JƐRƖMAAYA 17:13 - WƖA TENIŊ

¹³ La TƖƖNA, ŋ lɛ nɛ Iziral tɩŋŋaa yɩɛlaa kala hɛ. Hɩɩsɩŋ jaŋ dii nɩalɩŋ kala sɩ joŋ harɩŋ yɩaŋ. Nɩalɩŋ kala sɩ mɩɩrɛ ŋ harɩŋ yɩrɩŋ jaŋ lɛl a nagɛ ba sɩ ŋmʋnsɛ nɩa yɩrɩŋ bil hagɩla lɛ, a tɩŋ ba sɩ vɩa La TƖƖNA sɩɩ pɩba mɩɩsɩŋ a nagɛ lɩɩ-bulo.

JƐRƖMAAYA 17:13 ပူးပေါင်းရင်းမြစ်များ

WƖA YƖƖLAA 22:4

La naabalɩmaba joŋ ba yɩɛlaa hɛ ŋ lɛ nɛ, ŋɩɩ nɛ ŋ laaba ta.

WƖA YƖƖLAA 69:29

Mɩ yaraa kala nɩɩ wɩɩ, mɩ nɩna hɛɛŋ, Wɩa, chu tɔmɛ a laamɛ ta.

WƖA YƖƖLAA 71:5

Mɩ Tɩɩna Wɩɩjarɩbakɔ, mɩ yɩɛlaa kala hɛ ŋ lɛ nɛ. Mɩ laaŋ dii nɛ mɩ bapʋɔsʋŋ kala lɛ.

WƖA YƖƖLAA 73:27

Nɩalɩŋ kala sɩ bɩŋ kpaga jaŋ lɛl, ŋ jaŋ chei nɩalɩŋ kala sɩ bɩŋ laa dii.

WƖA YƖƖLAA 97:7

Hɩɩsɩŋ dii vʋɩ-kpaaraa nɛ, nɩalɩŋ sɩ kɛŋ vʋɩ-pɛɩpɛɩba-la dɩdagɛ ba tɩtɩa, vesiŋ maa kpirimi La Tɩɩna sɩpaaŋ nɛ.

NAMAGABA 10:7

Nɩaa jaŋ liliisi tʋɔpʋl tɩŋŋaa wɩaa, ama nɩbɔŋŋɔɔ-na yɩrɩŋ jaŋ lɛl.

NAMAGABA 14:14

Nɩɩ-la sɩ bɩ wʋtɩtɩɩ kɛnɛ jaŋ laa ʋ wʋŋaalaa time kala, dɩ nɩzɔmʋŋ ma laa ʋ wʋŋaalaa time.

AZAAYA 1:28

Ama ba jaŋ chei nɩalɩŋ sɩ vɩa La TƖƖNA niiŋ aŋ ŋɩŋaa wʋbɔŋŋɔɔ. La TƖƖNA jaŋ leŋ dɩ ba kala sʋʋ.

AZAAYA 66:5

Ma nɩalɩŋ sɩɩ to La TƖƖNA niiŋ, má jegile nɩɩ wɩɩ-la ʋ sɩ bʋla. La TƖƖNA sɩ, “Ma naambiiri-la sɩ bɛrɛma, a lɩɩsɛma ta a tɩŋ ma sɩɩ to mɩ wɩaa, a sieri ma lɛ a bʋl, ‘Má leŋ dɩ ma TƖƖNA dagɛ ʋ doluŋ a laama ta yei, dɩ la na dɩ ma hɛ sɩma tʋɔŋ,’ hɩɩsɩŋ jaŋ diiba.

JƐRƖMAAYA 14:8

Ŋ nɛ la Iziral tɩŋŋaa yɩyɩɛlɛ, ŋ nɛ la Laataara, a lɩlɩɩsɛla la wʋjʋʋlaa lɛ. Bɛɛ nɛ tɩɩ ŋ nagɛ nʋhʋɔrʋ tintee-la lɛ a nagɛ wombii-vɛnnʋ sɩ mʋ chʋa leriŋ tapʋl bala?

JƐRƖMAAYA 17:17

Sɩ́ leŋe dɩ fawʋllʋŋ kɛmmɛ kɩŋkɛŋ. Ŋ nɛ mɩɩ yuori bʋa na-kala dɩ wʋlɔrʋŋ nɛ jʋʋmɛ.

JƐRƖMAAYA 17:18

Leŋ dɩ nɩalɩŋ sɩ to naasɩŋ dɔgɩsɛmɛ dii hɩɩsɩŋ, ama lɩɩsɛ mɩ-na hɩɩsɩŋ lɛ. Leŋ dɩ fawʋllʋŋ kɛmba, ama lɩɩsɛ mɩ-na wɩalɩŋ sɩ kɛŋ fawʋllʋŋ lɛ. Leŋ dɩ wʋlɔrʋŋ kʋ jʋʋba. Cheiba naansɩɩŋ bʋlɩa.

JƐRƖMAAYA 17:5

Wɩɩ-la La TƖƖNA sɩ bʋla nɛ ŋ-la: “Ŋmɩaŋ jaŋ dii nɩɩ-la sɩ joŋ ʋ yɩɛlaa hɛ nuhuobiine lɛ, nɩɩ-la sɩ yelli nuhuobiine a joŋu ʋ nɛ ŋaa ʋ doluŋ, arɩ nɩalɩŋ sɩ mɩɩrɛ mɩ-na ma TƖƖNA harɩŋ.

JƐRƖMAAYA 19:4

Ba vɩamɛ nɛ aŋ kɛŋ leriŋ deeŋ bɩrɩmɛ vesiŋ lee. Ba kpʋ pʋsʋŋ a nyɩga pɩ vesiŋ ba-na koo ba naabalɩmaba koo Juda kuoroo ha sɩ bɩ jɩŋ. Ba kpʋ nɩaa sɩ bɩ wɩɩ cheye nɛ a chei leriŋ deeŋ kala.

JƐRƖMAAYA 2:13

Wʋbɔŋŋɔɔ balɩa nɛ mɩ nɩaa ŋaa. Mɩ nɩɩ pɩba mɩɩsɩŋ a nagɛ lɩɩ-bulo, ka ba vɩamɛ, aŋ lu ba tɩtɩa vilee, vil-kpaarɩŋ lɩɩŋ sɩ bɩ ba tʋɔŋ wuo chɩŋ.

JƐRƖMAAYA 2:17

Ma nɛ lɛrɛ wɩɩŋ deeŋ kʋ hɛ ma tɩtɩa lɛ, ma sɩ vɩa mɩ-na ma TƖƖNA Wɩa, mɩ nɛ fa kɛmma vɩvɛŋ.

JƐRƖMAAYA 50:7

Nʋʋ na-kala sɩ naba yie kpʋba nɛ. Ba dʋndɔŋŋɔɔ sɩ, ‘La bɩ cheeriŋ kɛnɛ, bɛɛ wɩaa ba ŋaa wʋbɔŋ nɛ ba TƖƖNA teeŋ, Nɩɩ-la sɩɩ pɩba kʋdiilee. La TƖƖNA lɛ nɛ ba nyɩmmaba fa joŋ ba yɩɛlaa hɛ.’

ƐZƖKƖƐL 13:9

Mɩ jaŋ dɔgɩsɛ ma nɩalɩŋ sɩ nyɩɛ wɩaa arɩ maa na wɩaa a nagɛ duosoo tʋɔŋ nɛ, a vʋgaa nyɩɛ wɩaa. Ma bɩra bɩ jaŋ guoli mɩ nɩalɩŋ sɩ yie hilime vʋvʋʋrɛ wɩaa tʋɔŋ, koo dɩ ba ŋmʋnsɛ ma yɩraa hɛ Iziral tɩŋŋaa tʋɔŋ koo ma jʋʋ Iziral tinteeŋ. Ŋɩɩ nɛ ma jaŋ jɩŋ arɩ mɩ nɛ ma TƖƖNA Wɩɩjarɩbakɔ.

ƐZƖKƖƐL 16:63

Dɩ mɩ nɛ joŋ wɩalɩŋ kala ŋ sɩ ŋaa a chɛŋ, ŋ jaŋ liise yi wʋbɔmɔ-la ŋ sɩ ŋaa lɛ, dɩ hɩɩsɩŋ kɛnɩŋ kɩŋkɛŋ dɩ ŋ bɩra bɩ ŋ niiŋ wuo suri. Mɩ-na ma TƖƖNA Wɩɩjarɩbakɔ nɛ bʋla.”

ƐZƖKƖƐL 36:32

Iziral tɩmma, mɩɩ chɛ ma jɩŋ arɩ mɩ bɩ wɩaa deemba ka ŋaa a tɩŋ ma wɩaa nɛ. Má leŋ dɩ hɩɩsɩŋ kɛmma dɩ ma gʋrɛ nyuŋ a tɩŋ wɩalɩŋ ma sɩ ŋaa wɩaa. Mɩ-na ma TƖƖNA Wɩɩjarɩbakɔ nɛ bʋla.”

DANƖƐL 12:2

Nɩ-dandaŋ-la sɩ sʋba jaŋ sii, dɩ dɔnsʋŋ kɛŋ mɩɩsɩ-la sɩ bɩ dɛrɛ, ka dɩ dɔnsʋŋ ma dii hɩɩsɩŋ a na hɛɛ-la sɩ bɩ dɛrɛ.

JOWƐL 3:16

La TƖƖNA jaŋ chaŋ Zaayɔŋ lɛ, a hɛ Jerusalɛm lɛ aŋ kpɩa goŋ. Tinteeŋ arɩ wɩa-nyuŋ jaŋ jigisi. Ama La TƖƖNA jaŋ tɔ hɛ ʋ nɩaa lɛ, ʋ jaŋ ŋaa dɩ-duo a pɩ Iziral tɩŋŋaa.

ZƐKARƖYA 13:1

La TƖƖNA sɩ, “Tapʋlɩɩ-la mɩ jaŋ suri lɩɩ-bul-sɩɩŋ a pɩ Devit doho nɩaa arɩ Jerusalɛm nɩaa, a chɛsɛ ba wʋbɔŋŋɔɔ arɩ ba disiniŋ ta.

ZƐKARƖYA 9:12

Má mɩɩra mʋ ma dɩɩ-duoruŋ, ma-na dansarɩkaba sɩ kɛŋ yɩɛlaa. Lɛɛlɛ mɩ heele bʋl arɩ mɩ jaŋ bɩra pɩma kɩaa magɛ ŋɩɩ ma fa sɩ kɛnɛ naansɩɩŋ bʋlɩa.

Luuk 10:20

Ama má sɩ́ leŋe dɩ ma tʋɔŋ tɔrɛ arɩ jɩŋ-bɔŋŋɔɔ sɩɩ to ma niiŋ lɛ, má leŋ dɩ ma tʋɔŋ tɔrɛ a tɩŋ ba sɩ ŋmʋnsɛ ma yɩraa Wɩa-jaŋ lɛ.”

Jɔɔŋ 4:10

Ŋɩɩ nɛ Yesu bʋla pʋ, “Dɩ ŋ nɛ fa jɩŋ kʋ-la Wɩa sɩ joŋo pɩ nɩaa, a fa jɩŋ nɩɩ-la sɩ sʋlʋŋ dɩ ŋ ŋaa lɩɩŋ pʋ dɩ ʋ nyʋa, ŋ fa jaŋ sʋlʋ dɩ ʋ pɩŋ lɩɩ-la sɩɩ pɩ nɩaa mɩɩsɩŋ.”

Jɔɔŋ 4:14

Ama nɩɩ-la kala sɩ jaŋ nyʋa lɩɩ-la mɩ sɩ jaŋ pʋ, lɩɩnyʋasʋŋ bɩra bɩ jaŋ kɛnʋ da. Lɩɩ-la mɩ sɩ jaŋ pʋ jaŋ bɩrɩmɛ lɩɩ-bulo ʋ tʋɔŋ lɛ a bubul, a pʋ mɩɩsɩŋ sɩ bɩ dɛrɛ.”

Tɩntɩŋŋaa 28:20

Ŋ-la nɛ tɩɩ mɩ sɩ mɩ jaŋ nama dɩ la bʋl wɩaa. Ba kɛŋ chɔrʋmɔɔ deemba vɔɔmɛ a tɩŋ nɩɩ-la wɩaa ma Iziral tɩŋŋaa sɩɩ yɩɛlʋ arɩ ʋ jaŋ kɔ lɛ nɛ.”

1 Timoti 1:1

Mɩ-na Pɔɔl nɛ ŋmʋnsɛ teniŋ deeŋ. La Tɩɩna Wɩa sɩ ŋaa la Laataara doluŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ. Kirisito Yesu lɛ nɛ la yɩɛlaa hɛ.

Jɔɔŋ Wʋnaalaa 20:15

Dɩ nʋʋkala yɩrɩŋ nɛ tuo mɩɩsɩŋ teŋ-la tʋɔŋ, ba yie joŋu yuo hɛ nyiŋ-bal-la tʋɔŋ nɛ.

Jɔɔŋ Wʋnaalaa 21:6

Ŋɩɩ nɛ ʋ bʋla pɩmɛ, “Wɩɩkala dɛrɛ nɛ. Mɩ nɛ ŋaa Alɩfa arɩ Omega, mɩ nɛ dɩ-suomuŋ arɩ dɩdɛrɩŋ. Nɩɩ-la kala lɩɩnyʋasʋŋ sɩ kɛnɛ, mɩ jaŋ ŋaa lɩɩ-bulo lɩɩ-la sɩɩ pɩ nɩaa mɩɩsɩŋ a pʋ dɩ ʋ nyʋa pɛɩ.

Jɔɔŋ Wʋnaalaa 22:1

Ŋɩɩ nɛ Wɩa tɩndaarʋ-la bɩra dagɛmɛ fuo-la lɩɩŋ sɩɩ pɩ nɩaa mɩɩsɩŋ. Lɩɩ-la kala pʋlla nɛ chɩl chɩl a nagɛ beenantɩrɛ. Lɩɩ-la pɛllɛ lɩɩ Wɩa arɩ Pie-bie-la kuoru kpasa-la teeŋ nɛ,

Jɔɔŋ Wʋnaalaa 22:17

Ŋɩɩ nɛ Wɩa Dɩŋ-zɔmʋŋ arɩ haal-la Pie-bie-la sɩɩ chɛ dɩ ʋ jaa bʋla pɩ nɩaa, “Má kɔ. Nʋʋkala sɩ nɩa, má leŋ dɩ ʋ kɔ. Nʋʋ na-kala lɩɩnyʋasʋŋ sɩ kɛnɛ, ʋ kɔ. Nɩɩ-la kala sɩ cho dɩ ʋ nyʋa lɩɩ-la sɩɩ pɩ nɩaa mɩɩsɩŋ sɩ ŋaa chɔgɩta kʋŋ, ʋ kɔ a nyʋa.”

Jɔɔŋ Wʋnaalaa 7:17

Wɩɩkala bɩ jaŋ ŋaaba, bɛɛ wɩaa Pie-bie-la sɩ chɩŋ Wɩa kuoru kpasa-la sɩpaaŋ nɛ jaŋ bibeŋ ba nyuŋ, a nagɛ pie-daara. Ʋ nɛ jaŋ kɛmba kaa mʋ lɩɩ-bulo leriŋ, lɩɩ-la sɩɩ pɩ nɩaa mɩɩsɩŋ. Wɩa ma jaŋ fɩɩsɛ sɩ-lɩɩrɩ kala sɩ hɛ ba sɩaa lɛ ta.”