JƐRƖMAAYA 2:17 - WƖA TENIŊ

¹⁷ Ma nɛ lɛrɛ wɩɩŋ deeŋ kʋ hɛ ma tɩtɩa lɛ, ma sɩ vɩa mɩ-na ma TƖƖNA Wɩa, mɩ nɛ fa kɛmma vɩvɛŋ.

JƐRƖMAAYA 2:17 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 28:9

Ŋɩɩ nɛ Devit bʋla pɩ ʋ nanʋala Solomoŋ ma, “Mɩ bii, to ŋ nyɩmma Wɩa a tɩma pʋ arɩ ŋ tʋɔŋ arɩ ŋ wɩɩwɩɩ kala. La TƖƖNA jɩŋ la tʋɔbɩɩnaa arɩ la wʋchɛɛlɛɛ kala nɛ. Dɩ ŋ nɛ chɛʋ, ŋ jaŋ naʋ, ama dɩ ŋ nɛ vɩaʋ, ʋ ma jaŋ vɩaŋ a kaa mʋ wuu.

2 IZIRAL TƖŊŊAA NAABARƖŊ 15:2

Ʋ lɩɩ Asa teeŋ a bʋla pʋ, “Kuoro Asa, ŋ dɩ Juda doho nɩaa arɩ Bɛnjamɩŋ doho nɩaa kala, má jegile nɩɩ mɩ teeŋ. La TƖƖNA jaŋ chɩna gbɛrɛma dɩ ma nɛ chɩna gbɛrʋ. Dɩ ma nɛ chɛʋ, ma jaŋ naʋ ma, ama dɩ ma nɛ vɩaʋ, ʋ ma jaŋ vɩama ta.

JOB 34:27

bɛɛ wɩaa ba vɩa dɩ ba tou nɛ, a bɩ ʋ wombiee kʋŋkala kaa tɩtɩŋ.

JOB 4:8

Mɩ-na sɩ jɩma, nɩalɩŋ sɩɩ ŋaa wʋbɔŋŋɔɔ, a hɩhɛ wɩaa, ba nɛ wʋbɔmɔ-la yie dii.

WƖA YƖƖLAA 107:7

Ʋ kɛmba joŋ wombiiŋ nɛ tegi tegi a mʋ tabal-la ba sɩ jaŋ hɔŋ.

WƖA YƖƖLAA 136:16

La Tɩɩna nɛ kɛŋ ʋ nɩaa Iziral tɩŋŋaa a gɔllɛ tintee-hɩlɩŋ lɛ. Ʋ chonuŋ bɩ dɛrɛ.

WƖA YƖƖLAA 77:20

Ŋ daa ŋ nɩaa a nagɛ pie-laalɩŋ nɛ, a lɩɩsɛ Mosis arɩ Arɔŋ ba ŋaa ba sɩpaalaaraa.

NAMAGABA 15:10

Nɩɩ-la sɩ vɩa dɩ ʋ to wʋtɩtɩɩ wombiiŋ, ba jaŋ lɛrɛ ʋ dɩgɩlɩŋ kɩŋkɛŋ. Nɩɩ-la ma sɩ bɩ sɛyɛ ba kɛnʋ bil wombiiŋ lɛ jaŋ sʋʋ.

AZAAYA 1:4

Aa, ma tinteeŋ deeŋ nɩaa ŋaa wʋbɔŋ ŋaara nɛ, ma cheeriŋ yʋga ma nyuŋ lɛ, ma ŋaa wʋbɔŋ ŋaara nɛ, a didii gɩrɩma. Ma vɩa ma TƖƖNA, Iziral tɩŋŋaa Wɩa sɩ bɩ disiniŋ kɛnɛ nɛ a joŋ harɩŋ yɩaʋ.

AZAAYA 59:13

La TƖƖNA, la vɩa ŋ niiŋ wɩaa nɛ a joŋ harɩŋ yɩa la Wɩa. La dɔgɩsɛ nɩaa nɛ woruŋ aŋ joŋ harɩŋ yɩaŋ. La tʋɔbɩɩnaa kala ŋaa kʋbɔmɔ nɛ, la nyɩnyɩɛ wɩaa.

JƐRƖMAAYA 13:22

Dɩ ma nɛ pɩɛsɛ ma tɩtɩa, “Bɛɛ nɛ tɩɩ wɩɩŋ deeŋ ŋaa la lɛ?” Ma wʋbɔŋŋɔɔ sɩ yʋga wɩaa nɛ tɩɩ ba kɩɛsɛ ma gɛnnɩŋ aŋ dɔgɩsɛma ŋɩɩ.

JƐRƖMAAYA 19:4

Ba vɩamɛ nɛ aŋ kɛŋ leriŋ deeŋ bɩrɩmɛ vesiŋ lee. Ba kpʋ pʋsʋŋ a nyɩga pɩ vesiŋ ba-na koo ba naabalɩmaba koo Juda kuoroo ha sɩ bɩ jɩŋ. Ba kpʋ nɩaa sɩ bɩ wɩɩ cheye nɛ a chei leriŋ deeŋ kala.

JƐRƖMAAYA 2:13

Wʋbɔŋŋɔɔ balɩa nɛ mɩ nɩaa ŋaa. Mɩ nɩɩ pɩba mɩɩsɩŋ a nagɛ lɩɩ-bulo, ka ba vɩamɛ, aŋ lu ba tɩtɩa vilee, vil-kpaarɩŋ lɩɩŋ sɩ bɩ ba tʋɔŋ wuo chɩŋ.

JƐRƖMAAYA 2:19

Ma tɩtɩa wʋbɔŋŋɔɔ nɛ jaŋ gʋra diima. Ma sɩ mɩɩrɛ mɩ harɩŋ, ŋɩɩ jaŋ leŋ dɩ ma laa cheeriŋ. Lɛɛlɛ nɛ ma jaŋ jɩŋ arɩ ʋ ŋaa wʋbɔŋ nɛ, a ŋaa wʋtɔɔ, ma sɩ vɩamɛ a bɩ mɩ-na ma TƖƖNA Wɩa ka fá. Mɩ-na ma TƖƖNA doluŋ kala Tɩɩna nɛ bʋla.

JƐRƖMAAYA 4:18

Ma tɩtɩa mɛlɛ arɩ ma wʋŋaalaa nɛ lɛrɛ wɩɩŋ deeŋ kʋ hɛ ma lɛ. Ŋɩɩ ba sɩ jaŋ dɔgɩsɛma nɛ ŋɩɩ. Ʋ faasa hɛɩ nɛ. Ʋ wɩɩ jʋʋ kɛŋ ma chʋbagɩlɩŋ-buguluŋ nɛ woruŋ.

JƐRƖMAAYA 44:3

a tɩŋ wʋbɔmɔ-la ba sɩ ŋaa wɩaa. Ba leŋe mɩ baanɩŋ sii ba nyuŋ nɛ ba sɩ nyɩgɛ kʋsʋɔrʋsʋŋ a kpʋkpaarɛ vesiŋ, ba-na koo ma-na koo ma naabalɩmaba sɩ bɩ jɩŋ.

JƐRƖMAAYA 5:25

Ma wʋbɔŋŋɔɔ ŋaanɩŋ kiri wɩaa deemba kala ta nɛ. Ma wʋcheelee kiri wʋzɔmɔ-la ma fa sɩ jaŋ na ta nɛ.

ƐZƖKƖƐL 39:24

Mɩ joŋ wɩaa deemba ŋaa ba lɛ a tɩŋ ba disiŋ wʋŋaalaa arɩ ba nɩbɔŋ wʋŋaalaa wɩaa nɛ, a joŋ harɩŋ yɩaba.

HOSIA 13:9

Iziral tɩmma, ma chei ma tɩtɩa, bɛɛ wɩaa ma lɩɩ mɩ-na Nɩɩ-la sɩɩ pɛ ma lɛ harɩŋ nɛ.

MƖKA 1:5

Wɩaa deemba kala jaŋ ŋaa a tɩŋ Jekɔb doho nɩaa, Iziral tɩŋŋaa sɩ vɩa Wɩa aŋ ŋaa wʋbɔŋŋɔɔ. Kʋbɛɛ nɛ ba jaŋ dɔŋ a tɩŋ ba wʋbɔmɔ-la wɩaa? Samarɩa sɩ ŋaa ba tabalɩŋ dee? Nɩɩ nɛ Juda nɩaa vʋɩ-kpaarɛ leree hɛ? Jerusalɛm sɩ ŋaa ba tabalɩŋ lɛ dee?

NAMBABA 32:23

Ama dɩ ma nɛ bɩ ŋɩɩ ŋaa, La Tɩɩna teeŋ ma ŋaa wʋbɔŋ nɛ, ʋ jaŋ dɔgɩsɛma.

MOSIS BƖRA WULLI WƖA WOMBIIŊ 32:10

Ʋ na Iziral tɩŋŋaa tintee-hɩlɩŋ lɛ nɛ, tintee-la sɩ bɩ kʋŋkala kɛnɛ, ka peliŋ huhuuri. Ŋɩɩ nɛ ʋ chu tɔba a bemba woruŋ, a pɔba a nagɛ jimiŋ sɩ chu tɔ ʋ halaa,

MOSIS BƖRA WULLI WƖA WOMBIIŊ 32:19

La TƖƖNA sɩ na wɩalɩŋ ʋ biiriŋ sɩ ŋaa, ʋ baanɩŋ sii ba nyuŋ nɛ ʋ vɩaba.