JƐRƖMAAYA 19:2 - WƖA TENIŊ

² dɩ ma mʋ Bɛŋ-Hɩnɔm fuonaaŋ sɩ kpagɛ kanchelliŋ boi-baalɩŋ. Dɩ ma nɛ mʋ nɩmɛ, bʋl wɩalɩŋ mɩ sɩ jaŋ bʋla pɩŋ.

JƐRƖMAAYA 19:2 ပူးပေါင်းရင်းမြစ်များ

2 KUOROO 23:10

Josaaya fa bɩra chei vesiŋ dɩ-kpaara-la ba sɩɩ yɩrɛ Tɔfɛf a hɛ Bɛŋ Hɩnɔm fuonaaŋ lɛ, dɩ nɩaa bɩra sɩ́ ba biiriŋ kaa mʋ kpʋ a nyɩga pɩ vene-la ba sɩɩ yɩrɛ Mɔlɛk.

2 IZIRAL TƖŊŊAA NAABARƖŊ 28:3

Ʋ fa kpʋ pʋsʋŋ a nyɩgɛ nɛ Bɛŋ Hɩnɔm fuonaaŋ lɛ, a paala kɛŋ ʋ tɩtɩa hambolibiisiŋ kpʋ a nyɩga pɩ vesiŋ a ŋaa wɩalɩŋ sɩɩ kɩsʋ La TƖƖNA teeŋ. Wɩalɩŋ tɩtɩa nɛ tinteye-la nɩaa fa ŋɩŋaa tintee-la lɛ, La TƖƖNA kiriba ta ka Iziral tɩŋŋaa kʋ hɔŋ.

2 IZIRAL TƖŊŊAA NAABARƖŊ 33:6

Ʋ kɛŋ ʋ tɩtɩa hambolibiisiŋ mʋ Hɩnɔm Fuonaaŋ a kpʋ nɛ a nyɩga pɩ vesiŋ. Ʋ faa vʋgʋ nɛ, a ŋɩŋaa chichiribi wɩaa arɩ hɩl wɩaa, a yɩyɩrɛ kantɔŋŋɔɔ arɩ lɛlɛɛ. Ʋ fa ŋaa wʋbɔŋŋɔɔ yʋgɛ nɛ woruŋ a leŋ La TƖƖNA baanɩŋ chaasa sii ʋ nyuŋ.

NƐHƖMAAYA 3:29

Ima nanʋala Zadɔk ma nɛ wasa saa lee-la sɩ tɩgɛ ba lɛ a challɛ ʋ dɩa. Sɛkanɩa nanʋala Sɛmaaya sɩɩ pɔ Wɩɩpɔsʋŋ dɩɩrɩŋ Boi-baalɩŋ ma wasa saa lee-la sɩ tɩgɛ Zadɔk lɛ.

JƐRƖMAAYA 1:7

Ama La TƖƖNA bʋla pɩmɛ, “Sɩ́ bʋl, arɩ ŋ ŋaa hambie nɛ. Dɩ mɩ nɛ tɩmɩŋ nʋʋkala teeŋ, ʋ maga dɩ ŋ mʋ nɛ a bʋl wɩɩ-la mɩ sɩ sɩ ŋ bʋl.

JƐRƖMAAYA 11:6

La TƖƖNA bɩra bʋla pɩmɛ, “Heele bʋl wɩaa deemba Juda tasɩŋ arɩ Jerusalɛm womporunuŋ lɛ, ‘Má jegile nɩɩ wɩalɩŋ sɩ hɛ niiŋ deeŋ sɩ hɛ mɩ dɩ ma pɛgɛ lɛ a toba.

JƐRƖMAAYA 18:2

“Mʋ pupo-mɛɛrɛ dɩa, nɩmɛ nɛ mɩ jaŋ bʋl wɩaa pɩŋ.”

JƐRƖMAAYA 26:2

Wɩɩ-la La TƖƖNA sɩ bʋla nɛ ŋ-la: “Mʋ chɩŋ mɩ dɩɩ-bal-la kaala lɛ a bʋl wɩaa pɩ nɩalɩŋ kala sɩ hɛ Juda tasɩŋ lɛ a yie kɔ mɩ dɩɩ-bal-la a dɩdɛnnɛmɛ. Bʋl wɩalɩŋ kala mɩ sɩ bʋla pɩŋ a pɩba, sɩ́ wɩɩkala gɛllɛ ta.

JƐRƖMAAYA 3:12

Mʋ heele bʋl wɩɩŋ deeŋ mɩ sɩɩ bʋl, wɩɩpɔsʋŋ nagʋa dɩɩrɩŋ, ‘Ma Iziral tɩŋŋaa sɩ bɩ wʋtɩtɩɩ kɛnɛ, La TƖƖNA sɩ má mɩɩra kɔ. Mɩ bɩra bɩ jaŋ kɛŋ mɩ sɩaa chei ma nyuŋ, mɩɩ fá nɩaa nenige nɛ. Mɩ-na ma TƖƖNA nɛ bʋla. Mɩ bɩ jaŋ na baanɩŋ ma nyuŋ a kaa mʋ wuu.

JƐRƖMAAYA 32:35

Ba saa vesiŋ dɩ-kpaaraa nɛ Bɛŋ Hɩnɔm fuonaaŋ lɛ a pɩ vene-la ba sɩɩ yɩrɛ Baal dɩ ba kɛsɛ ba hambolibiisiŋ arɩ ba hantolibiisiŋ a kpaarɛ vene-la ba sɩɩ yɩrɛ Mɔlɛk. Wɩɩ mɩ sɩ bɩ ba daga, ŋɩɩ paala bɩ mɩ tʋɔbɩɩnaa ma kɔ arɩ ba jaŋ ŋaa wʋkɩsɩŋ deeŋ a leŋ dɩ Juda ŋaa wʋbɔŋ.

JƐRƖMAAYA 7:2

“Chɩŋ mɩ-na ma TƖƖNA dɩɩ-balɩŋ boi-baalɩŋ niiŋ aŋ heele bʋl wɩɩŋ deeŋ. Ma-na Juda tɩmma-la kala sɩ to boi-baalaa deemba a kʋ chʋchʋɔlɛ La TƖƖNA, má jegile nɩɩ wɩɩ-la La Tɩɩna sɩ bʋla.

JONA 3:2

“Mʋ tabal-la ba sɩɩ yɩrɛ Nɩnɩvɛ a bʋl wɩalɩŋ mɩ sɩ bʋla pɩŋ.”

Matiu 10:27

Wɩɩkala mɩ sɩ bʋla pɩma birimiŋ tʋɔŋ, ʋ maga dɩ ma bʋlʋ pʋlʋmʋŋ tʋɔŋ. Wɩɩkala mɩ sɩ munso bʋla pɩma birimiŋ tʋɔŋ, má heele bʋlʋ lusuŋ nyuŋ.”

Tɩntɩŋŋaa 20:27

bɛɛ wɩaa mɩ bʋl wɩalɩŋ kala Wɩa sɩɩ chɛ nɛ a pɩma.

Tɩntɩŋŋaa 5:20

“Má mʋ jʋʋ chɩŋ Wɩa dɩɩ-bal-la lɛ a chaasa bʋl wombii-falɩŋ deeŋ wɩaa pɩ nɩaa.”

JOSUA 15:8

Tintee-la bʋa nɛ ha jɩla to Bɛŋ Hɩnɔm fuonaaŋ a joŋ ŋɩɩ a mʋ to Jebus tɩŋŋaa tabal-la (ʋ nɛ ha baa yɩrɛ Jerusalɛm) a joŋ ŋɩɩ a mʋ jɩl dundolo nyuŋ sɩ hɛ Hɩnɔm fuonaa-la wɩɩjʋʋlʋŋ dɩɩrɩŋ, a bɩra hɛ Refem fuonaaŋ wɩɩpɔsʋŋ nagʋa dɩdɛrɩŋ.