11 Tintee-kala nɩaa tuo a vɩa ba vesiŋ aŋ mɩɩra tuto veŋ-wogo. (Ba vesi-la ŋaa kʋpɛɩ ma nɛ.) Ama mɩ nɩaa-na joŋ yɩrɩ-zɔŋ-la mɩ sɩ laa pɩba, a mɩɩra pɩ vʋɩyaa sɩ ŋaa kʋpɛɩba nɛ.
Wɩɩ-la La TƖƖNA sɩ bʋla nɛ ŋ-la, “Wʋbɛɛ nɛ mɩ ŋaa chei ma naabalɩmaba, ba vɩamɛ a leŋ la pɛgɛ bol? Ba to vʋɩyaa sɩ ŋaa kʋpɛɩba harɩŋ nɛ a ma kʋ ŋaa nɩpɛɩba.
Wɩɩsʋllɩ sɩpaalaaraa bɩ pɩɛsaa chɛmɛ, a bʋl, ‘Nɩɩ nɛ La TƖƖNA hɛ?’ Nɩalɩŋ sɩ maga dɩ ba dagɛ nɩaa wombii-la mɩ sɩ bile dɩ ba tuto, bɩ mɩ jɩŋ. Sɩpaalaaraa ma vɩa mɩ niiŋ nɛ. Mɩ wʋlaabʋllaa ma mɩɩra bʋbʋl wɩaa vene-la ba sɩɩ yɩrɛ Baal yɩrɩŋ lɛ, aa to vʋɩyaa sɩ ŋaa kʋpɛɩba.
LA TƖƖNA sɩ, “Bɛɛ nɛ tɩɩ mɩ jaŋ joŋo chɛma? Ma biiriŋ vɩamɛ nɛ aŋ ŋmɩŋmɩɛsɛ vesiŋ sɩ ŋaa kʋpɛɩba. Mɩ pɩba kɩalɩŋ kala ba sɩɩ chɛ nɛ, ka ba ha ŋɩŋaa bachɔrʋŋ wɩaa, a yie pʋɔla mʋmʋ hachɔrʋmɔɔ dɩɩsɩŋ.
Ba leŋe mɩ yaraa bieri ba veŋ-kpaarɩɩ-la lɛ nɛ, mɩ na baanɩŋ ba nyuŋ. Mɩ jaŋ leŋ dɩ nɩalɩŋ ba sɩ bene dɩ ba bɩ nɩa ŋaa, ma ŋaa dɩ ba yaraa bieri. Mɩ jaŋ leŋ dɩ tintee-la nɩaa sɩ bɩ wɩɩkala jɩŋ ŋaa dɩ ba baanɩŋ sii.
Iziral tɩmma, La TƖƖNA pɛ ma lɛ nɛ. Kʋbɛɛ nɛ nagɛma, ma ŋaa nɩa La TƖƖNA sɩ laa ta nɛ. Ʋ nɛ ŋaa nɩɩ-la sɩ chu tɔma a pɩpɛ ma lɛ. Ʋ nɛ ma laalɩyuoro, ma dʋndɔŋŋɔɔ jaŋ kɔ ma teeŋ a nagɛ ba kɛŋ ba tɩtɩa muuri nɛ a sʋsʋlma, ka dɩ ma vɩa aŋ yuo diiba.
Ma kala jɩma arɩ Yesu Kirisito tiŋ ma chɩmɩŋ nɛ, a lɩɩsɛma wʋpɛɩba-la ma naabalɩmaba fa sɩ joŋo dagɛma, ma ŋɩŋaa lɛ. Ʋ bɩ naga arɩ kɩalɩŋ sɩɩ chei a nagɛ sɛlɩmɛ koo hɔɔ-pʋla nɛ ʋ joŋo time laama.