JƐRƖMAAYA 17:16 - WƖA TENIŊ

¹⁶ Mɩ bɩ ŋ harɩŋ mɩɩra a vɩa dɩ mɩ ŋaa ŋ pie-daarʋ. Mɩ ha bɩ bɩɩna arɩ maachie wʋlɔrʋŋ jaŋ jʋʋ ŋ nɩaa. Ŋ jɩŋ wɩalɩŋ kala mɩ sɩɩ bʋl nɛ.

JƐRƖMAAYA 17:16 ပူးပေါင်းရင်းမြစ်များ

JƐRƖMAAYA 12:3

La TƖƖNA, ŋ jɩmmɛ nɛ, ŋ namɛ nɛ a magɩsɛ mɩ tʋɔbɩɩnaa na a tɩgɛ ŋ lɛ. Lɛrɛ nɩbɔmɔ-la a nagɛ ba sɩ lɛrɛ piesee mʋmʋ dɩ ba kpʋ. Pɔrɛba bil a gbɛrɛ tapʋlɩɩ-la ba sɩ jaŋ kpʋba.

JƐRƖMAAYA 13:17

Ama dɩ ma nɛ bɩ jegile nɩɩ, mɩ jaŋ lʋara yel a tɩŋ ma babii-ballɩŋ wɩaa. Mɩ jaŋ chaasa yel woruŋ, dɩ mɩ sɩaa pɩpɛllɛ sɩlɩɩrɩŋ, bɛɛ wɩaa ba jaŋ yuo kɛsɛ La TƖƖNA nɩaa kaa viiri.

JƐRƖMAAYA 15:15

La TƖƖNA, ŋ jɩŋ wɩɩkala sɩaa nɛ, liisi mɩ wɩaa aŋ beŋ mɩ nyuŋ. Laa mɩ yuosuŋ yuo pɩmɛ nɩalɩŋ sɩ to naasɩŋ dɔgɩsɛmɛ lɛ. Sɩ́ nyalɩma bibeŋ ka dɩ ba kpʋmɛ. Liise yi ŋɩɩ mɩ sɩ dii hɩɩsɩŋ ŋ wɩaa.

JƐRƖMAAYA 18:20

Ʋ maga dɩ ba joŋ wʋbɔmʋŋ a tiŋ wʋzɔmʋŋ chɩmɩŋ nɛɛ? Ama ba lu bʋa nɛ a bil mɩ lɛ. La Tɩɩna, liise yi arɩ mɩ chɩŋ ŋ sɩpaaŋ nɛ a laa ba wɩaa bʋl, dɩ ŋ leŋ baaŋ-la ŋ fa sɩ na ba nyuŋ.

JƐRƖMAAYA 20:7

La TƖƖNA, ŋ nyɩsɛmɛ nɛ, mɩ sɛɩ. Ŋ dolie kɩɩmɛ nɛ, a yuo diimi. Nɩaa ka sieri mɩ lɛ nɛ tapʋlɩɩ kala, nʋʋkala mʋmɔŋ mɩ lɛ.

JƐRƖMAAYA 20:9

Ama dɩ mɩ nɛ sɩ, “Mɩ bɩ jaŋ yɩrɛ ʋ yɩrɩŋ koo a bʋl wɩaa ʋ yɩrɩŋ lɛ,” ʋ niiŋ wɩaa sɩ hɛ mɩ tʋɔŋ lɛ yie nagɛ nyiniŋ a nyɩnyɩgɛmɛ. Mɩ lɔlɔ nɛ arɩ wɩalɩŋ sɩ hɛ mɩ tʋɔŋ lɛ. Wʋtɩtɩɩ, mɩ bɩ jaŋ wuo.

JƐRƖMAAYA 9:1

Mɩ fa cho dɩ mɩ nyuŋ nagɛ lɩɩ-bul-sɩɩŋ nɛ dɩ mɩ sɩaa ma fa bubul sɩlɩɩrɩŋ. Mɩ fa jaŋ yel tɩtaŋɩŋ arɩ wɩɩhɛyɛ kala a tɩŋ ba sɩ kpʋ mɩ nɩaa wɩaa.

AMƆS 5:10

Ma bɛrɛ nɩalɩŋ sɩɩ dii sarɩya ʋ bʋa lɛ nɛ, ma sɩɩŋ ma bɩ nɩalɩŋ sɩɩ bʋl wʋtɩtɩɩ ka su.

Tɩntɩŋŋaa 20:20

Ma jɩma mɩ dagɛma wɩɩ-na kala sɩ jaŋ pɛ ma lɛ nɛ, mɩ bɩ kaa faama. Mɩ dagɛma Wɩa wɩaa, nɩaa tʋɔŋ arɩ ma dɩɩsɩŋ ma lɛ.

Tɩntɩŋŋaa 20:27

bɛɛ wɩaa mɩ bʋl wɩalɩŋ kala Wɩa sɩɩ chɛ nɛ a pɩma.

2 Kɔrɩntɩ Nɩaa 1:12

Lɛɛlɛ la jaŋ wuo bigisi la tɩtɩa lɛ, bɛɛ wɩaa la tʋɔbɩɩnaa daga arɩ la wʋŋaalaa kala zɔmɔ nʋʋkala teeŋ nɛ dʋnɩa deeŋ lɛ. Wɩɩkala la sɩ ŋaa ma teeŋ, la ŋaa wɩalɩŋ sɩɩ to Wɩa wombiiŋ nɛ aŋ pɛ ŋaa wʋtɩtɩɩ-la Wɩa sɩɩ chɛ. Nuhuobiine wʋjɩmɩŋ lɛ dee la to a ŋɩŋaa wɩalɩŋ, ama Wɩa doluŋ lɛ nɛ la ŋaaba.

2 Kɔrɩntɩ Nɩaa 2:17

Nɩaa yʋga nɛ a gɔllɔ bʋbʋl Wɩa niiŋ wɩaa a lɩlaa moribiee, ama la-na bɩ ŋɩɩ ŋaa. La-na ŋaa nɩtɩtɩɩba nɛ. Wɩa nɛ lɩɩsɛla dɩ la tɩŋ tɩntɩmɩŋ deeŋ. Kirisito doluŋ lɛ nɛ laa bʋl Wɩa wɩaa.

Jeems 1:19

Mɩ naambii-kpɩanaba, ma jɩŋ wɩɩŋ deeŋ: Nʋʋkala maga dɩ ʋ kɛŋ dɩgɩlɩŋ-jegilee, aŋ sɩ́ chele bʋbʋl wɩaa, a sɩ́ baanɩŋ ma lɩma lɩma nɩna,

Jeems 3:1

Mɩ naambiiriŋ, ma tʋɔŋ, ma jesiŋ sɩ́ chɩchɛ dɩ ma ŋaa nɩa sɩɩ dagɛ ma dɔnsʋŋ tɩmma-la sɩ laa Yesu wɩaa dii, bɛɛ wɩaa ma jɩma dɩ ba nɩɩ dii dʋnɩa nɩaa sarɩya, ba jaŋ faasa dii la nɩalɩŋ sɩɩ dagɛ nɩaa sarɩya nɛ a kɩɩ la dɔnsʋŋ tɩŋŋaa.