JƐRƖMAAYA 18:17 - WƖA TENIŊ

¹⁷ Mɩ jaŋ kɛŋ mɩ nɩaa pɩsɛ ba dʋndɔŋŋɔɔ sɩpaaŋ, a nagɛ peliŋ sɩ du lɩɩ wɩɩpɔsʋŋ a paa kʋŋkɔlʋŋ. Mɩ jaŋ joŋ mɩ harɩŋ yɩaba, mɩ sɩpaaŋ dee, tapʋlɩɩ-la wʋlɔrʋnʋŋ sɩ jaŋ jʋʋba.”

JƐRƖMAAYA 18:17 ပူးပေါင်းရင်းမြစ်များ

JOB 27:21

Peliŋ jaŋ lɩɩ wɩɩpɔsʋŋ dɩɩrɩŋ a kʋ joŋu viiri. Ʋ jaŋ joŋu ʋ dɩa-la lɛ a kaa viiri.

WƖA YƖƖLAA 48:7

Ŋ cheiba nagɛ pel-duoŋ sɩ lɩɩ wɩɩpɔsʋŋ dɩɩrɩŋ a kʋ ŋmoo Taasɩs lɩɩŋ daborusuŋ a chei nɛ.

NAMAGABA 24:16

Wɩaa yie wuo jʋʋ tʋɔpʋl tɩɩna a yi naansɩɩŋ bʋlɩpɛ nɛ, ka ʋ lɩlɩɩ ba lɛ bʋa na-kala. Ama wʋjʋʋlaa jaŋ yigi nɩbɔmʋŋ-na lo.

JƐRƖMAAYA 13:24

La TƖƖNA sɩ, “Mɩ jaŋ kɛmma pɩsɛ a nagɛ mɩɩ-jɔrʋŋ tintee-hɩlɩŋ peliŋ sɩ paa vɩvɛŋ.

JƐRƖMAAYA 2:27

Ba yie bʋla pɩ tɩa, ‘Ŋ nɛ ŋaa la nyɩmma,’ a bʋla pɩ tabɩɩŋ ma, ‘Ŋ nɛ ŋaa la naaŋ.’ Ba joŋ ba harɩŋ yɩamɛ nɛ, ba sɩpaaŋ tuo mɩ lɛ. Ama dɩ wɩaa nɛ jʋʋba, ba yie bʋla pɩmɛ, ‘Kʋ laala ta.’

JƐRƖMAAYA 32:33

Ba joŋ harɩŋ nɛ yɩamɛ, ba sɩpaaŋ tuo mɩ lɛ. Mɩ sɩ dagɛba bʋlɩa bʋlɩa ma kala, ba bɩ jegile nɩɩ, koo a sɛɩ dɩ mɩ kɛmba tʋra kɩɩ.

JƐRƖMAAYA 46:21

Ijipiti nɩaa sɩ joŋ moribiee pa aŋ laa laalɩyuoro-la nagɛ nɛ-biisiŋ sɩ nɛrɛ nɛ, ba ma jaŋ mɩɩrɛ harɩŋ a fá hɛ dɔŋɔ. Ba bɩ jaŋ wuo chɩŋ, bɛɛ wɩaa wʋlɔrʋŋ ka kɔ ba lɛ nɛ, bʋa-la lɛ sɩ maga dɩ ba dɔgɩsɛba.

ƐZƖKƖƐL 27:26

Nɩalɩŋ sɩ kori ŋ danyinsiŋ kɛnɩŋ duoroo gɔllɛ mʋgʋ-balɩŋ tʋɔŋ nɛ. Ama peliŋ jaŋ lɩɩ wɩɩpɔsʋŋ dɩɩrɩŋ a kʋ ŋmobuŋ yɛrɛ muno muno mʋgʋ-balɩŋ tʋɔŋ.

ƐZƖKƖƐL 7:22

Mɩ jaŋ joŋ harɩŋ yɩaba, dɩ nɩbɔŋŋɔɔ nɛ chei lee-la mɩ sɩ cho a leŋ dɩ ʋ kɛŋ disiniŋ, gaaraa jaŋ kʋ jʋʋ lee-la a ŋaa dɩ ʋ kɛŋ disiniŋ.

HOSIA 13:15

Efirem pʋŋa yʋgɛ nɛ woruŋ ʋ naambiiriŋ tʋɔŋ, ama La TƖƖNA jaŋ leŋ dɩ peliŋ lɩɩ wɩɩpɔsʋŋ dɩɩrɩŋ a kɔ a lu lɩɩ tintee-hɩlɩŋ, dɩ ʋ lɩɩ-bul-sɩɩŋ tɔ, dɩ ʋ viliŋ ma hɩl. Ba jaŋ jʋʋ dii ʋ chʋgʋsʋŋ dɩa a paa dʋa-la kala ʋ sɩ bile.

MOSIS BƖRA WULLI WƖA WOMBIIŊ 28:25

La TƖƖNA jaŋ leŋ dɩ ma dʋndɔŋŋɔɔ yuo diima. Ma jaŋ to dɩ-bala a mʋ dɩ ma yuoba, ama ba jaŋ kirima dɩ ma fá pɩsɛ a chɩchɛ dɩ ma laa ma tɩtɩa. Dʋnɩa nɩaa kala jaŋ na wɩɩ-la sɩ ŋaa ma lɛ dɩ fawʋllʋŋ faasa kɛmba.

MOSIS BƖRA WULLI WƖA WOMBIIŊ 28:64

La TƖƖNA jaŋ kɛmma pɩsa hɛ dʋnɩa tinteyee kala lɛ. Nɩmɛ nɛ ma jaŋ kpaarɛ vesiŋ ba sɩ kɛŋ daaŋ arɩ tabɩaa a ŋaa, vesi-la ma dɩ ma naabalɩmaba sɩ bɩ jɩŋ.

MOSIS BƖRA WULLI WƖA WOMBIIŊ 31:17

Dɩ ŋɩɩ nɛ kʋ ŋaa, mɩ baanɩŋ jaŋ sii ba nyuŋ dɩ mɩ vɩaba, a joŋ harɩŋ yɩaba dɩ ba chei. Wʋlɔrʋnʋŋ arɩ wʋwalɩmaa jaŋ jʋʋba. Bʋa-la lɛ ba jaŋ bʋl, ‘La Wɩa sɩ tuo la teeŋ nɛ tɩɩ wʋlɔrʋnʋŋ deemba kala ŋɩŋaa la lɛ ŋɩɩ.’

MOSIS BƖRA WULLI WƖA WOMBIIŊ 32:35

Mɩ jaŋ laa yuo pɩma a tiŋ ma chɩmɩŋ bʋa-la lɛ sɩ maga. Bʋa kʋbala jaŋ yi dɩ ba sɩɛrɛ. Bʋa-la lɛ wʋlɔrʋnʋŋ sɩ jaŋ ŋaa ba lɛ kpagɛ nɛ, ba sʋʋŋ yie nɛ.”