JƐRƖMAAYA 16:6 - WƖA TENIŊ

⁶ Nɩbalaa arɩ nɩbiisiŋ kala jaŋ sʋʋ tinteeŋ deeŋ lɛ. Ba bɩ jaŋ hugiba koo a yel ba yosuŋ. Nʋʋkala bɩ jaŋ tɩŋ ba wɩaa a kpɛrɛ ʋ tɩtɩa koo a fʋŋ ʋ nyuŋ.

JƐRƖMAAYA 16:6 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 36:17

Ŋɩɩ nɛ ʋ lɛrɛ Babɩlɔŋ kuoro kʋ hɛ ba lɛ, ʋ kpʋ ba baalaa arɩ haalaa, hambiisiŋ arɩ nɩhɩasɩŋ kala, a kpʋ ba bapʋɔsaa ma sɩ paala hɛ Wɩa dɩɩ-bal-la lɛ. Wɩa fa joŋ ba kala hɛ Nebukadineza nɩsɩŋ lɛ nɛ.

AZAAYA 22:12

La TƖƖNA doluŋ kala Tɩɩna yɩrɛma nɛ tapʋlɩɩ-la dɩ ma ŋmoo niiŋ a yiyel a fʋŋ ma nyusuŋ aŋ laalɛ tʋɔ-chei gɛnnɩŋ.

AZAAYA 24:2

Wɩɩsʋllɩ sɩpaalaaraa, arɩ nʋʋkala, yosuŋ arɩ nɩalɩŋ sɩ tɩɩ ba tɩtɩa, haalaa arɩ ba ketiee, nɩalɩŋ sɩɩ yallɛ kɩaa arɩ nɩalɩŋ sɩɩ yɔɔ, nɩalɩŋ sɩ joŋ kɩaa chɩchɩŋ nɩaa arɩ chɩŋ-diiree, kɩaa tɩŋŋaa arɩ summoo, ba kala lɛ nɛ wɩɩŋ deeŋ jaŋ ŋaa.

JƐRƖMAAYA 13:13

Ŋɩɩ-na bʋla pɩba, ‘Wɩɩ-la La TƖƖNA sɩ bʋla nɛ ŋ-la: Mɩ jaŋ leŋ dɩ nɩalɩŋ kala sɩ hɛ tintee-la lɛ ŋaa sɩ-nyʋara a pɛ Devit doho nɩalɩŋ sɩɩ dii kuoruŋ: Wɩɩsʋllɩ sɩpaalaaraa, mɩ wʋlaabʋllaa, arɩ nɩalɩŋ kala sɩ hɛ Jerusalɛm lɛ.

JƐRƖMAAYA 16:4

“Nyanyal bɔŋŋɔɔ jaŋ kpʋba. Ba bɩ jaŋ hugiba koo a yel ba yoho. Ba jaŋ nagɛ nʋsʋrʋŋ a pɩŋ tinteeŋ. Ba jaŋ kpʋ dɔnsʋŋ laalɩŋ lɛ, dɩ losuŋ ma kɛŋ dɔnsʋŋ dɩ ba sʋʋ. Ba kʋsʋʋnʋŋ jaŋ bɩrɩmɛ zaaraa arɩ baga kɩaa kʋdiilee.”

JƐRƖMAAYA 41:5

baalaa mahɩŋ banɛsɛ fʋŋ ba tɔŋŋɔɔ nɛ a kɛŋ ba gɛnnɩŋ kɩɛsɛ aŋ kpɛrɛ kpɛrɛ ba tɩtɩa, a lɩɩ Sɛkɛm, Sɩlɔ arɩ Samarɩa a kɛŋ mɩaa Wɩɩsʋlʋŋ kɩaa arɩ kʋsʋɔrʋsʋŋ a kaa kɔ La TƖƖNA dɩa.

JƐRƖMAAYA 47:5

Gaza nɩaa jaŋ fʋŋ ba nyusuŋ aa dagɛ tʋɔ-cheeŋ. Asɩkɛlɔŋ nɩaa jaŋ ŋaa ba niiŋ chɩm. Fɩlɩsɩtɩa nɩkaanaa, ɛɛ nɛ maa chɛ ma yele diene magɛ?

JƐRƖMAAYA 48:37

Ba fʋŋ ba nyusuŋ kala nɛ, a fʋŋ ba tɔŋŋɔɔ ma kala. Ba kpɛrɛ ba nɩsaa nɛ aŋ vɔɔ tʋɔ-chei gɛnnɩŋ.

JƐRƖMAAYA 7:29

Jerusalɛm tɩmma, má kɛ ma nyu-pʋnaa a yuo ta, aŋ jɩl dundol kpʋlaa nyuŋ a ta jembiee a yiyel, bɛɛ wɩaa mɩ-na ma TƖƖNA baanɩŋ sii doho deeŋ nɩaa nyuŋ nɛ, mɩ vɩaba ta.

JƐRƖMAAYA 8:2

Ba jaŋ kɛmba yieni dɩ wɩɩpɔsʋŋ, chɛnɛ arɩ chɛnwʋlaa kala sɩ hɛ wɩa-nyuŋ chaana hɛ ba lɛ. Nɩalɩŋ fa cho kɩaa deemba nɛ a tɩma pɩpɩba. Ba faa toba nɛ a pɩɛsɛba chɩchɛ dɩ ba na wɩaa a kpʋkpaarɛba. Nʋʋ bɩ jaŋ kuri haŋgbele-la hɛ dɔŋɔ a hugi, ama ba jaŋ lemba ta dɩ ba pɩŋ tinteeŋ a nagɛ nʋsʋrʋŋ.

LEVI DOHO NƖAA 19:27

Má pʋpɔ má sɩ́ ma nyusuŋ sɛsɩŋ kɛ, a sɩ́ ma tɔŋŋɔɔ ma kɛ.

LEVI DOHO NƖAA 19:28

Dɩ nʋʋ nɛ sʋba, ma pʋpɔ má sɩ́ ŋɩɩ wɩaa tɩŋ a kpɛrɛ ma tɩtɩa. Má sɩ́ kɩaa tuuro hɛ ma yaraa lɛ. Mɩ nɛ ŋaa ma TƖƖNA.

AMƆS 6:11

Dɩ La Tɩɩna nɛ suri ʋ niiŋ, dɩɩ-balaa arɩ dɩɩ-biisiŋ kala jaŋ tele yɛrɛ muno muno.

Matiu 9:23

Ŋɩɩ nɛ Yesu jʋʋ Juu tɩŋŋaa kʋhɩaŋ-la dɩa. Ʋ jʋa dɩ yoho-la ŋmʋl ŋmʋʋraa arɩ nɩ-daŋ chɩna aa yel.

MOSIS BƖRA WULLI WƖA WOMBIIŊ 14:1

Ma ŋaa La TƖƖNA Wɩa biiriŋ nɛ. Dɩ nʋʋ nɛ sʋba dɩ ma yiyel ʋ yoho, má sɩ́ ma yaraa kpɛrʋ, a sɩ́ ma tilliŋ ma fʋŋ arɩ nɩaa dɔnsʋŋ sɩɩ ŋaa ŋɩɩ,

Jɔɔŋ Wʋnaalaa 20:12

Ŋɩɩ nɛ ka mɩ na nɩalɩŋ sɩ sʋba, nɩhɩasɩŋ arɩ hambiisiŋ kala, dɩ ba chɩŋ kuoru kpasa-la sɩpaaŋ. Ŋɩɩ nɛ ba suri tenniŋ, a bɩra suri teniŋ dɔŋɔ ma, mɩɩsɩŋ teniŋ nɛ ŋɩɩ. Tenni-la lɛ nɛ ba ŋmʋnsɛ nʋʋkala sɩ hɛ dʋnɩa lɛ wʋŋaalaa hɛ, ba lɛ nɛ ba to a dii nʋʋkala sɩ sʋba sarɩya.

Jɔɔŋ Wʋnaalaa 6:15

Ŋɩɩ nɛ dʋnɩa kuoroo, arɩ nɩbalaa, arɩ laalɩyuori-hɩasɩŋ, arɩ nɩalɩŋ sɩ kɛŋ kɩaa, arɩ nɩalɩŋ sɩ kɛŋ doluŋ, arɩ nʋʋkala, yosuŋ arɩ nɩalɩŋ kala sɩ tɩɩ ba tɩtɩa, ba kala fá jʋʋ faa bʋ-bʋɔsʋŋ arɩ peel-pɛgɩsɩŋ lɛ.