JƐRƖMAAYA 19:7 - WƖA TENIŊ

⁷ Leriŋ deeŋ lɛ nɛ mɩ jaŋ chei Juda arɩ Jerusalɛm nɩaa wɩalɩŋ kala ba sɩ vʋʋra. Mɩ jaŋ leŋ dɩ ba dʋndɔŋŋɔɔ yuo diiba a kpʋba laalɩŋ lɛ, nɩalɩŋ sɩɩ chɛ ba lɩɩsɛ ba mɩɩsɩŋ. Mɩ jaŋ joŋ ba kʋsʋʋnʋŋ a pɩ zaaraa arɩ baga kɩaa.

JƐRƖMAAYA 19:7 ပူးပေါင်းရင်းမြစ်များ

2 KUOROO 21:14

Mɩ jaŋ vɩa mɩ nɩaa nɩkaana-la ma sɩ bɩ sʋba, aŋ jomba hɛ ba dʋndɔŋŋɔɔ nɩsɩŋ lɛ. Ba dʋndɔŋŋɔɔ jaŋ yuo diiba a paa ba kɩaa kaa viiri,

NAMAGABA 21:30

Ŋ cho ŋ kɛŋ wʋjɩmɩŋ koo ŋ jɩŋ wɩaa sɩaa koo a bɩbɩɩnɛ wɩaa woruŋ ɛɛ kala, ŋɩɩ bɩ jaŋ wuo leŋ dɩ ŋ chɩŋ La Tɩɩna sɩpaaŋ.

AZAAYA 29:14

Ŋɩɩ wɩaa mɩ jaŋ joŋ wʋkpuŋkperisiŋ a ŋaa daŋ dɔŋɔ ba lɛ, dɩ ba wʋjɩnnaa wʋjɩmɩŋ kala lɛl, dɩ ba wʋjɩŋ kɩŋkɛŋ tɩŋŋaa wʋjɩmɩŋ kala nyɩɩgɛ.”

AZAAYA 8:10

Ma vʋʋrɛ wɩaa a tɩgɛ la lɛ nɛ, ama wɩalɩŋ kala jaŋ pugi. Má kɛŋ tʋɔŋ nɛ arɩ la, ama ma tʋɔbɩɩna-la bɩ jaŋ chɩŋ, bɛɛ wɩaa Wɩa hɛ la teeŋ nɛ.

JƐRƖMAAYA 15:2

Dɩ ba nɛ pɩɛsɩŋ, ‘Nɩɩ nɛ la jaŋ mʋ?’ bʋla pɩba, Wɩɩ-la mɩ-na ma TƖƖNA sɩ bʋla nɛ ŋ-la: ‘Nɩalɩŋ nyanyal bɔŋŋɔɔ sɩ jaŋ kpʋ, ba jaŋ kpʋ. Nɩalɩŋ sɩ jaŋ sʋʋ laalɩŋ lɛ, ba jaŋ sʋʋ. Nɩalɩŋ losuŋ sɩ jaŋ kɛŋ dɩ ba sʋʋ, ba jaŋ sʋʋ. Nɩalɩŋ ma ba sɩ jaŋ kɛsɛ mʋ yoŋ-baga, ba jaŋ kɛsɛ mʋ.’

JƐRƖMAAYA 15:9

Naaŋ-la sɩ kɛŋ biiriŋ balɩpɛ jaŋ yiegi, a wiese lʋlɔl. Ʋ wɩɩ-muluŋ jaŋ jʋʋ, ka ʋ ha ŋaa wɩɩhɛyɛ. Ba jaŋ hɩɩsʋ a jolimu. Mɩ jaŋ kpʋ nɩalɩŋ sɩ ka a bɩ sʋba ba dʋndɔŋŋɔɔ sɩpaaŋ. Mɩ-na ma TƖƖNA nɛ bʋla.”

JƐRƖMAAYA 16:4

“Nyanyal bɔŋŋɔɔ jaŋ kpʋba. Ba bɩ jaŋ hugiba koo a yel ba yoho. Ba jaŋ nagɛ nʋsʋrʋŋ a pɩŋ tinteeŋ. Ba jaŋ kpʋ dɔnsʋŋ laalɩŋ lɛ, dɩ losuŋ ma kɛŋ dɔnsʋŋ dɩ ba sʋʋ. Ba kʋsʋʋnʋŋ jaŋ bɩrɩmɛ zaaraa arɩ baga kɩaa kʋdiilee.”

JƐRƖMAAYA 18:21

Ŋɩɩ wɩaa, La Tɩɩna, leŋ dɩ losuŋ kpʋ ba biiriŋ dɩ ba sʋʋ. Leŋ dɩ ba sʋʋ laalɩŋ lɛ, dɩ ba haalaa sɩ́ biiriŋ kɛŋ aŋ ŋaa yo-haalaa. Leŋ dɩ ba kpʋ ba baalaa arɩ bapʋɔsaa kala laalɩŋ lɛ.

JƐRƖMAAYA 21:7

La TƖƖNA sɩ, “Ŋɩɩ harɩŋ, mɩ jaŋ joŋ Juda kuoro Zedikaaya, ʋ tɩntɩnnɩ-hɩasɩŋ arɩ nɩalɩŋ sɩ hɛ tabalɩŋ deeŋ lɛ, nɩalɩŋ nyanyal-bɔŋ-la, laalɩŋ arɩ losuŋ sɩ bɩ kpʋa a hɛ Babɩlɔŋ kuoro Nebukadineza nɩsɩŋ lɛ, arɩ ba dʋndɔmɔ-la sɩɩ chɛ dɩ ba lɩɩsɛ ba mɩɩsɩŋ. Ʋ jaŋ kpʋba. Ʋ bɩ jaŋ fá ba nisusuŋ koo ba nenige, ʋ tʋɔŋ bɩ jaŋ wɩɩ ba lɛ.

JƐRƖMAAYA 22:19

Ba jaŋ hugu a nagɛ kaku-sʋʋŋ. Ba jaŋ lɛrʋ kaa lɩɩ Jerusalɛm lɛ a joŋu ta boi-baalaa niiŋ.

JƐRƖMAAYA 22:25

Mɩ jaŋ joŋuŋ hɛ nɩalɩŋ sɩɩ chɛ ba lɩɩsɛ ŋ mɩɩsɩŋ nɩsɩŋ lɛ, nɩalɩŋ ŋ sɩɩ fá. Mɩ jaŋ joŋuŋ hɛ Babɩlɔŋ kuoro Nebukadineza arɩ ʋ nɩaa nɩsɩŋ lɛ.

JƐRƖMAAYA 32:28

Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: Mɩɩ chɛ mɩ joŋ tabalɩŋ deeŋ hɛ Babɩlɔŋ kuoro Nebukadineza arɩ ʋ nɩaa nɩsɩŋ lɛ nɛ dɩ ba yuo diiu.

JƐRƖMAAYA 34:20

mɩ jaŋ jomba hɛ ba dʋndɔŋŋɔɔ sɩɩ chɛ ba lɩɩsɛ ba mɩɩsɩŋ nɩsɩŋ lɛ. Ba kʋsʋʋnʋŋ jaŋ bɩrɩmɛ zaaraa arɩ baga kɩaa kʋdiilee.

JƐRƖMAAYA 46:26

Mɩ jaŋ jomba hɛ nɩalɩŋ sɩɩ chɛ dɩ ba lɩɩsɛ ba mɩɩsɩŋ nɩsɩŋ lɛ, Babɩlɔŋ kuoro Nebukadineza arɩ ʋ tɩntɩnnɩ-hɩasɩŋ. Ama harɩŋ, nɩaa jaŋ bɩra hɛ Ijipiti tinteeŋ lɛ, a nagɛ faafaa-la. Mɩ-na ma TƖƖNA nɛ bʋla.

JƐRƖMAAYA 7:33

Juda nɩaa kʋsʋʋnʋŋ jaŋ bɩrɩmɛ zaaraa arɩ baga kɩaa kʋdiilee. Nʋʋkala jaŋ tuo dɩ ʋ kiriba ta.

JƐRƖMAAYA 8:2

Ba jaŋ kɛmba yieni dɩ wɩɩpɔsʋŋ, chɛnɛ arɩ chɛnwʋlaa kala sɩ hɛ wɩa-nyuŋ chaana hɛ ba lɛ. Nɩalɩŋ fa cho kɩaa deemba nɛ a tɩma pɩpɩba. Ba faa toba nɛ a pɩɛsɛba chɩchɛ dɩ ba na wɩaa a kpʋkpaarɛba. Nʋʋ bɩ jaŋ kuri haŋgbele-la hɛ dɔŋɔ a hugi, ama ba jaŋ lemba ta dɩ ba pɩŋ tinteeŋ a nagɛ nʋsʋrʋŋ.

JƐRƖMAAYA 8:8

Ɛɛ nɛ ma jaŋ wuo bʋl, ‘La ŋaa wʋjɩnna nɛ, bɛɛ wɩaa la kɛŋ La TƖƖNA wombii-la ʋ sɩ bile dɩ la tuto nɛ.’ Ka nɩalɩŋ sɩɩ ŋmʋnsɛ tenniŋ kɛŋ wɩalɩŋ kaa bɩrɩmɛ wʋnyɩɛrɩŋ?

JƐRƖMAAYA 8:9

Hɩɩsɩŋ jaŋ kɛŋ wʋjɩnnaa, ba niiŋ jaŋ maa dɩ ba bɛrɛ kɛmba, ba sɩ vɩa mɩ-na ma TƖƖNA niiŋ wɩaa, wʋjɩŋ bɛɛ nɛ ba kɛŋ?

JEMBIEE 3:37

Kʋbɛɛ nɛ jaŋ wuo bʋl wɩɩ, aŋ leŋ dɩ wɩɩ-la ŋaa dɩ La TƖƖNA bɩ wombiiŋ pa?

LEVI DOHO NƖAA 26:17

Mɩ jaŋ vɩama ta a leŋ dɩ ma dʋndɔŋŋɔɔ yuo diima. Nɩalɩŋ sɩ bɛrɛma nɛ jaŋ bemma. Ma jaŋ fá, ka nʋʋ bɩ maa kiri.

LEVI DOHO NƖAA 26:25

Mɩ jaŋ leŋ dɩ laalɩŋ kʋ gɩrɛma a tɩŋ ma sɩ chei nii-la sɩ hɛ mɩ dɩ ma pɛgɛ. Dɩ ma nɛ fá jʋʋ ma tabalaa dɩ ma laa ma mɩɩsɩŋ, mɩ jaŋ joŋ nyanyal bɔŋŋɔɔ hɛ ma lɛ dɩ ma dʋndɔŋŋɔɔ yuo diima.

Rom Tɩŋŋaa 3:31

La saa jaŋ wuo joŋ wɩalɩŋ Mosis sɩ bile ta a tɩŋ la sɩ laa Wɩa dii wɩaa? Aɩ, ŋɩɩ bɩ wuo ŋaa, la Wɩa laa diiniŋ leŋe Mosis sɩ ŋmʋnsa wɩalɩŋ bil dɩ la tuto wasa zɔŋ nɛ.

Rom Tɩŋŋaa 4:14

Dɩ nɩalɩŋ sɩɩ to wɩalɩŋ Mosis fa sɩ bile dɩ nɩaa tuto, dɩ ba dʋndʋŋa nɛ fa jaŋ dii dʋnɩa, ŋɩɩ-na nɩaa sɩ laa Wɩa dii fa ŋaa pɛɩ nɛ. Wɩalɩŋ Wɩa sɩ bʋla ma fa ŋaa pɛɩ.

1 SAMƲƐL 17:46

Jɩnɩŋ La TƖƖNA jaŋ joŋuŋ hɛ mɩ nɩsɩŋ lɛ, mɩ jaŋ kpʋŋ a keri ŋ nyuŋ. Jɩnɩŋ mɩ jaŋ joŋ Fɩlɩsɩtɩa tɩŋŋaa laalɩyuoroo deemba kʋsʋʋnʋŋ a pɩ zaaraa arɩ baga kɩaa dɩ ba dii. Ŋɩɩ nɛ dʋnɩa nɩaa kala jaŋ jɩŋ dɩ Iziral Wɩa nɛ kɛŋ doluŋ.