JƐRƖMAAYA 18:12 - WƖA TENIŊ

¹² Ama ba jaŋ bʋl, ‘Ŋɩɩ bɩ bʋbʋa kala kɛnɛ. La jaŋ tuto la wombie-la la tɩtɩa sɩ vʋʋra bil. La kʋŋkala jaŋ kɛŋ nyuduoŋ a to ʋ tʋɔbɔmʋŋ harɩŋ.’ ”

JƐRƖMAAYA 18:12 ပူးပေါင်းရင်းမြစ်များ

WƖAA DƖ-SUOMUŊ 6:5

La TƖƖNA na ŋɩɩ nuhuobiine tʋɔŋ sɩ hɛyɛ dʋnɩa tʋɔŋ, ʋ tʋɔbɩɩnaa ma kala lɔrɛ bʋa na-kala.

WƖAA DƖ-SUOMUŊ 8:21

Ŋɩɩ nɛ Wɩa nɩɩ kɩalɩŋ Nowa sɩ nyɩga sʋɔra dɩ ba sɩma. Ʋ tʋɔŋ tɔrɛ, ʋ bʋl ʋ tʋɔŋ lɛ, “Mɩ bɩra bɩ jaŋ tɩŋ nuhuobiine wɩaa a ŋmɩɛsa hɛ tinteeŋ lɛ. Nuhuobiine tʋɔbɩɩnaa kala ŋaa kʋbɔmɔ nɛ a lɩɩ ʋ hambiiriŋ kala lɛ. Mɩ bɩra bɩ jaŋ kɔ dɩ mɩ kpʋ kʋŋkala sɩ weye arɩ mɩ sɩ ŋaa ŋɩɩ bʋa-la lɛ.

2 KUOROO 6:33

Elaasa fa ha sɩ bʋl wɩaa pɩpɩba ŋɩɩ, dɩ tɩndaarʋ-la kɔ ʋ teeŋ. Kuoru-la ma kɔ a bʋl, “La TƖƖNA sɩ leŋe wʋlɔrʋnʋŋ deemba kala ŋaa la lɛ, bɛɛ nɛ saa tɩɩ la jaŋ bɩra gbɛrʋ dɩ ʋ pɛ la lɛ?”

AZAAYA 57:10

Maa lɔl ma tɩtɩa nɛ wɩaa deemba kala lɛ, aŋ bɩ chɛ ma leŋ, a tɩŋ ma sɩ cho vesiŋ kɩŋkɛŋ wɩaa a bɩɩnɛ ba jaŋ pɩma doluŋ.

AZAAYA 65:2

Bʋa na-kala mɩ yie kɛŋ mɩ tɩtɩa hɛ dɔŋɔ nɛ a chal nɩsaa, dɩ mɩ laa nɩalɩŋ sɩ bɩ mɩ niiŋ ka to nɩalɩŋ wʋŋaalaa sɩ bɩ zɔŋ a tuto ba tʋɔtɔrɛ wɩaa harɩŋ.

JƐRƖMAAYA 11:8

Ama ba bɩ jegile nɩɩ, aŋ vɩa dɩ ba tomi, ba mɩɩra to ba nyuduoŋ arɩ tʋɔbɩɩŋ bɔŋŋɔɔ harɩŋ nɛ. Ŋɩɩ nɛ mɩ joŋ ŋmɩaŋ-la kala sɩ hɛ nii-la sɩ hɛ mɩ dɩ ba pɛgɛ a hɛ ba lɛ. Nii-la mɩ fa sɩ sɩ ba to ka ba bɩ to.’ ”

JƐRƖMAAYA 16:12

Ama ma nɛ paala ŋaa wʋbɔŋŋɔɔ a kɩɩ ma naabalɩmaba-la. Ma kʋŋkala kɛŋ nyuduoŋ nɛ a to ʋ tʋɔbɔmʋŋ harɩŋ, aŋ vɩa dɩ ʋ sɛɩ mɩ niiŋ.

JƐRƖMAAYA 2:25

Má sɩ́ fá dɩ ma naasɩŋ dii dɛrɛ, dɩ ma yikorusuŋ ma hɩl. Ama, ma fa sɩ, ‘La bɩ jaŋ wuo mɩɩrɛ harɩŋ, la cho tintee-wogusuŋ vesiŋ nɛ. La jaŋ to ba harɩŋ.’

JƐRƖMAAYA 23:17

Ba yie bʋla pɩpɩ nɩalɩŋ sɩ bɩ mɩ kaa tɩtɩŋ, ‘La TƖƖNA sɩ: Má jaŋ hɔŋ arɩ fɩɛlɩŋ.’ Ba yie bʋla pɩ nɩalɩŋ ma kala sɩɩ to ba nyuduoŋ harɩŋ, ‘Wʋbɔŋ kala bɩ jaŋ ŋaa ma lɛ.’

JƐRƖMAAYA 3:17

Bʋa-la lɛ ba jaŋ yɩrɛ Jerusalɛm La Tɩɩna kuoru kpasa. Ŋɩɩ nɛ tinteyee nɩaa kala jaŋ kɔ Jerusalɛm a zil mɩ-na ma TƖƖNA. Ba bɩra bɩ jaŋ tuto ba nyuduoŋ arɩ ba tʋɔbɔmʋŋ harɩŋ.

JƐRƖMAAYA 44:17

La jaŋ sɛnɛ ŋaa wɩalɩŋ kala la sɩ sɩ la jaŋ ŋaa. La jaŋ nyɩgɛ kʋsʋɔrʋsʋŋ a pɩ wɩa-nyuŋ veŋ ha-kuoru-la aŋ wansɛ kʋnyʋalaa ma a pʋ, a nagɛ la dɩ la naabalɩmaba, la kuoroo arɩ la tɩntɩnnɩ-hɩasɩŋ fa sɩ ŋaa ŋɩɩ Juda tasɩŋ arɩ Jerusalɛm womporunuŋ lɛ. Bʋa-la lɛ, la fa kɛŋ kʋdiilee nɛ woruŋ a kɛŋ kɩaa, wɩɩkala bɩ laa walɩmɛ.

JƐRƖMAAYA 6:17

Mɩ fa lɩɩsɛ nɩaa nɛ dɩ ba pɔma aŋ bʋl, ‘Má jegile nɩɩ banyile-la ba sɩ ŋmʋa aa kɛŋ ma tɩtɩa.’ Ama ma sɩ, ‘La bɩ jaŋ jegile nɩɩ.’

JƐRƖMAAYA 7:24

Ama ba fa bɩ jegile nɩɩ koo a kaa tɩŋ. Ba fa mɩɩra to ba nyuduoŋ arɩ ba tʋɔbɩɩŋ bɔŋŋɔɔ harɩŋ nɛ. Ba fa mɩɩra mʋ harɩŋ nɛ, ba bɩ sɩpaaŋ mʋa.

ƐZƖKƖƐL 37:11

Ŋɩɩ nɛ ʋ bʋla pɩmɛ, “Nuhuobiiŋ, haŋgbelee deemba nɛ ŋaa Iziral tɩŋŋaa kala. Ba sɩ, ‘La haŋgbelee kala hɩla nɛ, la bɩra bɩ yɩɛlaa kɛnɛ, la lɛlɛ nɛ.’

MALAKAƖ 3:14

Wɩɩ-la ma sɩ bʋla nɛ ŋ-la: ‘Ʋ ŋaa wʋpɛɩ nɛ dɩ la nɩɩ to Wɩa. Wʋzɔŋ bɛɛba nɛ la na bʋa-la lɛ la sɩ to wɩalɩŋ ʋ sɩ dagɛla a kɛŋ la tɩtɩa muuri La TƖƖNA doluŋ kala Tɩɩna sɩpaaŋ a dagɛ arɩ la tʋɔŋ chei la wʋbɔŋŋɔɔ wɩaa nɛ?

Luuk 1:51

Ʋ kɛŋ ʋ naduo-la kaa tɩɛnɛ a ŋmoo babiibalaa a ŋaa ba wɩaa kala pugi.

MOSIS BƖRA WULLI WƖA WOMBIIŊ 29:19

Ma sɩ nɩɩ kalɩbɩŋ deeŋ, dɩ nʋʋ nɛ ha hɛ ma tʋɔŋ a bɩɩnɛ arɩ ʋ jaŋ ŋaa ʋ tɩtɩa tʋɔtɔrɛ wɩaa, ka dɩ wɩaa ha vɛŋ woruŋ a pʋ, ʋʋ nyɩsɛ ʋ tɩtɩa nɛ. Ʋ jaŋ lɛrɛ wʋlɔrʋnʋŋ kʋ hɛ ma lɛ dɩ ba chei ma nɩzɔŋŋɔɔ arɩ nɩbɔŋŋɔɔ kala.