JƐRƖMAAYA 18:10 - WƖA TENIŊ

¹⁰ ka dɩ ba ŋaa wʋbɔŋŋɔɔ mɩ sɩɩŋ lɛ a bɩ mɩ niiŋ sɛyɛ, ŋɩɩ-na mɩ jaŋ kɛŋ wʋzɔŋ-la mɩ fa sɩ bɩɩna dɩ mɩ ŋaa pɩba a bɩrɩmɛ.

JƐRƖMAAYA 18:10 ပူးပေါင်းရင်းမြစ်များ

WƖA YƖƖLAA 125:5

Ama La Tɩɩna, dɩ ŋ nɩɩ dɔgɩsɛ nɩbɔŋŋɔɔ, dɔgɩsɛ nɩalɩŋ ma sɩɩ to nɩbɔŋ wombiee. A leŋ dɩ fɩɛlɩŋ hɛ Iziral tinteeŋ lɛ.

ƐZƖKƖƐL 18:24

Ama dɩ tʋɔpʋl tɩɩna nɛ leŋ tʋɔpʋl wɩaa ŋaanɩŋ aŋ mɩɩra ŋɩŋaa wʋbɔŋŋɔɔ arɩ wɩalɩŋ mɩ sɩɩ kɩsʋ ka nɩbɔŋŋɔɔ ŋɩŋaa, ʋ jaŋ kɛŋ mɩɩsɩŋ? Aɩ, mɩ jaŋ yʋ tʋɔpʋl wɩalɩŋ kala ʋ sɩ ŋaa, a tɩŋ ʋ sɩ bɩ wʋtɩtɩɩ kɛnɛ arɩ mɩ aŋ ŋaa wʋbɔŋ wɩalɩŋ, ʋ jaŋ sʋʋ.

ƐZƖKƖƐL 33:12

Nuhuobiiŋ, lɛɛlɛ bʋla pɩ ŋ nɩaa Iziral tɩŋŋaa, ‘Dɩ nʋʋ nɛ ŋaa tʋɔpʋl tɩɩna aŋ mʋ ŋaa wʋbɔŋ, tʋɔpʋla-la ʋ fa sɩ kɛnɛ bɩ jaŋ wuo laaʋ ta. Dɩ nɩbɔmʋŋ ma nɛ bɩrɩma lɩɩ ʋ wʋŋaalaa lɛ, wʋbɔmɔ-la bɩra bɩ ʋ wuo to. Dɩ tʋɔpʋl tɩɩna nɛ ŋaa wɩɩ chei, mɩ bɩ jaŋ joŋo chɛʋ a tɩŋ tʋɔpʋl wɩalɩŋ ʋ sɩ laa sɩpaaŋ ŋaa wɩaa.’

ƐZƖKƖƐL 33:18

Dɩ tʋɔpʋl tɩɩna nɛ leŋ tʋɔpʋl wɩaa ŋaanɩŋ, aŋ ŋɩŋaa wʋbɔŋŋɔɔ, ʋ jaŋ sʋʋ a tɩŋ wʋbɔmɔ-la ʋ sɩ ŋaa wɩaa.

ƐZƖKƖƐL 45:20

Chɛnɛ-la tapʋl-pɛɩ chɛɛŋ, ŋ jaŋ ŋaa ŋɩɩ a pɩ nʋʋkala sɩ bɩ sɛnɛ aŋ ŋaa wʋbɔmʋŋ. Ŋɩɩ nɛ ma jaŋ ŋaa a pɩɩsɛ mɩ dɩɩ-bal-la disiniŋ ta.

ZEFANAAYA 1:6

Mɩ jaŋ chei nɩalɩŋ sɩ mɩɩrɛ mɩ-na ba TƖƖNA harɩŋ tonuŋ, a bɩ mɩ bee chɩchɛ, a bɩ mɩ pɩɛsa nɩna wɩaa.”

NAMBABA 14:22

nɩaa deemba sɩ na mɩ tʋla arɩ wʋmagɩla-la kala mɩ sɩ ŋaa Ijipiti tinteeŋ lɛ arɩ wʋmagɩl-la mɩ sɩ ŋaa tintee-hɩlɩŋ lɛ aŋ vɩa mɩ niiŋ wɩaa aŋ magɩsɛmɛ naansɩɩŋ fii ŋ-la,

NAMBABA 14:23

ba kʋbala ma bɩ jaŋ na tintee-la mɩ sɩ hɛ niiŋ arɩ mɩ jaŋ joŋo pɩ ba naabalɩmaba. Nɩalɩŋ sɩ vɩamɛ bɩ jaŋ na tintee-la.

NAMBABA 14:34

Ma jaŋ na hɛɛŋ jɩsɩŋ mahɩŋ balɩa a tɩŋ ma wʋbɔŋŋɔɔ wɩaa. Tapʋlaa mahɩŋ balɩa-la ma sɩ joŋo a kaa dʋʋra beŋ tintee-la, tapʋl-bala kala ŋaa jɩna nɛ. Dɩ ma nɛ na hɛɛŋ a tɩŋ ma wʋbɔŋŋɔɔ wɩaa, ma jaŋ jɩŋ ŋɩɩ ʋ sɩ naga dɩ mɩ baanɩŋ nɛ sii ma nyuŋ.

1 SAMƲƐL 13:13

Samʋɛl bʋl, “Nɩyaarɛ wɩɩ nɛ ŋ ŋaa ŋɩɩ. Wɩɩ-la ŋ TƖƖNA Wɩa sɩ joŋo pɩŋ dɩ ŋ to nɛ ŋ vɩa ŋɩɩ. Dɩ ŋ nɛ fa tou, ʋ fa jaŋ leŋ dɩ ŋ doho nɩaa nɛ didii kuoruŋ Iziral tinteeŋ lɛ a kaa mʋ wuu.

1 SAMƲƐL 15:11

“Mɩ tʋɔŋ kala nɛ cheye mɩ sɩ leŋe Sɔɔl dii kuoruŋ, bɛɛ wɩaa ʋ joŋ harɩŋ a yɩamɛ nɛ, a bɩ wɩalɩŋ mɩ sɩ daga ka to.” Wɩɩ-la walɩmɛ Samʋɛl woruŋ, ʋ bɛrɛ doŋ tɩtaŋɩŋ kala a sʋl La TƖƖNA.

1 SAMƲƐL 15:35

Samʋɛl yele pɩ Sɔɔl nɛ, ama ʋ kaa mʋʋ sʋʋ dɩ ʋ sɩɩŋ bɩra bɩ Sɔɔl na. La TƖƖNA tʋɔŋ fa cheye nɛ woruŋ ʋ sɩ leŋe Sɔɔl dii kuoruŋ Iziral tinteeŋ lɛ.

1 SAMƲƐL 2:30

Ŋɩɩ wɩaa, mɩ-na ma TƖƖNA, Iziral tɩŋŋaa Wɩa sɩ: Mɩ fa bʋla pɩ ŋ dɩa nɩaa arɩ ŋ nyɩŋ-nɩaa, dɩ ba nɛ ŋaa Wɩɩsʋllɩ sɩpaalaaraa bʋa na-kala, ama lɛɛlɛ mɩ bʋla arɩ ŋɩɩ bɩra bɩ jaŋ chɩŋ. Nɩalɩŋ sɩɩ zilmi, mɩ ma jaŋ zilba, aŋ bɛrɛ nɩalɩŋ sɩ bɩ mɩ kaa tɩtɩŋ.