JƐRƖMAAYA 18:20 - WƖA TENIŊ

²⁰ Ʋ maga dɩ ba joŋ wʋbɔmʋŋ a tiŋ wʋzɔmʋŋ chɩmɩŋ nɛɛ? Ama ba lu bʋa nɛ a bil mɩ lɛ. La Tɩɩna, liise yi arɩ mɩ chɩŋ ŋ sɩpaaŋ nɛ a laa ba wɩaa bʋl, dɩ ŋ leŋ baaŋ-la ŋ fa sɩ na ba nyuŋ.

JƐRƖMAAYA 18:20 ပူးပေါင်းရင်းမြစ်များ

JOB 6:27

Ma jaŋ paala wuo tɔnsɛ, a joŋ biisime pa dɩ ʋ ŋaa ma yomo, a yallɛ ma nandɔŋ-chooluŋ a kɛŋ kɩaa.

WƖA YƖƖLAA 106:23

Ŋ sɩ na baanɩŋ ŋ nɩaa nyuŋ a chɩchɛ ŋ cheiba, ŋ tɩntɩnna Mosis, nɩɩ-la ŋ sɩ lɩɩsa ʋ ŋaa ba sɩpaa-laarʋ, ʋ nɛ sii chɩŋ ŋ sɩpaaŋ a sʋlʋŋ, dɩ ŋ sɩ́ ba chei.

WƖA YƖƖLAA 119:95

Nɩbɔŋŋɔɔ pɔ nɛ a gbɛrɛ dɩ ba kpʋmɛ, ama mɩ-na jaŋ kɛŋ wɩalɩŋ ŋ sɩ daga kaa bɩbɩɩnɛ.

WƖA YƖƖLAA 35:12

Ba joŋ wʋbɔŋŋɔɔ nɛ a tiŋ wʋzɔŋŋɔɔ chɩmɩŋ mɩ lɛ. Mɩ nagɛ mɩ bɩ nʋʋ kɛnɛ.

WƖA YƖƖLAA 35:7

Mɩ bɩ wʋbɔŋ kala ŋaa ba lɛ, ka ba hɛ bɛrɛ a bil mɩ lɛ. Ba lu buotuo-luŋuŋ ma bil mɩ lɛ nɛ dɩ mɩ tuu dɩ ba kɛmmɛ kpʋ.

WƖA YƖƖLAA 38:20

Nɩalɩŋ sɩ joŋ wʋbɔŋŋɔɔ a tiŋ wʋzɔmɔ-la mɩ sɩ ŋaa chɩmɩŋ nɩɩ yuomi, a tɩŋ mɩ sɩɩ chɛ mɩ ŋaa wɩaa ba bʋa lɛ wɩaa.

WƖA YƖƖLAA 57:6

Mɩ dʋndɔŋŋɔɔ hɛ bɛrɛ nɛ mɩ wombiiŋ lɛ, mɩ tʋɔŋ kala chei. Ba lu buotuoŋ nɛ bil mɩ lɛ. Ama ba tɩtɩa gʋra tuu nɛ.

WƖA YƖƖLAA 7:15

Nɩdosunu-la yie lu buotuoŋ a bil nɩaa lɛ, a tɩtɩa gʋra tuu.

NAMAGABA 17:13

Dɩ nʋʋ nɛ joŋ wʋbɔmʋŋ a tiŋ wʋzɔmʋŋ chɩmɩŋ, wʋbɔŋŋɔɔ bɩ jaŋ dɛrɛ ʋ dɩa lɛ.

NAMAGABA 26:27

Nɩɩ-la kala sɩ lu buotuoŋ bil ʋ dɔŋɔ lɛ, ʋ jaŋ gʋra tuu bʋa-la. Dɩ nʋʋ nɩɩ bilimi tabɩɩŋ dɩ ʋ nyagɛ ʋ dɔŋɔ, tabɩɩ-la jaŋ mɩɩra kʋ nyagʋ.

TƖƖCHA 10:8

Nɩɩ-la kala sɩ lu buotuoŋ jaŋ foro tuu, nɩɩ-la ma kala sɩ yigi jeeŋ lo, dɩmɩŋ jaŋ dɩmʋ.

JƐRƖMAAYA 11:14

Jɛrɩmaaya, sɩ́ mɩ sʋla pɩ nɩaa deemba, sɩ́ ba naasɩŋ lɛ chɩna sʋlmɛ chɩchɛ dɩ mɩ ŋaa wɩɩkala a pɩba, bɛɛ wɩaa mɩ bɩ jaŋ jegile nɩɩ ba teeŋ bʋa-la lɛ hɛɛŋ sɩ jaŋ jʋʋba dɩ ba yɩrɛmɛ.

JƐRƖMAAYA 14:20

La TƖƖNA, la sɛɩ la tʋɔhɛɩ wɩalɩŋ la sɩ ŋaa nɛ arɩ wɩalɩŋ kala la nyɩmmaba sɩ cheye. La chaasa ŋaa wʋbɔŋŋɔɔ nɛ ŋ lɛ.

JƐRƖMAAYA 15:1

Ŋɩɩ nɛ La TƖƖNA bʋla pɩmɛ, “Dɩ Mosis arɩ Samʋɛl nɛ fa paala kʋ chɩŋ mɩ sɩpaaŋ a sʋlmɛ ma, mɩ bɩ jaŋ fá nɩaa deemba nenige. Kiriba ta dɩ ba sʋrɩsɛ mɩ sɩpaaŋ! Leŋ dɩ ba mʋ!

JƐRƖMAAYA 17:18

Leŋ dɩ nɩalɩŋ sɩ to naasɩŋ dɔgɩsɛmɛ dii hɩɩsɩŋ, ama lɩɩsɛ mɩ-na hɩɩsɩŋ lɛ. Leŋ dɩ fawʋllʋŋ kɛmba, ama lɩɩsɛ mɩ-na wɩalɩŋ sɩ kɛŋ fawʋllʋŋ lɛ. Leŋ dɩ wʋlɔrʋŋ kʋ jʋʋba. Cheiba naansɩɩŋ bʋlɩa.

JƐRƖMAAYA 18:19

La TƖƖNA, jegile nɩɩ mɩ teeŋ. Jegile nɩɩ wɩalɩŋ nɩalɩŋ sɩ chɩŋ mɩ lɛ sɩɩ bʋl.

JƐRƖMAAYA 18:22

Leŋ dɩ nɩaa nɩɩ ba nii-ŋmobo ba dɩɩsɩŋ lɛ, dɩ ŋ nɛ guu kɛŋ nɩaa sɩ jaŋ yuoba aŋ paa ba kɩaa kʋ hɛ ba lɛ. Ba lu bʋa nɛ dɩ mɩ foro tuu aŋ hɛ bɛrɩsɩŋ ma dɩ ba kɛmmɛ.

JƐRƖMAAYA 27:18

Dɩ ba nɛ sɩ ba ŋaa La TƖƖNA wʋlaabʋllaa nɛ a jɩŋ La TƖƖNA niiŋ wɩalɩŋ, leŋ dɩ ba sʋl La TƖƖNA doluŋ kala Tɩɩna yei, dɩ ʋ sɩ́ leŋe dɩ ba paa ʋ dɩɩ-bal-la kʋkaana-la arɩ Juda tinteeŋ kuoru dɩa kɩaa a pɛ Jerusalɛm kɩaa lɛ a kaa mʋ Babɩlɔŋ.’

JƐRƖMAAYA 5:26

Nɩbɔŋŋɔɔ hɛ mɩ nɩaa tʋɔŋ nɛ, a faa gbɛrɛ dɩ ba kɛsɛ nɩaa a nagɛ nɩaa sɩ yie bɛrɛ kɛsɛ diibiisiŋ ŋɩɩ. Ba nagɛ nɩaa sɩ bɛrɛ bɛrɩsɩŋ dɩ ba kɛsɛ nɩaa nɛ.

JƐRƖMAAYA 7:16

Jɛrɩmaaya, sɩ́ mɩ sʋla pɩ nɩaa deemba. Sɩ́ ba naasɩŋ lɛ chɩna sʋl Wɩɩsʋlɩɩ kala, dɩ ŋ nɛ sʋla ma, mɩ bɩ jaŋ jegile nɩɩ ŋ teeŋ.

JEMBIEE 3:59

La TƖƖNA, ŋ na wʋbɔŋ-la ba sɩ joŋo ŋaa mɩ lɛ nɛ. Laa mɩ wɩɩŋ jɩma pɩmɛ.

Jɔɔŋ 10:32

Ŋɩɩ nɛ Yesu bʋla pɩba, “Mɩ ŋaa wʋzɔŋŋɔɔ yʋgɛ nɛ ma sɩpaaŋ dɩ ma na. Mɩ Nyɩmma nɛ pɩmɛ doluŋ mɩɩ ŋaa. Ba kʋbɛɛ wɩaa nɛ tɩɩ maa chɛ dɩ ma yagɛmɛ?”

Jɔɔŋ 15:25

Ama wɩaa deemba kala ŋaa dɩ wɩalɩŋ kala ba sɩ ŋmʋnsa Wɩa teniŋ tʋɔŋ kʋ ŋaa wʋtɩtɩɩ nɛ. Ŋ-la nɛ ba ŋmʋnsɛ, ‘Mɩ bɩ wɩɩkala ŋaa chei, ka ba bɛrɛmɛ.’

1 SAMƲƐL 19:4

Ŋɩɩ nɛ Jonataŋ bɛsɛ Devit lɛ a pɩ ʋ nyɩmma Sɔɔl a bʋl, “Mɩ nyɩmma, ŋ jɩma ŋ-na kuoro bɩ maga dɩ ŋ joŋ wʋbɔŋ kala ŋaa ŋ tɩntɩnna Devit lɛ. Ʋ ha bɩ wɩɩkala ŋaa a cheyiŋ, wɩalɩŋ kala ʋ sɩ ŋaa chaasa pɛ ŋ lɛ nɛ woruŋ.