JƐRƖMAAYA 17:23 - WƖA TENIŊ

²³ Ama ba fa bɩ jegile nɩɩ a kaa tɩŋ. Ba fa kɛŋ nyuduoŋ nɛ a bɩ chɛ ba jegile nɩɩ koo a sɛɩ dagɩŋ.

JƐRƖMAAYA 17:23 ပူးပေါင်းရင်းမြစ်များ

WƖA YƖƖLAA 50:17

Ma bɛrɛ wɩalɩŋ mɩ sɩ daga dɩ ma ŋɩŋaa nɛ, aŋ joŋ harɩŋ yɩa mɩ niiŋ wɩaa.

NAMAGABA 1:3

Ba jaŋ wuo dagɩŋ dɩ ŋ jɩŋ ŋ tɩtɩa kɛnɩŋ woruŋ, a kɛŋ tʋɔpʋla, a bɩɩnɛ wɩaa yi aŋ ŋɩŋaaba ba bʋa lɛ arɩ wʋtɩtɩɩ.

NAMAGABA 1:5

Namaga deemba ha jaŋ wuo paala dagɛ nɩalɩŋ ma sɩ jɩŋ wɩaa, dɩ ba wʋjɩmɩŋ pʋŋa pɛ. Ba jaŋ dagɛ nɩalɩŋ sɩ jɩŋ wɩaa bʋbʋɔŋ dɩ ba ma wasa jɩma pɛ.

NAMAGABA 29:1

Dɩ ŋ nyuŋ nɛ dolie, dɩ ba tʋrʋŋ tʋrʋŋ lɔl, ŋ jaŋ kʋʋ jɩŋ dɩ ba guu chei ŋ kala. Wɩɩkala tuo sɩ jaŋ laaŋ ta.

NAMAGABA 5:12

Ŋ jaŋ bʋl, “Mɩ fa bɛrɛ dagɩŋ, mɩ bɩ chagɩlɩŋ cho.

NAMAGABA 8:10

Má joŋ wɩalɩŋ mɩ sɩɩ dagɛma aŋ leŋ hɔpʋla. Má cho wʋjɩmɩŋ a kɩɩ sɛlɩmɛ.

AZAAYA 48:4

Mɩ jɩma ma nyuŋ dolie nɛ woruŋ a nagɛ hɔɔŋ.

JƐRƖMAAYA 11:10

Ba mɩɩra ŋɩŋaa wʋbɔmɔ-la ba naabalɩmaba-la fa sɩ vɩa dɩ ba jegile nɩɩ mɩ niiŋ wɩaa aŋ ŋaa nɛ. Ba to vʋɩyaa nɛ a kpaarɛba. Juda arɩ Jerusalɛm nɩaa kala chei nii-la mɩ fa sɩ bile mɩ dɩ ba naabalɩmaba pɛgɛ nɛ.

JƐRƖMAAYA 19:15

“Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Má jegile nɩɩ, mɩ jaŋ kɛŋ wʋlɔrʋnʋ-la mɩ sɩ daga a kʋ hɛ tabalɩŋ deeŋ arɩ tabiisi-la kala sɩ gollu lɛ, bɛɛ wɩaa ba kɛŋ nyuduoŋ nɛ a bɩ chɛ ba jegile nɩɩ mɩ niiŋ wɩaa.’ ”

JƐRƖMAAYA 32:33

Ba joŋ harɩŋ nɛ yɩamɛ, ba sɩpaaŋ tuo mɩ lɛ. Mɩ sɩ dagɛba bʋlɩa bʋlɩa ma kala, ba bɩ jegile nɩɩ, koo a sɛɩ dɩ mɩ kɛmba tʋra kɩɩ.

JƐRƖMAAYA 35:15

Mɩ tɩŋ mɩ wʋlaabʋllaa kala ma teeŋ nɛ bʋlɩa bʋlɩa. Ba bʋla pɩma, ‘Ma kʋŋkala maga ma bɩrɩma lɩɩ ma wʋbɔŋŋɔɔ lɛ nɛ, a bɩrɩmɛ ma wʋŋaalaa. Má sɩ́ vesiŋ to, dɩ ma nɛ ŋaa ŋɩɩ, ma jaŋ hɔŋ tintee-la mɩ sɩ joŋo pɩ ma dɩ ma naabalɩmaba lɛ.’ Ama ma bɩ jegile nɩɩ mɩ teeŋ koo a kaa tɩŋ.

JƐRƖMAAYA 5:3

La TƖƖNA, wʋtɩtɩɩ dee ŋ chɩchɛ dɩ ŋ naa? Ŋ ŋmooba nɛ, ama ʋ bɩ ba lɛ wɩa. Ŋ wʋrɩgɛba nɛ, ama ba bɩ ŋ dagɩŋ sɛyɛ. Ba leŋe ba nyuŋ dol nɛ a kɩɩ tabɩɩŋ, aŋ vɩa dɩ ba bɩrɩma lɩɩ ba wʋbɔŋŋɔɔ ŋaanɩŋ lɛ.

JƐRƖMAAYA 6:8

Jerusalɛm tɩmma, má jegile nɩɩ ŋɩɩ mɩ sɩɩ chagɩlɛma, dɩ ŋɩɩ dee, mɩ jaŋ lɩɩ ma harɩŋ, a leŋ dɩ ma tinteeŋ pɩŋ hoi dɩ nʋʋkala sɩ́ wuo hɔŋ nɩmɛ.”

JƐRƖMAAYA 7:28

Ŋɩɩ wɩaa bʋla pɩba, ‘Tintee-la nɩaa sɩ vɩa dɩ ba to mɩ-na ba TƖƖNA Wɩa niiŋ, a bɩ sɛyɛ dɩ mɩ kɛmba tʋra kɩɩ nɛ ŋɩɩ. Wʋtɩtɩɩ lɛlɛ nɛ, ʋ lɛl ba niiree lɛ nɛ.’ ”

ƐZƖKƖƐL 20:13

Ama Iziral tɩŋŋaa fa ha vɩa mɩ niiŋ nɛ tintee-hɩlɩɩ-la lɛ. Ba fa vɩa mɩ wombie-la mɩ sɩ bile dɩ ba tuto arɩ wɩalɩŋ mɩ sɩ dagɛba nɛ, wɩalɩŋ nʋʋ sɩ jaŋ to a kɛŋ mɩɩsɩŋ. Ba fa chaasa chei mɩ chɛ-wiesii-la nɛ. Ŋɩɩ nɛ mɩ sɩ mɩ jaŋ faasa na baanɩŋ ba nyuŋ a cheiba tintee-hɩlɩŋ lɛ.

ƐZƖKƖƐL 20:16

Mɩ fa bʋl ŋɩɩ pɩba a tɩŋ ba sɩ vɩa mɩ wombie-la mɩ sɩ bile dɩ ba tuto arɩ wɩalɩŋ mɩ sɩ dagɛba nɛ. Ba fa chei mɩ chɛ-wiesii-la nɛ aŋ tuto ba tɔŋŋɔɔ.

ƐZƖKƖƐL 20:21

Ama biiri-la ma fa vɩa mɩ niiŋ nɛ: Ba bɩ mɩ wombiee arɩ mɩ niiŋ wɩalɩŋ dɔnsʋŋ mɩ fa sɩ dagɛba to, wɩalɩŋ nʋʋ sɩ jaŋ to a kɛŋ mɩɩsɩŋ. Ba fa chaasa chei mɩ chɛ-wiesii-la nɛ. Ŋɩɩ nɛ mɩ fa sɩ mɩ jaŋ faasa na baanɩŋ ba nyuŋ a cheiba tintee-hɩlɩŋ lɛ.

ZEFANAAYA 3:7

Mɩ fa bɩɩna mɩ nɩaa jaŋ fámɛ, a sɛɩ mɩ dagɩŋ, dɩ mɩ bɩra sɩ́ ba taŋ chei a dɔgɩsɛba. Ama ba haa ŋaa wʋbɔmɔ-la ba fa sɩɩ ŋaa nɛ.”

Tɩntɩŋŋaa 7:51

Ŋɩɩ nɛ Sɩtɩɩvɩŋ bʋl, “Ma nyuŋ dolie kɩŋkɛŋ nɛ. Ma dɩgɩlaa ma kparɩmɛ. Ma tʋɔŋ ma dol arɩ nɩalɩŋ sɩ bɩ Wɩa jɩŋ. Ma ma yie vɩa ma to Wɩa Dɩŋ-zɔmʋŋ lɛ, arɩ ma naabalɩmaba fa sɩ ŋaa ŋɩɩ.

SƖPAALAARAA 6:10

Mɩ bʋla pɩma nɛ, arɩ mɩ nɛ ŋaa ma TƖƖNA Wɩa, má sɩ́ Amɔrɩ tɩmma-la tinteeŋ lɛ ma sɩ hɔnɔ vesiŋ to, ama ma bɩ jegile nɩɩ mɩ teeŋ.’ ”