JƐRƖMAAYA 19:5 - WƖA TENIŊ

⁵ Ba saa Baal vesiŋ dɩ-kpaaraa nɛ dɩ ba nyɩgɛ ba hambolibiisiŋ a pɩ Baal. Mɩ dee bɩ wɩɩŋ deeŋ daga, ŋɩɩ paala bɩ mɩ tʋɔbɩɩnaa kɔ.

JƐRƖMAAYA 19:5 ပူးပေါင်းရင်းမြစ်များ

2 KUOROO 17:17

Ba yie kɛsɛ ba hambolibiisiŋ arɩ ba toloo kpʋ a nyɩga pɩpɩ vesiŋ, a vʋvʋgɛ, a joŋ ba tɩtɩa kala hɛ wʋbɔŋŋɔɔ ŋaanɩŋ lɛ La TƖƖNA teeŋ, a leŋ ʋ baanɩŋ sii.

2 KUOROO 21:6

Ʋ kɛŋ ʋ tɩtɩa nanʋala a kpʋ nɛ a nyɩga pɩ vesiŋ. Ʋ faa vʋgʋ nɛ, a ŋɩŋaa chichiribi wɩaa a yɩyɩrɛ kantɔŋŋɔɔ arɩ lɛlɛɛ. Ʋ fa ŋaa wʋbɔŋŋɔɔ yʋgɛ nɛ woruŋ a leŋ La TƖƖNA baanɩŋ chaasa sii ʋ nyuŋ.

2 IZIRAL TƖŊŊAA NAABARƖŊ 28:3

Ʋ fa kpʋ pʋsʋŋ a nyɩgɛ nɛ Bɛŋ Hɩnɔm fuonaaŋ lɛ, a paala kɛŋ ʋ tɩtɩa hambolibiisiŋ kpʋ a nyɩga pɩ vesiŋ a ŋaa wɩalɩŋ sɩɩ kɩsʋ La TƖƖNA teeŋ. Wɩalɩŋ tɩtɩa nɛ tinteye-la nɩaa fa ŋɩŋaa tintee-la lɛ, La TƖƖNA kiriba ta ka Iziral tɩŋŋaa kʋ hɔŋ.

JƐRƖMAAYA 32:35

Ba saa vesiŋ dɩ-kpaaraa nɛ Bɛŋ Hɩnɔm fuonaaŋ lɛ a pɩ vene-la ba sɩɩ yɩrɛ Baal dɩ ba kɛsɛ ba hambolibiisiŋ arɩ ba hantolibiisiŋ a kpaarɛ vene-la ba sɩɩ yɩrɛ Mɔlɛk. Wɩɩ mɩ sɩ bɩ ba daga, ŋɩɩ paala bɩ mɩ tʋɔbɩɩnaa ma kɔ arɩ ba jaŋ ŋaa wʋkɩsɩŋ deeŋ a leŋ dɩ Juda ŋaa wʋbɔŋ.

ƐZƖKƖƐL 16:36

Wɩɩ-la mɩ-na ŋ TƖƖNA Wɩɩjarɩbakɔ sɩ bʋla nɛ ŋ-la: Ŋ wuri ŋ gɛnnɩŋ nɛ aŋ ka ŋ yarɩ-biree a nagɛ hachɔrʋŋ a joŋ ŋ tɩtɩa pɩ ŋ hɩɩlaba arɩ ŋ vʋɩyaa kala, aŋ kɛsɛ ŋ biiriŋ kpaarɛ tɔŋŋɔɔ sɩ ŋaa disiŋ kɩaa mɩɩ kɩsɛ.

ƐZƖKƖƐL 20:26

Mɩ leŋe ba kɛsɛ ba hambolibii bumbumba fa sɩ maga dɩ ba joŋo pɩmɛ nɛ a kpʋ nyɩga pɩ vesiŋ a chei ba tɩtɩa. Mɩ fa ŋaa ŋɩɩ dɩ mɩ joŋ fawʋllʋŋ kɩŋkɛŋ nɛ hɛ ba lɛ dɩ ba jɩŋ arɩ mɩ nɛ ba TƖƖNA.’

ƐZƖKƖƐL 38:10

Wɩɩ-la La TƖƖNA Wɩɩjarɩbakɔ sɩ bʋla nɛ ŋ-la: “Dɩ bʋa-la nɛ yie, ŋ jaŋ suomo bɩbɩɩnɛ dɩ ŋ ŋaa wʋbɔŋ.

DANƖƐL 2:29

Kuoro, ŋ sɩ pɩŋ bɔsɔ lɛ, ŋ tʋɔbɩɩnaa mʋ wɩalɩŋ sɩ jaŋ ŋaa maachie lɛ nɛ. Wɩa sɩ joŋ wʋkpuŋkperisiŋ dɩdagɛ nɩaa, dagɩŋ wɩalɩŋ maachie sɩ jaŋ ŋaa nɛ.

LEVI DOHO NƖAA 18:21

Má pʋpɔ ma sɩ́ ma bii kaa pa dɩ ba kaa kpaarɛ vene-la ba sɩɩ yɩrɛ Mɔlɛk, a hɛ ma Wɩa hɩɩsɩŋ. Mɩ nɛ ŋaa ma TƖƖNA.

NAMBABA 22:41

Taŋ sɩ pʋla, Balak kɛŋ Balam ba jɩl lee-la ba sɩɩ yɩrɛ Bamɔf Baal. Nɩmɛ nɛ ʋ chɩŋ aŋ bee mʋ na Iziral tɩmma-la dɔnsʋŋ.

MOSIS BƖRA WULLI WƖA WOMBIIŊ 12:31

Má bɩ maga dɩ má zil ma TƖƖNA Wɩa ŋɩɩ nɩalɩŋ sɩɩ zil ba vesiŋ. Dɩ ba nɩɩ kpaarɛ ba vesiŋ, ba yie ŋaa wɩalɩŋ sɩ bɩ bana kɛnɛ a kɩkɩsɛ nɛ La TƖƖNA teeŋ. Ba yie wuo joŋ ba biiriŋ a nyɩga pɩ ba vesiŋ.