JƐRƖMAAYA 19:13 - WƖA TENIŊ

¹³ Jerusalɛm dɩɩsɩŋ arɩ Juda kuoroo dɩɩsɩŋ kala jaŋ kɛŋ disiniŋ a nagɛ Tɔfɛf. Ba dɩɩsɩ-la kala lɛ ba sɩ nyɩgɛ kʋsʋɔrʋsʋŋ lusuŋ-nyuŋ a pɩpɩ chɛnɛ arɩ chɛnwʋlaa aŋ ŋaa kʋnyʋalaa ma pɩpɩ ba vesiŋ kala jaŋ kɛŋ disiniŋ.’ ”

JƐRƖMAAYA 19:13 ပူးပေါင်းရင်းမြစ်များ

2 KUOROO 17:16

Iziral tɩŋŋaa fa vɩa ba TƖƖNA Wɩa niiŋ wɩalɩŋ kala nɛ, aŋ mɛ kɩaa balɩa ba nagɛ nɛ-biisiŋ a pɛ Asɩra daaŋ, a bɩra mɛ kɩaa ba nagɛ chɛnwʋlaa a kpʋkpaarɛ ba dɩ vene-la ba sɩɩ yɩrɛ Baal kala.

2 KUOROO 23:10

Josaaya fa bɩra chei vesiŋ dɩ-kpaara-la ba sɩɩ yɩrɛ Tɔfɛf a hɛ Bɛŋ Hɩnɔm fuonaaŋ lɛ, dɩ nɩaa bɩra sɩ́ ba biiriŋ kaa mʋ kpʋ a nyɩga pɩ vene-la ba sɩɩ yɩrɛ Mɔlɛk.

2 KUOROO 23:12

Josaaya ŋmoo vʋɩyaa korunu-la Juda tinteeŋ kuoroo sɩ saa lo, kɩalɩŋ sɩ hɛ lusuŋ nyuŋ a kpagɛ Ahas lusuŋ-nyuŋ dɩa. Ʋ bɩra ŋmoo korunu-la Manasɛ fa sɩ saa bil Wɩa dɩa kaalɩsɩŋ balɩa-la lɛ. Ʋ ŋmoo ba kala yɛrɛ muno muno a paa yuo hɛ Kɩdɩrɔŋ fuonaaŋ lɛ.

2 KUOROO 23:14

Ʋ ŋmoo tabɩa-la ba sɩ bile a kpʋkpaarɛ yɛrɛ aŋ keri Asɩra daa-la ma lo, aŋ chʋŋ nuhuobiine haŋgbelee kʋ su lee-la kala.

WƖA YƖƖLAA 74:7

Ba nyɩgɛ ŋ dɩɩ-bal-la nɛ, aŋ ŋaa lee-la ba sɩɩ chʋɔlʋŋ kɛŋ disiniŋ.

WƖA YƖƖLAA 79:1

Wɩa, vʋɩ-kpaaraa kʋ yuo laa ŋ tinteeŋ nɛ, a ŋaa disiniŋ hɛ ŋ dɩɩ-bal-la sɩ bɩ disiniŋ kɛnɛ lɛ, a leŋ Jerusalɛm kala pɩŋ jikpeeŋ.

AZAAYA 22:1

Wɩɩ-la Wɩa sɩ bʋla tɩgɛ fuonaa-la lɛ ba sɩ yie mʋ nɩna wɩaa Wɩa teeŋ nɛ ŋ-la: Wʋbɛɛba nɩɩ walɩmɛma lɛɛlɛ, ma kala sii fá jɩl lusunuŋ?

JƐRƖMAAYA 19:12

Wɩɩ-la mɩ sɩ jaŋ ŋaa leriŋ deeŋ arɩ nɩalɩŋ sɩ hɛ ʋ lɛ nɛ ŋɩɩ. Mɩ-na ma TƖƖNA nɛ bʋla. Mɩ jaŋ leŋ dɩ tabalɩŋ deeŋ nagɛ Tɔfɛf.

JƐRƖMAAYA 32:29

Babɩlɔŋ tɩmma-la sɩɩ yuo tabalɩŋ deeŋ jaŋ kʋ jʋʋ joŋ nyiniŋ hɛʋ. Ba jaŋ nyɩgʋ dɩ ʋ dii tel, a pɛ dɩɩsɩ-la nɩaa sɩ kaa ŋaa wɩaa mɩ baanɩŋ sii lɛ. Dɩɩsɩ-la nyuŋ nɛ ba nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal, aŋ pɛ ŋaa kʋnyʋalaa Wɩɩsʋlʋŋ ma aa pɩ vesiŋ.

JƐRƖMAAYA 44:18

Ama la sɩ kʋ leŋ kʋsʋɔrʋsʋŋ nyɩga pɩ wɩa-nyuŋ veŋ ha-kuoru-la, a bɩ kʋnyʋalaa wansa pʋpʋ, la bɩ kʋŋkala kɛnɛ, ka laalɩŋ arɩ losuŋ kpʋkpʋla.”

JƐRƖMAAYA 52:13

Ʋ sɩ kɔ, ʋ nyɩgɛ Wɩa dɩɩ-bal-la, kuoru dɩa arɩ Jerusalɛm dɩɩsɩŋ kala. Dɩɩ-nyuŋ kala sɩ hɛ nɩmɛ nɛ ʋ nyɩgɛ.

JƐRƖMAAYA 7:18

Biiriŋ jaa daasɩŋ hɩhɛ dɔŋɔ nɛ, nyɩmmaba ma hɩhɛ nyiniŋ, haalaa ma bubuu munuŋ dɩ ba wasɛ boroboro pɩ vene-la ba sɩɩ yɩrɛ wɩa-nyuŋ ha-kuoro. Ba wansɛ kʋnyʋalaa ma aa pɩ vesiŋ nɛ. Ba ŋaa wɩaa deemba kala a chɩchɛ dɩ mɩ baanɩŋ sii nɛ.

JƐRƖMAAYA 8:2

Ba jaŋ kɛmba yieni dɩ wɩɩpɔsʋŋ, chɛnɛ arɩ chɛnwʋlaa kala sɩ hɛ wɩa-nyuŋ chaana hɛ ba lɛ. Nɩalɩŋ fa cho kɩaa deemba nɛ a tɩma pɩpɩba. Ba faa toba nɛ a pɩɛsɛba chɩchɛ dɩ ba na wɩaa a kpʋkpaarɛba. Nʋʋ bɩ jaŋ kuri haŋgbele-la hɛ dɔŋɔ a hugi, ama ba jaŋ lemba ta dɩ ba pɩŋ tinteeŋ a nagɛ nʋsʋrʋŋ.

ƐZƖKƖƐL 20:28

Bʋa-la lɛ mɩ sɩ kɛmba kʋ jʋʋ tintee-la mɩ fa sɩ hɛ niiŋ arɩ mɩ jaŋ joŋo pɩba, dɩ ba nɛ na dundolo kala koo tɩɩ-lugu kala nɩmɛ, ba yie kpʋkpaarɛ vʋɩyaa nɩmɛ nɛ. Ba yie joŋ kɩaa pɩpɩba, a nyɩnyɩgɛ kʋsʋɔrʋsʋŋ sʋɔra sɩ sɩma a ŋaa kʋnyʋalaa pɩpɩba a ŋaa mɩ baanɩŋ sii.

ZEFANAAYA 1:5

Mɩ jaŋ chei nɩalɩŋ sɩ yie jɩl lusuŋ a kpirime chʋɔlɛ wɩɩpɔsʋŋ, chɛnɛ arɩ chɛnwʋlaa, arɩ nɩalɩŋ sɩ yie kpirime chʋɔlɛ mɩ-na ba TƖƖNA a ŋmɩɛsɛ mɩ yɩrɩŋ lɛ, aŋ ha bɩra ŋmɩŋmɩɛsɛ vene-la ba sɩɩ yɩrɛ Mɔlɛk ma yɩrɩŋ lɛ.

Tɩntɩŋŋaa 10:9

Taŋ sɩ pʋla, wɩa magɛ nyu-gbaŋa dɩ ba mʋ kpagɛ Jɔpa. Ba sɩɩ mʋ ŋɩɩ, Pɩɩta ma jɩl lusuŋ dɩ ʋ chʋɔlɛ Wɩa.

Tɩntɩŋŋaa 7:42

Wɩa joŋ harɩŋ yɩaba, a lemba ta ba chʋchʋɔlɛ chɛnwʋlaa arɩ chɛnɛ arɩ wɩɩpɔsʋŋ. Ba ŋmʋnsɛ ŋɩɩ nɛ Wɩa teniŋ sɛmɛ dɔŋɔ Wɩa wʋlaabʋllaa sɩ ŋmʋnsa. Ba ŋmʋnsa arɩ Wɩa sɩ, ‘Ma Iziral tɩmma, bʋa-la lɛ ma fa sɩ hɛ tintee-hɩlɩɩ-la lɛ jɩsɩŋ mahɩŋ balɩa-la, mɩ-na dee ma fa kpʋ pʋsʋŋ pa.

MOSIS BƖRA WULLI WƖA WOMBIIŊ 4:19

Má sɩ kɩaa deemba ma sɩɩ na wɩa-nyuŋ zil: Wɩɩpɔsʋŋ, chɛnɛ arɩ chɛnwʋlaa. Ba ŋaa kɩa nɛ La TƖƖNA sɩ joŋo pɩ dʋnɩa nɩaa kala.