔŋŋɔɔ sɩ yʋga wɩaa nɛ tɩɩ ba kɩɛsɛ ma gɛnnɩŋ aŋ dɔgɩsɛma ŋɩɩ.

JƐRƖMAAYA 2:17

Ma nɛ lɛrɛ wɩɩŋ deeŋ kʋ hɛ ma tɩtɩa lɛ, ma sɩ vɩa mɩ-na ma TƖƖNA Wɩa, mɩ nɛ fa kɛmma vɩvɛŋ.

JƐRƖMAAYA 3:22

Ma ŋaa nɩa sɩ bɩ wʋtɩtɩɩ kɛnɛ nɛ, má mɩɩra kɔ mɩ teeŋ. Mɩ jaŋ vaarɛma a leŋ dɩ ma kɛŋ wʋtɩtɩɩ.” Nɩalɩŋ jaŋ bʋl, “La jaŋ kɔ ŋ teeŋ, ŋ nɛ La TƖƖNA Wɩa.

JƐRƖMAAYA 4:18

Ma tɩtɩa mɛlɛ arɩ ma wʋŋaalaa nɛ lɛrɛ wɩɩŋ deeŋ kʋ hɛ ma lɛ. Ŋɩɩ ba sɩ jaŋ dɔgɩsɛma nɛ ŋɩɩ. Ʋ faasa hɛɩ nɛ. Ʋ wɩɩ jʋʋ kɛŋ ma chʋbagɩlɩŋ-buguluŋ nɛ woruŋ.

JƐRƖMAAYA 5:22

La TƖƖNA pɩɛsa, “Ma bɩ mɩ ka fáa? Ma bɩ maga dɩ ma chichel mɩ sɩpaaŋ? Mɩ-na nɛ bil hagɩlɩ-bumbugulo ʋ ŋaa mʋgʋ-balɩŋ bʋa, bʋa-la hɛ nɩmɛ nɛ a kaa mʋmʋ wuu, ʋ bɩ jaŋ wuo cholu. Lɩɩ-peliŋ jaŋ wuo sii, ama ʋ bɩ jaŋ wuo cholu. Ba jaŋ wuo huuri woruŋ, ama ba bɩ jaŋ wuo cholu.

JƐRƖMAAYA 5:24

Ba vɩa dɩ ba bʋl, ‘Má leŋ dɩ la zil La TƖƖNA Wɩa, ʋ nɛ leŋe duonuŋ nɩɩ pɩpɩla ʋ bʋa lɛ. Ʋ nɛ yie leŋ la kɩaa wasɛ woruŋ la ŋaa.’

JƐRƖMAAYA 5:6

Ŋɩɩ wɩaa, naachigiŋ jaŋ lɩɩ duuŋ tʋɔŋ a kʋ kpʋba. Guŋguro jaŋ lɩɩ tintee-hɩlɩŋ a kʋ kɛmba pʋɔsɛ. Kpeye jaŋ faa kpagɛ ba tasɩŋ a gbɛrɛba, dɩ nʋʋkala nɛ kʋ lɩɩ, ʋ jaŋ kɛnʋ pʋɔsɛ. Ba chaasa vɩa La TƖƖNA nɛ, wɩalɩŋ ba sɩ ŋaa chei yʋga nɛ.

JƐRƖMAAYA 7:19

Mɩ-na baanɩŋ lɛ dee ba didii. Ba tɩtɩa nɛ ba dʋdɔgɩsɛ, a hɩhɩɩsɛ ba tɩtɩa ma. Mɩ-na ma TƖƖNA nɛ bʋla.

JƐRƖMAAYA 8:5

Bɛɛ nɛ saa tɩɩ nɩaa deemba vɩa dɩ ba mɩɩra kɔ mɩ teeŋ? Bɛɛ nɛ tɩɩ Jerusalɛm nɩaa yie mɩɩrɛ mɩ harɩŋ? Ba nyʋa mɛrɛ vʋɩyaa sɩɩ nyɩsɛba lɛ nɛ, aŋ vɩa dɩ ba mɩɩra kɔ mɩ teeŋ.

ƐZƖKƖƐL 23:30

kɛŋ wɩɩŋ deeŋ kʋ hɛ ŋ lɛ, bɛɛ wɩaa ŋ hɩɛnɛ baalaa nɛ a kire to tinteyee nɩaa harɩŋ a kpaarɛ ba vʋɩyaa a ŋaa disiniŋ hɛ ŋ tɩtɩa lɛ.

ƐZƖKƖƐL 39:24

Mɩ joŋ wɩaa deemba ŋaa ba lɛ a tɩŋ ba disiŋ wʋŋaalaa arɩ ba nɩbɔŋ wʋŋaalaa wɩaa nɛ, a joŋ harɩŋ yɩaba.

HOSIA 11:7

Mɩ nɩaa kɛŋ ba tʋɔŋ dɩ ba mɩɩrɛ mɩ harɩŋ nɛ. Dɩ ba nɛ paala sʋla yɩrɛ mɩ-na Wɩa sɩ kɩɩ kʋŋkala ma, mɩ bɩ jaŋ pɛ ba lɛ.

HOSIA 13:9

Iziral tɩmma, ma chei ma tɩtɩa, bɛɛ wɩaa ma lɩɩ mɩ-na Nɩɩ-la sɩɩ pɛ ma lɛ harɩŋ nɛ.

HOSIA 14:1

Iziral tɩmma, má mɩɩra mʋ ma TƖƖNA Wɩa teeŋ. Ma wʋbɔŋŋɔɔ nɛ leŋe ma tel.

HOSIA 4:16

Iziral tɩŋŋaa nyuŋ dolie a nagɛ nɛ-pa-werigiŋ nɛ. Ɛɛ nɛ saa La TƖƖNA jaŋ wuo dɩɛsɛba a nagɛ pie-biisiŋ sɩ hɛ pʋsʋŋ dɩ-diiliŋ?

HOSIA 5:5

Iziral tɩŋŋaa sɩɩ-duoŋ daga arɩ ba laa cheeriŋ nɛ, Iziral tɩŋŋaa arɩ Efirem nɩaa wʋbɔŋŋɔɔ leŋe ba gɛrɛ tel nɛ. Juda nɩaa ma to ba harɩŋ a gɛrɛ tel ŋɩɩ tɩtɩa.

HOSIA 7:2

Ama ba bɩ jɩŋ dɩ mɩɩ liisi ba wʋbɔŋŋɔɔ kala nɛ. Ba wʋbɔŋŋɔɔ golliba nɛ, ba hɛ mɩ sɩpaaŋ bʋa na-kala.

HOSIA 9:1

Iziral tɩmma, má sɩ́ jʋɔsʋ, a sɩ́ gbielu a nagɛ tinteyee dɔnsʋŋ nɩaa sɩɩ ŋaa ŋɩɩ, bɛɛ wɩaa ma bɩ wʋtɩtɩɩ kɛnɛ ma Wɩa teeŋ aŋ mɩɩra gɔllɔɔ kpaarɛ vesiŋ aa chɛ dɩ ma kʋpɛrɛɛ faasa wasɛ.

AMƆS 8:10

Mɩ jaŋ leŋ dɩ ma Wɩɩchʋɔlɛ gbielee kala bɩrɩmɛ yoho. Ma yɩɩlaa ma kala jaŋ bɩrɩmɛ yele. Ma jaŋ laalɛ tʋɔ-chei gɛnnɩŋ aŋ fʋŋ ma nyusuŋ a nagɛ nʋʋ sɩ lʋl ʋ hambolibii-bala ʋ sʋʋ ʋ yiyel. Tapʋlɩɩ-la dɩdɛrɩŋ jaŋ lɔrɛ.”

MƖKA 1:5

Wɩaa deemba kala jaŋ ŋaa a tɩŋ Jekɔb doho nɩaa, Iziral tɩŋŋaa sɩ vɩa Wɩa aŋ ŋaa wʋbɔŋŋɔɔ. Kʋbɛɛ nɛ ba jaŋ dɔŋ a tɩŋ ba wʋbɔmɔ-la wɩaa? Samarɩa sɩ ŋaa ba tabalɩŋ dee? Nɩɩ nɛ Juda nɩaa vʋɩ-kpaarɛ leree hɛ? Jerusalɛm sɩ ŋaa ba tabalɩŋ lɛ dee?

ZƐKARƖYA 7:11

Ama ba vɩa dɩ ba jegile nɩɩ nɛ. Ba kɛŋ nyuduoŋ nɛ a joŋ harɩŋ yɩa wɩalɩŋ a bɩ chɛ ba jʋʋ ba dɩgɩlaa.

Rom Tɩŋŋaa 3:18

“Ba bɩ Wɩa ma ka fá.”

SƖPAALAARAA 10:13

Ama ma vɩamɛ nɛ aŋ mɩɩra tuto vesiŋ, ŋɩɩ wɩaa mɩ bɩra bɩ jaŋ laama ta.