JƐRƖMAAYA 17:5 - WƖA TENIŊ

⁵ Wɩɩ-la La TƖƖNA sɩ bʋla nɛ ŋ-la: “Ŋmɩaŋ jaŋ dii nɩɩ-la sɩ joŋ ʋ yɩɛlaa hɛ nuhuobiine lɛ, nɩɩ-la sɩ yelli nuhuobiine a joŋu ʋ nɛ ŋaa ʋ doluŋ, arɩ nɩalɩŋ sɩ mɩɩrɛ mɩ-na ma TƖƖNA harɩŋ.

JƐRƖMAAYA 17:5 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 16:12

Asa sɩ dii kuoruŋ ʋ jɩsɩŋ mara arɩ fii arɩ nibi lɛ, naasɩŋ nyanyalɩɩ kʋbala ŋmobu bil. Ʋ nyanyalɩɩ-la fa jʋʋ ʋ lɛ nɛ woruŋ, ama ʋ vɩa dɩ ʋ sʋl La TƖƖNA nɛ dɩ ʋ pɛ ʋ lɛ, aŋ joŋ ʋ yɩɛlaa kala hɛ daaluŋ-ŋaaraa lɛ.

2 IZIRAL TƖŊŊAA NAABARƖŊ 32:8

Nuhuobiinee doluŋ nɛ ʋ kɛŋ, ama La TƖƖNA Wɩa nɛ chɩŋ la-na harɩŋ dɩ ʋ pɛ la lɛ a yuo laalɩŋ pɩla.” Juda tinteeŋ kuoro Hezikaaya sɩ bʋl wɩalɩŋ leŋ nɩalɩŋ nyuŋ nyaasɛ.

WƖA YƖƖLAA 18:21

Mɩɩ to La TƖƖNA wombiee nɛ, mɩ ha bɩ Wɩa harɩŋ lɩa a ŋaa wʋbɔŋ.

WƖA YƖƖLAA 62:9

Nuhuobiine kala nagɛ peliŋ nɛ, la nɩbalaa arɩ nɩbiisiŋ kala bɩ kɩa kala ŋaa. Dɩ ŋ nɛ jomba a hɛ sanɩa lɛ a magɩsɛ, ba bɩ yuŋ kala kɛnɛ.

AZAAYA 2:22

Má sɩ́ ma yɩɛlaa joŋo hɛ nuhuobiine lɛ. Ʋ bɩ jaŋ dieni aŋ sʋʋ. Ʋ bɩ dol kala kɛnɛ.

AZAAYA 20:5

Nɩalɩŋ kala sɩ joŋ ba yɩɛlaa Kus lɛ, aŋ bibigisi Ijipiti lɛ, fawʋllʋŋ jaŋ kɛmba, dɩ hɩɩsɩŋ diiba.

AZAAYA 36:6

Ijipiti tinteeŋ kuoro lɛ nɛ ma joŋ ma yɩɛlaa daŋ. Ʋ saa nagɛ mɔrʋŋ nɩa sɩ joŋo a kaa ŋaa dantɩga a vɩvɛŋ nɛ. Ʋ jaŋ bori a tʋrɛ ma nɩsaa lɛ a pɩrɛma. Ŋɩɩ nɛ ʋ nagɛ nɩalɩŋ kala sɩ joŋ ba yɩɛlaa daŋ ʋ lɛ.

AZAAYA 59:15

Nʋʋkala ŋaa wʋnyɩɛrʋ nɛ. Dɩ nʋʋ nɛ lɩɩsɛ ʋ tɩtɩa wʋbɔmɔ-la lɛ ma, ba yie kɛŋ nɩɩ-la bɩrɩmɛ dʋndɔŋ nɛ. La TƖƖNA sɩ na dɩ nɩalɩŋ bɩ wʋtɩtɩɩ kɛnɛ, ʋ tʋɔŋ kala chei.

JƐRƖMAAYA 11:3

Bʋla pɩba wɩɩ-la mɩ-na ma TƖƖNA Iziral tɩŋŋaa Wɩa sɩ bʋla nɛ ŋ-la, ‘Ŋmɩaŋ jaŋ dii nɩɩ-la kala sɩ vɩa dɩ ʋ to wɩalɩŋ sɩ hɛ niiŋ deeŋ sɩ hɛ mɩ dɩ ma pɛgɛ lɛ,

ƐZƖKƖƐL 6:9

Tinteye-la lɛ ba sɩ jaŋ kɛsɛba mʋ dɩ ba hɛ yoŋ-baga lɛ, ba jaŋ liisi ŋɩɩ ba sɩ ŋaa mɩ tʋɔŋ chei a tɩŋ ba sɩ bɩ wʋtɩtɩɩ kɛnɛ a joŋ harɩŋ yɩamɛ a cho vʋɩyaa. Ba tʋɔŋ jaŋ lɩɩ ba tɩtɩa a tɩŋ wʋbɔmɔ-la arɩ wʋkɩsɩa-la kala ba sɩ ŋaa.

HOSIA 1:2

La TƖƖNA sɩ suomo dɩ ʋ to Hosia lɛ a bʋl wɩaa pɩ Iziral tɩŋŋaa, ʋ bʋla pʋ, “Mʋ jaa hachɔrʋmʋŋ dɩ ʋ lʋl mɛŋgaa-biiriŋ, bɛɛ wɩaa ŋɩɩ tɩtɩa nɛ mɩ nɩaa vɩa mɩ-na ba TƖƖNA aŋ kpʋkpaarɛ vʋɩyaa.”