12 Wɩa-nyuŋ kɩaa, má leŋ dɩ ma niiree maa wɩɩŋ deeŋ lɛ, má digili arɩ tʋɔ-chei-balɩŋ. Mɩ-na ma TƖƖNA nɛ bʋla.
La TƖƖNA sɩ, “Wɩa-nyuŋ arɩ tinteeŋ kala, má jegile nɩɩ, mɩ dɩɛsɛ mɩ biiriŋ nɛ ba waa, ama ba vɩa mɩ niiŋ nɛ.
Ʋ kperima nɛ, ma niiŋ kala maa, ma tɔ ma sɩaa nɛ a bɩ wɩɩkala ka na, ma bugo nɛ aŋ bɩ tɩɩnɛnɛɛ sɩnɩŋ nyʋa, a gɩgɛrɛ aŋ bɩ sɩ-duo kala nyʋa.
Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: “Ma pɩɛsɛ tinteyee lɛ a na, kʋbɛɛ nɛ ha nɩɩ wʋdoho deeŋ? Iziral tɩŋŋaa ŋaa wɩɩ sɩ chaasa lɔrɛ nɛ.
Tintee, tintee, tintee, jegile nɩɩ La TƖƖNA wɩaa.
Ŋɩɩ nɛ mɩ beŋ dʋnɩa, ʋ fa bɩ kʋŋkala naga, ʋ fa pɩŋ hoi nɛ. Mɩ sɩ beŋ wɩa-nyuŋ ma, ʋ pʋlʋmʋŋ kala nɛ lɛlɛ.
Tinteeŋ nɩaa, má jegile nɩɩ. Mɩ kɛŋ wʋlɔrʋ nɛ a kʋkɔ dɩ mɩ hɛ nɩaa deemba lɛ, a tɩŋ ba wʋŋaalaa wɩaa. Ba bɩ jegile nɩɩ mɩ niiŋ wɩaa, aŋ vɩa mɩ wombie-la mɩ sɩ bile dɩ ba tuto.
Peelee, má jegile nɩɩ wɩɩ-la La TƖƖNA sɩ kɛnɛ arɩ Iziral tɩŋŋaa. Tinteeŋ gentine sɩ hɛ nɩmɛ deeŋ deeŋ, ŋ má jegile nɩɩ. La TƖƖNA kɛŋ wɩɩ nɛ arɩ ʋ nɩaa. Ʋ dɩ Iziral tɩŋŋaa kɛŋ wɩɩ nɛ.”
Wɩa kʋ magɛ nyu-gbaŋa, leriŋ kala biri lim a mʋ yi dɩdaanɩŋ kerifi batori.
Wɩa-nyuŋ arɩ tinteeŋ, má nɩɩ wɩalɩŋ mɩ sɩɩ chɛ dɩ mɩ bʋl, má jegile woruŋ a nɩɩ mɩ wʋbʋlaa.