JƐRƖMAAYA 18:15 - WƖA TENIŊ

¹⁵ Ama mɩ nɩaa yʋ mɩ wɩaa nɛ. Ba nyɩgɛ kʋsʋɔrʋsʋŋ a pɩpɩ tɔŋŋɔɔ sɩ ŋaa kʋpɛɩba nɛ. Tɔmɔ-la nɛ leŋe ba titel ba wʋŋaalaa lɛ, a bɩ wombii-bɩnɩa-la ka to. Tɔmɔ-la leŋe ba vɩvɛŋ wombiee ba sɩ vɩa ta lɛ nɛ, wombiee ba sɩ bɩ wasa.

JƐRƖMAAYA 18:15 ပူးပေါင်းရင်းမြစ်များ

NƐHƖMAAYA 9:17

Ba vɩa dɩ ba jegile nɩɩ nɛ a bɩ wʋmagɩla-la ŋ sɩ ŋaa ma liise. Ba vɩa aŋ kɛŋ nyu-duo nɛ a lɩɩsɛ ba sɩpaalaara dɩ ʋ mɩɩra kɛmba mʋ Ijipiti tinteeŋ, lee-la ba fa sɩ ŋaa yosi. Ama ŋ ŋaa Wɩa sɩ joŋ wɩaa chɩchɛ nɩaa nɛ, a fɩfá nɩaa nisusuŋ, a kɛŋ zile. Ŋ baanɩŋ bɩ lɩma lɩma ka sii, ŋ chonuŋ ma bɩ dɛrɛ. Ŋɩɩ wɩaa, ŋ bɩ ba vɩa ta,

AZAAYA 3:12

Má bee na mɩ nɩaa, hambiisiŋ nɩɩ dɔgɩsɛba, haalaa ma bibemba. Ou mɩ nɩaa, ma sɩpaalaaraa leŋe ma yeŋŋi nɛ a joŋ wombiiŋ ta.

AZAAYA 41:29

Ba kala ŋaa wʋnyɩɛra nɛ. Ba wɩaa bɩ bʋbʋa kala kɛnɛ. Ba tɔmɔ-la nagɛ peliŋ nɛ.”

AZAAYA 57:14

La TƖƖNA sɩ, “Má wasɛ wombiiŋ a leŋ dɩ mɩ nɩaa mɩɩra kɔ mɩ teeŋ, má sɩ́ leŋe dɩ kʋŋkala kɛrɛ ba wombiiŋ.

AZAAYA 62:10

Ma Jerusalɛm tɩmma, má suri ma boi-baalaa, má wasɛ wombiiŋ bil nɩaa lɛ. Má pori dɩ ʋ jal, má kɛŋ tabɩaa kala paa ta, aŋ kɛŋ jɔnjɔŋ je dɩ tinteyee nɩaa na.

AZAAYA 65:7

Mɩ jaŋ dɔgɩsɛba a tɩŋ ma naabalɩmaba arɩ ma tɩtɩa wʋbɔŋŋɔɔ kala wɩaa. Mɩ-na ma TƖƖNA nɛ bʋla. Ba nyɩgɛ kʋsʋɔrʋsʋŋ nɛ peelee arɩ dundolluŋ kala nyuŋ a jolimimi. Mɩ jaŋ dɔgɩsɛba a magɛ ba faafaa wʋbɔmɔ-la ba fa sɩ ŋaa cheimi.”

AZAAYA 9:16

Nɩaa deemba nɛ laa ba sɩpaaŋ a kɛmba yeŋŋi, ba nɛ dagɛ nɩalɩŋ ba lɛl.

JƐRƖMAAYA 1:16

Mɩ jaŋ dii mɩ nɩaa sarɩya a tɩŋ ba wʋbɔŋŋɔɔ wɩaa. Ba vɩamɛ nɛ, aŋ nyɩgɛ kʋsʋɔrʋsʋŋ pɩpɩ vesiŋ a kpʋkpaarɛ vʋɩyaa ba tɩtɩa sɩ ŋaa.

JƐRƖMAAYA 10:15

Ba bɩ bʋbʋɔ kala kɛnɛ. Ba ŋaa kɩaa sɩ kɛŋ mɔmʋŋ nɛ. Dɩ ba sarɩya diiniŋ tapʋlʋŋ nɛ yie, ba jaŋ cheiba.

JƐRƖMAAYA 11:12

Juda tasɩŋ arɩ Jerusalɛm nɩaa jaŋ mʋ bunso pɩ vesi-la ba sɩ nyɩgɛ kʋsʋɔrʋsʋŋ pɩpa. Ama ba bɩ jaŋ wuo pɛ ba lɛ dɩ wʋlɔrʋ-la nɛ jʋʋba.

JƐRƖMAAYA 11:13

Ma Juda nɩaa kɛŋ vʋɩyaa yʋga magɛ tasɩ-la ma sɩ kɛnɛ nɛ. Korunu-la ma sɩ saa dɩ ma nyɩgɛ kʋsʋɔrʋsʋŋ pɩpɩ ma hɩɩsɛ vene-la ba sɩɩ yɩrɛ Baal ma yʋga nɛ a magɛ Jerusalɛm womporunuŋ.’

JƐRƖMAAYA 11:17

Mɩ-na ma TƖƖNA, doluŋ kala Tɩɩna sɩ leŋe ma hɛ nɩmɛ, bʋla arɩ wʋlɔrʋŋ jaŋ jʋʋma, bɛɛ wɩaa ma Iziral arɩ ma Juda nɩaa ŋaa wʋbɔŋŋɔɔ nɛ a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a ŋaa mɩ baanɩŋ sii.”

JƐRƖMAAYA 13:25

Ma toruŋ nɛ ŋɩɩ, kpaal-la mɩ sɩ daga pɩma nɛ ŋɩɩ. Mɩ-na ma TƖƖNA nɛ bʋla, bɛɛ wɩaa ma yʋ mɩ wɩaa nɛ aŋ joŋ ma yɩɛlaa hɛ wʋnyɩɛrɩ vʋɩyaa lɛ.

JƐRƖMAAYA 16:19

La TƖƖNA, mɩ doluŋ arɩ mɩ dɩ-duoŋ, ŋ nɛ mɩ yie yuori dɩ hɛɛŋ nɛ jʋʋmɛ. Tinteyee nɩaa jaŋ kɔ ŋ teeŋ, a lɩɩ dʋnɩa sɛmɛ na-kala a bʋl, La naabalɩmaba bɩ kʋŋkala kɛnɛ see vesiŋ sɩ bɩ wʋtɩtɩɩ kɛnɛ, tɔŋŋɔɔ sɩ ŋaa kʋpɛɩba a bɩ wʋzɔŋ kala ŋaa pɩba.

JƐRƖMAAYA 17:13

La TƖƖNA, ŋ lɛ nɛ Iziral tɩŋŋaa yɩɛlaa kala hɛ. Hɩɩsɩŋ jaŋ dii nɩalɩŋ kala sɩ joŋ harɩŋ yɩaŋ. Nɩalɩŋ kala sɩ mɩɩrɛ ŋ harɩŋ yɩrɩŋ jaŋ lɛl a nagɛ ba sɩ ŋmʋnsɛ nɩa yɩrɩŋ bil hagɩla lɛ, a tɩŋ ba sɩ vɩa La TƖƖNA sɩɩ pɩba mɩɩsɩŋ a nagɛ lɩɩ-bulo.

JƐRƖMAAYA 18:14

Lɩɩ-la sɩ faasa fɩɛlɛ a gulimi Lɛbanɔŋ peel-leŋie-la lɛ lere-la sɩ chullo tutuu ka lɛl nɛɛ? Ʋ lɩɩ-fɩɛla-la sɩ pɩna a pɛllɛ lɩɩ dɩ-bolii kʋkɔ ka kɛrɛ nɛɛ?

JƐRƖMAAYA 19:5

Ba saa Baal vesiŋ dɩ-kpaaraa nɛ dɩ ba nyɩgɛ ba hambolibiisiŋ a pɩ Baal. Mɩ dee bɩ wɩɩŋ deeŋ daga, ŋɩɩ paala bɩ mɩ tʋɔbɩɩnaa kɔ.

JƐRƖMAAYA 2:13

Wʋbɔŋŋɔɔ balɩa nɛ mɩ nɩaa ŋaa. Mɩ nɩɩ pɩba mɩɩsɩŋ a nagɛ lɩɩ-bulo, ka ba vɩamɛ, aŋ lu ba tɩtɩa vilee, vil-kpaarɩŋ lɩɩŋ sɩ bɩ ba tʋɔŋ wuo chɩŋ.

JƐRƖMAAYA 2:19

Ma tɩtɩa wʋbɔŋŋɔɔ nɛ jaŋ gʋra diima. Ma sɩ mɩɩrɛ mɩ harɩŋ, ŋɩɩ jaŋ leŋ dɩ ma laa cheeriŋ. Lɛɛlɛ nɛ ma jaŋ jɩŋ arɩ ʋ ŋaa wʋbɔŋ nɛ, a ŋaa wʋtɔɔ, ma sɩ vɩamɛ a bɩ mɩ-na ma TƖƖNA Wɩa ka fá. Mɩ-na ma TƖƖNA doluŋ kala Tɩɩna nɛ bʋla.

JƐRƖMAAYA 2:32

Hatolo jaŋ wuo yʋ ʋ yaraa kpɩɛraa lɛɛ, koo ha-falɩŋ jaŋ wuo yʋ ʋ ha-fal-gɛrɩŋ laalɩŋ? Ama mɩ nɩaa paala yʋ mɩ wɩaa nɛ a dieni.

JƐRƖMAAYA 3:21

Nɩaa nɩɩ yel dundol kpʋlaa nyuŋ, Iziral tɩŋŋaa nɩɩ yel ŋɩɩ aŋ sʋsʋl dɩ mɩ joŋo chɛba, bɛɛ wɩaa ba yʋ mɩ-na ba TƖƖNA Wɩa wɩaa nɛ a vɩa mɩ wombiiŋ.

JƐRƖMAAYA 44:25

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Ma dɩ ma haalaa wʋŋaalaa sɛnɛ dagɛ nii-la ma sɩ hɛ nɛ a bʋl, ‘La jaŋ sɛnɛ to niiri-la la sɩ hɛ arɩ la jaŋ nyɩgɛ kʋsʋɔrʋsʋŋ, a wansɛ kʋnyʋalaa ma a pɩ wɩa-nyuŋ veŋ ha-kuoru-la. Má ŋaa wɩalɩŋ kala ma sɩ hɛ niiŋ arɩ ma jaŋ ŋaa. Má lɩɩsɛ niiri-la kala ma sɩ ta.’ ”

JƐRƖMAAYA 51:18

Ba bɩ bʋbʋa kala kɛnɛ. Ba ŋaa kɩaa sɩ kɛŋ mɔmʋŋ nɛ. Dɩ ba sarɩya diiniŋ tapʋlʋŋ nɛ yie, ba jaŋ cheiba.

JƐRƖMAAYA 6:16

Wɩɩ-la La TƖƖNA sɩ bʋla nɛ ŋ-la: “Má chɩŋ wɛŋ-chɛŋŋɛɛ lɛ aŋ beŋ, má pɩɛsa chɛ a jɩŋ wombii-bɩnɩa-la, má pɩɛsa na lee-la wombii-zɔŋ-la sɩ hɛ, a tou, dɩ ma dɩnsɩŋ na wiese. Ama ma sɩ, ‘La bɩ jaŋ tou.’

JƐRƖMAAYA 7:9

Ma yie gɩgaa nɩaa kɩaa nɛ, a kpʋkpʋ nɩaa, a chɩchɛ dɔŋɔba haalaa, a nyɩɛ wɩaa aŋ ŋmɩŋmɩɛsɛ, a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a tuto vesiŋ dɔnsʋŋ ma sɩ bɩ jɩŋ,

ƐZƖKƖƐL 21:15

dɩ ŋɩɩ leŋ dɩ ba nandaasɩŋ yʋɔrɛ, dɩ nɩaa sʋʋ yʋgɛ. Mɩ leŋe ba kɛŋ tokobiiŋ chɩŋ ba boi-baalaa lɛ nɛ dɩ ba kpʋ nɩaa. Ʋʋ tʋl nɛ a nagɛ duonuŋ sɩɩ lɩgɩsʋ, ba koru nɛ dɩ ba kaa kpʋ nɩaa.

ƐZƖKƖƐL 36:15

Tintee-la nɩaa bɩra bɩ jaŋ nɩnɩɩ ŋɩɩ tinteye-la nɩaa sɩɩ mɔmba lɛ koo a sisieri ba lɛ. Tintee-la bɩra bɩ jaŋ kpʋkpʋ ʋ nɩaa. Mɩ-na ma TƖƖNA Wɩɩjarɩbakɔ nɛ bʋla.”

HOSIA 11:2

Ama dɩ mɩ yɩrʋ magɛ ŋɩɩ kala ma, ʋ yie fa kagɛ mɩ lɛ a mʋ dɩ-bolii. Ʋ yie kpaarɛ vene-la ba sɩɩ yɩrɛ Baal a nyɩgɛ kʋsʋɔrʋsʋŋ pɩpɩ tɔŋŋɔɔ.

HOSIA 2:13

Mɩ jaŋ dɔgʋsʋ a tɩŋ tapʋlɩa-la ʋ sɩ nyɩgɛ kʋsʋɔrʋsʋŋ a pɩ vene-la ba sɩɩ yɩrɛ Baal. Ʋ fa kpɩɛrɛ ʋ tɩtɩa nɛ a joŋ nenii-pɩraa arɩ banzɔlɔba hɛ a kire to ʋ hɩɩlaba harɩŋ aŋ yʋ mɩ wɩaa. Mɩ-na ma TƖƖNA nɛ bʋla.

HOSIA 2:6

Ŋɩɩ wɩaa, mɩ jaŋ ta sɔsʋŋ a tɔ ʋ wombiiŋ, mɩ jaŋ saa jeeŋ a kɛrʋ dɩ ʋ sɩ́ wuo na wombiiŋ a lɩɩ.

MALAKAƖ 2:8

Ama lɛɛlɛ, ma vɩa wɩalɩŋ ta nɛ, ma wʋdagaa mɩɩra leŋ nɩ-daŋ nɛ ŋaa wʋbɔŋ wɩaa. Ma chei nii-la sɩ hɛ mɩ dɩ ma naabalɩma Levi pɛgɛ nɛ. Mɩ-na ma TƖƖNA doluŋ kala Tɩɩna nɛ bʋla.

Matiu 15:6

Ʋ sɩ ŋaa ŋɩɩ, ʋ bɩra bɩ maga dɩ ʋ pɛ ʋ nyɩmma arɩ ʋ naaŋ lɛ. A tɩŋ ŋɩɩ wɩaa, ma vɩa Wɩa niiŋ wɩaa nɛ aŋ to ma naabalɩmaba wombiiŋ.

Rom Tɩŋŋaa 14:21

Wɩɩ-la sɩ zɔmɔ nɛ ŋ-la: Ʋ bɩ maga dɩ maa chaŋ nammɩa, koo dɩ ma nyʋa sɩnɩŋ, koo dɩ maa ŋaa wɩɩ-na kala sɩ jaŋ leŋ dɩ ma naambie yeŋŋi ʋ wombiiŋ.

MOSIS BƖRA WULLI WƖA WOMBIIŊ 32:21

Ba leŋe mɩ yaraa bieri ba veŋ-kpaarɩɩ-la lɛ nɛ, mɩ na baanɩŋ ba nyuŋ. Mɩ jaŋ leŋ dɩ nɩalɩŋ ba sɩ bene dɩ ba bɩ nɩa ŋaa, ma ŋaa dɩ ba yaraa bieri. Mɩ jaŋ leŋ dɩ tintee-la nɩaa sɩ bɩ wɩɩkala jɩŋ ŋaa dɩ ba baanɩŋ sii.