JƐRƖMAAYA 17:4 - WƖA TENIŊ

⁴ A tɩŋ ma tɩtɩa cheeriŋ wɩaa, dʋa-la mɩ sɩ joŋo pɩma jaŋ lɛl ma nɩsɩŋ lɛ. Mɩ jaŋ leŋ dɩ ma ŋaa ma dʋndɔŋŋɔɔ yosi, tintee-la ma sɩ bɩ jɩŋ lɛ. Ma leŋe mɩ baanɩŋ faasa sii ma nyuŋ nɛ, ʋ saa bɩ jaŋ fɩɛlɛ.”

JƐRƖMAAYA 17:4 ပူးပေါင်းရင်းမြစ်များ

1 KUOROO 9:7

ŋɩɩ-na, mɩ jaŋ kiri ma Iziral tɩŋŋaa ta tintee-la mɩ sɩ joŋo pɩma lɛ, aŋ vɩa mɩ dɩɩ-balɩŋ deeŋ mɩ sɩ lɩɩsa ʋ ŋaa mɩ kʋŋ dɩ ba dɩdɛnnɛmɛ nɩmɛ ta. Dɩ ŋɩɩ nɛ ŋaa, ma Iziral tɩŋŋaa kala jaŋ mɩɩra ŋaa nɩtɔɔnɩ dɩ nɩaa kala mʋmɔmma.

2 KUOROO 25:21

Rɩbɩla tinteeŋ lee-la ba sɩɩ yɩrɛ Hamaf lɛ nɛ kuoro leŋ ba kpʋba. Ŋɩɩ nɛ Juda nɩaa mʋ yoŋ-baga a kagɛ ba tinteeŋ lɛ.

NƐHƖMAAYA 9:28

Ama ba sɩ kʋ na wiese, ba bɩra ŋaa wʋbɔŋŋɔɔ nɛ ŋ lɛ. Ŋ bɩra jomba hɛ ba dʋndɔŋŋɔɔ nɩsɩŋ lɛ ba bibemba. Ba bɩra sɩ yele pɩŋ, ŋ hɛ ŋ jaŋ lɛ nɛ aŋ nɩɩ ba yele, a tɩŋ ŋ sɩɩ fá nɩaa nenige wɩaa, ŋ vɛnɛ laaba ta a yʋgɛ nɛ.

AZAAYA 14:3

Tapʋlɩɩ-la La TƖƖNA jaŋ lɩɩsɛ Iziral nɩaa hɛɛ-la lɛ ba sɩ hɛ, arɩ tɩntɩŋ-duoru-la ba fa sɩ yie fʋgɛba hɛ ba tɩtɩŋ,

AZAAYA 30:33

Ba gɩrɛ daasɩŋ nɛ lee-la ba sɩɩ yɩrɛ Tɔfɛf lɛ faafaa kala a gbɩgbɛrɛ Asiiria kuoro. Ba leŋe nyiŋ-la bʋa luŋ nɛ aŋ jal ma, nyiniŋ arɩ daasɩŋ yʋga nɛ a hɛ nɩmɛ. La TƖƖNA wiese jaŋ nagɛ juribiiŋ sɩ chol nyiŋgeliŋ a jomba dii.

AZAAYA 5:25

Ŋɩɩ wɩaa La TƖƖNA na baanɩŋ nɛ ʋ nɩaa nyuŋ, a kɛŋ ʋ tɩtɩa hɛ dɔŋɔ dɩ ʋ kpʋ ʋ nɩaa. Peelee jaŋ jigisi dɩ nɩaa sʋʋ a yieni a nagɛ nʋsʋrʋŋ sɩ pɩŋ womporoo lɛ. Wɩaa deemba kala jaŋ ŋaa ka ʋ baanɩŋ ha bɩ jaŋ fɩɛlɛ, ʋ ha kɛŋ ʋ tɩtɩa hɛ dɔŋɔ nɛ dɩ ʋ dɔgɩsɛ ʋ nɩaa.

AZAAYA 50:11

Ama, ma nɩalɩŋ kala sɩ lɔgɛ wɩaa a wuwurisi ma dɔnsʋŋ, wɩalɩŋ tɩtɩa nɛ jaŋ gʋra jomma dii. La TƖƖNA tɩtɩa nɛ jaŋ leŋ dɩ ŋɩɩ ŋaa ma lɛ. Ma jaŋ faasa na hɛɛŋ kɩŋkɛŋ.

AZAAYA 66:24

Dɩ ba nɛ lɩɩ dɩ-jalɩŋ, ba jaŋ na nɩalɩŋ kala sɩ vɩa mɩ niiŋ dɩ ba sʋʋ pɩŋ pɩŋ. Nanchʋɔla-la sɩɩ diiba bɩ jaŋ sʋʋ. Nyiŋ-la ma sɩ diiba bɩ jaŋ kɔ dɩ ʋ dɩsa. Ba kʋsʋʋnʋŋ jaŋ lɔrɛ a pɩ nuhuobiinee kala.”

JƐRƖMAAYA 12:7

Mɩ jaŋ vɩa mɩ nɩaa Iziral tɩŋŋaa ta, Mɩ jaŋ vɩa mɩ nɩtɩɩlaa ta. Mɩ jaŋ joŋ mɩ nɩchooloo hɛ ba dʋndɔŋŋɔɔ nɩsɩŋ lɛ.

JƐRƖMAAYA 15:14

Mɩ jaŋ leŋ dɩ ma ŋaa ma dʋndɔŋŋɔɔ yosi, tintee-la ma sɩ bɩ jɩŋ lɛ. Mɩ baanɩŋ jaŋ sii a nagɛ nyiniŋ ma nyuŋ a diima.”

JƐRƖMAAYA 16:13

Ŋɩɩ wɩaa, mɩ jaŋ lɩɩsɛma tinteeŋ deeŋ lɛ a kaa mʋ tintee dɔŋ, ma-na koo ma naabalɩmaba sɩ bɩ jɩŋ. Nɩmɛ nɛ, ma jaŋ tuto vesiŋ wɩɩhɛyɛ arɩ tɩtaŋɩŋ kala. Mɩ bɩ jaŋ kɔ dɩ mɩ fá ma nenige.”

JƐRƖMAAYA 18:23

La TƖƖNA, ŋ jɩŋ ŋɩɩ kala ba sɩ vʋʋra dɩ ba kpʋmɛ nɛ. Sɩ́ ba wʋbɔŋŋɔɔ joŋo chɛba, sɩ́ ŋ sɩaa lɩɩsɛ ba wʋbɔŋŋɔɔ lɛ. Leŋ dɩ ba tele bilimi ŋ sɩpaaŋ. Na baanɩŋ a dɔgɩsɛba.

JƐRƖMAAYA 2:14

Iziral tɩŋŋaa bɩ nɩa kala tɩntɩnna ŋaa, ba bɩ yoŋ-biiriŋ ma ŋaa. Bɛɛ nɛ saa tɩɩ ba dʋndɔŋŋɔɔ yuo kɛsɛba viiri?

JƐRƖMAAYA 21:12

Devit doho nɩaa, wɩɩ-la mɩ-na ma TƖƖNA sɩ bʋla nɛ ŋ-la: Má to wʋtɩtɩɩ tapʋlɩɩ na-kala. Má lorigo laa nɩɩ-la ba sɩ nyaga bil ta, nɩɩ-la sɩɩ gʋrʋ nɩsɩŋ lɛ. Dɩ ŋɩɩ dee, mɩ baanɩŋ jaŋ pusi a nagɛ nyiniŋ, a tɩŋ wʋbɔmɔ-la ma sɩ ŋaa wɩaa. Nʋʋkala tuo sɩ jaŋ leŋ dɩ mɩ baaŋ-la fɩɛlɛ.

JƐRƖMAAYA 22:28

Mɩ bʋl: Jehoyakim mɩɩra nagɛ pupoiŋ sɩ yɛrɛ ba joŋo yuo ta nɛ. Ʋ mɩɩra nagɛ kʋŋ nʋʋkala sɩ bɩ chɛ nɛ. Bɛɛ nɛ tɩɩ ba kiri ʋ dɩ ʋ biiriŋ kala ta, ba mʋ hɛ tintee ba sɩ bɩ jɩŋ lɛ?

JƐRƖMAAYA 5:19

Dɩ ŋ nɩaa nɛ pɩɛsa, ‘Bɛɛ nɛ tɩɩ La TƖƖNA Wɩa ŋaa wɩaa deemba la lɛ?’ Ŋ jaŋ bʋla pɩba, ‘Ma sɩ vɩamɛ aŋ to vʋɩyaa ma tinteeŋ lɛ nɛ tɩɩ. Ŋɩɩ wɩaa, ma jaŋ tɩma pɩ nɩwogusuŋ tintee-la sɩ bɩ ma kʋŋ ŋaa lɛ.’

JƐRƖMAAYA 5:29

La TƖƖNA pɩɛsa, “Bɛɛ nɛ tɩɩ mɩ bɩ jaŋ dɔgɩsɛba a tɩŋ wɩɩŋ deeŋ wɩaa? Bɛɛ nɛ jaŋ tɩɩ mɩ bɩ jaŋ joŋ mɩ baanɩŋ fɩɩsɛ tintee doho deeŋ nɩaa lɛ?

JƐRƖMAAYA 7:20

Ŋɩɩ wɩaa, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ na baanɩŋ ba nyuŋ kɩŋkɛŋ nɛ, mɩ jaŋ joŋ mɩ baaŋ-la sɩ faasa sii fɩɩsɛ Juda nɩaa lɛ, ba pʋsʋŋ arɩ ba tɩɩsɩŋ arɩ ba kʋpɛrɛɛ lɛ. Mɩ baaŋ-la jaŋ nagɛ nyiŋ-la sɩ bɩ dɩsɛ a diiba.

JEMBIEE 1:12

Ʋ bɩ wɩɩ ŋaa ma nɩalɩŋ kala sɩ to lee-la bɩbal teeŋ? Má bee gollo na. Nʋʋ tuo ʋ hɛɛŋ nagɛ hɛɛ-la mɩ sɩɩ na, kʋ-la La TƖƖNA sɩ joŋo hɛ mɩ lɛ, tapʋlɩɩ-la ʋ baanɩŋ sɩ faasa sii.

JEMBIEE 5:2

Ba joŋ tintee-la ŋ sɩ joŋo pɩla ʋ ŋaa la kʋŋ, a pɩ nʋhʋɔraa nɛ a joŋ la dɩɩsɩŋ ma pɩ nɩwogusuŋ.

ƐZƖKƖƐL 21:31

Mɩ jaŋ na baanɩŋ ma nyuŋ, mɩ baanɩŋ jaŋ sii ma nyuŋ a nagɛ nyiniŋ. Mɩ jaŋ jomma hɛ ma dʋndɔmɔ-la sɩ bɔmɔ kɩŋkɛŋ nɩsɩŋ lɛ, nɩalɩŋ sɩ kɛŋ nɩaa kpʋnʋŋ jɩma.

ƐZƖKƖƐL 7:24

Mɩ jaŋ kɛŋ tintee-la nɩaa sɩ chaasa bɔŋ a kʋ hɛ ba lɛ dɩ ba laa ba dɩɩsɩŋ. Ba nɩduoruŋ babii-ballɩŋ kala jaŋ dɛrɛ dɩ mɩ nɛ leŋe dɩ tinteye-la ŋaa disiniŋ hɛ lere-la ba sɩɩ kpaarɛ ba vesiŋ.

MOSIS BƖRA WULLI WƖA WOMBIIŊ 28:25

La TƖƖNA jaŋ leŋ dɩ ma dʋndɔŋŋɔɔ yuo diima. Ma jaŋ to dɩ-bala a mʋ dɩ ma yuoba, ama ba jaŋ kirima dɩ ma fá pɩsɛ a chɩchɛ dɩ ma laa ma tɩtɩa. Dʋnɩa nɩaa kala jaŋ na wɩɩ-la sɩ ŋaa ma lɛ dɩ fawʋllʋŋ faasa kɛmba.