JƐRƖMAAYA 18:8 - WƖA TENIŊ

⁸ dɩ tintee-la nɩaa mɩ sɩ bʋl ŋɩɩ pa nɛ bɩrɩma lɩɩ ba wʋbɔŋŋɔɔ lɛ, ŋɩɩ-na mɩ jaŋ lemba, mɩ bɩra bɩ jaŋ joŋ wʋlɔrʋŋ hɛ ba lɛ arɩ mɩ sɩ bɩɩnɛ ŋɩɩ.

JƐRƖMAAYA 18:8 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 12:6

Ŋɩɩ nɛ Iziral sɩpaalaaraa arɩ kuoro sɛɩ arɩ ba cheye nɛ aŋ bʋl, “La TƖƖNA kɩaa sɩma nɛ.”

WƖA YƖƖLAA 106:45

Ʋ tɩŋ ba wɩaa a liise yi nii-la sɩ hɛ ʋ dɩ ba pɛgɛ lɛ nɛ arɩ ʋ chono-la sɩ bɩ dɛrɛ lɛ, aŋ bɩrɩmɛ ʋ tʋɔbɩɩnaa.

WƖA YƖƖLAA 135:14

La Tɩɩna jaŋ laa ʋ nɩaa ta, aŋ fá ʋ tɩntɩnnaa ma nenige.

WƖA YƖƖLAA 90:13

La Tɩɩna, sɩ́ baanɩŋ na ŋ tɩntɩnnaa nyuŋ a dieni, fá la nenige.

MOSIS KƐŊ IZIRAL TƖŊŊAA LƖƖ 32:12

Ŋŋ chɛ dɩ Ijipiti tɩŋŋaa bʋl arɩ tʋɔbɔmʋŋ nɛ ŋ kaa kɛŋ ŋ nɩaa Iziral tɩŋŋaa lɩɩ dɩ ŋ kpʋba peelee tʋɔŋ, aŋ cheiba ta tinteeŋ kala lɛɛ? Leŋ dɩ ŋ baanɩŋ tuu tinteeŋ dɩ ŋ sɩ́ ŋ nɩaa chei ta.

MOSIS KƐŊ IZIRAL TƖŊŊAA LƖƖ 32:14

Ŋɩɩ nɛ La TƖƖNA leŋ wʋbɔŋ-la ʋ fa sɩ bɩɩna dɩ ʋ joŋo ŋaa ʋ nɩaa lɛ.

JƐRƖMAAYA 12:16

Dɩ tintee-la nɩalɩŋ nɛ gʋnnɛ mɩ nɩaa wombiee woruŋ, a kɛŋ mɩ yɩrɩŋ tɩtɩŋ, a bʋbʋl, ‘La ŋmɩɛsɛ La TƖƖNA sɩ weye,’ arɩ ba fa sɩ leŋe mɩ nɩaa ŋmɩŋmɩɛsɛ vene-la ba sɩɩ yɩrɛ Baal yɩrɩŋ lɛ ŋɩɩ, ŋɩɩ-na ba jaŋ hɔŋ mɩ nɩaa tʋɔŋ.

JƐRƖMAAYA 15:6

Ma vɩamɛ nɛ. Mɩ-na ma TƖƖNA nɛ bʋla. Ma joŋ harɩŋ yɩyɩamɛ nɛ. Ŋɩɩ wɩaa mɩ jaŋ joŋ nɩsɩŋ daŋ ma lɛ a cheima. Mɩ bɩra bɩ jaŋ wuo fá ma nisusuŋ.

JƐRƖMAAYA 26:13

Lɛɛlɛ, má bɩrɩmɛ ma mɛlɛ arɩ ma wʋŋaalaa aŋ to ma TƖƖNA Wɩa niiŋ. Dɩ ma nɛ ŋaa ŋɩɩ, La TƖƖNA jaŋ kɛŋ ʋ tʋɔbɩɩnaa bɩrɩmɛ, ʋ bɩra bɩ jaŋ kɛŋ wʋlɔrʋ-la wɩaa ʋ sɩ bʋla kʋ hɛ ma lɛ.

JƐRƖMAAYA 26:19

Juda tinteeŋ kuoro Hezikaaya koo Juda nʋʋ dɔŋ fa kpʋʋ nɛɛ? Hezikaaya fá La TƖƖNA nɛ, a sʋlʋ dɩ ʋ pɛ ʋ lɛ. Ʋ sɩ ŋaa ŋɩɩ, La TƖƖNA leŋ wʋlɔrʋnʋ-la ʋ fa sɩ sɩ ʋ jaŋ ŋaa ba lɛ nɛ. Laa chɛ dɩ la lɛrɛ wɩɩ sɩ chaasa lɔrɛ nɛ a kʋ hɛ la tɩtɩa lɛ.”

JƐRƖMAAYA 26:3

Kapo ba jaŋ jegile nɩɩ, dɩ ba kʋŋkala bɩrɩma lɩɩ ba wʋbɔŋŋɔɔ ŋaanɩŋ lɛ. Dɩ ba nɛ ŋaa ŋɩɩ, mɩ jaŋ kɛŋ mɩ tʋɔbɩɩnaa bɩrɩmɛ. Mɩ bɩra bɩ jaŋ kɛŋ wʋlɔrʋŋ kʋ hɛ ba lɛ, wʋlɔrʋ-la mɩ fa sɩ bɩɩna dɩ mɩ kaa kʋ hɛ ba lɛ a tɩŋ wʋbɔmɔ-la ba sɩ ŋaa wɩaa.

JƐRƖMAAYA 36:3

Kapo Juda nɩaa nɛ nɩɩ wʋlɔrʋnʋ-la mɩ sɩɩ bɩɩnʋ dɩ mɩ joŋo hɛ ba lɛ, ba jaŋ bɩrɩma lɩɩ ba wʋbɔŋŋɔɔ lɛ. Dɩ ba nɛ ŋaa ŋɩɩ, mɩ jaŋ joŋ ba wʋbɔŋŋɔɔ arɩ ba wʋcheelee a chɛba.”

JƐRƖMAAYA 42:10

‘Dɩ ma nɛ hɔŋ tinteeŋ deeŋ lɛ, mɩ jaŋ leŋ dɩ ma waa, mɩ bɩ jaŋ yigima lo. Mɩ jaŋ leŋ dɩ ma chɩŋ, mɩ bɩ jaŋ churima. Mɩ tʋɔŋ chaasa chei nɛ wʋlɔrʋnʋ-la mɩ sɩ joŋo hɛ ma lɛ.

ƐZƖKƖƐL 18:21

Ama dɩ nɩbɔmʋŋ nɛ leŋ wʋbɔŋŋɔɔ ŋaanɩŋ aŋ tuto mɩ wombiee mɩ sɩ bile dɩ ba tuto, a ŋɩŋaa wɩaa ba bʋa lɛ arɩ wʋtɩtɩɩ, ʋ jaŋ kɛŋ mɩɩsɩŋ, ʋ bɩ jaŋ sʋʋ.

ƐZƖKƖƐL 33:11

Bʋla pɩba arɩ mɩ-na ma TƖƖNA Wɩɩjarɩbakɔ ŋmɩɛsa arɩ mɩ tʋɔŋ bɩ nɩbɔmʋŋ sʋʋŋ lɛ ka tɔrɛ. Mɩ tʋɔtɔrʋŋ nɛ dɩ ʋ bɩrɩma lɩɩ ʋ wʋŋaalaa lɛ a kɛŋ mɩɩsɩŋ. Iziral tɩmma, má leŋ wʋbɔmɔ-la ma sɩɩ ŋaa. Bɛɛ nɛ tɩɩ ma chɩchɛ dɩ ma sʋʋ?

ƐZƖKƖƐL 33:12

Nuhuobiiŋ, lɛɛlɛ bʋla pɩ ŋ nɩaa Iziral tɩŋŋaa, ‘Dɩ nʋʋ nɛ ŋaa tʋɔpʋl tɩɩna aŋ mʋ ŋaa wʋbɔŋ, tʋɔpʋla-la ʋ fa sɩ kɛnɛ bɩ jaŋ wuo laaʋ ta. Dɩ nɩbɔmʋŋ ma nɛ bɩrɩma lɩɩ ʋ wʋŋaalaa lɛ, wʋbɔmɔ-la bɩra bɩ ʋ wuo to. Dɩ tʋɔpʋl tɩɩna nɛ ŋaa wɩɩ chei, mɩ bɩ jaŋ joŋo chɛʋ a tɩŋ tʋɔpʋl wɩalɩŋ ʋ sɩ laa sɩpaaŋ ŋaa wɩaa.’

ƐZƖKƖƐL 33:13

Dɩ mɩ nɛ bʋla pɩ tʋɔpʋl tɩɩna arɩ ʋ jaŋ kɛŋ mɩɩsɩŋ, dɩ ʋ joŋ ʋ yɩɛlaa hɛ ʋ tʋɔpʋl wʋŋaalɩa-la lɛ aŋ ŋaa wʋbɔŋ, mɩ bɩ jaŋ liisi tʋɔpʋl wɩalɩŋ ʋ sɩ laa sɩpaaŋ ŋaa kʋbala ma, ʋ jaŋ sʋʋ a tɩŋ wʋbɔŋ-la ʋ sɩ ŋaa wɩaa.

ƐZƖKƖƐL 33:14

Mɩ jaŋ wuo bʋla pɩ nɩbɔmʋŋ arɩ ʋ jaŋ sʋʋ, ama dɩ ʋ nɛ bɩrɩma lɩɩ ʋ wʋbɔŋŋɔɔ lɛ, a ŋɩŋaa wɩaa ba bʋa lɛ,

HOSIA 11:8

Efirem, ɛɛ nɛ mɩ jaŋ ŋaa a joŋuŋ ta? Iziral, ɛɛ nɛ mɩ jaŋ ŋaa a joŋuŋ pa? Ɛɛ nɛ mɩ jaŋ ŋaa a dɔgʋsʋŋ a nagɛ mɩ sɩ ŋaa ŋɩɩ taŋ-la ba sɩɩ yɩrɛ Adɩma lɛ? Ɛɛ nɛ mɩ jaŋ ŋaa a cheyiŋ a nagɛ mɩ sɩ chei taŋ-la ba sɩɩ yɩrɛ Zeboyim ŋɩɩ? Mɩ tʋɔbɩɩnaa kpaa bʋlɩa nɛ, mɩ tʋɔŋ ka wɩɩ ŋ lɛ nɛ.

AMƆS 5:15

Má bɛrɛ wʋbɔŋŋɔɔ, aŋ cho wʋzɔŋŋɔɔ, a leŋ dɩ wʋtɩtɩɩ chaasa chɩŋ ma sarɩya dɩ-diilee. Kapo La TƖƖNA doluŋ kala Tɩɩna jaŋ fá ma Josɛf doho nɩkaanaa nenige.

JONA 4:2

Ʋ sʋl La TƖƖNA, “Ou, mɩ TƖƖNA, ŋ-la dee mɩ bʋl mɩ fa ha sɩ hɛ mɩ jaŋ lɛɛ? Ŋ-la wɩaa nɛ tɩɩ mɩ fa fá lɩma lɩma a mʋmʋ Taasɩs ŋɩɩ. Mɩ jɩma ŋ ŋaa Wɩa sɩ kɛŋ zile a fɩfá nɩaa nenige nɛ. Ŋ baanɩŋ bɩ lɩma lɩma ka sii. Ŋ cho nɩaa ma woruŋ aŋ ŋaa Wɩa sɩ bɩ cho ʋ joŋ wʋbɔŋ kala ŋaa nʋʋ lɛ.

MOSIS BƖRA WULLI WƖA WOMBIIŊ 32:36

La TƖƖNA jaŋ laa ʋ nɩaa ta, aŋ fá ʋ tɩntɩnnaa nenige, dɩ ʋ nɛ na dɩ ba doluŋ kala dɛrɛ, nɩalɩŋ sɩ ŋaa yosuŋ arɩ nɩalɩŋ sɩ tɩɩ ba tɩtɩa.

SƖPAALAARAA 2:18

Bʋa na-kala dɩ La TƖƖNA nɛ lɩɩsɛ sɩpaalaara pɩba, ʋ yie chɩŋ sɩpaa-laarʋ-la harɩŋ nɛ, a lɩɩsɛ Iziral tɩŋŋaa ba dʋndɔŋŋɔɔ nɩsɩŋ lɛ sɩpaa-laarʋ-la mɩɩsɩŋ kala lɛ. Bʋa na-kala dɩ ba dʋndɔŋŋɔɔ nɛ dɔgɩsɛba dɩ ba na hɛɛŋ a yele pʋ, ʋ yie fá ba nenige nɛ a laaba ta.