Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JƐRƖMAAYA 2:18 - WƖA TENIŊ

18 Lɛɛlɛ, wʋbɛɛ nɛ ma bɩɩnɛ ma jaŋ na dɩ ma nɛ mʋ Ijipiti tinteeŋ a nyʋa fuo-la ba sɩɩ yɩrɛ Naayɩl lɩɩŋ? Koo dɩ ma nɛ mʋ Asiiria tinteeŋ a nyʋa fuo-la ba sɩɩ yɩrɛ Yufireti lɩɩŋ?

အခန်းကိုကြည့်ပါ။ ကော်ပီ




JƐRƖMAAYA 2:18
18 ပူးပေါင်းရင်းမြစ်များ  

Bʋa-la lɛ nɛ Juda tinteeŋ kuoro Ahas tɩŋ ba mʋ bʋla pɩ Asiiria tinteeŋ kuoro Tɩgɩlaf Pɩlɩsa dɩ ʋ kʋ pɛ ʋ lɛ yuo ʋ dʋndɔŋŋɔɔ.


Ma bayalaa chol fuo-balɩŋ arɩ lɩɩŋ daborusuŋ, ba dɩ tintee daŋ didii yɔbɔ. Ba kɛŋ mɩaa lɩɩ Naayɩl fuo-la niiŋ Ijipiti tinteeŋ a kɔ Taaya nɛ, nɩmɛ bɩrɩmɛ yɔɔ-bal a pɩ tinteyee nɩaa.


Wɩɩŋ puu nɩalɩŋ sɩ mʋ Ijipiti tinteeŋ a chɩchɛ dɩ ba pɛ ba lɛ, a joŋ ba yɩɛlaa hɛ janɩŋ arɩ janɩŋ torukoba-la ba sɩ kaa yuo laalɩŋ sɩ yʋga lɛ arɩ ja-jɩllaa sɩ kɛŋ doluŋ woruŋ, aŋ vɩa dɩ ba mʋ Iziral tɩŋŋaa Wɩa sɩ bɩ disiniŋ kɛnɛ teeŋ, koo a chɩchɛ dɩ La TƖƖNA pɛ ba lɛ.


Dɩ tapʋlɩɩ-la nɛ yie, La TƖƖNA jaŋ kɛŋ Asiiria kuoro a lɩɩ Yufireti fuo-la harɩŋ kɔ. Ʋ jaŋ nagɛ nyu-fʋna a fʋŋ ma nyu-pʋnaa arɩ ma naapʋnaa arɩ ma tɔŋŋɔɔ kala.


Bɛɛ nɛ tɩɩ ma bɩ dɩ-bala chɩna aŋ kɛŋ ma wʋŋaalaa bɩbɩrɩmɛ ŋɩɩ? Asiiria tɩŋŋaa fa sɩ leŋe ma dii hɩɩsɩŋ ŋɩɩ, ŋɩɩ tɩtɩa nɛ Ijipiti tɩŋŋaa ma jaŋ leŋ dɩ ma dii hɩɩsɩŋ.


Ɛɛ nɛ maa chɛ ma gɔllɔ baara diene magɛ, ma Iziral tɩŋŋaa sɩ bɩ wʋtɩtɩɩ kɛnɛ? La TƖƖNA jaŋ ŋaa wʋfalɩɩ dʋnɩa lɛ, haala jaŋ pʋpɔ baala.”


La bee chɩchɛ nʋʋ nɛ dɩ ʋ kʋ pɛ la lɛ a lɔl, La sɩ sagɛ dɩɩ-leŋee nyuŋ a bee chɩchɛ tintee-la nɩaa dɩ ba pɛ la lɛ, ba bɩ jaŋ wuo laala ta.


La joŋ la tɩtɩa pɩ Ijipiti arɩ Asiiria tɩŋŋaa nɛ, dɩ la wuo na kʋdiilee dii.


Ŋ kɛŋ ŋ hachɔrʋŋ wɩalɩŋ yi Asiiria tɩŋŋaa ma nɛ, a leŋ ba kɛnɩŋ pɩpɩŋ a tɩŋ baalaa sɩ bɩŋ ka vɔgɛ wɩaa. Ka ŋ ha paala bɩ vɔgɔ.


Ama Juda kuoro nɩɩ-la kʋ magɛ ŋɩɩ, a vɩa dɩ ʋ to Babɩlɔŋ kuoro niiŋ aŋ tɩŋ nɩaa dɩ ba mʋ Ijipiti tinteeŋ a kɛsɛ janɩŋ arɩ laalɩyuori-daŋ kɔ. Kuoro deeŋ jaŋ wuo na wɩɩ-la ʋ sɩɩ chɛɛ? Ʋ jaŋ wuo fori wɩaa deemba lɛɛ? Ʋ jaŋ wuo chei nii-la ba sɩ pɛ aŋ fori?


kɛŋ wɩɩŋ deeŋ kʋ hɛ ŋ lɛ, bɛɛ wɩaa ŋ hɩɛnɛ baalaa nɛ a kire to tinteyee nɩaa harɩŋ a kpaarɛ ba vʋɩyaa a ŋaa disiniŋ hɛ ŋ tɩtɩa lɛ.


Efirem sɩ na dɩ ʋʋ wɩɩlʋ, Juda ma na dɩ ʋ kɛŋ naawɩɩlaa, Efirem mɩɩra mʋ Asiiria tinteeŋ a chɩchɛ dɩ kuoru-balɩŋ pɛ ʋ lɛ. Ama ʋ bɩ wuo vaarɛ Efirem, a bɩ wuo ŋaa Juda ma naawɩɩlaa fɩɛlɛ.


Efirem nagɛ kokomo nɛ a yaarɛ, ʋ nyɩsɩŋ ŋaa mɔlɩɩ. Ʋ yie yɩrɛ Ijipiti nɩaa dɩ ba pɛ ʋ lɛ, aŋ mɩɩra fá mʋ Asiiria nɩaa teeŋ.


a chɩŋ Sɩhɔ fuoŋ sɩ hɛ Ijipiti wɩɩpɔsʋŋ a kɛŋ ŋɩɩ a mʋ yi Ɛkʋrɔŋ tinteeŋ sɩ hɛ wɩɩpɔsʋŋ nagʋa dɩɩrɩŋ, lee-la kala sɩ ŋaa Kɛnaŋ tɩŋŋaa tinteeŋ (Fɩlɩsɩtɩa tɩŋŋaa kuoroo banɔŋ sɩɩ beŋ tintee-la kala. Ba hɔŋ Gaza, Asɩdɔd, Asɩkɛlɔŋ, Gaf arɩ Ɛkʋrɔŋ a kɛŋ Ava tɩŋŋaa tinteeŋ pɛ),


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ