JƐRƖMAAYA 17:26 - WƖA TENIŊ

²⁶ Nɩaa jaŋ lɩɩ Juda tasɩŋ arɩ tabiisi-la sɩ golli Jerusalɛm a kɔ. Dɔnsʋŋ ma jaŋ lɩɩ Bɛnjamɩŋ tinteeŋ arɩ wɩɩjʋʋlʋŋ dɩɩrɩŋ dundollu-la sɩ hɛ peelee bʋbʋɔŋ, arɩ wɩɩpɔsʋŋ nadiiŋ tintee-la peelee sɩ yʋga. Ba jaŋ kɛŋ kʋnyɩgaa Wɩɩsʋlʋŋ kɩaa, pʋsʋŋ ma ba sɩ jaŋ kpʋ ŋaa Wɩɩsʋlʋŋ, mɩaa Wɩɩsʋlʋŋ kɩaa, kʋsʋɔrʋsʋŋ arɩ Wɩɩsʋlʋŋ kɩaa ma ba sɩ jaŋ kaa lɔllɛmɛ a kaa kɔ mɩ-na ma TƖƖNA dɩa.

JƐRƖMAAYA 17:26 ပူးပေါင်းရင်းမြစ်များ

ƐZƖRA 3:11

Ŋɩɩ nɛ ba yɩɩ yɩɩlaa a dɛnnɛ La TƖƖNA a lɔllʋ a bʋl, “La TƖƖNA wɩaa zɔmɔ, ʋ sɩ cho Iziral tɩŋŋaa ŋɩɩ bɩ dɛrɛ.” Ŋɩɩ nɛ nɩalɩŋ kala faasa ŋaa goŋ a dɛnnɛ La TƖƖNA, a tɩŋ ba sɩ bil La TƖƖNA dɩɩ-bal-la gentine.

WƖA YƖƖLAA 107:22

Ʋ maga dɩ ba kpʋ pʋsʋŋ a ŋaa Wɩɩsʋlʋŋ a lɔllʋ, a yɩɩ yɩɩlaa arɩ tʋɔtɔrʋŋ a dagɛ wɩalɩŋ ʋ sɩ ŋaa.

WƖA YƖƖLAA 116:17

Mɩ jaŋ kpʋ pʋsʋŋ a ŋaa Wɩɩsʋlʋŋ a lɔllɛ La Tɩɩna, a yɩrɛ ʋ yɩrɩŋ.

WƖA YƖƖLAA 66:13

Mɩ jaŋ kɛŋ kʋnyɩgaa Wɩɩsʋlʋŋ kɩaa kʋ jʋʋ ŋ dɩɩ-balɩŋ a lɩɩsɛ niiri-la mɩ sɩ hɛ ŋ teeŋ.

AZAAYA 58:13

La TƖƖNA bɩra sɩ, “Dɩ ma nɛ kɛŋ mɩ chɛ-wiesii-la wɩaa woruŋ, a bɩ ma tɩtɩa tʋɔtɔrɛ wɩaa ka ŋaa mɩ tapʋl-zɔŋ-la, dɩ ma nɛ cho mɩ-na ma TƖƖNA chɛ-wiesii-la a joŋu dɩ ʋ ŋaa tapʋl-zɔŋ dɩ ma zizilu a bɩ ma tʋɔtɔrɛ wɩaa harɩŋ ka to a bɩra bɩ wʋtɔɔnʋŋ maa bʋl chɛɛ-la,

JƐRƖMAAYA 30:19

Ba jaŋ yɩɩ yɩɩlaa a lʋlɔllɛmɛ, aŋ ŋaa goŋ a jʋjʋɔsɛ. Mɩ jaŋ leŋ dɩ ba pʋŋa pɛ, ba bɩ jaŋ muuri. Mɩ jaŋ leŋ dɩ nɩaa zizilba, ba bɩ jaŋ bee gʋʋnɛba.

JƐRƖMAAYA 32:44

Nɩaa jaŋ joŋ warɩpʋla a yɔɔ ŋmaŋkaanɩŋ, dɩ ba ŋmʋnsɛ tenniŋ a joŋ neniee, a kɛŋ tenni-la pilime tɔ ka dɩ nɩaa dii ŋaa pɛ-naaraa. Wɩɩŋ deeŋ jaŋ ŋaa Bɛnjamɩŋ tinteeŋ arɩ tabiisi-la sɩ golli Jerusalɛm lɛ. Ʋ jaŋ ŋaa Juda tasɩŋ arɩ tintee-la peelee sɩ yʋga lɛ, a pɛ wɩɩjʋʋlʋŋ dundollu-la sɩ hɛ peelee bʋbʋɔŋ arɩ wɩɩpɔsʋŋ nadiiŋ dɩɩrɩŋ, bɛɛ wɩaa mɩ jaŋ leŋ dɩ ba bɩra mɩɩra kɔ ba tinteeŋ. Mɩ-na ma Tɩɩna nɛ bʋla.”

JƐRƖMAAYA 33:11

tʋɔtɔrɛ goŋ nɩmɛ. Ha-falaa arɩ ba balaba jaŋ bɩra ŋaa goŋ, dɩ nɩalɩŋ ma sɩ kɛŋ Wɩɩsʋlʋŋ kɩaa kɔ mɩ-na ma TƖƖNA dɩa dɩ ba lɔllɛmɛ bʋl, ‘Má lɔllɛ La TƖƖNA doluŋ kala Tɩɩna, bɛɛ wɩaa ʋ wɩaa zɔmɔ ʋ chonuŋ bɩ dɛrɛ.’ Mɩ jaŋ leŋ dɩ tinteeŋ deeŋ bɩra kɛŋ dʋa arɩ ʋ fa sɩ nagɛ ŋɩɩ. Mɩ-na ma TƖƖNA nɛ bʋla.”

JƐRƖMAAYA 33:13

Tintee-la peelee sɩ yʋga tasɩŋ lɛ, wɩɩjʋʋlʋŋ dɩɩrɩŋ dundollu-la sɩ hɛ peelee bʋbʋɔŋ arɩ wɩɩpɔsʋŋ nadiiŋ, Bɛnjamɩŋ tinteeŋ lɛ, tabiisi-la sɩ golli Jerusalɛm arɩ Juda tasɩŋ lɛ, pie-daaraa jaŋ bɩra daa ba piesee. Mɩ-na ma TƖƖNA nɛ bʋla.”

ZƐKARƖYA 7:7

Wɩɩ-la tɩtɩa mɩ-na ma TƖƖNA sɩ to mɩ wʋlaabʋlla-la sɩ laa sɩpaaŋ kɔ, bʋa-la lɛ Jerusalɛm arɩ ʋ tasɩ-la sɩ gollu fa sɩ kɛŋ nɩaa yʋgɛ ba hɔŋ sɔm a kɛŋ dʋa, a pɛ wɩɩpɔsʋŋ nadiiŋ dɩɩrɩŋ arɩ wɩɩjʋʋlʋŋ dɩɩrɩŋ dundollu-la sɩ hɛ peelee bʋbʋɔŋ a bʋl nɛ ŋɩɩ.”

Hiburu TƖŊŊAA 13:15

Ŋɩɩ wɩaa, la nɩalɩŋ sɩ wuo suri la niiŋ a bʋl arɩ Wɩa nɛ ŋaa La Tɩɩna, má leŋ dɩ la to Yesu Kirisito lɛ a dɛnnʋ bʋa na-kala lɛ, a leŋ dɩ ʋ yɩrɩŋ yɩrɛ.

1 Pɩɩta 2:5

Ma ma nagɛ tabɩɩ-la sɩ kɛŋ mɩɩsɩŋ nɛ. Ŋɩɩ wɩaa, má leŋ dɩ Wɩa kɛmma saa ʋ dɩa, a leŋ dɩ ma ŋaa nɩa sɩ́ bɩ disiniŋ kɛnɛ a laa nɩaa nyuŋ a tɩma pʋpʋ, a nagɛ Wɩɩsʋllɩ sɩpaalaaraa. Wɩa chɛ dɩ ma to Yesu Kirisito lɛ nɛ a ŋaa Wɩɩsʋlɩɩ-la sɩ maga a pʋ.

Jɔɔŋ Wʋnaalaa 1:5

arɩ Yesu Kirisito teeŋ. Ʋ nɛ ŋaa wɩalɩŋ sɩada tɩɩna a kɛŋ wʋtɩtɩɩ. Ʋ nɛ ŋaa Nɩɩ-la sɩ sʋba aŋ laa sɩpaaŋ sii sʋʋŋ lɛ. Ʋ nɛ kɛŋ dʋnɩa kuoroo kala doluŋ. Má leŋ dɩ la dɛnnʋ, a tɩŋ ʋ sɩ chola ŋɩɩ a joŋ ʋ chalɩŋ a jaasɛ, a lɩɩsɛla wʋbɔŋŋɔɔ lɛ.