JƐRƖMAAYA 18:23 - WƖA TENIŊ

²³ La TƖƖNA, ŋ jɩŋ ŋɩɩ kala ba sɩ vʋʋra dɩ ba kpʋmɛ nɛ. Sɩ́ ba wʋbɔŋŋɔɔ joŋo chɛba, sɩ́ ŋ sɩaa lɩɩsɛ ba wʋbɔŋŋɔɔ lɛ. Leŋ dɩ ba tele bilimi ŋ sɩpaaŋ. Na baanɩŋ a dɔgɩsɛba.

JƐRƖMAAYA 18:23 ပူးပေါင်းရင်းမြစ်များ

WƖA YƖƖLAA 119:126

La Tɩɩna, bʋa-la yie nɛ a magɛ dɩ ŋ ŋaa wɩɩ, bɛɛ wɩaa nɩaa vɩa dɩ ba to wombii-la ŋ sɩ bile dɩ la tuto nɛ.

WƖA YƖƖLAA 35:4

Leŋ dɩ nɩalɩŋ sɩɩ chɛ dɩ ba kpʋmɛ dii hɩɩsɩŋ. Kiri nɩalɩŋ ma sɩɩ chɛ dɩ ba ŋaamɛ wʋbɔŋ ta, dɩ ba tʋɔbɩɩnaa vʋgʋmɛ.

WƖA YƖƖLAA 56:8

Ŋ jɩŋ tapʋlɩa-la mɩ sɩ gɔllɔ baarɛ nɛ, a na mɩ sɩlɩɩrɩŋ ma sɩ lɩɩ magɛ ŋɩɩ. Ŋ paa su ŋ kpaalɩŋ nɛ a ŋmʋnsɛ ba niiŋ bil.

WƖA YƖƖLAA 59:5

La Tɩɩna Doluŋ kala Tɩɩna, ŋ nɛ Iziral tɩŋŋaa Wɩa. Sii a dɔgɩsɛ tinteye-la nɩaa kala. Sɩ́ nɩbɔmɔ-la sɩ ŋaa zɛmbɛ tɩŋŋaa nenige fá.

AZAAYA 10:3

Wʋbɛɛ nɛ ma jaŋ ŋaa tapʋlɩɩ-la mɩ-na ma TƖƖNA sɩ jaŋ kɛŋ wʋlɔrʋnʋŋ lɩɩ dɩ-bolii a kɔ dɩ ʋ dɔgɩsɛma? Kʋbɛɛ teeŋ nɛ ma jaŋ fá mʋ dɩ ʋ pɛ ma lɛ? Nɩɩ nɛ ma jaŋ joŋ ma dʋa-la bil?

AZAAYA 2:9

Nuhuobiine sɩaa jaŋ tuu tinteeŋ, ba jaŋ kɛŋ nʋʋkala muuri. La TƖƖNA bɩ jaŋ joŋo chɛba.

JƐRƖMAAYA 11:23

Ba nɩbala ma bɩ jaŋ ka, bɛɛ wɩaa mɩ jaŋ lɛrɛ wʋlɔrʋŋ kʋ hɛ Anatɔf nɩalɩŋ lɛ, jɩna-la lɛ mɩ sɩ jaŋ dɔgɩsɛba.”

JƐRƖMAAYA 15:15

La TƖƖNA, ŋ jɩŋ wɩɩkala sɩaa nɛ, liisi mɩ wɩaa aŋ beŋ mɩ nyuŋ. Laa mɩ yuosuŋ yuo pɩmɛ nɩalɩŋ sɩ to naasɩŋ dɔgɩsɛmɛ lɛ. Sɩ́ nyalɩma bibeŋ ka dɩ ba kpʋmɛ. Liise yi ŋɩɩ mɩ sɩ dii hɩɩsɩŋ ŋ wɩaa.

JƐRƖMAAYA 17:18

Leŋ dɩ nɩalɩŋ sɩ to naasɩŋ dɔgɩsɛmɛ dii hɩɩsɩŋ, ama lɩɩsɛ mɩ-na hɩɩsɩŋ lɛ. Leŋ dɩ fawʋllʋŋ kɛmba, ama lɩɩsɛ mɩ-na wɩalɩŋ sɩ kɛŋ fawʋllʋŋ lɛ. Leŋ dɩ wʋlɔrʋŋ kʋ jʋʋba. Cheiba naansɩɩŋ bʋlɩa.

JƐRƖMAAYA 17:4

A tɩŋ ma tɩtɩa cheeriŋ wɩaa, dʋa-la mɩ sɩ joŋo pɩma jaŋ lɛl ma nɩsɩŋ lɛ. Mɩ jaŋ leŋ dɩ ma ŋaa ma dʋndɔŋŋɔɔ yosi, tintee-la ma sɩ bɩ jɩŋ lɛ. Ma leŋe mɩ baanɩŋ faasa sii ma nyuŋ nɛ, ʋ saa bɩ jaŋ fɩɛlɛ.”

JƐRƖMAAYA 18:18

Ba sɩ, “Má kɔ dɩ la vʋʋrɛ wɩɩ-la la sɩ jaŋ ŋaa Jɛrɩmaaya lɛ, bɛɛ wɩaa dɩ la nɛ ŋaa ŋɩɩ ma, wɩalɩŋ Wɩɩsʋllɩ sɩpaalaaraa sɩ daga a tɩgɛ wombii-la ba sɩ bile dɩ la tuto bɩ jaŋ kɔ dɩ ba lɛlɛ. Wʋjɩnnaa ma sɩɩ dagɛ wɩalɩŋ arɩ Wɩa wʋlaabʋllaa sɩɩ bʋl wɩalɩŋ bɩ jaŋ kɔ dɩ ba lɛlɛ. Ŋɩɩ wɩaa má leŋ dɩ la nyɩɛ wɩaa pʋ aŋ sɩ́ wɩalɩŋ ʋ sɩɩ bʋl jegilu.”

JƐRƖMAAYA 26:11

Ŋɩɩ nɛ Wɩɩsʋllɩ sɩpaalaaraa arɩ Wɩa wʋlaabʋlla-la bʋla pɩ tɩntɩnnɩ-hɩasɩ-la arɩ nɩalɩŋ kala, “Baala deeŋ maga dɩ la kpʋʋ nɛ, bɛɛ wɩaa ʋ bʋl wɩalɩŋ sɩ bɩ zɔŋ nɛ a tɩgɛ tabalɩŋ deeŋ lɛ. Ma tɩtɩa dɩgɩlaa nɩɩ wɩalɩŋ nɛ.”

JƐRƖMAAYA 26:8

Ama Jɛrɩmaaya fa sɩ bʋl wɩalɩŋ La TƖƖNA sɩ bʋla pʋ a pɩ nɩalɩŋ a dɛrɛ, ŋɩɩ nɛ Wɩɩsʋllɩ sɩpaalaaraa, Wɩa wʋlaabʋllaa arɩ nɩalɩŋ kala guu sii kɛnʋ aŋ bʋl, “Ʋ maga ŋ sʋʋ nɛ.

JƐRƖMAAYA 37:15

Ba na baanɩŋ Jɛrɩmaaya nyuŋ a ŋmobu aŋ kɛnʋ tɔ dɩa Jonataŋ sɩ ŋaa teŋ ŋmʋnsʋra dɩa lɛ. Ba fa kɛŋ ʋ dɩa-la bɩrɩmɛ nɩtɔɔrɛ dɩa nɛ.

JƐRƖMAAYA 38:4

Ŋɩɩ nɛ tɩntɩnnɩ-hɩasɩ-la bʋla pɩ kuoro, “Baala deeŋ maga la kpʋʋ nɛ. Ʋ leŋe laalɩyuoro-la sɩ ka tabalɩŋ deeŋ lɛ nandaasɩŋ yʋyʋɔrɛ nɛ a pɛ nɩalɩŋ kala lɛ a tɩŋ wɩalɩŋ ʋ sɩ bʋla pɩpɩba. Baala deeŋ bɩ nɩaa deemba woruŋ ka chɛ, ʋʋ chɛ ʋ cheiba nɛ.”

JƐRƖMAAYA 6:15

Wʋkɩsɩa-la ba sɩɩ ŋaa, hɩɩsɩŋ kɛmba nɛɛ? Aɩ, ba paala bɩ hɩɩsɩŋ ka fá. Ba paala bɩ jɩŋ ŋɩɩ ba sɩ jaŋ kɛŋ sɩaa chei. Ŋɩɩ wɩaa ba jaŋ sʋʋ, a pɛ nɩalɩŋ sɩ sʋba lɛ. Mɩ jaŋ dɔgɩsɛba a kɛmba muuri. Mɩ-na ma TƖƖNA nɛ bʋla.”

JƐRƖMAAYA 6:21

Ŋɩɩ wɩaa, wɩɩ-la La TƖƖNA bɩra sɩ bʋla nɛ ŋ-la: “Mɩ jaŋ joŋ baŋkɛŋ wɩaa kɛrɛ nɩaa deemba. Bii-lʋllaa arɩ ba biiriŋ jaŋ gɛrɛba tel. Pɛ-jʋʋraa arɩ ba nandɔnsʋŋ ma jaŋ sʋʋ.”

JƐRƖMAAYA 7:20

Ŋɩɩ wɩaa, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ na baanɩŋ ba nyuŋ kɩŋkɛŋ nɛ, mɩ jaŋ joŋ mɩ baaŋ-la sɩ faasa sii fɩɩsɛ Juda nɩaa lɛ, ba pʋsʋŋ arɩ ba tɩɩsɩŋ arɩ ba kʋpɛrɛɛ lɛ. Mɩ baaŋ-la jaŋ nagɛ nyiŋ-la sɩ bɩ dɩsɛ a diiba.

JƐRƖMAAYA 8:12

Wʋkɩsɩa-la ba sɩɩ ŋaa, hɩɩsɩŋ kɛmba nɛɛ? Aɩ, ba paala bɩ hɩɩsɩŋ ka fá. Ba paala bɩ jɩŋ ŋɩɩ ba sɩ jaŋ kɛŋ sɩaa chei. Ŋɩɩ wɩaa ba jaŋ sʋʋ, a pɛ nɩalɩŋ sɩ sʋba lɛ. Mɩ jaŋ dɔgɩsɛba a kɛmba muuri. Mɩ-na ma TƖƖNA nɛ bʋla.

JEMBIEE 3:60

Ŋ na wɩalɩŋ kala ba sɩɩ chɛ dɩ ba joŋo tiŋ mɩ lɛ nɛ, wɩalɩŋ kala ba sɩ vʋʋra a chɩŋ mɩ lɛ.

JEMBIEE 3:61

La TƖƖNA, ŋ nɩɩ jomo-la ba sɩ tʋʋsɛmɛ nɛ, wɩalɩŋ kala ba sɩ vʋʋra a chɩŋ mɩ lɛ,

Luuk 21:22

Tapʋlɩɩ-la Wɩa jaŋ dɔgɩsɛ Iziral nɩaa, a leŋ dɩ wɩalɩŋ kala ba sɩ bʋla Wɩa teniŋ tʋɔŋ sɛnɛ kʋ ŋaa.

Rom Tɩŋŋaa 2:5

Ma tʋɔŋ dolie. Ma vɩa dɩ ma bɩrɩma lɩɩ ma wʋbɔŋŋɔɔ lɛ nɛ. Ma wasa ŋaa Wɩa baanɩŋ faasa sisii nɛ. Tapʋlɩɩ-la ʋ sɩ jaŋ dii dʋnɩa nɩaa sarɩya, ʋ jaŋ dii sarɩya arɩ wʋtɩtɩɩ dɩ nɩaa na.