JƐRƖMAAYA 18:21 - WƖA TENIŊ

²¹ Ŋɩɩ wɩaa, La Tɩɩna, leŋ dɩ losuŋ kpʋ ba biiriŋ dɩ ba sʋʋ. Leŋ dɩ ba sʋʋ laalɩŋ lɛ, dɩ ba haalaa sɩ́ biiriŋ kɛŋ aŋ ŋaa yo-haalaa. Leŋ dɩ ba kpʋ ba baalaa arɩ bapʋɔsaa kala laalɩŋ lɛ.

JƐRƖMAAYA 18:21 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 36:17

Ŋɩɩ nɛ ʋ lɛrɛ Babɩlɔŋ kuoro kʋ hɛ ba lɛ, ʋ kpʋ ba baalaa arɩ haalaa, hambiisiŋ arɩ nɩhɩasɩŋ kala, a kpʋ ba bapʋɔsaa ma sɩ paala hɛ Wɩa dɩɩ-bal-la lɛ. Wɩa fa joŋ ba kala hɛ Nebukadineza nɩsɩŋ lɛ nɛ.

WƖA YƖƖLAA 63:10

Ba jaŋ kpʋba arɩ tokobiee dɩ ba bɩrɩmɛ jolluŋ kʋdiilee.

WƖA YƖƖLAA 63:11

Ama kuoro-na jaŋ jʋjʋɔsɛ Wɩa sɩpaaŋ, nɩalɩŋ ma kala sɩ yie hɛ niiŋ Wɩa yɩrɩŋ lɛ jaŋ dɛnnʋ. Ama wʋnyɩɛraa kala niiŋ jaŋ jʋʋ kpʋrʋŋ.

MOSIS KƐŊ IZIRAL TƖŊŊAA LƖƖ 22:24

Mɩ baanɩŋ jaŋ sii dɩ mɩ leŋ dɩ ba yuo kpʋma, ka ma haalaa arɩ ma biiriŋ ma ŋaa yo-haalaa arɩ biisinsiŋ.

AZAAYA 13:18

Ba jaŋ kpʋ ba bapʋɔsaa arɩ tosuŋ, ba bɩ jaŋ fá bii-mulluŋ nisusuŋ, koo a fá hambiisiŋ nenige.

AZAAYA 9:16

Nɩaa deemba nɛ laa ba sɩpaaŋ a kɛmba yeŋŋi, ba nɛ dagɛ nɩalɩŋ ba lɛl.

AZAAYA 9:17

Ŋɩɩ wɩaa, La TƖƖNA bɩ jaŋ leŋ dɩ ba-pʋɔsa-la kʋŋkala fori. Ʋ bɩ jaŋ fá biisinsiŋ arɩ yo-haalaa ma nenige, bɛɛ wɩaa ba kʋŋkala bɩ Wɩa ka fá, aŋ ŋɩŋaa wʋbɔŋŋɔɔ, a kala bʋbʋl wʋtɔɔnʋŋ. Wɩaa deemba kala lɛ, La TƖƖNA baanɩŋ ha bɩ jaŋ fɩɛlɛ, ʋ ha jaŋ dɔgɩsɛba a pɛ.

JƐRƖMAAYA 12:3

La TƖƖNA, ŋ jɩmmɛ nɛ, ŋ namɛ nɛ a magɩsɛ mɩ tʋɔbɩɩnaa na a tɩgɛ ŋ lɛ. Lɛrɛ nɩbɔmɔ-la a nagɛ ba sɩ lɛrɛ piesee mʋmʋ dɩ ba kpʋ. Pɔrɛba bil a gbɛrɛ tapʋlɩɩ-la ba sɩ jaŋ kpʋba.

JƐRƖMAAYA 14:16

Nɩalɩŋ ma ba sɩ nyɩɛ wɩalɩŋ pɩpa, jaŋ sʋʋ laalɩŋ lɛ, dɩ losuŋ ma kɛŋ ba dɔnsʋŋ dɩ ba sʋʋ, dɩ ba paaba yuo ta Jerusalɛm womporunuŋ lɛ. Nʋʋkala jaŋ tuo dɩ ʋ hugi ba dɩ ba haalaa, ba hambolibiisiŋ arɩ ba hantolibiisiŋ. Mɩ jaŋ joŋ hɛɛ-la sɩ maga dɩ ba na a hɛ ba lɛ.”

JƐRƖMAAYA 15:7

Mɩ jaŋ kɛŋ mɩɩ-chaarɛ gbaŋa chaarɛma a balɩma lɩɩsɛma tintee-la tabalɩŋ boi-baalaa niiŋ. Mɩ jaŋ joŋ tʋɔ-cheeŋ hɛ mɩ nɩaa lɛ, mɩ jaŋ cheiba, bɛɛ wɩaa ba bɩ ba wʋbɔŋŋɔɔ ŋaanɩŋ leŋe.

JƐRƖMAAYA 15:8

Mɩ jaŋ leŋ dɩ ba yo-haalaa faasa pʋrɩgɛ, a kɩɩ mʋgʋ-balɩŋ niiŋ hagɩlɩ-bumbugulo. Mɩ jaŋ kɛŋ nɩalɩŋ sɩɩ chei leriŋ kʋ hɛ ba lɛ wɩɩhɛɩ-siesee, dɩ ba kpʋ ba bapʋɔsɛ-biisiŋ, ka dɩ ba naamba bibeŋ. Mɩ jaŋ guu lɛrɛ tʋɔ-cheeŋ arɩ wɩaa sɩ faasa kɛŋ fawʋllʋŋ kɩŋkɛŋ a kʋ hɛ ba lɛ.

JƐRƖMAAYA 50:30

Ŋɩɩ wɩaa, ʋ bapʋɔsaa jaŋ sʋʋ womporunuŋ lɛ. Ba jaŋ kpʋ ʋ laalɩyuoroo kala tapʋlɩɩ-la. Mɩ-na ma TƖƖNA nɛ bʋla.

JƐRƖMAAYA 9:21

Sʋʋŋ to tokoroba nɛ a jʋʋ la dɩɩsɩŋ a jʋʋ la dɩɩ-duoruŋ. Ʋ kpʋ hambiisiŋ nɛ womporunuŋ lɛ, aŋ kpʋ bapʋɔsaa ma biliiŋ lɛ.

JEMBIEE 1:15

La TƖƖNA vɩa mɩ laalɩyuori duori-la kala nɛ. Ʋ yɩrɛ laalɩyuoroo a hɛ mɩ lɛ nɛ, dɩ ba kpʋ mɩ bapʋɔsaa kala. La TƖƖNA nʋɔsɛ Juda nɩaa a nagɛ ŋɩɩ ba sɩɩ chagɛ girep nɛnɛɛ sɩnɩŋ nɛ.

JEMBIEE 5:3

La bɩrɩmɛ biisinsiŋ nɛ, a bɩ nyɩmmaba kɛnɛ, la naamba ma ŋaa yo-haalaa.

ƐZƖKƖƐL 16:38

Mɩ jaŋ joŋ cheeriŋ pɩŋ a dɔgʋsʋŋ a tɩŋ ŋ sɩ ŋaa hachɔrʋŋ arɩ nɩkpʋʋrʋ wɩaa. Mɩ jaŋ na baanɩŋ kɩŋkɛŋ ŋ nyuŋ, a leŋ dɩ ba kpʋŋ.

ƐZƖKƖƐL 22:25

Sɩpaalaara-la sɩ hɛ ŋ lɛ nagɛ naachigiŋ sɩ kpʋ kɩaa a didii nɛ. Ba yie kpʋ nɩaa, a lɩlaa ba dʋa aŋ pɩpaa ba kɩalɩŋ ma sɩ kɛŋ yuŋuŋ, a leŋ yo-haalaa yʋgɛ Jerusalɛm lɛ.

AMƆS 4:10

La Tɩɩna bɩra sɩ, “Mɩ joŋ nyanyal bɔŋŋɔɔ hɛ ma lɛ nɛ arɩ mɩ fa sɩ ŋaa ŋɩɩ Ijipiti tɩŋŋaa lɛ. Mɩ kpʋ ma bapʋɔsaa nɛ laalɩŋ lɛ aŋ leŋ ba kɛsɛ ma janɩŋ, mɩ leŋ sʋʋnʋŋ sʋɔra su ma bugoo kala, ka ma ha vɩa dɩ ma mɩɩra kɔ mɩ teeŋ.

MOSIS BƖRA WULLI WƖA WOMBIIŊ 32:25

Laalɩŋ jaŋ diiba womporuŋ lɛ. Ba dɩɩsɩŋ ma lɛ fawʋllʋŋ jaŋ kɛmba. Ba bapʋɔsaa arɩ ba hatoloo, bii-mulluŋ arɩ banɩhɩasɩŋ kala jaŋ sʋʋ.

2 Timoti 4:14

Libiru kʋbala ba sɩɩ yɩrɛ Alɛkɩzanda dɔgɩsɛmɛ nɛ woruŋ. Ʋ sɩ ŋaamɛ ŋɩɩ, Wɩa jaŋ fɩsɛ ʋ puruŋ.

1 SAMƲƐL 15:33

Ama Samʋɛl bʋl, “Ŋ sɩ kpʋ nɩaa biiriŋ, ka ba naamba hɔŋ arɩ na-hɩllɩŋ ŋɩɩ, ŋ naaŋ ma jaŋ hɔŋ arɩ na-hɩllɩŋ.” Ŋɩɩ nɛ aŋ kpʋ Agag La TƖƖNA sɩpaaŋ Gɩlɩgal lɛ.