JƐRƖMAAYA 17:14 - WƖA TENIŊ

¹⁴ La TƖƖNA, vaarɛmɛ, dɩ ŋ nɛ ŋaa ŋɩɩ, mɩ jaŋ duori. Dɩ ŋ nɛ laamɛ ta, mɩ jaŋ na wiese, ŋ nɛ mɩɩ dɛnnɛ.

JƐRƖMAAYA 17:14 ပူးပေါင်းရင်းမြစ်များ

WƖA YƖƖLAA 106:47

Laala ta, La Tɩɩna Wɩa. Kɛnla lɩɩ tinteyee nɩaa tʋɔŋ a kʋ hɛ dɔŋɔ, dɩ la wuo lɔllʋŋ a dɛnnɛ ŋ yɩrɩ-balɩŋ sɩ bɩ disiniŋ kɛnɛ.

WƖA YƖƖLAA 109:1

Wɩa, mɩɩ dɛnnɩŋ nɛ, sɩ́ ŋ niiŋ tɔrʋ.

WƖA YƖƖLAA 119:94

Ŋ nɛ tɩɩmɛ, laamɛ ta, mɩɩ to wɩalɩŋ ŋ sɩ daga nɛ.

WƖA YƖƖLAA 12:4

Ba sɩ, “La nɛ tɩɩ la niiree, la jaŋ wuo bʋl wɩɩkala la sɩ cho. Nʋʋkala bɩ jaŋ wuo pɔ dɩ la sɩ́ wɩaa bʋl.”

WƖA YƖƖLAA 148:14

Ʋ nɛ joŋ doluŋ a pɩ ʋ nɩaa Iziral tɩŋŋaa dɩ ba wuo dɛnnʋ. Ba nɛ nɩalɩŋ ʋ tʋɔŋ sɩ kɛnɛ woruŋ. Má dɛnnɛ La Tɩɩna.

WƖA YƖƖLAA 54:1

Wɩa, ŋ yɩrɩŋ lɛ, laamɛ ta, ŋ doluŋ lɛ, leŋ dɩ nɩaa jɩŋ arɩ mɩ bɩ wɩɩ cheye.

WƖA YƖƖLAA 6:2

Mɩ bɛsɩmɛ nɛ, mɩ Tɩɩna. Fá mɩ nenige aŋ pɩmɛ doluŋ, mɩ chaasa lɔl nɛ.

WƖA YƖƖLAA 6:3

Mɩ kala chaasa ŋaa hɛɛ nɛ. Mɩ Tɩɩna, ɛɛ nɛ ŋ jaŋ diene magɛ aŋ pɛ mɩ lɛ?

WƖA YƖƖLAA 6:4

Mɩ Tɩɩna, mɩɩra kʋ laamɛ ta, a tɩŋ ŋ chonuŋ sɩ bɩ dɛrɛ wɩaa laamɛ ta.

WƖA YƖƖLAA 60:5

Kɛŋ ŋ naduo-la pɛ la lɛ a laala ta. Laa nɩalɩŋ ŋ sɩ cho ta.

AZAAYA 6:10

La TƖƖNA bɩra bʋl, “Leŋ dɩ nɩaa deemba tʋɔŋ dol, ŋaa dɩ ba dɩgɩlaa kparɩmɛ, aŋ ŋaa dɩ ba sɩaa ma tɔ. Dɩ ŋɩɩ dee ba jaŋ na wɩaa koo a nɩɩ wɩaa a bɩrɩmɛ ba tʋɔbɩɩnaa a kɔ mɩ teeŋ dɩ mɩ laaba ta.”

JƐRƖMAAYA 15:20

Mɩ jaŋ leŋ dɩ ŋ nagɛ jeeŋ nɩaa deemba teeŋ, ŋ jaŋ nagɛ kɔlɩɩŋ ba sɩ kaa saa jeeŋ gollo chu. Ba jaŋ yuoŋ, ama ba bɩ jaŋ wuo yuo diiŋ, bɛɛ wɩaa mɩ hɛ ŋ teeŋ nɛ, mɩ jaŋ pɔŋ a laaŋ ta. Mɩ-na ma TƖƖNA nɛ bʋla.

JƐRƖMAAYA 3:23

Goŋ-la kala la sɩɩ ŋaa dundolluŋ nyuŋ arɩ peelee nyuŋ a kpʋkpaarɛ vʋɩyaa, laa nyɩsɛ la tɩtɩa nɛ. La TƖƖNA Wɩa dʋndʋŋa nɛ jaŋ wuo laa Iziral ta.

JƐRƖMAAYA 30:17

Ama mɩ jaŋ bɩra pɩma yarɩfɩɛlaa, a ŋaa dɩ ma naawɩɩlaa ma fɩɛlɛ, a tɩŋ nɩaa sɩ sɩ Zaayɔŋ nɩaa ŋaa nɩ-kire taalɩa nɛ, nʋʋkala bɩ ba wɩaa chɩla. Mɩ-na ma TƖƖNA nɛ bʋla.”

JƐRƖMAAYA 31:18

Mɩ chaasa nɩɩ Efirem sɩ yele a bʋl, ‘Ŋ kɛmmɛ tʋraa kɩɩ a nagɛ nɛ-bie ba ha sɩ bɩ daga nɛ, mɩ sɛɩ ŋ kɛmmɛ tʋra kɩɩ. Kɛmmɛ mɩɩra kɔ ŋ teeŋ, dɩ mɩ hɛ ŋ leriŋ, bɛɛ wɩaa ŋ nɛ mɩ TƖƖNA Wɩa.

JƐRƖMAAYA 33:6

Ama arɩ ŋɩɩ kala, mɩ ha jaŋ pɩ mɩ nɩaa yarɩfɩɛlaa dɩ ba duori. Mɩ jaŋ vaarɛba a leŋ dɩ ba tinteeŋ chaasa kɛŋ fɩɛlɩŋ dɩ ba hɔŋ sɔm.

NAMBABA 12:13

Ŋɩɩ nɛ Mosis bunso pɩ La TƖƖNA a bʋl, “Ou, mɩ Tɩɩna Wɩa, mɩɩ sʋlʋŋ vaarɛ Mɩrɩam.”

Matiu 14:30

Ama Pɩɩta sɩ bee na lɩɩ-pel-la, fawʋllʋŋ kɛnʋ. Ʋ suomo tutuu lɩɩ-la bʋbʋɔŋ. Ŋɩɩ nɛ ʋ faasa ŋmoo niiŋ a bʋl, “Mɩ Tɩɩna, laamɛ ta.”

Matiu 8:25

Ŋɩɩ nɛ ʋ harɩ-tooroo mʋ chɩsʋ a bʋla pʋ, “La Tɩɩna, laala ta, laa chɛ la sʋʋ nɛ.”

Luuk 4:18

“Wɩa Dɩŋ-zɔmʋŋ hɛ mɩ lɛ nɛ. Ʋ nɛ lɩɩsɛmɛ dɩ mɩ bʋl Wɩa wʋzɔmɔ-la a pɩ summoo. Ʋ tɩmmɛ nɛ dɩ mɩ heele bʋla pɩ nɩalɩŋ ba sɩ yuo kɛsɛ arɩ ba jaŋ jomba ta, a bɩra bʋla pɩ nyʋlɩmaa dɩ ba sɩaa jaŋ suri. Ʋ bɩra tɩmmɛ dɩ mɩ laa nɩaa ba sɩ nyaga bil a ta,

MOSIS BƖRA WULLI WƖA WOMBIIŊ 10:21

Ʋ nɛ ŋaa ma Wɩa, má zilu. Ma tɩtɩa na wʋduoru-la arɩ wʋkpuŋkperisi-la ʋ sɩ ŋaa pɩma nɛ.

MOSIS BƖRA WULLI WƖA WOMBIIŊ 32:39

Má bee na, mɩ-na nɛ Wɩa, Wɩa dɔŋ bɩra tuo. Mɩ yie kpʋ nɛ aŋ bɩra chɩsɛ, a pɩrɛ aŋ vaarɛ, nʋʋkala bɩ jaŋ wuo laa nʋʋ ta mɩ nɩsɩŋ lɛ.