JƐRƖMAAYA 17:22 - WƖA TENIŊ

²² Má pɔ ma sɩ́ kɩaa chʋŋa kʋ lɩɩ ma dɩɩsɩŋ lɛ, a sɩ́ tɩntɩmɩɩ kala tɩŋ chɛ-wiesii-la chɛɛŋ. Má to chɛ-wiesii-la woruŋ dɩ ʋ ŋaa tapʋl-zɔŋ, arɩ ŋɩɩ mɩ sɩ daga pɩ ma naabalɩmaba.

JƐRƖMAAYA 17:22 ပူးပေါင်းရင်းမြစ်များ

NƐHƖMAAYA 13:15

Bʋa-la lɛ, mɩ na Juda nɩaa dɩ baa chagɛ girep nɛnɛɛ sɩnɩŋ chɛ-wiesii-la chɛɛŋ, a kɛŋ ba kakusuŋ chʋchʋŋ mɩaa, girep nɛnɛɛ sɩnɩŋ, girep, tutogi-nambɩlaa arɩ chʋgʋsʋŋ dɔnsʋŋ. Ba chʋŋ kɩaa deemba kala chɛ-wiesii-la chɛɛŋ nɛ a kʋʋ jʋʋ Jerusalɛm. Ŋɩɩ nɛ mɩ bʋla pɩba dɩ ba sɩ kɩaa yallʋ chɛ-wiesii-la chɛɛŋ.

MOSIS KƐŊ IZIRAL TƖŊŊAA LƖƖ 23:12

Tapʋlaa balɩdʋ nɛ ma jaŋ kaa tɩŋ ma tɩntɩŋŋaa aŋ wiesi tapʋl-pɛɩ chɛɛŋ. Ma nɛ-pɛrɛɛ, ma kakusuŋ, ma yoŋ-biiriŋ arɩ ma nʋhʋɔraa kala maga dɩ ba wiesi nɛ tapʋlʋŋ deeŋ.

AZAAYA 58:13

La TƖƖNA bɩra sɩ, “Dɩ ma nɛ kɛŋ mɩ chɛ-wiesii-la wɩaa woruŋ, a bɩ ma tɩtɩa tʋɔtɔrɛ wɩaa ka ŋaa mɩ tapʋl-zɔŋ-la, dɩ ma nɛ cho mɩ-na ma TƖƖNA chɛ-wiesii-la a joŋu dɩ ʋ ŋaa tapʋl-zɔŋ dɩ ma zizilu a bɩ ma tʋɔtɔrɛ wɩaa harɩŋ ka to a bɩra bɩ wʋtɔɔnʋŋ maa bʋl chɛɛ-la,

JƐRƖMAAYA 17:24

Mɩ-na ma TƖƖNA sɩ, dɩ ma-na nɛ fɩɛlɛ ma sɩaa a to mɩ niiŋ a bɩ kɩaa chʋŋa to boi-baala-la kʋʋ jʋʋ aŋ lɩlɩɩ tabal-la lɛ chɛ-wiesii-la chɛɛŋ, a bɩ tɩntɩmɩɩ kala ka tɩŋ tapʋlɩɩ-la, aŋ joŋ tapʋlɩɩ-la dɩ ʋ ŋaa tapʋl-zɔŋ,

ƐZƖKƖƐL 20:12

Mɩ fa bɩra joŋ mɩ chɛ-wiesii-la ma pɩba nɛ dɩ ba tuto. Ʋ ŋaa magɩl a hɛ mɩ dɩ ba pɛgɛ, dɩ ŋɩɩ leŋ dɩ ba jɩŋ arɩ mɩ nɛ ba TƖƖNA sɩ leŋe ba bɩ disiniŋ kɛnɛ.

ƐZƖKƖƐL 22:8

Ŋ bɩ mɩ dɩɩ-bal-la sɩ bɩ disiniŋ kɛnɛ ka zil, a bɩ mɩ chɛ-wiesii-la ma ka to.

LEVI DOHO NƖAA 19:3

Má zizil ma nyɩmmaba arɩ ma naamba, a tuto mɩ chɛ-wiesii-la woruŋ, mɩ nɛ ma TƖƖNA Wɩa.

LEVI DOHO NƖAA 23:3

Tapʋlaa balɩdʋ nɛ ma jaŋ tɩŋ ma tɩntɩŋŋaa, ama chɛ-pɛɩ chɛɛŋ nɛ ŋaa chɛ-wiesii-la. Ʋ maga má kʋ hilimi mɩ-na ma TƖƖNA yɩrɩŋ lɛ nɛ aŋ sɩ́ tɩntɩmɩɩ kala tɩŋ. Lee na-kala ma sɩ hɛ, tapʋlɩɩ-la ŋaa chɛ-wiesii nɛ a pɩ mɩ-na ma TƖƖNA.

ZƐKARƖYA 1:4

Má sɩ́ ma naabalɩmaba nagʋ, ba nɛ mɩ wʋlaabʋlla-la laa sɩpaaŋ kʋ bʋla pa ŋɩɩ: Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ: ‘Má bɩrɩma lɩɩ ma wombii-bɔŋŋɔɔ arɩ wʋbɔmɔ-la ma sɩɩ ŋaa lɛ.’ Ama ba bɩ jegile nɩɩ mɩ teeŋ koo a kaa tɩŋ. Mɩ-na ma TƖƖNA nɛ bʋla.

Luuk 23:56

Ŋɩɩ nɛ ba mɩɩra mʋ dɩa a chɛ tʋlaalɩɩ dɩ ba kaa mʋ tɩsɛ Yesu. Ba sii chɛ-wiesii-la chɛɛŋ a wiesi, arɩ wɩalɩŋ Mosis fa sɩ ŋmʋnsa bil dɩ nɩaa tuto sɩ dagɛ ŋɩɩ.

Luuk 6:5

Ŋɩɩ nɛ Yesu bɩra bʋla pɩba, “Mɩ-na Nuhuobiine Bie nɛ ŋaa chɛ-wiesii-la tɩɩna ŋɩɩ.”

Jɔɔŋ Wʋnaalaa 1:10

La Tɩɩna Wɩa tapʋlɩɩ kʋbala nɛ Wɩa Dɩŋ-zɔmʋŋ doluŋ kʋ hɛ mɩ lɛ woruŋ. Ŋɩɩ nɛ mɩ nɩɩ nʋʋ yikori-bal mɩ harɩŋ a nagɛ ba sɩɩ ŋmʋʋ banyilliŋ ŋɩɩ.