JƐRƖMAAYA 17:11 - WƖA TENIŊ

¹¹ A nagɛ yoho sɩ bɩ halaa lo, aŋ pɛŋ hala-la nyuŋ a tiesi, ŋɩɩ tɩtɩa nɛ nɩɩ-la sɩ ŋmʋrɛ nɩaa a dʋa kɩaa nagɛ. Dɩ ʋ nɛ yi ʋ jɩsɩŋ kpaa magɛ dɔŋɔ, ʋ dʋa-la jaŋ lɛl. Dɩdɛrɩŋ kala, ʋ jaŋ jɩŋ arɩ ʋ ŋaa nɩyaarɩ nɛ.

JƐRƖMAAYA 17:11 ပူးပေါင်းရင်းမြစ်များ

JOB 20:21

Kʋŋkala bɩra tuo dɩ ʋ dii, ʋ dʋa bɩ jaŋ dieni.

WƖA YƖƖLAA 49:13

Ŋ-la nɛ ʋ jaŋ nagɛ a pɩ nɩalɩŋ sɩ joŋ ba yɩɛlaa hɛ ba tɩtɩa lɛ arɩ nɩalɩŋ sɩ sɛɩba aa to ba harɩŋ.

WƖA YƖƖLAA 55:23

Ama ŋ-na Wɩa jaŋ joŋ nɩbɔŋŋɔɔ, nɩkpʋʋraa arɩ wʋnyɩɛraa a hɛ buotuo-luŋuŋ lɛ. Ŋ bɩ jaŋ leŋ dɩ ba yi ba tapʋlaa kpaa magɛ dɔŋɔ ma. Ama mɩ-na laaŋ dii nɛ.

NAMAGABA 13:11

Dɩ ŋ nɛ bɩ wʋtɩtɩɩ to aŋ na moribiee, ba bɩ dieni. Ama dɩ ŋ nɛ fɩɛlɛ ŋ sɩaa a chɩchɛ mʋa mʋa, ba jaŋ pʋŋ woruŋ.

NAMAGABA 15:27

Yarɩ-bieri tɩɩna sɩ gɩrɩma lɩlaa nɩaa kɩaa yie lɛrɛ wɩaa nɛ kʋ hɛ ʋ dɩa nɩaa lɛ. Ama nɩɩ-la sɩ bɛrɛ kpalaa diiniŋ mɩɩsɩŋ jaŋ duomi.

NAMAGABA 21:6

Dɩ ŋ nɛ gɩrɩma a dʋa kɩaa, ba nagɛ nyʋɔsʋŋ nɛ, aŋ bɩra ŋaa bɛrɛ́ ma sɩ jaŋ leŋ dɩ ŋ sʋʋ.

NAMAGABA 23:5

Ŋ jaŋ wuo na dʋa fine, ka dɩ ba lɛl. Ba jaŋ guu nyʋ kɩŋkɛnsɩŋ a file jɩl wɩa-nyuŋ a nagɛ kachuuŋ.

NAMAGABA 28:16

Sɩpaalaarʋ-la sɩ tɛrɛ bɩ wʋjɩmɩŋ kɛnɛ, ama nɩɩ-la sɩ bɩ cho dɩ ʋ gɩrɩma dʋa jaŋ kɛŋ mɩɩ-duduoŋ.

NAMAGABA 28:20

Wɩa jaŋ chaasa pɛ nɩɩ-la sɩ kɛŋ wʋtɩtɩɩ lɛ woruŋ, ama ʋ jaŋ dɔgɩsɛ nɩɩ-la sɩɩ chel dɩ ʋ dʋa.

NAMAGABA 28:22

Tʋɔ-bɔŋ tɩɩna yie chichel nɛ dɩ ʋ dʋa, aŋ bɩ jɩŋ dɩ nyaaŋ ka gbɛrʋ nɛ.

NAMAGABA 28:8

Dɩ nʋʋ nɛ joŋ kɩaa chɩŋ nɩaa a faasa kɛŋ lɩɩŋ dɩdaŋ a dʋa kɩaa, ʋ dʋa-la jaŋ ŋaa nʋʋ dɔŋ kɩaa, dɩ ʋ joŋo dii zile summoo lɛ.

JƐRƖMAAYA 22:13

Wɩɩŋ puu nɩɩ-la kala sɩ bɩ tʋɔpʋla lɛ to a saa ʋ kuoru dɩa, a bɩ wʋtɩtɩɩ lɛ to saa dɩɩsɩŋ sugili ʋ nyuŋ, a leŋ ʋ taŋ nɩaa tɩŋ pɛɩ, ka ʋ bɩ ba lɔlʋŋ chɩmɩŋ time.

JƐRƖMAAYA 22:17

Ama ŋ sɩaa arɩ ŋ tʋɔŋ kala hɛ gɩrɩma dii lɛ nɛ, a kpʋkpʋ nɩaa sɩ bɩ wɩɩ cheye a dʋdɔgɩsɛ nɩaa, aŋ pɛ kɛŋ nɩaa kɩaa lɩlaa.”

JƐRƖMAAYA 6:13

“Ba nɩbiisiŋ arɩ ba nɩbalaa kala kɛŋ yarɩ-bieriŋ nɛ a chɩchɛ kɩaa. Mɩ wʋlaabʋllaa arɩ Wɩɩsʋllɩ sɩpaalaaraa ma nagɛ ŋɩɩ tɩtɩa nɛ, a kala nyɩnyɩsɛ nɩaa.

JƐRƖMAAYA 8:10

Ŋɩɩ wɩaa mɩ jaŋ laa ba haalaa pɩ ba-wogusuŋ, ka dɩ nɩtanɩa ma laa ba bagɩsɩŋ tɩɩ. Ba nɩbiisiŋ arɩ ba nɩbalaa kala kɛŋ yarɩ-bieriŋ nɛ a chɩchɛ kɩaa. Mɩ wʋlaabʋllaa arɩ Wɩɩsʋllɩ sɩpaalaaraa ma nagɛ ŋɩɩ tɩtɩa nɛ a kala nyɩnyɩsɛ nɩaa.

AMƆS 3:10

Ba paala bɩ wɩaa ba bʋa lɛ ŋaanɩŋ jɩŋ. Yuosuŋ nɛ ba yuo a gurigo laa nɩaa kɩaa a su ba dɩɩ-duoruŋ.

MƖKA 2:9

Ba kiri mɩ nɩaa haalaa ba lɩɩ dɩɩsɩ-la ba sɩ cho lɛ nɛ. Ba kɛŋ wʋzɔmɔ-la kala mɩ fa sɩ jaŋ joŋo pɩ ba biiriŋ laa nɛ, a kaa mʋ wuu.

MƖKA 7:3

Nʋʋkala kaasɛ wʋbɔŋŋɔɔ ŋaanɩŋ lɛ nɛ, sɩpaalaaraa chɩchɛ kʋmɔlɩɩba. Sarɩya diiree lɩlaa kpalaa, nɩalɩŋ dɩchɩnɩŋ sɩ yuŋŋie ŋɩŋaa wɩalɩŋ ba sɩ cho, ba kala vʋʋra hɩhɛ dɔŋɔ.

ZEFANAAYA 1:9

Tapʋlɩɩ-la mɩ jaŋ dɔgɩsɛ nɩalɩŋ kala sɩɩ ŋaa wɩaa a nagɛ vʋɩ-kpaaraa, nɩalɩŋ sɩ gɩrɩma laa kɩaa a kpʋ nɩaa ma laa kɩaa su ba vene dɩɩ-balɩŋ.”

ZƐKARƖYA 5:4

La TƖƖNA doluŋ kala Tɩɩna sɩ, ‘Mɩ jaŋ leŋ dɩ teŋ-la lɩɩ, a mʋ jʋʋ gaarʋ kala dɩa arɩ nɩalɩŋ sɩɩ nyɩɛ wɩaa aŋ ŋmɩŋmɩɛsɛ mɩ yɩrɩŋ lɛ. Teŋ-la jaŋ ka ʋ dɩa lɛ a chei dɩa-la daasɩŋ arɩ ʋ tabɩaa kala.’ ”

MALAKAƖ 3:5

La TƖƖNA doluŋ kala Tɩɩna sɩ, “Mɩ jaŋ kɔ a guu dii ma sarɩya. Mɩ jaŋ guu dagɛ nɩaa deemba wʋcheelee. Nɩalɩŋ sɩɩ ŋaa chichiribi wɩaa, nɩalɩŋ sɩɩ ŋaa wʋlɩɩlɩŋ, nɩalɩŋ sɩɩ nyɩɛ wɩaa sarɩya dɩ-diiliŋ arɩ nɩalɩŋ sɩɩ gʋrɛ ba tɩntɩnnaa, nɩalɩŋ sɩɩ dɔgɩsɛ yo-haalaa arɩ biisinsiŋ koo a gʋgʋrɛ nɩwogusuŋ. Nɩaa deemba kala bɩ mɩ ka fá.

Matiu 23:13

Ma Wɩa teniŋ kerichiba arɩ ma Farisii tɩŋŋaa, ma kanfugi tɩmma-la, ma jaŋ na hɛɛŋ. Ma kɛŋ Wɩa kuorii-la dɩa-boro yagɛ nɛ dɩ nɩaa sɩ́ jʋʋ, bɛɛ wɩaa ma tɩtɩa bɩ chɛ dɩ ma jʋʋ, aŋ bɩra pɔ dɩ nɩalɩŋ sɩɩ walɩmɛ dɩ ba jʋʋ, dɩ ba ma sɩ́ jʋʋ. [

Luuk 12:20

Ŋɩɩ nɛ Wɩa bʋla pʋ, ‘Nɩyaarɩ! Tɩtaŋɩŋ deeŋ mɩ jaŋ leŋ dɩ ŋ sʋʋ. Kɩalɩŋ saa ŋ sɩ chɛ bil ŋ tɩtɩa lɛ, kʋbɛɛ nɛ jaŋ dii?’ ”

1 Timoti 6:9

Ama nɩalɩŋ sɩ cho dɩ ba kɛŋ kɩaa dʋnɩa deeŋ lɛ, Sɩtaanɩ yie nyɩsɛba hɛ bɛrɛ lɛ nɛ, baa ŋaa nɩyaarɩ wɩaa arɩ ba tʋɔtɔrɛ wɩalɩŋ sɩɩ cheiba. Wɩaa deemba nɩɩ chei nɩaa woruŋ.

Taatɩs 1:11

Ʋ maga dɩ ma bʋla pɩba dɩ ba leŋ wɩalɩŋ ba sɩɩ dagʋ, bɛɛ wɩaa ba sɩɩ dagɛ wɩalɩŋ sɩ bɩ maga dɩ baa dagɛ ŋɩɩ, ba ŋaa nɩaa joŋ wɩalɩŋ ba sɩ laa dii a tɩta nɛ. Moribiee wɩaa nɛ tɩɩ baa dagɛ wɩalɩŋ.

2 Pɩɩta 2:14

Bʋa na-kala lɛ dɩ ba nɛ na haal, ba yie chɛʋ nɛ ba tʋɔŋ lɛ. Ba-na bɩ lɔl arɩ wʋbɔŋŋɔɔ ŋaanɩŋ. Ba yie nyɩnyɩsɛ nɩalɩŋ sɩ bɩ Wɩa wɩaa lɛ chɩna kpaŋ kpaŋ dɩ ba ŋaa wʋbɔŋ. Ba ŋaa tʋɔ-luŋ tɩmma nɛ. Wɩa kalɩba hɛ ba lɛ nɛ.

2 Pɩɩta 2:3

Wʋnyɩɛrɩ kerichi deemba jaŋ kɛŋ tʋɔ-luŋuŋ. Ba jaŋ kɛŋ nii-sɩma a nyɩnyɩsɛma a lɩlaa ma kɩaa ma. Faafaa kala nɛ Wɩa dagɛ arɩ ʋ jaŋ dii nɩaa deemba doho sarɩya. Nɩɩ-la sɩ jaŋ cheiba bɩ doŋ pɩna.