JƐRƖMAAYA 19:4 - WƖA TENIŊ

⁴ Ba vɩamɛ nɛ aŋ kɛŋ leriŋ deeŋ bɩrɩmɛ vesiŋ lee. Ba kpʋ pʋsʋŋ a nyɩga pɩ vesiŋ ba-na koo ba naabalɩmaba koo Juda kuoroo ha sɩ bɩ jɩŋ. Ba kpʋ nɩaa sɩ bɩ wɩɩ cheye nɛ a chei leriŋ deeŋ kala.

JƐRƖMAAYA 19:4 ပူးပေါင်းရင်းမြစ်များ

2 KUOROO 21:16

Manasɛ ha pɛ kpʋ nɩaa sɩ bɩ wɩɩ cheye a yʋgɛ nɛ a leŋ Jerusalɛm kala ŋaa disiŋ, a pɛ ʋ sɩ leŋe Juda nɩaa ŋaa wʋbɔŋ-la, a ŋaa wʋbɔŋŋɔɔ La TƖƖNA teeŋ.

2 KUOROO 23:10

Josaaya fa bɩra chei vesiŋ dɩ-kpaara-la ba sɩɩ yɩrɛ Tɔfɛf a hɛ Bɛŋ Hɩnɔm fuonaaŋ lɛ, dɩ nɩaa bɩra sɩ́ ba biiriŋ kaa mʋ kpʋ a nyɩga pɩ vene-la ba sɩɩ yɩrɛ Mɔlɛk.

2 KUOROO 24:4

a wasa nyaŋ nɩalɩŋ kala sɩ bɩ wɩɩ cheye, aŋ ka Manasɛ kpʋba. La TƖƖNA fa bɩ cho dɩ ʋ joŋ wɩɩ-la chɛʋ.

WƖA YƖƖLAA 106:38

Ba kpʋ nɩalɩŋ sɩ bɩ wɩɩ cheye, ba hambolibiisiŋ arɩ ba toloo. Ba kɛsɛba kpʋ nɛ a kpaarɛ Kɛnaŋ tɩŋŋaa tɔŋŋɔɔ, ba chalɩŋ leŋ tintee-la kɛŋ disiniŋ.

AZAAYA 59:7

Maa ŋaa wʋbɔŋŋɔɔ nɛ bʋa na-kala lɛ, a kpʋkpʋ nɩaa sɩ bɩ wɩɩkala cheye. Ma tʋɔbɩɩnaa kala ŋaa kʋbɔmɔ nɛ. Dɩ ma nɛ mʋ lee-kala, ma yie chei nɩmɛ kala nɛ ʋ pɩŋ jikpeeŋ.

AZAAYA 65:11

Ama nɩalɩŋ kala sɩ vɩa mɩ-na ma TƖƖNA a yʋ mɩ peel-la sɩ bɩ disiniŋ kɛnɛ wɩaa, aŋ kpʋkpaarɛ vesi-la ba sɩɩ yɩrɛ ‘Nyu-sɩŋ’ arɩ ‘Wɩɩ-dagɩŋ’,

JƐRƖMAAYA 1:16

Mɩ jaŋ dii mɩ nɩaa sarɩya a tɩŋ ba wʋbɔŋŋɔɔ wɩaa. Ba vɩamɛ nɛ, aŋ nyɩgɛ kʋsʋɔrʋsʋŋ pɩpɩ vesiŋ a kpʋkpaarɛ vʋɩyaa ba tɩtɩa sɩ ŋaa.

JƐRƖMAAYA 11:13

Ma Juda nɩaa kɛŋ vʋɩyaa yʋga magɛ tasɩ-la ma sɩ kɛnɛ nɛ. Korunu-la ma sɩ saa dɩ ma nyɩgɛ kʋsʋɔrʋsʋŋ pɩpɩ ma hɩɩsɛ vene-la ba sɩɩ yɩrɛ Baal ma yʋga nɛ a magɛ Jerusalɛm womporunuŋ.’

JƐRƖMAAYA 15:6

Ma vɩamɛ nɛ. Mɩ-na ma TƖƖNA nɛ bʋla. Ma joŋ harɩŋ yɩyɩamɛ nɛ. Ŋɩɩ wɩaa mɩ jaŋ joŋ nɩsɩŋ daŋ ma lɛ a cheima. Mɩ bɩra bɩ jaŋ wuo fá ma nisusuŋ.

JƐRƖMAAYA 16:11

Ŋɩɩ-na bʋla pɩba, ‘A tɩŋ ma naabalɩmaba sɩ vɩamɛ, aŋ to vesiŋ, a kpaarɛba wɩaa nɛ tɩɩ.’ Mɩ-na ma TƖƖNA nɛ bʋla. Ba vɩamɛ nɛ a bɩ mɩ wombii-la mɩ sɩ bile dɩ ba tuto ka to.

JƐRƖMAAYA 17:13

La TƖƖNA, ŋ lɛ nɛ Iziral tɩŋŋaa yɩɛlaa kala hɛ. Hɩɩsɩŋ jaŋ dii nɩalɩŋ kala sɩ joŋ harɩŋ yɩaŋ. Nɩalɩŋ kala sɩ mɩɩrɛ ŋ harɩŋ yɩrɩŋ jaŋ lɛl a nagɛ ba sɩ ŋmʋnsɛ nɩa yɩrɩŋ bil hagɩla lɛ, a tɩŋ ba sɩ vɩa La TƖƖNA sɩɩ pɩba mɩɩsɩŋ a nagɛ lɩɩ-bulo.

JƐRƖMAAYA 17:20

Bʋla pɩba: Má jegile nɩɩ mɩ-na ma TƖƖNA wɩaa, Juda kuoroo arɩ Juda nɩaa kala, arɩ nɩalɩŋ kala sɩ hɛ Jerusalɛm lɛ a to boi-baalaa deemba jʋjʋʋ.

JƐRƖMAAYA 18:15

Ama mɩ nɩaa yʋ mɩ wɩaa nɛ. Ba nyɩgɛ kʋsʋɔrʋsʋŋ a pɩpɩ tɔŋŋɔɔ sɩ ŋaa kʋpɛɩba nɛ. Tɔmɔ-la nɛ leŋe ba titel ba wʋŋaalaa lɛ, a bɩ wombii-bɩnɩa-la ka to. Tɔmɔ-la leŋe ba vɩvɛŋ wombiee ba sɩ vɩa ta lɛ nɛ, wombiee ba sɩ bɩ wasa.

JƐRƖMAAYA 2:13

Wʋbɔŋŋɔɔ balɩa nɛ mɩ nɩaa ŋaa. Mɩ nɩɩ pɩba mɩɩsɩŋ a nagɛ lɩɩ-bulo, ka ba vɩamɛ, aŋ lu ba tɩtɩa vilee, vil-kpaarɩŋ lɩɩŋ sɩ bɩ ba tʋɔŋ wuo chɩŋ.

JƐRƖMAAYA 2:17

Ma nɛ lɛrɛ wɩɩŋ deeŋ kʋ hɛ ma tɩtɩa lɛ, ma sɩ vɩa mɩ-na ma TƖƖNA Wɩa, mɩ nɛ fa kɛmma vɩvɛŋ.

JƐRƖMAAYA 2:19

Ma tɩtɩa wʋbɔŋŋɔɔ nɛ jaŋ gʋra diima. Ma sɩ mɩɩrɛ mɩ harɩŋ, ŋɩɩ jaŋ leŋ dɩ ma laa cheeriŋ. Lɛɛlɛ nɛ ma jaŋ jɩŋ arɩ ʋ ŋaa wʋbɔŋ nɛ, a ŋaa wʋtɔɔ, ma sɩ vɩamɛ a bɩ mɩ-na ma TƖƖNA Wɩa ka fá. Mɩ-na ma TƖƖNA doluŋ kala Tɩɩna nɛ bʋla.

JƐRƖMAAYA 2:30

Mɩ fa dɔgɩsɛ ma nɩaa nɛ a chɩchɛ dɩ mɩ kɛmba tʋra kɩɩ nɛ, ama ŋɩɩ ŋaa pɛɩ nɛ. Ba fa bɩ mɩ teeŋ jegile nɩɩ, aŋ kpʋ ma Wɩa wʋlaabʋllaa a nagɛ naachigiŋ sɩ hoso a kpʋ nɩaa.

JƐRƖMAAYA 2:34

Ma gɛnnɩŋ kala nɛ suo arɩ summo-la sɩ bɩ wɩɩkala cheye chalɩŋ, ka ma bɩ ba na dɩ ba bori ma dɩɩsɩŋ jʋjʋʋ.

JƐRƖMAAYA 22:17

Ama ŋ sɩaa arɩ ŋ tʋɔŋ kala hɛ gɩrɩma dii lɛ nɛ, a kpʋkpʋ nɩaa sɩ bɩ wɩɩ cheye a dʋdɔgɩsɛ nɩaa, aŋ pɛ kɛŋ nɩaa kɩaa lɩlaa.”

JƐRƖMAAYA 22:3

wɩɩ-la mɩ-na ma TƖƖNA sɩ bʋla nɛ ŋ-la: Má kɛŋ wʋtɩtɩɩ a ŋaa wɩaa ba bʋa lɛ. Má lorigo laa nɩɩ-la ba sɩ nyaga bil ta nɩɩ-la sɩɩ gʋrʋ nɩsɩŋ lɛ. Má sɩ́ wʋbɔŋ koo yuosu wɩɩ ŋaa nʋhʋɔrʋ koo biisime koo yo-haala lɛ. Má sɩ́ nʋʋ ma sɩ bɩ wɩɩ ŋaa chei kpʋ leriŋ deeŋ.

JƐRƖMAAYA 26:15

Ma ta jɩŋ, dɩ ma nɛ kpʋmɛ, nʋʋ sɩ bɩ wɩɩ cheye chalɩŋ nɛ jaasɛ ŋɩɩ, a lɔgɛ wɩaa hɛ ma tɩtɩa arɩ tabalɩŋ deeŋ arɩ nʋʋkala sɩ hɛ ʋ lɛ. Wʋtɩtɩɩ, La TƖƖNA nɛ tɩmmɛ dɩ mɩ kʋ bʋl wɩaa deemba kala dɩ ma nɩɩ.”

JƐRƖMAAYA 26:23

Ba mʋ kɛŋ Yuria Ijipiti tinteeŋ lɛ, a kaa kʋ pɩ kuoro Jehoyakim. Ʋ laaʋ a kpʋʋ arɩ tokobiiŋ ba joŋu hugi lee-la ba sɩɩ hugi nɩalɩŋ sɩ bɩ nɩ-yuŋŋie ŋaa.)

JƐRƖMAAYA 44:3

a tɩŋ wʋbɔmɔ-la ba sɩ ŋaa wɩaa. Ba leŋe mɩ baanɩŋ sii ba nyuŋ nɛ ba sɩ nyɩgɛ kʋsʋɔrʋsʋŋ a kpʋkpaarɛ vesiŋ, ba-na koo ma-na koo ma naabalɩmaba sɩ bɩ jɩŋ.

JƐRƖMAAYA 5:6

Ŋɩɩ wɩaa, naachigiŋ jaŋ lɩɩ duuŋ tʋɔŋ a kʋ kpʋba. Guŋguro jaŋ lɩɩ tintee-hɩlɩŋ a kʋ kɛmba pʋɔsɛ. Kpeye jaŋ faa kpagɛ ba tasɩŋ a gbɛrɛba, dɩ nʋʋkala nɛ kʋ lɩɩ, ʋ jaŋ kɛnʋ pʋɔsɛ. Ba chaasa vɩa La TƖƖNA nɛ, wɩalɩŋ ba sɩ ŋaa chei yʋga nɛ.

JƐRƖMAAYA 7:6

dɩ ma nɛ bɩ nʋhʋɔraa, biisinsiŋ arɩ yo-haalaa ka wʋrʋgɛ, a bɩ nɩaa sɩ bɩ wɩɩ cheye maa kpʋ tinteeŋ deeŋ lɛ, a bɩ vesiŋ sɩ jaŋ ŋaama wʋbɔŋ harɩŋ ka to,

JƐRƖMAAYA 7:9

Ma yie gɩgaa nɩaa kɩaa nɛ, a kpʋkpʋ nɩaa, a chɩchɛ dɔŋɔba haalaa, a nyɩɛ wɩaa aŋ ŋmɩŋmɩɛsɛ, a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a tuto vesiŋ dɔnsʋŋ ma sɩ bɩ jɩŋ,

JEMBIEE 4:13

Ama ŋɩɩ ŋaa nɛ, a tɩŋ Wɩa wʋlaabʋllaa arɩ Wɩɩsʋllɩ sɩpaalaaraa sɩ ŋaa wʋbɔŋŋɔɔ wɩaa, ba kpʋ tʋɔpʋl tɩmma-la sɩ hɛ Jerusalɛm lɛ nɛ.

ƐZƖKƖƐL 20:26

Mɩ leŋe ba kɛsɛ ba hambolibii bumbumba fa sɩ maga dɩ ba joŋo pɩmɛ nɛ a kpʋ nyɩga pɩ vesiŋ a chei ba tɩtɩa. Mɩ fa ŋaa ŋɩɩ dɩ mɩ joŋ fawʋllʋŋ kɩŋkɛŋ nɛ hɛ ba lɛ dɩ ba jɩŋ arɩ mɩ nɛ ba TƖƖNA.’

ƐZƖKƖƐL 7:22

Mɩ jaŋ joŋ harɩŋ yɩaba, dɩ nɩbɔŋŋɔɔ nɛ chei lee-la mɩ sɩ cho a leŋ dɩ ʋ kɛŋ disiniŋ, gaaraa jaŋ kʋ jʋʋ lee-la a ŋaa dɩ ʋ kɛŋ disiniŋ.

ƐZƖKƖƐL 8:11

Iziral tɩŋŋaa sɩpaalaaraa mahɩŋ batori arɩ fii hɛ nɩmɛ a pɛ Safaŋ nanʋala Jazanɩa lɛ. Sɩpaalaara-la kʋŋkala fa kori kʋ-la ba sɩ kaa nyɩnyɩgɛ kʋsʋɔrʋsʋŋ nɛ, ka nyʋɔsʋŋ sisii kʋsʋɔrʋsʋŋ sʋɔra sɩ sɩma lɛ.

DANƖƐL 11:31

Ʋ laalɩyuoroo jaŋ sii chei Wɩa dɩɩ-bal-la dɩ-duoŋ dɩ ʋ kɛŋ disiniŋ a pɔ dɩ ba bɩra sɩ́ tapʋlɩɩ kala pʋsʋŋ kpʋ ŋaa Wɩɩsʋlʋŋ. Ba jaŋ joŋ disiŋ kʋŋ sɩɩ chei leriŋ a bil Wɩa dɩɩ-bal-la dɩ-balɩŋ.

Luuk 11:50

Wɩa jaŋ dɔgɩsɛ jɩnɩŋ nɩaa a tɩŋ ba sɩ kpʋ ʋ wʋlaabʋllaa a lɩɩ dʋnɩa dɩ-suomuŋ,

MOSIS BƖRA WULLI WƖA WOMBIIŊ 13:13

dɩ nɩbɔŋŋɔɔ lɩɩ ma tʋɔŋ a nyɩsɛ nɩaa dɩ ba mʋ to vesiŋ, vesi-la ma ha sɩ bɩ to aŋ ka,

MOSIS BƖRA WULLI WƖA WOMBIIŊ 13:6

Dɩ ŋ naambie tɩtɩa koo ŋ bie koo ŋ tolo koo ŋ hachooluŋ koo ŋ nandɔŋ-fɩɛmɩŋ nɛ lʋara nyɩsɩŋ a bʋl, “Leŋ dɩ la mʋ a to vesiŋ a pɛ La Tɩɩna lɛ,” vesi-la ma dɩ ma nyɩmmaba kʋŋkala ha sɩ bɩ to aŋ ka,

MOSIS BƖRA WULLI WƖA WOMBIIŊ 28:20

Dɩ ma nɛ vɩa La TƖƖNA, ʋ jaŋ leŋ dɩ ma wɩɩkala vʋgʋmɛ, dɩ wʋwalɩmaa jʋʋma dɩ ma to ŋɩɩ lɛ a kala guu chei, a tɩŋ wʋbɔŋ-la ma sɩ ŋaa lɛ.

MOSIS BƖRA WULLI WƖA WOMBIIŊ 28:36

La TƖƖNA jaŋ kiri ma dɩ ma kuoro kala a mʋ hɛ tintee-wogo lɛ ma dɩ ma nyɩmmaba ha sɩ bɩ jɩŋ. Nɩmɛ ma jaŋ kpaarɛ vesiŋ ba sɩ kɛŋ daasɩŋ arɩ tabɩaa a ŋaa.

MOSIS BƖRA WULLI WƖA WOMBIIŊ 28:64

La TƖƖNA jaŋ kɛmma pɩsa hɛ dʋnɩa tinteyee kala lɛ. Nɩmɛ nɛ ma jaŋ kpaarɛ vesiŋ ba sɩ kɛŋ daaŋ arɩ tabɩaa a ŋaa, vesi-la ma dɩ ma naabalɩmaba sɩ bɩ jɩŋ.

Jɔɔŋ Wʋnaalaa 16:6

Dʋnɩa nɩaa kpʋ ŋ nɩaa arɩ ŋ wʋlaabʋllaa nɛ. Ba sɩ ŋaa ŋɩɩ nɛ tɩɩ ŋ ŋaa chalɩŋ pɩba dɩ ba nyʋa. Ʋ maga dɩ ba nyʋa nɛ.”

SƖPAALAARAA 5:8

Iziral tɩŋŋaa sɩ kʋʋ to vesiŋ, laalɩŋ kʋ jʋʋba nɛ. Iziral nɩaa bʋɩ mahɩŋ balɩa tʋɔŋ, hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ koo timiŋ kʋbala ma fa tuo ba teeŋ.