JƐRƖMAAYA 17:9 - WƖA TENIŊ

⁹ Nuhuobiine tʋɔŋ nɛ jaŋ wuo nyɩsɛ nɩa a kɩɩ kʋŋkala. Ʋ ŋaa kʋŋ nʋʋ sɩ bɩ wuo tɩɩbɛ nɛ. Kʋbɛɛ nɛ jaŋ wuo jɩŋ nuhuobiine tʋɔŋ wɩaa sɩaa?

JƐRƖMAAYA 17:9 ပူးပေါင်းရင်းမြစ်များ

WƖAA DƖ-SUOMUŊ 6:5

La TƖƖNA na ŋɩɩ nuhuobiine tʋɔŋ sɩ hɛyɛ dʋnɩa tʋɔŋ, ʋ tʋɔbɩɩnaa ma kala lɔrɛ bʋa na-kala.

WƖAA DƖ-SUOMUŊ 8:21

Ŋɩɩ nɛ Wɩa nɩɩ kɩalɩŋ Nowa sɩ nyɩga sʋɔra dɩ ba sɩma. Ʋ tʋɔŋ tɔrɛ, ʋ bʋl ʋ tʋɔŋ lɛ, “Mɩ bɩra bɩ jaŋ tɩŋ nuhuobiine wɩaa a ŋmɩɛsa hɛ tinteeŋ lɛ. Nuhuobiine tʋɔbɩɩnaa kala ŋaa kʋbɔmɔ nɛ a lɩɩ ʋ hambiiriŋ kala lɛ. Mɩ bɩra bɩ jaŋ kɔ dɩ mɩ kpʋ kʋŋkala sɩ weye arɩ mɩ sɩ ŋaa ŋɩɩ bʋa-la lɛ.

2 SAMƲƐL 11:15

Teŋ-la lɛ ʋ sɩ, “Jʋab, joŋ Yuria a hɛ laalɩŋ sɩpaaŋ, lee-la sɩ lɩma, aŋ bʋla pɩ laalɩyuoro-la kala dɩ ma nʋga lɩɩ harɩŋ, ka dɩ ba kpʋʋ.”

WƖA YƖƖLAA 51:5

Mɩ ŋaa wʋbɔŋ ŋaarʋ nɛ, a chɩŋ bʋa-la lɛ mɩ naaŋ sɩ kɛŋ mɩ luoruŋ a lʋlmɛ a kaa kɔ jɩnɩŋ mɩ ŋaa wʋbɔŋŋɔɔ nɛ.

WƖA YƖƖLAA 64:7

Ama Wɩa jaŋ yagɛba arɩ ʋ to-hɛŋŋɛɛ a dɩ ba lɛ, dɩ ba guu tel.

NAMAGABA 28:26

Nɩɩ-la kala sɩ joŋ ʋ yɩɛlaa kala hɛ ʋ tɩtɩa lɛ ŋaa nɩyaarɩ nɛ, ama nɩɩ-la sɩ kɛŋ wʋjɩmɩŋ a ŋɩŋaa wɩaa, wɩɩkala bɩ jaŋ jʋʋ-ʋ.

TƖƖCHA 9:3

Wɩalɩŋ kala sɩɩ ŋaa dʋnɩa lɛ a kɛŋ tʋɔ-cheeŋ nɛ ŋ-la: Wʋbala nɛ sɩ jaŋ kɛŋ la kala mʋ. Nuhuobiinee tʋɔŋ lɔrɔ kɩŋkɛŋ ba bɩbɩɩnɛ nyɩnyɛ wɩaa ba mɩɩsɩŋ lɛ, ʋ ŋɩɩ harɩŋ ba sʋʋ.

AZAAYA 1:5

Bɛɛ nɛ tɩɩ ma vɩvɩa ʋ niiŋ deeŋ deeŋ a chɩchɛ dɩ ʋ faasa dɔgɩsɛma? Iziral tɩmma, ma nyuŋ kala nɛ cheye, ma tʋɔbɩɩnaa ma kala vʋgʋmɛ.

AZAAYA 1:6

A chɩŋ ma naachɛyɛɛ a kaa jɩl ma nyuŋ yarɩfɩɛlaa tuo. Ma yaraa kala nɛ firise a ŋaa naawɩɩlaa. Ma bɩ chɛsɛ, ma bɩ vɔɔ tɔ, ma bɩ daalusuŋ ma ŋaa hɛ.

AZAAYA 6:10

La TƖƖNA bɩra bʋl, “Leŋ dɩ nɩaa deemba tʋɔŋ dol, ŋaa dɩ ba dɩgɩlaa kparɩmɛ, aŋ ŋaa dɩ ba sɩaa ma tɔ. Dɩ ŋɩɩ dee ba jaŋ na wɩaa koo a nɩɩ wɩaa a bɩrɩmɛ ba tʋɔbɩɩnaa a kɔ mɩ teeŋ dɩ mɩ laaba ta.”

JƐRƖMAAYA 16:12

Ama ma nɛ paala ŋaa wʋbɔŋŋɔɔ a kɩɩ ma naabalɩmaba-la. Ma kʋŋkala kɛŋ nyuduoŋ nɛ a to ʋ tʋɔbɔmʋŋ harɩŋ, aŋ vɩa dɩ ʋ sɛɩ mɩ niiŋ.

JƐRƖMAAYA 7:24

Ama ba fa bɩ jegile nɩɩ koo a kaa tɩŋ. Ba fa mɩɩra to ba nyuduoŋ arɩ ba tʋɔbɩɩŋ bɔŋŋɔɔ harɩŋ nɛ. Ba fa mɩɩra mʋ harɩŋ nɛ, ba bɩ sɩpaaŋ mʋa.

Matiu 13:15

bɛɛ wɩaa ba bɩ wʋjɩmɩŋ kɛnɛ Wɩa teeŋ, ba vɩa Wɩa niiŋ wɩaa nɛ. Ba tɔ ba dɩgɩlaa ma nɛ dɩ ba sɩ́ wɩɩkala nɩɩ, a kɛŋ ba sɩaa ma tɔ dɩ ba sɩ́ kʋŋkala na. Dɩ ŋɩɩ dee, ba fa jaŋ nɩna, ba dɩgɩlaa ma fa jaŋ nɩnɩɩ. Ba fa jaŋ jɩŋ wɩaa bʋbʋɔŋ a bɩrɩma kɔ mɩ teeŋ dɩ mɩ vaarɛba.’

Matiu 15:19

Ŋ tʋɔŋ lɛ nɛ ŋ yie bɩɩnɛ wʋbɔŋŋɔɔ ŋaanɩŋ a mʋ kpʋ nɩaa, a mʋ chɛ nɩaa haalaa, a ŋaa bachɔrʋŋ arɩ hachɔrʋŋ wʋŋaalaa, aa gaa, a nyɩɛ wɩaa aa tɩgɛ nɩaa lɛ, a chichei nɩaa yɩrɩŋ.

Maak 2:17

Yesu sɩ nɩɩ wɩɩ-la, ʋ bʋla pɩba, “Nɩalɩŋ sɩ kɛŋ yarɩfɩɛlaa bɩ daaluŋ ŋaara ka chɛ, see nɩalɩŋ sɩɩ wɩɩlʋ. Mɩ kɔ dɩ mɩ yɩrɛ wʋbɔŋ ŋaaraa nɛ. Nɩalɩŋ sɩ kɛŋ tʋɔpʋla dee mɩ kɔ dɩ mɩ yɩrɛ.”

Rom Tɩŋŋaa 1:21

Ba jɩma Wɩa hɛ nɩmɛ nɛ, ama ba bɩ ʋ ka zil arɩ ʋ ŋaa Wɩa. Ba bɩ ʋ ka lɔllɛ. Ba tʋɔbɩɩnaa kala bɩrɩma nɛ ba ŋɩŋaa wʋlɩɩlɩŋ. Ba tʋɔbɩɩŋ lɔrʋnʋ-la kɛmba kaa mʋ hɛ birimiŋ tʋɔŋ.

Rom Tɩŋŋaa 7:11

Wɩalɩŋ Mosis fa sɩ ŋmʋnsa bil dɩ nɩaa tuto sɩ hɛ nɩmɛ ŋɩɩ, wʋbɔŋŋɔɔ na wombiiŋ dɩ ʋ nyɩsɛmɛ a hɛ sʋʋŋ bʋa lɛ.

Ɛfɛsɩs Nɩaa 4:22

Ŋɩɩ wɩaa, má joŋ ma bumbuŋ mɛlɛ-la ta. Mɛlɛ-la fa nyɩsɛma nɛ a cheima.

Hiburu TƖŊŊAA 3:12

Mɩ naambiiri, má pɔ ma tɩtɩa lɛ dɩ ma tʋɔŋ nʋʋ sɩ́ wʋbɔŋ bɩɩnʋ koo a kɛŋ tʋɔbɩɩna-la sɩ jaŋ leŋ dɩ ʋ sɩ́ Wɩa laa dii, dɩ ŋɩɩ leŋ dɩ ʋ joŋ harɩŋ yɩa Wɩa sɩ weye.