JƐRƖMAAYA 2:13 - WƖA TENIŊ

¹³ Wʋbɔŋŋɔɔ balɩa nɛ mɩ nɩaa ŋaa. Mɩ nɩɩ pɩba mɩɩsɩŋ a nagɛ lɩɩ-bulo, ka ba vɩamɛ, aŋ lu ba tɩtɩa vilee, vil-kpaarɩŋ lɩɩŋ sɩ bɩ ba tʋɔŋ wuo chɩŋ.

JƐRƖMAAYA 2:13 ပူးပေါင်းရင်းမြစ်များ

2 KUOROO 22:17

bɛɛ wɩaa ba vɩamɛ nɛ aŋ nyɩgɛ kʋsʋɔrʋsʋŋ pɩpɩ vesiŋ, a leŋ mɩ baanɩŋ sii tɔmɔ-la ba tɩtɩa sɩ mɛ lɛ. Mɩ baanɩŋ chaasa sii ba nyuŋ nɛ, ʋ bɩ jaŋ fɩɛlɛ.’

WƖA YƖƖLAA 36:9

Mɩɩsɩŋ kala lɩɩ ŋ teeŋ nɛ. Ŋ nɛ pʋlʋmʋŋ, ŋɩɩ leŋ la ma na pʋlʋmʋŋ.

TƖƖCHA 1:14

Mɩ na dɩ wɩalɩŋ kala ba sɩɩ ŋaa dʋnɩa lɛ bɩ bʋbʋɔ kɛnɛ, ba nagɛ nʋʋ sɩɩ kiri peliŋ nɛ.

TƖƖCHA 1:2

Nɩɩ-la sɩ kɛŋ wʋjɩmɩŋ a dɩdagɛ nɩaa sɩ, “Kʋŋkala bɩ bʋbʋɔ kɛnɛ, kʋŋkala chaasa bɩ bʋbʋɔ kɛnɛ, kʋŋkala bɩ bʋbʋɔ kɛnɛ.”

TƖƖCHA 12:8

Wɩɩkala bɩ bʋbʋɔ kɛnɛ, wɩɩkala bɩ bʋbʋɔ kɛnɛ, nɩɩ-la sɩ jɩŋ wɩaa a dɩdagɛ nɩaa nɛ bʋla: Wɩɩkala bɩ bʋbʋɔ kɛnɛ.

TƖƖCHA 2:11

Mɩ sɩ kɛŋ wɩalɩŋ kala mɩ sɩ ŋaa bɩɩnɛ arɩ ŋɩɩ mɩ sɩ faasa tɩŋ a na kɩaa, mɩ na dɩ wɩalɩŋ kala mɩ sɩ ŋaa bɩ bʋbʋɔŋ kɛnɛ. Ʋ nagɛ nʋʋ sɩɩ kiri peliŋ nɛ, kʋŋkala bɩ nyʋʋrɩ kɛnɛ dʋnɩa deeŋ lɛ.

TƖƖCHA 2:21

Nuhuobiine yie kɛŋ ʋ wʋjɩmɩŋ, ʋ wɩaa sɩaa jɩmɩŋ arɩ ʋ jɩma kala a tɩma na kɩaa, aŋ leŋ kɩalɩŋ kala ʋ sɩ na pɩ nʋʋ sɩ bɩ tɩma chɛ kɩalɩŋ. Wɩɩŋ deeŋ ma bɩ bʋbʋɔ kɛnɛ, ʋ ŋaa naabɔŋ bal nɛ.

TƖƖCHA 2:26

Wɩa yie joŋ wʋjɩmɩŋ, wɩaa sɩaa jɩmɩŋ arɩ tʋɔtɔrʋŋ a pɩ nɩɩ-la sɩ ŋaa wɩaa a tʋtɔrɛ ʋ tʋɔŋ nɛ. Ama wʋbɔŋ ŋaara-na Wɩa yie leŋ ʋ tɩŋ nɛ a chɛ kɩaa tʋɔla bil, ʋ joŋo pɩ nɩɩ-la sɩ ŋaa wɩaa a tʋtɔrɛ ʋ tʋɔŋ. Wɩɩŋ deeŋ ma bɩ bʋbʋɔ kɛnɛ, ʋ nagɛ nʋʋ sɩɩ kiri peliŋ nɛ.

TƖƖCHA 4:4

Mɩ bɩra na dɩ tɩntɩmɩɩ-la kala nɩaa sɩɩ tɩŋ arɩ kɩalɩŋ kala ba sɩ yie na lɩɩ ba yaraa sɩɩ bieri ba dɔŋɔ nyuŋ nɛ. Wɩɩŋ deeŋ ma bɩ bʋbʋɔ kɛnɛ, ʋ nagɛ nʋʋ sɩɩ kiri peliŋ nɛ.

AZAAYA 1:3

Nɛ-fere jɩŋ ʋ tɩɩna nɛ, kakumo ma jɩŋ lee-la ʋ tɩɩna sɩɩ pʋ kʋdiilee, ama Iziral tɩŋŋaa bɩ mɩ jɩŋ, mɩ nɩaa paala bɩ wɩaa bʋbʋɔŋ jɩŋ.”

AZAAYA 1:4

Aa, ma tinteeŋ deeŋ nɩaa ŋaa wʋbɔŋ ŋaara nɛ, ma cheeriŋ yʋga ma nyuŋ lɛ, ma ŋaa wʋbɔŋ ŋaara nɛ, a didii gɩrɩma. Ma vɩa ma TƖƖNA, Iziral tɩŋŋaa Wɩa sɩ bɩ disiniŋ kɛnɛ nɛ a joŋ harɩŋ yɩaʋ.

AZAAYA 12:3

A nagɛ lɩɩnyʋasʋŋ sɩ yie kɛŋ nɩa ʋ nyʋa lɩɩzɔmʋŋ ʋ tʋɔŋ tɔrɛ ŋɩɩ, ŋɩɩ nɛ ma tʋɔŋ jaŋ tɔrɛ dɩ ʋ nɛ laama ta.

AZAAYA 5:13

Ŋɩɩ wɩaa ba jaŋ kɛsɛ mɩ nɩaa a kaa mʋ yoŋ-baga, a tɩŋ ba sɩ bɩ wɩaa jɩŋ. Losuŋ jaŋ kpʋ ba sɩpaalaaraa dɩ ba sʋʋ, ka dɩ lɩɩnyʋasʋŋ ma chaasa kɛŋ ba nɩ-daŋ.

AZAAYA 55:2

Bɛɛ nɛ tɩɩ ma chichei moribiee kɩalɩŋ sɩ tuo kʋdiilee lɛ, a lʋlɔl ma tɩtɩa kɩalɩŋ sɩ bɩ jaŋ vɔgɩma lɛ? Má jegile nɩɩ mɩ teeŋ woruŋ, ŋɩɩ nɛ ma jaŋ dii kʋdii-zɔŋŋɔɔ tɩtɩa a nɩɩ sɩma.

AZAAYA 63:8

Ʋ fa sɩ, “Ba ŋaa mɩ nɩaa nɛ, ba jaŋ kɛŋ wʋtɩtɩɩ mɩ teeŋ.” Ŋɩɩ nɛ ʋ laaba ta.

JƐRƖMAAYA 1:16

Mɩ jaŋ dii mɩ nɩaa sarɩya a tɩŋ ba wʋbɔŋŋɔɔ wɩaa. Ba vɩamɛ nɛ, aŋ nyɩgɛ kʋsʋɔrʋsʋŋ pɩpɩ vesiŋ a kpʋkpaarɛ vʋɩyaa ba tɩtɩa sɩ ŋaa.

JƐRƖMAAYA 14:3

Nɩyuŋoo tɩŋ ba tɩntɩnnaa nɛ dɩ ba mʋ ŋaa lɩɩŋ. Ba mʋ vilee, aŋ bɩ lɩɩŋ na. Ba mɩɩra kɛŋ nyuvii-hɩlaa nɛ kɔ. Ba tʋɔŋ chei, ba nandaasɩŋ yʋɔrɛ, hɩɩsɩŋ kɛmba, ba kɛŋ kɩaa tɔ ba nyusuŋ.

JƐRƖMAAYA 15:6

Ma vɩamɛ nɛ. Mɩ-na ma TƖƖNA nɛ bʋla. Ma joŋ harɩŋ yɩyɩamɛ nɛ. Ŋɩɩ wɩaa mɩ jaŋ joŋ nɩsɩŋ daŋ ma lɛ a cheima. Mɩ bɩra bɩ jaŋ wuo fá ma nisusuŋ.

JƐRƖMAAYA 17:13

La TƖƖNA, ŋ lɛ nɛ Iziral tɩŋŋaa yɩɛlaa kala hɛ. Hɩɩsɩŋ jaŋ dii nɩalɩŋ kala sɩ joŋ harɩŋ yɩaŋ. Nɩalɩŋ kala sɩ mɩɩrɛ ŋ harɩŋ yɩrɩŋ jaŋ lɛl a nagɛ ba sɩ ŋmʋnsɛ nɩa yɩrɩŋ bil hagɩla lɛ, a tɩŋ ba sɩ vɩa La TƖƖNA sɩɩ pɩba mɩɩsɩŋ a nagɛ lɩɩ-bulo.

JƐRƖMAAYA 18:14

Lɩɩ-la sɩ faasa fɩɛlɛ a gulimi Lɛbanɔŋ peel-leŋie-la lɛ lere-la sɩ chullo tutuu ka lɛl nɛɛ? Ʋ lɩɩ-fɩɛla-la sɩ pɩna a pɛllɛ lɩɩ dɩ-bolii kʋkɔ ka kɛrɛ nɛɛ?

JƐRƖMAAYA 19:4

Ba vɩamɛ nɛ aŋ kɛŋ leriŋ deeŋ bɩrɩmɛ vesiŋ lee. Ba kpʋ pʋsʋŋ a nyɩga pɩ vesiŋ ba-na koo ba naabalɩmaba koo Juda kuoroo ha sɩ bɩ jɩŋ. Ba kpʋ nɩaa sɩ bɩ wɩɩ cheye nɛ a chei leriŋ deeŋ kala.

JƐRƖMAAYA 2:11

Tintee-kala nɩaa tuo a vɩa ba vesiŋ aŋ mɩɩra tuto veŋ-wogo. (Ba vesi-la ŋaa kʋpɛɩ ma nɛ.) Ama mɩ nɩaa-na joŋ yɩrɩ-zɔŋ-la mɩ sɩ laa pɩba, a mɩɩra pɩ vʋɩyaa sɩ ŋaa kʋpɛɩba nɛ.

JƐRƖMAAYA 2:17

Ma nɛ lɛrɛ wɩɩŋ deeŋ kʋ hɛ ma tɩtɩa lɛ, ma sɩ vɩa mɩ-na ma TƖƖNA Wɩa, mɩ nɛ fa kɛmma vɩvɛŋ.

JƐRƖMAAYA 2:26

A nagɛ ba sɩ yie kɛŋ gaara hɩɩsɩŋ kɛnʋ ŋɩɩ, ŋɩɩ nɛ hɩɩsɩŋ jaŋ kɛŋ Iziral tɩŋŋaa, ba kuoru-balaa, ba tɩntɩnnɩ-hɩasɩŋ, ba Wɩɩsʋllɩ sɩpaalaaraa arɩ ba Wɩa wʋlaabʋllaa kala.

JƐRƖMAAYA 4:22

La TƖƖNA sɩ, “Mɩ nɩaa yaara nɛ, ba bɩ mɩ jɩŋ. Ba ŋaa hambii chʋʋlʋ nɛ, ba bɩ wɩaa bʋbʋɔŋ jɩŋ. Ba kaasɛ wʋbɔŋŋɔɔ ŋaanɩŋ lɛ nɛ woruŋ, ama ba bɩ wʋzɔmʋŋ ŋaanɩŋ jɩŋ.”

JƐRƖMAAYA 5:26

Nɩbɔŋŋɔɔ hɛ mɩ nɩaa tʋɔŋ nɛ, a faa gbɛrɛ dɩ ba kɛsɛ nɩaa a nagɛ nɩaa sɩ yie bɛrɛ kɛsɛ diibiisiŋ ŋɩɩ. Ba nagɛ nɩaa sɩ bɛrɛ bɛrɩsɩŋ dɩ ba kɛsɛ nɩaa nɛ.

JƐRƖMAAYA 5:31

Mɩ wʋlaabʋllaa sɩ nyɩɛ wɩaa arɩ baa bʋl wɩaa Wɩa doluŋ lɛ nɛ. Ka Wɩɩsʋllɩ sɩpaalaaraa ma mɩɩra ŋɩŋaa wɩaa ba tɩtɩaba doluŋ lɛ. Mɩ nɩaa ma cho ŋɩɩ ba sɩɩ ŋaa. Ama wʋbɛɛ nɛ ma jaŋ ŋaa wɩaa deemba dɩdɛrɩŋ?”

ƐZƖKƖƐL 14:5

Ŋɩɩ nɛ mɩ jaŋ ŋaa a kɛŋ Iziral tɩmma-la kala sɩ vɩamɛ aŋ kpʋkpaarɛ vʋɩyaa tʋɔbɩɩnaa bɩrɩmɛ dɩ ba tutomi.’

ƐZƖKƖƐL 47:1

Baal-la mɩɩra kɛmmɛ kɔ harɩŋ, Wɩa dɩɩ-bal-la boiŋ niiŋ. Mɩ na dɩ lɩɩŋ ka lɩɩ tinteeŋ boiŋ-nii-jʋʋlʋŋ lɛ a chaasɛ wɩɩpɔsʋŋ dɩɩrɩŋ. (Wɩa dɩɩ-bal-la fa chaasɛ wɩɩpɔsʋŋ dɩɩrɩŋ nɛ). Lɩɩ-la fa pɛllɛ lɩɩ Wɩa dɩɩ-bal-la wɩɩpɔsʋŋ nadiiŋ dɩɩrɩŋ nɛ a to Wɩɩsʋlʋŋ koru-la wɩɩpɔsʋŋ nadiiŋ dɩɩrɩŋ.

MƖKA 2:8

Ŋɩɩ nɛ La TƖƖNA bʋl, “Tapʋlaa deemba, mɩ nɩaa ma sii chɩŋ mɩ lɛ nɛ a nagɛ ba ŋaa mɩ dʋndɔmɔ. Ba wuri nɩaa gɛnnɩŋ nɛ, nɩalɩŋ sɩ ta jɩa a kʋʋ bal, nɩalɩŋ sɩ nagɛ laalɩyuoroo sɩ mʋ laalɩŋ aŋ mɩɩra kʋkɔ.

MƖKA 6:3

La TƖƖNA sɩ, “Mɩ nɩaa, wʋbɛɛ nɛ mɩ ŋaa ma lɛ? Wʋbɛɛba nɛ mɩ joŋo daŋ ma lɛ? Má bʋla pɩmɛ.

ZƐKARƖYA 13:1

La TƖƖNA sɩ, “Tapʋlɩɩ-la mɩ jaŋ suri lɩɩ-bul-sɩɩŋ a pɩ Devit doho nɩaa arɩ Jerusalɛm nɩaa, a chɛsɛ ba wʋbɔŋŋɔɔ arɩ ba disiniŋ ta.

Jɔɔŋ 4:10

Ŋɩɩ nɛ Yesu bʋla pʋ, “Dɩ ŋ nɛ fa jɩŋ kʋ-la Wɩa sɩ joŋo pɩ nɩaa, a fa jɩŋ nɩɩ-la sɩ sʋlʋŋ dɩ ŋ ŋaa lɩɩŋ pʋ dɩ ʋ nyʋa, ŋ fa jaŋ sʋlʋ dɩ ʋ pɩŋ lɩɩ-la sɩɩ pɩ nɩaa mɩɩsɩŋ.”

Jɔɔŋ 4:11

Ŋɩɩ nɛ haal-la pɩɛsʋ, “Kʋhɩaŋ, ŋ bɩ gʋʋga kɛnɛ dɩ ŋ kaa ŋaa lɩɩŋ, ka vil-la ma luŋ. Nɩɩ lɛ nɛ saa ŋ jaŋ na lɩɩ-la sɩɩ pɩ nɩaa mɩɩsɩŋ?

Jɔɔŋ 4:14

Ama nɩɩ-la kala sɩ jaŋ nyʋa lɩɩ-la mɩ sɩ jaŋ pʋ, lɩɩnyʋasʋŋ bɩra bɩ jaŋ kɛnʋ da. Lɩɩ-la mɩ sɩ jaŋ pʋ jaŋ bɩrɩmɛ lɩɩ-bulo ʋ tʋɔŋ lɛ a bubul, a pʋ mɩɩsɩŋ sɩ bɩ dɛrɛ.”

Jɔɔŋ 7:37

Gbiele-la chɛ-dɛrɩŋ, tapʋlɩɩ-la nɛ fa ŋaa gbiele-la sɩɩfɩaŋ chɛɛŋ. Ŋɩɩ nɛ Yesu sii chɩŋ a faasa bʋl, “Nɩɩ-la kala lɩɩnyʋasʋŋ sɩ kɛnɛ, má leŋ dɩ ʋ kɔ mɩ teeŋ a nyʋa lɩɩŋ.

MOSIS BƖRA WULLI WƖA WOMBIIŊ 31:16

aŋ bɩra bʋla pɩ Mosis, “Ŋ jaŋ sʋʋ a mʋ ŋ nyɩmmaba teeŋ. Ŋ sʋʋŋ harɩŋ lɛ, nɩaa deemba jaŋ vɩamɛ aŋ suomo ŋɩŋaa wʋlɩɩlɩŋ, aa kpaarɛ vesiŋ tintee-la ba sɩɩ mʋ lɛ, a chei nii-la mɩ sɩ bile mɩ dɩ ba pɛgɛ.

2 Pɩɩta 2:17

Wʋnyɩɛrɩ kerichi deemba nagɛ lɩɩ-bulo sɩ hɩla nɛ. Ba bɩra nagɛ duonuŋ sɩ tɩna, aŋ ka peliŋ ŋaa kiri ʋ bɩ nɩa nɛ. Nɩaa deemba, Wɩa jaŋ jomba hɛ biriŋ lim tʋɔŋ.

Jɔɔŋ Wʋnaalaa 21:6

Ŋɩɩ nɛ ʋ bʋla pɩmɛ, “Wɩɩkala dɛrɛ nɛ. Mɩ nɛ ŋaa Alɩfa arɩ Omega, mɩ nɛ dɩ-suomuŋ arɩ dɩdɛrɩŋ. Nɩɩ-la kala lɩɩnyʋasʋŋ sɩ kɛnɛ, mɩ jaŋ ŋaa lɩɩ-bulo lɩɩ-la sɩɩ pɩ nɩaa mɩɩsɩŋ a pʋ dɩ ʋ nyʋa pɛɩ.

Jɔɔŋ Wʋnaalaa 22:1

Ŋɩɩ nɛ Wɩa tɩndaarʋ-la bɩra dagɛmɛ fuo-la lɩɩŋ sɩɩ pɩ nɩaa mɩɩsɩŋ. Lɩɩ-la kala pʋlla nɛ chɩl chɩl a nagɛ beenantɩrɛ. Lɩɩ-la pɛllɛ lɩɩ Wɩa arɩ Pie-bie-la kuoru kpasa-la teeŋ nɛ,

Jɔɔŋ Wʋnaalaa 22:17

Ŋɩɩ nɛ Wɩa Dɩŋ-zɔmʋŋ arɩ haal-la Pie-bie-la sɩɩ chɛ dɩ ʋ jaa bʋla pɩ nɩaa, “Má kɔ. Nʋʋkala sɩ nɩa, má leŋ dɩ ʋ kɔ. Nʋʋ na-kala lɩɩnyʋasʋŋ sɩ kɛnɛ, ʋ kɔ. Nɩɩ-la kala sɩ cho dɩ ʋ nyʋa lɩɩ-la sɩɩ pɩ nɩaa mɩɩsɩŋ sɩ ŋaa chɔgɩta kʋŋ, ʋ kɔ a nyʋa.”

SƖPAALAARAA 10:13

Ama ma vɩamɛ nɛ aŋ mɩɩra tuto vesiŋ, ŋɩɩ wɩaa mɩ bɩra bɩ jaŋ laama ta.

1 SAMƲƐL 12:10

Ba bɩra yele pɩ La TƖƖNA dɩ ʋ pɛ ba lɛ a bʋl, ‘La ŋaa wʋbɔŋ nɛ, la sɩ vɩa La TƖƖNA, aŋ mɩɩra tuto vesi-la ba sɩɩ yɩrɛ Baal arɩ Asɩtarɔf. Ama lɛɛlɛ, laala ta la dʋndɔŋŋɔɔ nɩsɩŋ lɛ. Dɩ ŋ nɛ ŋaa ŋɩɩ, la jaŋ tutoŋ.’