JƐRƖMAAYA 17:21 - WƖA TENIŊ

²¹ Wɩɩ-la mɩ-na ma TƖƖNA sɩ bʋla nɛ ŋ-la: Má pɔ ma sɩ́ kɩaa chʋŋ chɛ-wiesii-la chɛɛŋ, a sɩ́ kʋŋ ma kala chʋŋa to Jerusalɛm boi-baalaa kʋ jʋʋ.

JƐRƖMAAYA 17:21 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 20:8

Máa liisi chɛ-wiesii-la wɩaa dɩ ʋ ŋaa tapʋl-zɔŋ a pɩ mɩ-na ma TƖƖNA.

NAMAGABA 4:23

Kɛŋ ŋ tʋɔbɩɩnaa woruŋ, bɛɛ wɩaa, ba nɛ jaŋ leŋ dɩ ŋ wʋŋaalaa tʋʋlɛ.

AZAAYA 56:2

Mɩ jaŋ pɛ nɩalɩŋ sɩ kɛŋ wɩalɩŋ tɩtɩŋ lɛ, nɩalɩŋ sɩ kɛmba woruŋ, nɩalɩŋ sɩ kɛŋ chɛ-wiesii-la wɩaa woruŋ, a bɩ ʋ wɩaa kaa gbigbieli, arɩ nɩalɩŋ sɩ lɩɩsɛ ba tɩtɩa wʋbɔŋŋɔɔ ŋaanɩŋ lɛ.”

AZAAYA 58:13

La TƖƖNA bɩra sɩ, “Dɩ ma nɛ kɛŋ mɩ chɛ-wiesii-la wɩaa woruŋ, a bɩ ma tɩtɩa tʋɔtɔrɛ wɩaa ka ŋaa mɩ tapʋl-zɔŋ-la, dɩ ma nɛ cho mɩ-na ma TƖƖNA chɛ-wiesii-la a joŋu dɩ ʋ ŋaa tapʋl-zɔŋ dɩ ma zizilu a bɩ ma tʋɔtɔrɛ wɩaa harɩŋ ka to a bɩra bɩ wʋtɔɔnʋŋ maa bʋl chɛɛ-la,

Maak 4:24

Ʋ bɩra bʋla pɩba, “Má fɩɛlɛ ma sɩaa woruŋ arɩ wɩalɩŋ ma sɩɩ nɩɩ. Ŋɩɩ ma sɩ joŋo to ma dɔnsʋŋ tɩŋŋaa lɛ, ŋɩɩ tɩtɩa nɛ Wɩa ma jaŋ joŋo to ma lɛ, a paala kɩɩ ŋɩɩ.

Luuk 8:18

Má fɩɛlɛ ma sɩaa woruŋ arɩ wɩalɩŋ ma sɩɩ nɩɩ lɛ. Nɩɩ-la kala sɩɩ to Wɩa niiŋ wɩaa, Wɩa jaŋ faasa pɛ ʋ lɛ dɩ ʋ to woruŋ. Nɩɩ-la ma sɩ bɩ Wɩa niiŋ wɩaa ka to, Wɩa bɩ jaŋ pɛ ʋ lɛ. Ʋ sɩ pɛ ʋ lɛ mʋa-la maa, ʋ jaŋ laaʋ kaa viiri.”

Tɩntɩŋŋaa 20:28

Má beŋ ma tɩtɩa nyuŋ woruŋ, aŋ pɛ beŋ nɩalɩŋ maa ʋ Dɩŋ-zɔmʋŋ sɩ joŋo hɛ ma nɩsɩŋ lɛ. Má beŋ nɩalɩŋ sɩ laa Yesu wɩaa dii a hihilimi nyuŋ, a nagɛ pie-daara sɩ yie beŋ ʋ piesee nyuŋ ŋɩɩ. Wɩa nɛ joŋ ʋ tɩtɩa bie chalɩŋ yɔɔba.

MOSIS BƖRA WULLI WƖA WOMBIIŊ 11:16

Má fɩɛlɛ ma sɩaa, dɩ ma tʋɔbɩɩnaa sɩ́ bɩrɩmʋ dɩ ma to vesiŋ harɩŋ a kpʋkpaarɛba.

MOSIS BƖRA WULLI WƖA WOMBIIŊ 4:15

Bʋa-la lɛ La TƖƖNA sɩ hɛ nyiŋ-la tʋɔŋ aŋ bʋl wɩaa pɩma Sɩnaɩ peel-la lɛ, ma bɩ ʋ nagɩsɩŋ na. Ŋɩɩ wɩaa má kɛŋ ma tɩtɩa woruŋ

MOSIS BƖRA WULLI WƖA WOMBIIŊ 4:23

Má kɛŋ ma tɩtɩa woruŋ a pʋpɔ dɩ má sɩ́ nii-la sɩ hɛ ma dɩ ma TƖƖNA Wɩa pɛgɛ yʋ. Má sɩ́ tɔŋ kala mɛ dɩ ʋ nagɛ kʋŋkala a pɩ ma tɩtɩa. Ma Tɩɩna Wɩa ka kɩsɛ ŋɩɩ nɛ.

MOSIS BƖRA WULLI WƖA WOMBIIŊ 4:9

Má kɛŋ ma tɩtɩa woruŋ, a sɩ́ wɩalɩŋ ma sɩ na yʋ ma mɩɩsɩŋ kala lɛ. Má joŋ wɩalɩŋ dagɛ ma biiriŋ, dɩ ba ma bɩra joŋo dagɛ ba biiriŋ.

JOSUA 23:11

Ŋɩɩ wɩaa má fɩɛlɛ ma sɩaa a cho ma TƖƖNA Wɩa.