JƐRƖMAAYA 18:18 - WƖA TENIŊ

¹⁸ Ba sɩ, “Má kɔ dɩ la vʋʋrɛ wɩɩ-la la sɩ jaŋ ŋaa Jɛrɩmaaya lɛ, bɛɛ wɩaa dɩ la nɛ ŋaa ŋɩɩ ma, wɩalɩŋ Wɩɩsʋllɩ sɩpaalaaraa sɩ daga a tɩgɛ wombii-la ba sɩ bile dɩ la tuto bɩ jaŋ kɔ dɩ ba lɛlɛ. Wʋjɩnnaa ma sɩɩ dagɛ wɩalɩŋ arɩ Wɩa wʋlaabʋllaa sɩɩ bʋl wɩalɩŋ bɩ jaŋ kɔ dɩ ba lɛlɛ. Ŋɩɩ wɩaa má leŋ dɩ la nyɩɛ wɩaa pʋ aŋ sɩ́ wɩalɩŋ ʋ sɩɩ bʋl jegilu.”

JƐRƖMAAYA 18:18 ပူးပေါင်းရင်းမြစ်များ

2 SAMƲƐL 15:31

Nʋʋ bʋla pɩ Devit, “Ahitofɛl ma lɩɩ ŋ harɩŋ nɛ, a chɩŋ Abɩsalɔm harɩŋ.” Ŋɩɩ nɛ Devit chʋɔlɛ Wɩa, “La TƖƖNA, leŋ dɩ wɩalɩŋ Ahitofɛl sɩ jaŋ dagɛ kuoro ŋaa wʋpɛɩba.”

2 SAMƲƐL 17:14

Abɩsalɔm arɩ Iziral nɩaa kala bʋl, “Wɩɩ-la Husai, Aakɩ tɩɩna-la sɩ bʋla nɛ kpɩa wɩɩ-la Ahitofɛl sɩ bʋla.” La TƖƖNA faa chɛ dɩ ba sɩ́ wʋzɔŋ-la Ahitofɛl sɩ bʋla to nɛ, ka dɩ ʋ joŋ wʋlɔrʋŋ a ŋaa Abɩsalɔm lɛ.

1 KUOROO 22:24

Ŋɩɩ nɛ Zedikaaya sɩ ŋaa Kɛnaana nanʋala mʋ fallɛ Mɩkaaya, aŋ pɩɛsʋ, “Bʋa bɛɛ lɛ nɛ La TƖƖNA dɩma-la lɩɩ mɩ lɛ, a kɔ ŋ teeŋ a bʋl wɩaa pɩŋ?”

2 IZIRAL TƖŊŊAA NAABARƖŊ 24:21

Ŋɩɩ nɛ ba vʋʋra sii chɩŋ ʋ lɛ, kuoro pa wombiiŋ ba yagʋ arɩ tabɩaa a kpʋ La TƖƖNA dɩɩ-bal-la kaala lɛ.

JOB 5:13

Ʋ yie kɛŋ nɩalɩŋ sɩ bɩɩna ba jɩŋ wɩaa ba wʋŋaalaa lɛ, a leŋ wɩalɩŋ kala ba sɩ bɩɩna ŋaa pɛɩ.

WƖA YƖƖLAA 21:11

Wʋbɔmɔ-la kala ba sɩ vʋʋra dɩ ba ŋaa ŋ lɛ, ba bɩ jaŋ na wombiiŋ.

WƖA YƖƖLAA 52:2

Ŋ yie chɩchɛ wombiiŋ dɩ ŋ chei ŋ dɔnsʋŋ tɩŋŋaa nɛ, a gɔllɔ nyɩnyɩɛ wɩaa. Ŋ niiŋ wʋbʋlaa didii a nagɛ nyu-fʋna.

WƖA YƖƖLAA 57:4

Dʋndɔŋŋɔɔ gollimi nɛ a nagɛ naachigee losuŋ sɩ kɛnɛ, ba chɩchɛ nɩaa dɩ ba chaŋ. Ba nyɩlaa nagɛ tiŋŋee arɩ to-hɛŋŋɛɛ nɛ. Ba nandelimee ma nagɛ tokobiee sɩ kɛŋ niiŋ.

WƖA YƖƖLAA 64:3

Ba niiŋ ka dii a nagɛ tokobiee nɛ, ba wʋbʋlaa ma lɔrɛ a tʋtɔɔ nɩaa a nagɛ to-hɛŋŋɛɛ ba sɩ sʋa.

NAMAGABA 18:21

Ŋ niiŋ wʋbʋlaa jaŋ wuo leŋ dɩ ŋ kɛŋ mɩɩsɩŋ koo dɩ ŋ sʋʋ. Nɩalɩŋ sɩ cho wʋbʋlʋŋ jaŋ na ʋ bʋbʋɔŋ.

AZAAYA 32:7

Nɩɩ-la sɩ bɩ wʋtɩtɩɩ kɛnɛ ka nyɩɛ wɩaa nɛ a ŋɩŋaa wʋbɔŋŋɔɔ. Ʋ yie bɩbɩɩnɛ dɩ ʋ chei summoo arɩ nɩalɩŋ sɩ bɩ ba tɩtɩa lɛ wuo pɛ nɛ. Dɩ ba kɩaa nɛ paala sɩŋ ma, ʋ yie joŋ wʋnyɩɛrɩŋ nɛ a chei ba kala.

JƐRƖMAAYA 1:19

Ba jaŋ yuoŋ, ama ba bɩ jaŋ wuo yuo diiŋ, bɛɛ wɩaa, mɩ hɛ ŋ teeŋ nɛ, mɩ jaŋ laaŋ ta ba nɩsɩŋ lɛ. Mɩ-na ma TƖƖNA nɛ bʋla.”

JƐRƖMAAYA 11:19

Mɩ fa nagɛ pie-bie sɩ ŋaa chɩm ka ba kaa mʋmʋ dɩ ba kpʋ nɛ. Mɩ fa bɩ jɩŋ dɩ ba pagɛ mɩ lɛ nɛ a bʋbʋl, “Má leŋ dɩ la nyʋgʋsɛ tɩa-la arɩ ʋ nɛnɛɛ kala. Má leŋ dɩ la keru ta nɩweyee tʋɔŋ, dɩ nɩaa bɩra sɩ́ ʋ wɩaa liisu.”

JƐRƖMAAYA 18:11

Lɛɛlɛ bʋla pɩ Juda nɩaa arɩ ba nɩalɩŋ dɔnsʋŋ sɩ hɛ Jerusalɛm lɛ, ‘Wɩɩ-la mɩ-na ma TƖƖNA sɩ bʋla nɛ ŋ-la: Má bee na, mɩɩ bɩɩnɛ wɩɩ nɛ dɩ mɩ ŋaa ma lɛ. Wʋlɔrʋ nɛ mɩɩ bɩɩnɛ dɩ mɩ joŋo dɔgɩsɛma. Ŋɩɩ wɩaa má kʋŋkala bɩrɩma lɩɩ ma wʋbɔŋŋɔɔ lɛ. Ma bɩrɩmɛ ma mɛlɛ arɩ ma wʋŋaalaa.’

JƐRƖMAAYA 18:19

La TƖƖNA, jegile nɩɩ mɩ teeŋ. Jegile nɩɩ wɩalɩŋ nɩalɩŋ sɩ chɩŋ mɩ lɛ sɩɩ bʋl.

JƐRƖMAAYA 2:8

Wɩɩsʋllɩ sɩpaalaaraa bɩ pɩɛsaa chɛmɛ, a bʋl, ‘Nɩɩ nɛ La TƖƖNA hɛ?’ Nɩalɩŋ sɩ maga dɩ ba dagɛ nɩaa wombii-la mɩ sɩ bile dɩ ba tuto, bɩ mɩ jɩŋ. Sɩpaalaaraa ma vɩa mɩ niiŋ nɛ. Mɩ wʋlaabʋllaa ma mɩɩra bʋbʋl wɩaa vene-la ba sɩɩ yɩrɛ Baal yɩrɩŋ lɛ, aa to vʋɩyaa sɩ ŋaa kʋpɛɩba.

JƐRƖMAAYA 20:10

Mɩ nɩa dɩ nɩaa yʋga a munso bʋbʋl, “Fawʋllʋŋ hɛ lee-kala nɛ. Má wuoli ʋ bʋbʋɔŋ. Má leŋ la wuoli ʋ bʋbʋɔŋ.” Mɩ nandɔnsʋŋ kala nɩɩ gbɛrɛ dɩ mɩ tel a bʋbʋl, “Kapo la jaŋ wuo nyɩsʋ a yuo diiu a joŋ la baanɩŋ fɩɩsɛ ʋ lɛ.”

JƐRƖMAAYA 26:11

Ŋɩɩ nɛ Wɩɩsʋllɩ sɩpaalaaraa arɩ Wɩa wʋlaabʋlla-la bʋla pɩ tɩntɩnnɩ-hɩasɩ-la arɩ nɩalɩŋ kala, “Baala deeŋ maga dɩ la kpʋʋ nɛ, bɛɛ wɩaa ʋ bʋl wɩalɩŋ sɩ bɩ zɔŋ nɛ a tɩgɛ tabalɩŋ deeŋ lɛ. Ma tɩtɩa dɩgɩlaa nɩɩ wɩalɩŋ nɛ.”

JƐRƖMAAYA 37:13

Ama ʋ sɩ mʋ yi Bɛnjamɩŋ boi-baalɩŋ, nɩalɩŋ sɩɩ pɔ leriŋ nɩhɩaŋ, ʋ yɩrɩŋ nɛ fa Ɩrɩja, a ŋaa Sɛlɛmaaya nanʋala aŋ ŋaa Hananaaya ma nihiŋ, ʋ kɛnʋ aŋ bʋl, “Ŋ lenla aŋ mʋ pɛ Babɩlɔŋ tɩŋŋaa lɛ nɛ.”

JƐRƖMAAYA 43:2

ŋɩɩ nɛ Hosaaya nanʋala Azarɩa arɩ Karɩa nanʋala Johanaŋ arɩ nɩalɩŋ kala sɩ kɛŋ sɩɩ-duoŋ bʋla pɩ Jɛrɩmaaya, “Ŋŋ nyɩɛ wɩaa nɛ. La TƖƖNA Wɩa bɩŋ tɩma dɩ ŋ kʋ bʋla pɩla arɩ la sɩ́ mʋ hɔŋ Ijipiti tinteeŋ lɛ.

JƐRƖMAAYA 44:16

“La bɩ jaŋ jegile nɩɩ tɩndaarɩ-la ŋ sɩ bʋla pɩla La TƖƖNA yɩrɩŋ lɛ.

JƐRƖMAAYA 44:17

La jaŋ sɛnɛ ŋaa wɩalɩŋ kala la sɩ sɩ la jaŋ ŋaa. La jaŋ nyɩgɛ kʋsʋɔrʋsʋŋ a pɩ wɩa-nyuŋ veŋ ha-kuoru-la aŋ wansɛ kʋnyʋalaa ma a pʋ, a nagɛ la dɩ la naabalɩmaba, la kuoroo arɩ la tɩntɩnnɩ-hɩasɩŋ fa sɩ ŋaa ŋɩɩ Juda tasɩŋ arɩ Jerusalɛm womporunuŋ lɛ. Bʋa-la lɛ, la fa kɛŋ kʋdiilee nɛ woruŋ a kɛŋ kɩaa, wɩɩkala bɩ laa walɩmɛ.

JƐRƖMAAYA 8:8

Ɛɛ nɛ ma jaŋ wuo bʋl, ‘La ŋaa wʋjɩnna nɛ, bɛɛ wɩaa la kɛŋ La TƖƖNA wombii-la ʋ sɩ bile dɩ la tuto nɛ.’ Ka nɩalɩŋ sɩɩ ŋmʋnsɛ tenniŋ kɛŋ wɩalɩŋ kaa bɩrɩmɛ wʋnyɩɛrɩŋ?

JEMBIEE 3:62

wɩalɩŋ mɩ dʋndɔŋŋɔɔ sɩ lʋara gʋrɩmɛ a sii chɩŋ mɩ lɛ chɛɛ-la kala.

ƐZƖKƖƐL 7:26

Wʋlɔrʋnʋŋ jaŋ jʋʋba a lɩɩ aŋ ka pɩpɩ dɔŋɔ, dɩ ba nɩnɩɩ wʋbɔŋŋɔɔ bʋa na-kala lɛ. Ba jaŋ sʋl mɩ wʋlaabʋllaa dɩ ba dagɛba wɩalɩŋ ba sɩ jaŋ ŋaa. Wɩɩsʋllɩ sɩpaalaaraa sɩɩ dagɛ nɩaa wombii-la mɩ sɩ bile dɩ ba tuto bɩ jaŋ kɛŋ wɩɩ ba sɩ jaŋ bʋla pɩ nɩalɩŋ, nɩhɩasɩŋ ma bɩ jaŋ kɛŋ wɩɩ ba sɩ jaŋ dagɛba.

LEVI DOHO NƖAA 10:11

aŋ dagɛ Iziral tɩŋŋaa wombie-la kala La TƖƖNA sɩ to Mosis lɛ a dagɛma.”

MƖKA 3:6

Ŋɩɩ wɩaa ma nɩalɩŋ sɩ sɩ ma ŋaa mɩ wʋlaabʋllaa nɛ, ma wɩa jaŋ jʋʋ, dɩ ma taŋ biri. Tɩtaŋɩŋ ma bɩ jaŋ na wɩɩkala arɩ duosoo tʋɔŋ, leriŋ jaŋ biri, ka mɩ bɩ jaŋ joŋ wɩɩkala dagɛma.

MƖKA 3:7

Hɩɩsɩŋ jaŋ dii mɩ sɩɩ-naaraa, nɩalɩŋ ma sɩ pɩɛsɛmɛ nɩna wɩaa jaŋ dii hɩɩsɩŋ. Ba kala jaŋ gʋrɛ nyuŋ a dagɛ arɩ ba dii hɩɩsɩŋ nɛ, bɛɛ wɩaa mɩ-na Wɩa bɩ jaŋ bʋl wɩɩ ba teeŋ.”

MALAKAƖ 2:7

Ma Wɩɩsʋllɩ sɩpaalaaraa nɛ maga dɩ ma dagɛ nɩaa dɩ ba jɩŋ mɩ wɩaa. Nɩaa maga dɩ ba kɔ ma teeŋ nɛ a gʋnnɛ wɩalɩŋ mɩ sɩɩ chɛ dɩ ba jɩŋ, bɛɛ wɩaa ma nɛ ŋaa mɩ-na ma TƖƖNA doluŋ kala Tɩɩna tɩndaaraa.

Luuk 11:45

Yesu sɩ bʋl ŋɩɩ dɛrɛ, dɩ Wɩa teniŋ kerichi dɔŋɔ bʋla pʋ, “Kʋhɩaŋ, ŋ sɩ bʋl ŋ-la, ŋ tʋʋsɛla ma nɛ.”

Jɔɔŋ 9:40

Farisii tɩmma-la sɩ chɩŋ nɩmɛ a nɩɩ Yesu sɩ bʋl ŋɩɩ, ba pɩɛsʋ, “Ŋ bɩɩna la ma nyʋlɩma nɛɛ?”