JƐRƖMAAYA 18:11 - WƖA TENIŊ

¹¹ Lɛɛlɛ bʋla pɩ Juda nɩaa arɩ ba nɩalɩŋ dɔnsʋŋ sɩ hɛ Jerusalɛm lɛ, ‘Wɩɩ-la mɩ-na ma TƖƖNA sɩ bʋla nɛ ŋ-la: Má bee na, mɩɩ bɩɩnɛ wɩɩ nɛ dɩ mɩ ŋaa ma lɛ. Wʋlɔrʋ nɛ mɩɩ bɩɩnɛ dɩ mɩ joŋo dɔgɩsɛma. Ŋɩɩ wɩaa má kʋŋkala bɩrɩma lɩɩ ma wʋbɔŋŋɔɔ lɛ. Ma bɩrɩmɛ ma mɛlɛ arɩ ma wʋŋaalaa.’

JƐRƖMAAYA 18:11 ပူးပေါင်းရင်းမြစ်များ

WƖAA DƖ-SUOMUŊ 11:7

Leŋ dɩ La tuu kɛŋ ba yikoro vʋgʋmɛ dɩ ba bɩra sɩ́ dɔŋɔ wʋbʋlʋŋ nɩɩ.”

1 KUOROO 22:23

Mɩkaaya bʋl, “La TƖƖNA joŋ wʋnyɩɛrɩŋ dɩma hɛ nɩaa deemba kala sɩ bʋl wɩaa pɩpɩŋ niiŋ lɛ nɛ. La TƖƖNA tɩtɩa bʋla arɩ wʋlɔrʋnʋŋ jaŋ jʋʋŋ.”

2 KUOROO 17:13

La TƖƖNA fa to ʋ wʋlaabʋllaa arɩ ʋ sɩɩnaaraa lɛ nɛ a bʋl ŋ-la a chagɩlɛ Iziral tɩŋŋaa arɩ Juda nɩaa kala, “Má bɩrɩma lɩɩ wʋbɔŋŋɔɔ ŋaanɩŋ lɛ. Má to mɩ wombiee arɩ wɩalɩŋ mɩ sɩ dagɛ ma naabalɩmaba dɩ ba to, arɩ mɩ niiŋ wɩalɩŋ kala mɩ sɩ to mɩ tɩntɩnna-la sɩ ŋaa mɩ wʋlaabʋllaa lɛ a bʋla pɩma.”

2 KUOROO 22:13

“Má mʋ chɛ na La TƖƖNA teeŋ a mʋ tɩgɛ wɩalɩŋ sɩ hɛ teŋ-la tʋɔŋ a pɩ mɩ dɩ Juda nɩaa kala. La TƖƖNA chaasa na baanɩŋ nɛ la nyuŋ, a tɩŋ la naabalɩmaba sɩ bɩ wɩalɩŋ sɩ hɛ teŋ-la tʋɔŋ to, a bɩ wɩalɩŋ kala ba sɩ ŋmʋnsa a mʋ tɩgɛ la lɛ ŋaa.”

2 KUOROO 5:5

Naamaŋ sii mʋ a bʋl wɩɩ-la pɩ Siiria kuoro. Kuoro bʋl, “Mʋ, mɩ jaŋ ŋmʋnsɛ teniŋ a pɩŋ dɩ ŋ kaa mʋ pɩ Iziral tinteeŋ kuoro.” Ŋɩɩ nɛ Naamaŋ sii joŋ warɩpʋla bʋɩ mara arɩ fii, sɛlɩmɛ chɛnfɛŋ daasɩŋ bʋɩ zɔɔ-balɩdʋ arɩ gɛrɩ-laalaa dabamba fii.

AZAAYA 5:5

Lɛɛlɛ, mɩ jaŋ bʋl wɩɩ-la mɩ sɩ jaŋ joŋo ŋaa mɩ girep tɩɩsɩŋ baga-la lɛ a pɩma. Mɩ jaŋ kɩɛsɛ lɩga-la aŋ ka dɩ ʋ kala chei, mɩ jaŋ ŋmoo ʋ jebii-la lo ka dɩ baga kɩaa jʋʋ didii tɩɩnɛnɛ-la.

AZAAYA 57:1

Tʋɔpʋl tɩɩna yie sʋʋ, ka nʋʋkala sɩpaaŋ tuo, ba bɩ jɩŋ wɩɩ-la sɩ tɩɩ ʋ sʋʋ. Ama tʋɔpʋl tɩɩna yie sʋʋ a fori wʋbɔŋŋɔɔ nɩsɩŋ lɛ nɛ.

JƐRƖMAAYA 11:11

Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: ‘Mɩ jaŋ kɛŋ wʋlɔrʋŋ ba sɩ́ bɩ jaŋ wuo fá kagɛ a kʋ hɛ ba lɛ. Ba jaŋ ŋmoo niiŋ mɩ teeŋ, ama mɩ bɩ jaŋ jegile nɩɩ ba teeŋ.

JƐRƖMAAYA 11:19

Mɩ fa nagɛ pie-bie sɩ ŋaa chɩm ka ba kaa mʋmʋ dɩ ba kpʋ nɛ. Mɩ fa bɩ jɩŋ dɩ ba pagɛ mɩ lɛ nɛ a bʋbʋl, “Má leŋ dɩ la nyʋgʋsɛ tɩa-la arɩ ʋ nɛnɛɛ kala. Má leŋ dɩ la keru ta nɩweyee tʋɔŋ, dɩ nɩaa bɩra sɩ́ ʋ wɩaa liisu.”

JƐRƖMAAYA 18:18

Ba sɩ, “Má kɔ dɩ la vʋʋrɛ wɩɩ-la la sɩ jaŋ ŋaa Jɛrɩmaaya lɛ, bɛɛ wɩaa dɩ la nɛ ŋaa ŋɩɩ ma, wɩalɩŋ Wɩɩsʋllɩ sɩpaalaaraa sɩ daga a tɩgɛ wombii-la ba sɩ bile dɩ la tuto bɩ jaŋ kɔ dɩ ba lɛlɛ. Wʋjɩnnaa ma sɩɩ dagɛ wɩalɩŋ arɩ Wɩa wʋlaabʋllaa sɩɩ bʋl wɩalɩŋ bɩ jaŋ kɔ dɩ ba lɛlɛ. Ŋɩɩ wɩaa má leŋ dɩ la nyɩɛ wɩaa pʋ aŋ sɩ́ wɩalɩŋ ʋ sɩɩ bʋl jegilu.”

JƐRƖMAAYA 19:15

“Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Má jegile nɩɩ, mɩ jaŋ kɛŋ wʋlɔrʋnʋ-la mɩ sɩ daga a kʋ hɛ tabalɩŋ deeŋ arɩ tabiisi-la kala sɩ gollu lɛ, bɛɛ wɩaa ba kɛŋ nyuduoŋ nɛ a bɩ chɛ ba jegile nɩɩ mɩ niiŋ wɩaa.’ ”

JƐRƖMAAYA 19:3

Bʋl, ‘Juda kuoroo arɩ Jerusalɛm nɩaa, má jegile nɩɩ mɩ-na ma TƖƖNA wɩaa.’ Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Má jegile nɩɩ, mɩ jaŋ kɛŋ wʋlɔrʋŋ kʋ hɛ leriŋ deeŋ nɩaa lɛ. Dɩ nʋʋkala nɛ nɩɩʋ ʋ dɩgɩlaa jaŋ chɩɩmɛ.

JƐRƖMAAYA 25:2

Ŋɩɩ nɛ Wɩa wʋlaabʋlla Jɛrɩmaaya bʋl wɩalɩŋ pɩ Juda nɩaa kala arɩ ba nɩalɩŋ kala sɩ hɛ Jerusalɛm lɛ. Ʋ sɩ:

JƐRƖMAAYA 25:5

Ba sɩ, “Má kʋŋkala bɩrɩma lɩɩ ma wombii-bɔmɔ-la ma sɩɩ to arɩ wʋbɔmɔ-la ma sɩɩ ŋaa lɛ. Dɩ ma nɛ ŋaa ŋɩɩ, ma jaŋ wuo hɔŋ tintee-la lɛ La TƖƖNA sɩ joŋo pɩ ma dɩ ma naabalɩmaba a kaa mʋ wuu.

JƐRƖMAAYA 26:13

Lɛɛlɛ, má bɩrɩmɛ ma mɛlɛ arɩ ma wʋŋaalaa aŋ to ma TƖƖNA Wɩa niiŋ. Dɩ ma nɛ ŋaa ŋɩɩ, La TƖƖNA jaŋ kɛŋ ʋ tʋɔbɩɩnaa bɩrɩmɛ, ʋ bɩra bɩ jaŋ kɛŋ wʋlɔrʋ-la wɩaa ʋ sɩ bʋla kʋ hɛ ma lɛ.

JƐRƖMAAYA 26:3

Kapo ba jaŋ jegile nɩɩ, dɩ ba kʋŋkala bɩrɩma lɩɩ ba wʋbɔŋŋɔɔ ŋaanɩŋ lɛ. Dɩ ba nɛ ŋaa ŋɩɩ, mɩ jaŋ kɛŋ mɩ tʋɔbɩɩnaa bɩrɩmɛ. Mɩ bɩra bɩ jaŋ kɛŋ wʋlɔrʋŋ kʋ hɛ ba lɛ, wʋlɔrʋ-la mɩ fa sɩ bɩɩna dɩ mɩ kaa kʋ hɛ ba lɛ a tɩŋ wʋbɔmɔ-la ba sɩ ŋaa wɩaa.

JƐRƖMAAYA 3:1

La TƖƖNA pɩɛsa, “Dɩ baal nɛ vɩa ʋ haala, dɩ haal-la lɩɩ mʋ jaa baal dɔŋ, baal-la sɩ laa sɩpaaŋ vɩaʋ maga dɩ ʋ bɩra mʋ chɩchɛ haal-la nɛɛ? Dɩ ʋ nɛ ŋaa ŋɩɩ, ba tinteeŋ bɩ jaŋ kɛŋ disiniŋ? Ama ma Iziral tɩŋŋaa ŋaa wɩaa a nagɛ hachɔrʋŋ nɛ, a kɛŋ hɩɩlaba yʋgɛ, aŋ lɛɛlɛ chɩchɛ dɩ ma mɩɩra kɔ mɩ teeŋ.

JƐRƖMAAYA 3:22

Ma ŋaa nɩa sɩ bɩ wʋtɩtɩɩ kɛnɛ nɛ, má mɩɩra kɔ mɩ teeŋ. Mɩ jaŋ vaarɛma a leŋ dɩ ma kɛŋ wʋtɩtɩɩ.” Nɩalɩŋ jaŋ bʋl, “La jaŋ kɔ ŋ teeŋ, ŋ nɛ La TƖƖNA Wɩa.

JƐRƖMAAYA 35:15

Mɩ tɩŋ mɩ wʋlaabʋllaa kala ma teeŋ nɛ bʋlɩa bʋlɩa. Ba bʋla pɩma, ‘Ma kʋŋkala maga ma bɩrɩma lɩɩ ma wʋbɔŋŋɔɔ lɛ nɛ, a bɩrɩmɛ ma wʋŋaalaa. Má sɩ́ vesiŋ to, dɩ ma nɛ ŋaa ŋɩɩ, ma jaŋ hɔŋ tintee-la mɩ sɩ joŋo pɩ ma dɩ ma naabalɩmaba lɛ.’ Ama ma bɩ jegile nɩɩ mɩ teeŋ koo a kaa tɩŋ.

JƐRƖMAAYA 36:3

Kapo Juda nɩaa nɛ nɩɩ wʋlɔrʋnʋ-la mɩ sɩɩ bɩɩnʋ dɩ mɩ joŋo hɛ ba lɛ, ba jaŋ bɩrɩma lɩɩ ba wʋbɔŋŋɔɔ lɛ. Dɩ ba nɛ ŋaa ŋɩɩ, mɩ jaŋ joŋ ba wʋbɔŋŋɔɔ arɩ ba wʋcheelee a chɛba.”

JƐRƖMAAYA 36:7

Kapo ba jaŋ kɔ La TƖƖNA sɩpaaŋ a sʋlʋ aŋ bɩrɩma lɩɩ ba wʋbɔŋŋɔɔ lɛ, bɛɛ wɩaa La TƖƖNA sɩ na baanɩŋ a bʋl wɩalɩŋ tɩgɛ nɩaa deemba lɛ bɩ bana kɛnɛ.”

JƐRƖMAAYA 4:1

La TƖƖNA sɩ, “Iziral tɩmma, dɩ ma nɛ jaŋ mɩɩra kɔ mɩ teeŋ, má mɩɩra kɔ. Dɩ ma nɛ joŋ ma vʋɩya-la mɩ sɩɩ kɩsʋ ta a bɩra bɩ wɩalɩŋ sɩ leŋe ma yeŋŋi ka to,

JƐRƖMAAYA 4:14

Jerusalɛm nɩaa, má chɛsɛ wʋbɔmɔ-la sɩ hɛ ma tʋɔŋ lɛ ta, ka dɩ La TƖƖNA laama ta. Ɛɛ nɛ maa chɛ dɩ ma laa wʋbɔŋŋɔɔ hɛ ma tʋɔŋ lɛ a diene magɛ?

JƐRƖMAAYA 4:23

Ŋɩɩ nɛ mɩ beŋ dʋnɩa, ʋ fa bɩ kʋŋkala naga, ʋ fa pɩŋ hoi nɛ. Mɩ sɩ beŋ wɩa-nyuŋ ma, ʋ pʋlʋmʋŋ kala nɛ lɛlɛ.

JƐRƖMAAYA 4:6

Má hɛ duoso pɩ nɩaa dɩ ba fá mʋ Jerusalɛm. Má fá a laa ma tɩtɩa, má sɩ́ dienu. Mɩ kɛŋ wʋlɔrʋŋ nɛ lɩɩ wɩɩpɔsʋŋ nagʋa dɩɩrɩŋ kʋkɔ, ʋ ŋaa wʋlɔrʋ sɩ bɩ bana kɛnɛ.”

JƐRƖMAAYA 51:11

Má taa ma to-hɛŋŋɛɛ, aŋ paa ma hɔɔtaalɩ-la ma sɩ kaa kɛrɛɛ laa bayuori hɛŋŋɛɛ. La TƖƖNA yigi Media tɩŋŋaa kuoroo hɛ nɛ, bɛɛ wɩaa ʋʋ chɛ ʋ chei Babɩlɔŋ nɛ. La TƖƖNA jaŋ joŋ ʋ baanɩŋ tiŋ ʋ lɛ a tɩŋ ʋ dɩɩ-bal-la wɩaa.

JƐRƖMAAYA 7:3

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa bɩra sɩ bʋla nɛ ŋ-la: Má bɩrɩma lɩɩ ŋɩɩ ma sɩ naga lɛ a joŋ wɩalɩŋ ma sɩɩ ŋaa ta, ka dɩ mɩ leŋ dɩ ma hɔŋ daha.

ƐZƖKƖƐL 13:22

Ma nyɩɛ wɩaa a ŋaa tʋɔpʋl tɩmma-la mɩ sɩ bɩ chɛ mɩ leŋ dɩ ba tʋɔŋ chei, nandaasɩŋ yʋɔrɛ nɛ, aŋ leŋ nɩbɔŋŋɔɔ nyuŋ nyaasɛ dɩ ba sɩ bɩrɩma lɩɩ ba wʋbɔŋŋɔɔ lɛ a laa ba mɩɩsɩŋ.

ƐZƖKƖƐL 18:23

Mɩ-na ma TƖƖNA Wɩɩjarɩbakɔ pɩɛsa: Ma bɩɩna mɩ cho dɩ nɩbɔŋŋɔɔ sʋsʋʋ nɛɛ? Mɩ yie cho dɩ ba bɩrɩma lɩɩ ba wʋbɔŋŋɔɔ ŋaanɩŋ lɛ nɛ a kɛŋ mɩɩsɩŋ.

JONA 3:8

Ama má leŋ dɩ nʋʋkala laalɛ tʋɔ-chei gɛnnɩŋ, aŋ paa dɔnsʋŋ vɔɔ pʋsʋŋ a chaasa sʋl Wɩa woruŋ a leŋ yuosuŋ arɩ wʋbɔŋŋɔɔ ŋaanɩŋ.

MƖKA 2:3

Ŋɩɩ wɩaa, La TƖƖNA sɩ, “Mɩɩ bɩɩnɛ mɩ ŋaa wʋlɔrʋŋ nɛ ma nɩaa deemba lɛ, ma bɩ jaŋ wuo laa ma tɩtɩa. Ma bɩra bɩ jaŋ wuo ŋaa wɩaa a dagɛ ma tɩtɩa, bɛɛ wɩaa bʋa-la lɛ wɩaa jaŋ jʋʋma.

ZƐKARƖYA 1:3

Ŋɩɩ wɩaa bʋla pɩ nɩalɩŋ: Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ ŋ-la: Má mɩɩra kɔ mɩ teeŋ, mɩ ma jaŋ mɩɩra kɔ ma teeŋ. Mɩ-na ma TƖƖNA doluŋ kala Tɩɩna nɛ bʋla.

Tɩntɩŋŋaa 26:20

Ŋɩɩ nɛ mɩ suomo bʋl Wɩa wɩaa Damasɩkʋs lɛ arɩ Jerusalɛm lɛ a kaa mʋ Judiya tinteeŋ kala, arɩ nɩalɩŋ sɩ bɩ Juu tɩmma ŋaa tʋɔŋ. Mɩ bʋla pɩba dɩ ba bɩrɩma lɩɩ ba wʋbɔŋŋɔɔ lɛ aŋ bɩrɩma to Wɩa, a ŋɩŋaa wɩalɩŋ sɩ jaŋ dagɛ arɩ ba bɩrɩma lɩɩ ba wʋbɔŋŋɔɔ lɛ nɛ.

Jeems 4:13

Bee na, ma nɩalɩŋ sɩ yie bʋl arɩ maachie ma jaŋ mʋ taŋ deeŋ a yallɛ bayalɩŋ a yi jɩna a na nyʋʋrʋŋ, ma paala bɩ chiemiŋ wɩaa jɩŋ.

Jeems 5:1

Ma nɩalɩŋ sɩ kɛŋ kɩaa, má jegile nɩɩ mɩ teeŋ. Máa ŋmoo niiŋ a yiyel a tɩŋ hɛɛ-la sɩ jaŋ jʋʋ ma wɩaa.