JƐRƖMAAYA 2:15 - WƖA TENIŊ

¹⁵ Ma dʋndɔŋŋɔɔ ŋaa goŋ nɛ ma nyuŋ a nagɛ naachigee sɩ yele, ba chei ma tinteeŋ nɛ. Ma tasɩŋ kala nɛ nyiniŋ dii, ba lɩɩ vɩa ta.

JƐRƖMAAYA 2:15 ပူးပေါင်းရင်းမြစ်များ

JOB 4:10

Naachigee jaŋ wuo huosi aŋ chama pɛ, ama Wɩa bori ba nyɩlaa nɛ.

WƖA YƖƖLAA 57:4

Dʋndɔŋŋɔɔ gollimi nɛ a nagɛ naachigee losuŋ sɩ kɛnɛ, ba chɩchɛ nɩaa dɩ ba chaŋ. Ba nyɩlaa nagɛ tiŋŋee arɩ to-hɛŋŋɛɛ nɛ. Ba nandelimee ma nagɛ tokobiee sɩ kɛŋ niiŋ.

AZAAYA 1:7

Maa beŋ nɛ ka nɩwogusuŋ kʋ yuo dii ma tabalaa a nyɩgɛ ma dɩɩsɩŋ, nʋhʋɔraa dii ma bagɩsɩŋ nɛ, ka ma tinteeŋ pɩŋ jikpeeŋ.

AZAAYA 24:1

Ma-na bibeŋ, La TƖƖNA jaŋ chei tinteeŋ kala, a ŋmoo nɩaa kala pɩsɛ a leŋ dɩ tinteeŋ pɩŋ jikpeeŋ a ŋaa hoi.

AZAAYA 5:29

Ba laalɩyuoro-la tʋɔrʋ a nagɛ naachigiŋ nɛ ba huoso nagɛ naachigi-biisiŋ sɩ kpʋ kʋa aŋ hʋhʋʋnɛ, ka nʋʋkala tuo sɩ jaŋ laaʋ ta.

AZAAYA 5:9

La TƖƖNA doluŋ kala Tɩɩna nɛ bʋla pɩmɛ, “Wʋtɩtɩɩ, ma dɩɩ-balaa deemba jaŋ pɩŋ hoi, ma dɩɩ-zɔmɔ-la jaŋ pɩŋ jikpeeŋ.

AZAAYA 6:11

Ŋɩɩ nɛ mɩ pɩɛsɛ, “La TƖƖNA ɛɛ nɛ ŋɩɩ jaŋ diene magɛ?” Ʋ bʋl, “See dɩ ba tabalaa cheye a pɩŋ jikpeeŋ, dɩ nɩaa tuo ba lɛ dɩ ba dɩɩsɩŋ kala wuoli, dɩ ba bagɩsɩŋ ma kala pɩŋ kʋŋkʋlʋŋ.

JƐRƖMAAYA 10:22

Má jegile nɩɩ goŋ-la ba sɩ ŋaa kʋkɔ. Yuo-bal nɛ sii wɩɩpɔsʋŋ nagʋa tinteeŋ a kʋkɔ. Ʋ jaŋ ŋaa dɩ Juda tinteeŋ tasɩŋ pɩŋ hoi, a bɩrɩmɛ jolluŋ dɩjʋʋlʋŋ.

JƐRƖMAAYA 25:30

Bʋl wɩaa deemba kala mɩ doluŋ lɛ a tɩgɛ ba lɛ, aŋ bʋla pɩba: ‘Mɩ-na ma TƖƖNA jaŋ faasa kpɩa goŋ wɩa-nyuŋ, mɩ jaŋ hɛ mɩ dɩa sɩ bɩ disiniŋ kɛnɛ lɛ aŋ namɩsɛ. Mɩ jaŋ ŋaa goŋ mɩ tinteeŋ nɩaa nyuŋ woruŋ. Mɩ jaŋ ŋaa goŋ a nagɛ nɩa sɩɩ chagɛ dɩ ʋ lɩɩsɛ girep nɛnɛɛ sɩnɩŋ. Mɩ jaŋ kpɩa goŋ-la nɩalɩŋ kala sɩ hɛ dʋnɩa lɛ nyuŋ.

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 26:9

Bɛɛ nɛ tɩɩ ŋ bʋl wɩaa La TƖƖNA yɩrɩŋ lɛ, arɩ Wɩa dɩɩ-balɩŋ deeŋ jaŋ nagɛ Sɩlɔ, dɩ ba vɩa tabalɩŋ deeŋ ma ta dɩ ʋ pɩŋ hoi?” Ŋɩɩ nɛ nɩalɩŋ kala kʋ golli Jɛrɩmaaya La TƖƖNA dɩɩ-bal-la lɛ.

JƐRƖMAAYA 33:10

Wɩɩ-la La TƖƖNA sɩ bʋla nɛ ŋ-la: “Ma bʋla a mʋ tɩgɛ leriŋ deeŋ lɛ, ‘Ʋ pɩŋ hoi nɛ, nɩaa arɩ pʋsʋŋ tuo.’ Arɩ ŋɩɩ kala, Juda tasɩŋ arɩ Jerusalɛm womporunu-la sɩ pɩŋ pɛɩ ŋɩɩ, nɩaa koo pʋsʋŋ tuo ba lɛ, nɩaa jaŋ bɩra nɩɩ

JƐRƖMAAYA 34:22

Mɩ-na ma TƖƖNA nɛ bʋla, mɩ jaŋ pa wombiiŋ, a kɛmba mɩɩra kɔ tabalɩŋ deeŋ. Ba jaŋ yuo laaʋ a nyɩgʋ dɩ ʋ dii tel. Mɩ jaŋ leŋ dɩ Juda tasɩŋ chei a pɩŋ, dɩ nʋʋkala sɩ́ wuo hɔŋ nɩmɛ.”

JƐRƖMAAYA 4:7

Naachigiŋ sii ʋ dɩpɩnɩŋ nɛ a kʋ lɩɩ. Kʋ-la sɩɩ chei tinteyee sie nɛ. Ʋ lɩɩ ʋ leriŋ nɛ a kɔ dɩ ʋ chei ma tinteeŋ. Ma tasɩŋ jaŋ pɩŋ jikpeeniŋ, nɩaa jaŋ tuo ba lɛ.

JƐRƖMAAYA 44:22

La TƖƖNA sɩ kʋ magɛ ŋɩɩ a bɩra bɩ ma wʋbɔŋŋɔɔ arɩ ma wʋkɩsɩa-la lɛ wuo nyalɩmɛ, ʋ leŋe ma tinteeŋ pɩŋ hoi nɛ, nʋʋkala tuo nɩmɛ arɩ ʋ sɩ nagɛ ŋɩɩ jɩnɩmba, nɩaa kɛŋ ʋ yɩrɩŋ ŋmɩɛsa hɩhɛ nɩaa lɛ.

JƐRƖMAAYA 5:6

Ŋɩɩ wɩaa, naachigiŋ jaŋ lɩɩ duuŋ tʋɔŋ a kʋ kpʋba. Guŋguro jaŋ lɩɩ tintee-hɩlɩŋ a kʋ kɛmba pʋɔsɛ. Kpeye jaŋ faa kpagɛ ba tasɩŋ a gbɛrɛba, dɩ nʋʋkala nɛ kʋ lɩɩ, ʋ jaŋ kɛnʋ pʋɔsɛ. Ba chaasa vɩa La TƖƖNA nɛ, wɩalɩŋ ba sɩ ŋaa chei yʋga nɛ.

JƐRƖMAAYA 50:17

Iziral tɩŋŋaa nagɛ naachigiŋ sɩ kiri piesee ba pɩsɛ nɛ. Nɩɩ-la sɩ laa sɩpaaŋ yuo diiba nɛ ŋaa Asiiria kuoro. Nɩɩ-la ma sɩ to harɩŋ yɛrɛ ʋ haŋgbelee nɛ Babɩlɔŋ kuoro Nebukadineza.”

JƐRƖMAAYA 51:38

Ʋ nɩaa kala ka huosi nɛ a nagɛ naachigi-pɔrɔɔ. Baa huosi nɛ a nagɛ naachigi-biiriŋ.

JƐRƖMAAYA 6:8

Jerusalɛm tɩmma, má jegile nɩɩ ŋɩɩ mɩ sɩɩ chagɩlɛma, dɩ ŋɩɩ dee, mɩ jaŋ lɩɩ ma harɩŋ, a leŋ dɩ ma tinteeŋ pɩŋ hoi dɩ nʋʋkala sɩ́ wuo hɔŋ nɩmɛ.”

JƐRƖMAAYA 9:10

Ŋɩɩ nɛ mɩ bʋl, “Mɩ jaŋ yele pɩ peelee aŋ ta jembiiŋ tɩgɛ ba pʋsʋŋ dɩ-diilee lɛ. Ba pɩna nɛ hoi, nʋʋkala bɩ nɩmɛ ka vɛŋ, ŋ bɩra bɩ nɛsɩŋ yele ka nɩɩ nɩmɛ. Diibiisiŋ kala file lɛl nɛ, bagɩlaa ma fá viiri.”

JƐRƖMAAYA 9:11

La TƖƖNA sɩ, “Mɩ jaŋ leŋ dɩ Jerusalɛm pɩŋ jikpeeŋ, a ŋaa jolluŋ dɩjʋʋlʋŋ. Mɩ jaŋ leŋ dɩ Juda tasɩŋ pɩŋ hoi, dɩ nʋʋkala sɩ́ wuo hɔŋ lee-la.”

ƐZƖKƖƐL 36:3

Ŋɩɩ wɩaa bʋl wɩaa mɩ doluŋ lɛ a pɩba. Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: A tɩŋ ba sɩ chei ma tinteeŋ a kirima gɔllɔɔ baarɛ sɛmɛ na-kala a jomma hɛ tinteye-la sɩ gollima nɩaa nɩsɩŋ lɛ, ba bʋl wʋbɔŋŋɔɔ ma lɛ a chichei ma yɩrɩŋ,

ƐZƖKƖƐL 5:14

Mɩ jaŋ leŋ dɩ ŋ pɩŋ jikpeeŋ a ŋaa mɔmɩɩ tinteye-la sɩ golluŋ teeŋ arɩ nʋʋkala sɩ jaŋ to lee-la bɩbal.

HOSIA 11:10

Mɩ nɩaa jaŋ to mɩ-na ba TƖƖNA harɩŋ, mɩ jaŋ huosi a nagɛ naachigiŋ. Dɩ mɩ nɩɩ huosi, mɩ nɩaa jaŋ lɩɩ wɩɩpɔsʋŋ dɩɩrɩŋ kɔ a chichel.

HOSIA 5:14

Mɩ jaŋ nagɛ naachigiŋ Efirem lɛ, a nagɛ naachigi-balɩŋ Juda lɛ. Mɩ jaŋ kɛmba pʋɔsɛ muno muno aŋ viiri. Mɩ jaŋ chʋmba viiri, ka nʋʋ tuo dɩ ʋ laaba ta.

AMƆS 3:12

Ŋ-la nɛ La Tɩɩna bɩra bʋl: “Ŋ jɩŋ pie-daara sɩ lorigo laa piese naasɩŋ haŋgbelee balɩa koo dɩgɩlɩŋ naachigiŋ niiŋ lɛ ŋɩɩ, ŋɩɩ tɩtɩa nɛ ba jaŋ lorigo laa Iziral tɩŋŋaa, nɩalɩŋ sɩ hɛ Samarɩa lɛ a hɔŋ kɩaa tɩŋŋaa kʋpɩnaa niipinee lɛ arɩ kumpuŋŋuba nyuŋ.”

AMƆS 3:4

Naachigiŋ jaŋ huhuosi duuŋ tʋɔŋ dɩ ʋ nɛ bɩ ʋ kʋdiiliŋ naa? Ʋ jaŋ hʋhʋʋnɛ ʋ dɩpɩnɩŋ dɩ kʋŋ dee ʋ kaa didii?

AMƆS 3:8

Dɩ naachigiŋ nɛ huoso, kʋbɛɛ nɛ fawʋllʋŋ bɩ jaŋ kɛŋ? Dɩ mɩ-na ma Tɩɩna Wɩɩjarɩbakɔ nɛ bʋl wɩaa, nʋʋkala bɩ wɩalɩŋ wuo laa tɔrɔ.

NAHUM 2:11

Lɛɛlɛ, nɩɩ nɛ naachigee dɩjʋʋlʋŋ hɛ, lee-la ba sɩɩ dɩɛsɛ ba biiriŋ, lee-la naachigi-bele arɩ naachigi-haala arɩ ba biiriŋ sɩ mʋa a bɩ fawʋllʋŋ ka fá?

ZEFANAAYA 1:18

Tapʋlɩɩ-la mɩ-na ba TƖƖNA sɩ jaŋ na baanɩŋ, ba warɩpʋla koo ba sɛlɩmɛ bɩ jaŋ wuo laaba ta. Mɩ yarɩ-bieri baanɩŋ jaŋ nagɛ nyiniŋ a joŋ dʋnɩa kala dii, bɛɛ wɩaa mɩ jaŋ leŋ dɩ nʋʋkala sɩ hɛ dʋnɩa lɛ guu sʋʋ.”

ZEFANAAYA 2:5

Wɩɩŋ puu ma nɩalɩŋ sɩ hɔŋ mʋgʋ-balɩŋ niiŋ, tintee-la ba sɩɩ yɩrɛ Kiriti tɩŋŋaa. La TƖƖNA bʋla lɩɩ ma harɩŋ nɛ. Ma Fɩlɩsɩtɩa tɩmma-la sɩ hɔŋ Kɛnaŋ tinteeŋ, La TƖƖNA sɩ, “Mɩ jaŋ cheima, ma kʋbala ma bɩ jaŋ ka.”

ZEFANAAYA 3:6

La TƖƖNA sɩ, “Mɩ kpʋ tinteyee nɩaa nɛ a ŋmoo ba dɩɩ-duoruŋ lo. Mɩ leŋe ba womporunuŋ pɩŋ hoi nɛ, nʋʋkala bɩ ba ka to. Mɩ chei ba tabalaa nɛ, nʋʋkala bɩ ka nɩmɛ, nɩbala ma bɩ ka.

ZƐKARƖYA 11:3

Má jegile nɩɩ pie-daaraa sɩɩ ŋmoo niiŋ, ba chei ba pʋsʋŋ dɩ-diilee nɛ. Má jegile nɩɩ naachigee sɩɩ huosu, ba chei Jɔdaŋ duu-la tʋɔŋ ba sɩɩ pɩŋ nɛ.

SƖPAALAARAA 14:5

Ŋɩɩ nɛ Samɩsɩŋ arɩ ʋ nyɩmma arɩ ʋ naaŋ kala sii mʋ Tɩmɩna. Ba sɩ mʋ yi girep tɩɩsɩŋ baga kʋbala sɩ hɛ Tɩmɩna lɛ, naachigi-bie sii guu tʋɔra kʋkɔ Samɩsɩŋ lɛ.