JƐRƖMAAYA 17:17 - WƖA TENIŊ

¹⁷ Sɩ́ leŋe dɩ fawʋllʋŋ kɛmmɛ kɩŋkɛŋ. Ŋ nɛ mɩɩ yuori bʋa na-kala dɩ wʋlɔrʋŋ nɛ jʋʋmɛ.

JƐRƖMAAYA 17:17 ပူးပေါင်းရင်းမြစ်များ

JOB 31:23

Mɩ bɩ sɛɩ dɩ mɩ ŋaa wʋdosunuŋ deemba. Mɩɩ fá Wɩa sɩ kɛŋ doluŋ nɛ dɩ ʋ sɩ́ mɩ chei.

WƖA YƖƖLAA 41:1

La Tɩɩna jaŋ pɛ nɩalɩŋ sɩɩ beŋ summoo nyuŋ woruŋ. Dɩ wɩaa nɛ jʋʋba, ʋ jaŋ lɩɩsɛba.

WƖA YƖƖLAA 59:16

Wɩa, mɩ jaŋ yɩɩ yɩɩlɩŋ tɩgɛ ŋ doluŋ lɛ. Chʋchʋɔŋ, mɩ jaŋ yɩɩ yɩɩlɩŋ tɩgɛ ŋ chonuŋ lɛ. Ŋ nɛ ŋaa mɩ dɩ-duoŋ mɩ yie kʋ yuori, dɩ wɩaa nɛ jʋʋmɛ.

JƐRƖMAAYA 16:19

La TƖƖNA, mɩ doluŋ arɩ mɩ dɩ-duoŋ, ŋ nɛ mɩ yie yuori dɩ hɛɛŋ nɛ jʋʋmɛ. Tinteyee nɩaa jaŋ kɔ ŋ teeŋ, a lɩɩ dʋnɩa sɛmɛ na-kala a bʋl, La naabalɩmaba bɩ kʋŋkala kɛnɛ see vesiŋ sɩ bɩ wʋtɩtɩɩ kɛnɛ, tɔŋŋɔɔ sɩ ŋaa kʋpɛɩba a bɩ wʋzɔŋ kala ŋaa pɩba.

JƐRƖMAAYA 17:13

La TƖƖNA, ŋ lɛ nɛ Iziral tɩŋŋaa yɩɛlaa kala hɛ. Hɩɩsɩŋ jaŋ dii nɩalɩŋ kala sɩ joŋ harɩŋ yɩaŋ. Nɩalɩŋ kala sɩ mɩɩrɛ ŋ harɩŋ yɩrɩŋ jaŋ lɛl a nagɛ ba sɩ ŋmʋnsɛ nɩa yɩrɩŋ bil hagɩla lɛ, a tɩŋ ba sɩ vɩa La TƖƖNA sɩɩ pɩba mɩɩsɩŋ a nagɛ lɩɩ-bulo.

JƐRƖMAAYA 17:7

Ama mɩ-na ma TƖƖNA jaŋ pɛ nɩɩ-la sɩ laamɛ dii lɛ, nɩɩ-la sɩ joŋ ʋ yɩɛlaa hɛ mɩ lɛ.

JOWƐL 3:16

La TƖƖNA jaŋ chaŋ Zaayɔŋ lɛ, a hɛ Jerusalɛm lɛ aŋ kpɩa goŋ. Tinteeŋ arɩ wɩa-nyuŋ jaŋ jigisi. Ama La TƖƖNA jaŋ tɔ hɛ ʋ nɩaa lɛ, ʋ jaŋ ŋaa dɩ-duo a pɩ Iziral tɩŋŋaa.

NAHUM 1:7

La TƖƖNA wɩaa zɔmɔ, ʋ nɛ nɩaa yie mʋ yuori dɩ wɩaa nɛ jʋʋba. Ʋʋ beŋ nɩalɩŋ kala sɩ laaʋ dii nyuŋ nɛ,

Ɛfɛsɩs Nɩaa 6:13

Ŋɩɩ wɩaa, má laalɛ laalɩyuori kɩaa Wɩa sɩ joŋo pɩma, dɩ tapʋlɩɩ-la wʋbɔŋŋɔɔ sɩɩ chɛ dɩ ba ŋaa ma lɛ, dɩ ma wuo kɛŋ ma tɩtɩa hɛ dɔŋɔ chɩna gbɛrɛ.