JƐRƖMAAYA 18:16 - WƖA TENIŊ

¹⁶ Ba tinteeŋ jaŋ pɩŋ pɛɩ, dɩ nɩaa mʋmɔŋ ʋ lɛ a kaa mʋ wuu. Ʋ wɩaa jaŋ kperi nʋʋkala sɩ to nɩmɛ a bɩbal, dɩ ba vivigisi nyuŋ.

JƐRƖMAAYA 18:16 ပူးပေါင်းရင်းမြစ်များ

1 KUOROO 9:8

Lɛɛlɛ-na mɩ dɩɩ-balɩŋ deeŋ kɛŋ yɩrɩŋ nɛ woruŋ, ama dɩ ŋɩɩ nɛ ŋaa, nʋʋkala sɩ jaŋ to dɩa deeŋ bʋbʋɔŋ bɩbal jaŋ naʋ dɩ ʋ ŋaaʋ wʋkpuŋkpere dɩ ʋ pɩɛsɛ, ‘Bɛɛ nɛ tɩɩ La TƖƖNA ŋaa tinteeŋ deeŋ arɩ Wɩa dɩɩ-balɩŋ deeŋ ŋ-la?’

2 IZIRAL TƖŊŊAA NAABARƖŊ 29:8

Ŋɩɩ nɛ La TƖƖNA na baanɩŋ Juda arɩ Jerusalɛm nɩaa nyuŋ a leŋ ba kperi, nɩaa mʋmɔmba a sisieriba lɛ. Ma jɩŋ wɩɩŋ deeŋ lɛ nɛ.

WƖA YƖƖLAA 109:25

Mɩ ŋaa mɩ dʋndɔŋŋɔɔ nɩmɔmɩɩ nɛ, dɩ ba nɛ namɛ, ba chugisi nyuŋ.

WƖA YƖƖLAA 22:7

Nʋʋkala yie namɛ a sieri mɩ lɛ a tʋʋsɛmɛ, aŋ vivigisi nyuŋ,

WƖA YƖƖLAA 44:14

Tinteye-la ma tʋɔŋ la sɩ guolo, ŋ leŋe la nagɛ mɔmɩa nɛ ba teeŋ, ba mɔmɔ duduuri.

AZAAYA 37:22

Wɩɩ-la mɩ-na ma TƖƖNA sɩ bʋla a tɩgɛ ʋ lɛ nɛ ŋ-la: Zaayɔŋ nɩaa ka mɔŋ Sɛnakɛrɩb nɛ a sisieri ʋ lɛ. Jerusalɛm nɩaa kɛŋ nyuŋ kpukpegisi nɛ, ka ʋ fɩfá dɩ ʋ laa ʋ mɩɩsɩŋ.

AZAAYA 6:11

Ŋɩɩ nɛ mɩ pɩɛsɛ, “La TƖƖNA ɛɛ nɛ ŋɩɩ jaŋ diene magɛ?” Ʋ bʋl, “See dɩ ba tabalaa cheye a pɩŋ jikpeeŋ, dɩ nɩaa tuo ba lɛ dɩ ba dɩɩsɩŋ kala wuoli, dɩ ba bagɩsɩŋ ma kala pɩŋ kʋŋkʋlʋŋ.

JƐRƖMAAYA 19:8

Mɩ jaŋ chei tabalɩŋ deeŋ dɩ ʋ ŋaa kʋŋ nɩaa sɩ jaŋ mʋmɔŋ. Ʋ wɩaa jaŋ kperi nɩalɩŋ kala sɩ to nɩmɛ bɩbal, dɩ ba sisieri ʋ lɛ a tɩŋ ŋɩɩ ba sɩ cheyu.

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 29:18

Mɩ jaŋ joŋ laalɩŋ, losuŋ arɩ nyanyal-bɔmʋŋ a kire to ba harɩŋ. Mɩ jaŋ leŋ dɩ ba kɛŋ nyɛsɩŋ dʋnɩa kuori-gentisiŋ nɩaa kala teeŋ, dɩ nɩaa kɛŋ ba yɩrɩŋ ŋmɩɛsa hɩhɛ dɔŋɔ lɛ. Nɩaa jaŋ naba dɩ fawʋllʋŋ kɛmba dɩ ba hihirigi. Tinteye-la kala lɛ mɩ sɩ kiriba hɛ, nɩaa jaŋ sisieri ba lɛ a mʋmɔmba.

JƐRƖMAAYA 42:18

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘A nagɛ mɩ sɩ na baanɩŋ a dɔgɩsɛ nɩalɩŋ sɩ hɛ Jerusalɛm lɛ ŋɩɩ, ŋɩɩ tɩtɩa nɛ mɩ jaŋ na baanɩŋ a ŋaa ma lɛ, dɩ ma nɛ mʋ Ijipiti tinteeŋ. Mɩ jaŋ leŋ dɩ ma kɛŋ nyɛsɩŋ nɩaa sɩaa lɛ. Nɩaa jaŋ sisieri ma lɛ, a kɛŋ ma yɩrɩŋ ŋmɩɛsa hɩhɛ nɩaa lɛ, a joŋ cheeriŋ pɩpɩma. Ma bɩra bɩ jaŋ kɔ dɩ ma na leriŋ deeŋ.’

JƐRƖMAAYA 44:12

Mɩ jaŋ kpʋ Juda nɩkaana-la kala sɩ ŋaa siri a kɔ Ijipiti tinteeŋ a hɔŋ nɩmɛ. Ba kala jaŋ sʋʋ Ijipiti tinteeŋ lɛ. Ba jaŋ sʋʋ laalɩŋ lɛ koo losuŋ kpʋba. A chɩŋ ba nɩbiisiŋ lɛ a kaa jɩl ba nɩbalaa, ba jaŋ sʋʋ laalɩŋ lɛ koo losuŋ lɛ. Ba jaŋ kɛŋ nyɛsɩŋ nɩaa sɩaa lɛ. Nɩaa jaŋ sisieri ba lɛ, a kɛŋ ba yɩrɩŋ ŋmɩɛsa hɩhɛ nɩaa lɛ, a joŋ cheeriŋ pɩpɩba.

JƐRƖMAAYA 48:27

Mʋab, ŋ fa sieri Iziral tɩŋŋaa lɛ nɛ. Ŋ kɛnʋ gaaraa tʋɔŋ nɛɛ a magɛ dɩ ŋ vigisi nyuŋ a sisieri ʋ lɛ dɩ ŋ nɩɩ bʋl ʋ wɩaa?

JƐRƖMAAYA 49:13

Mɩ-na ma TƖƖNA sɩ: Mɩ ŋmɩɛsɛ mɩ tɩtɩa, Bozira jaŋ pɩŋ jikpeeŋ a bɩrɩmɛ mɔmɩɩ dɩ nɩaa sisieri ʋ lɛ, dɩ nɩaa naʋ, dɩ fawʋllʋŋ kɛmba dɩ ba hihirigi a kɛŋ ʋ yɩrɩŋ ŋmɩɛsa hɩhɛ nɩaa lɛ. Ʋ tasɩŋ kala jaŋ pɩŋ jikpeeŋ a kaa mʋ wuu.”

JƐRƖMAAYA 49:17

Ɛdɔm jaŋ bɩrɩmɛ kʋŋ sɩ kɛŋ fawʋllʋŋ, dɩ nɩaa na a hihirigi. Ʋ wɩaa jaŋ kperi nɩalɩŋ kala sɩ to nɩmɛ bɩbal, dɩ ba sisieri ʋ lɛ a tɩŋ ŋɩɩ ba sɩ cheyu.

JƐRƖMAAYA 50:13

A tɩŋ mɩ-na ma TƖƖNA sɩ na baanɩŋ wɩaa, nʋʋkala bɩ jaŋ hɛ ʋ lɛ. Ama ʋ kala jaŋ pɩŋ jikpeeŋ. Nɩalɩŋ kala sɩ to Babɩlɔŋ bɩbal, ʋ wɩaa jaŋ kperiba a tɩŋ ŋɩɩ ba sɩ cheyu.

JƐRƖMAAYA 51:37

Babɩlɔŋ jaŋ pɩŋ jikpeeŋ a nagɛ pupuluŋ, a bɩrɩmɛ jolluŋ dɩjʋʋlʋŋ, a kɛŋ fawʋllʋŋ dɩ nɩaa sisieri ʋ lɛ. Nʋʋkala bɩ jaŋ hɛ nɩmɛ.

JƐRƖMAAYA 51:43

Ʋ tasɩŋ jaŋ pɩŋ hoi, a ŋaa tintee-hɩlɩɩ, ʋ jaŋ ŋaa tintee nʋʋkala sɩ bɩ jaŋ hɔŋ. Nʋʋkala bɩ jaŋ to nɩmɛ bal.

JƐRƖMAAYA 9:11

La TƖƖNA sɩ, “Mɩ jaŋ leŋ dɩ Jerusalɛm pɩŋ jikpeeŋ, a ŋaa jolluŋ dɩjʋʋlʋŋ. Mɩ jaŋ leŋ dɩ Juda tasɩŋ pɩŋ hoi, dɩ nʋʋkala sɩ́ wuo hɔŋ lee-la.”

JEMBIEE 1:12

Ʋ bɩ wɩɩ ŋaa ma nɩalɩŋ kala sɩ to lee-la bɩbal teeŋ? Má bee gollo na. Nʋʋ tuo ʋ hɛɛŋ nagɛ hɛɛ-la mɩ sɩɩ na, kʋ-la La TƖƖNA sɩ joŋo hɛ mɩ lɛ, tapʋlɩɩ-la ʋ baanɩŋ sɩ faasa sii.

ƐZƖKƖƐL 12:19

Bʋla pɩ tintee-la nɩaa: Wɩɩ-la mɩ-na ma TƖƖNA Wɩɩjarɩbakɔ sɩ bʋla tɩgɛ nɩalɩŋ sɩ hɛ Jerusalɛm arɩ Iziral tinteeŋ lɛ nɛ ŋ-la: Ba jaŋ dii ba kʋdiilee arɩ fawʋllʋŋ, a nyʋa lɩɩŋ ma arɩ tʋɔ-cheeŋ. Nɩaa jaŋ chei ba tinteeŋ dɩ ʋ pɩŋ hoi, a tɩŋ ba nɩalɩŋ sɩ hɔŋ lee-la sɩ ŋaa yuo-hɛɛrɛɛ wɩaa.

ƐZƖKƖƐL 27:36

Tinteyee nɩaa bayallaa vigisi nyusuŋ nɛ ŋ wɩaa. Ŋ dɩdɛrɩŋ lɔrɔ nɛ, ŋ tuo a kaa mʋ wuu.”

ƐZƖKƖƐL 36:3

Ŋɩɩ wɩaa bʋl wɩaa mɩ doluŋ lɛ a pɩba. Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: A tɩŋ ba sɩ chei ma tinteeŋ a kirima gɔllɔɔ baarɛ sɛmɛ na-kala a jomma hɛ tinteye-la sɩ gollima nɩaa nɩsɩŋ lɛ, ba bʋl wʋbɔŋŋɔɔ ma lɛ a chichei ma yɩrɩŋ,

ƐZƖKƖƐL 6:14

Mɩ jaŋ lɩɩsɛ nɩsɩŋ liesi ba tinteeŋ lee na-kala ba sɩ hɛ a cheyu dɩ ʋ pɩŋ hoi a chɩŋ tintee-hɩlɩɩ-la lɛ a kaa mʋ yi lee-la ba sɩɩ yɩrɛ Dibila. Ŋɩɩ nɛ ba jaŋ jɩŋ arɩ mɩ nɛ ba TƖƖNA.”

LEVI DOHO NƖAA 26:32

Mɩ jaŋ leŋ dɩ ma tinteeŋ pɩŋ jikpeeŋ dɩ ʋ ŋaa wʋkpuŋkpere a pɩ ma dʋndɔmɔ-la sɩ hɛ lee-la.

LEVI DOHO NƖAA 26:43

Tintee-la jaŋ pɩŋ jikpeeŋ a wiesi, nʋʋkala jaŋ tuo ʋ lɛ. Ʋ maga ba na hɛɛ-la sɩ maga dɩ ba na nɛ, a tɩŋ ba wʋbɔŋŋɔɔ wɩaa, bɛɛ wɩaa ba vɩa mɩ wombiee arɩ wɩalɩŋ mɩ sɩ daga nɛ.

MƖKA 6:16

bɛɛ wɩaa ma to kuoro Omiri naabʋɔsʋŋ nɛ, a ŋaa wɩalɩŋ kala kuoro Ahab dɩa nɩaa sɩ ŋaa. Ma to ba naabarɩŋ wʋŋaalaa nɛ. Ŋɩɩ wɩaa mɩ jaŋ cheima, a leŋ dɩ nɩaa kɛmma ŋmoo gbɛɛŋ. Tinteyee nɩaa jaŋ mɔmma.”

Matiu 27:39

Ba sɩ kpaasʋ mɛrɛ daagɛsɛ-la nyuŋ ŋɩɩ, nɩalɩŋ sɩ to nɩmɛ bɩbal, ba tʋtʋʋsʋ aŋ kɛŋ ba nyuŋ chuchugisi

Maak 15:29

Ba sɩ kpaasʋ mɛrɛ daagɛsɛ nyuŋ ŋɩɩ, nɩalɩŋ sɩ to nɩmɛ bɩbal, ba tʋtʋʋsʋ aŋ kɛŋ ba nyuŋ chuchugisi a bʋl, “Oi, ŋ nɛ nɩɩ-la sɩ sɩ ŋ jaŋ ŋmoo la Wɩa dɩɩ-balɩŋ lo aŋ bɩra wuo saaʋ tapʋlaa batori pɛgɛ.

MOSIS BƖRA WULLI WƖA WOMBIIŊ 28:59

La TƖƖNA Wɩa jaŋ joŋ nyanyal bɔŋŋɔɔ arɩ wʋlɔrʋnʋŋ a hɛ ma dɩ ma doho nɩaa lɛ dɩ ma na hɛɛŋ a dieni kɩŋkɛŋ. Nyanyalɩa-la bɩ jaŋ kɛŋ daaluno kala.

MOSIS BƖRA WULLI WƖA WOMBIIŊ 29:23

Tintee-la kala jaŋ nagɛ yɩsɩŋ arɩ jiribiiŋ, ba bɩ kʋŋ wuo duu nɩmɛ. Kʋŋkala bɩ jaŋ wuo nyʋ nɩmɛ. Ʋ jaŋ nagɛ Sodom, Gomora, Adɩma arɩ Zeboyim tasɩ-la La TƖƖNA fa sɩ faasa na baanɩŋ a chei.