JƐRƖMAAYA 16:21 - WƖA TENIŊ

²¹ La TƖƖNA bʋl, “Ŋɩɩ-na mɩ jaŋ dagɛba bʋa deeŋ lɛ, mɩ jaŋ dagɛba mɩ doluŋ kala. Ŋɩɩ nɛ ba jaŋ jɩŋ arɩ mɩ nɛ ba TƖƖNA.”

JƐRƖMAAYA 16:21 ပူးပေါင်းရင်းမြစ်များ

WƖA YƖƖLAA 83:18

Leŋ dɩ ba jɩŋ arɩ ŋ dʋndʋŋa nɛ La Tɩɩna Wɩa sɩ kɩɩ kʋŋkala a hɛ nɩmɛ a bibeŋ dʋnɩa kala.

WƖA YƖƖLAA 9:16

La Tɩɩna wʋtɩtɩɩ lɛ nɛ ŋ jaŋ to a jɩmʋ. Wʋbɔmɔ-la nɩbɔŋŋɔɔ sɩ ŋaa nagɛ bɛrɛ nɛ a gʋra kɛsɛba.

MOSIS KƐŊ IZIRAL TƖŊŊAA LƖƖ 14:4

Mɩ jaŋ ŋaa dɩ Ijipiti tinteeŋ kuoro tʋɔŋ pɩrɛ, dɩ ʋ lɩɩ kiri ba harɩŋ. Mɩ yɩrɩŋ jaŋ yɩrɛ dɩ mɩ nɛ yuo dii Ijipiti tinteeŋ kuoro arɩ ʋ laalɩyuoroo kala. Ijipiti tɩŋŋaa jaŋ jɩŋ arɩ mɩ nɛ ŋaa ba TƖƖNA.” Ŋɩɩ nɛ Iziral tɩŋŋaa ŋaa wɩɩ-la La TƖƖNA sɩ bʋla.

MOSIS KƐŊ IZIRAL TƖŊŊAA LƖƖ 15:3

La TƖƖNA ŋaa bayuoru nɛ, ʋ yɩrɩŋ nɛ La TƖƖNA.

MOSIS KƐŊ IZIRAL TƖŊŊAA LƖƖ 6:3

Mɩ kɛŋ mɩ tɩtɩa dagɛ Abɩraham, Aɩzɩk arɩ Jekɔb arɩ mɩ nɛ Wɩa doluŋ kala Tɩɩna, ama mɩ bɩ leŋe ba jɩŋ arɩ mɩ yɩrɩŋ nɛ ‘ma TƖƖNA.’

AZAAYA 43:3

Mɩ nɛ ma TƖƖNA, ma Laataara, ma Iziral tɩŋŋaa Wɩa sɩ bɩ disiniŋ kɛnɛ. Mɩ jaŋ joŋ Ijipiti tɩŋŋaa arɩ tasɩ-la ba sɩɩ yɩrɛ Kus arɩ Sɛba, time laama ta.

JƐRƖMAAYA 33:2

Wɩɩ-la La TƖƖNA nɛ sɩ ŋaa dʋnɩa, ʋ nɛ sɩ mɛʋ a leŋ ʋ chɩŋ woruŋ, ʋ yɩrɩŋ ŋaa La TƖƖNA sɩ bʋla nɛ ŋ-la:

ƐZƖKƖƐL 24:24

Ɛzɩkɩɛl-na ŋaa magɩl nɛ a chɩchagɩlɛma, ma ma jaŋ ŋaa wɩalɩŋ tɩtɩa ʋ sɩ ŋaa. Dɩ wɩɩŋ deeŋ nɛ ŋaa, ŋɩɩ nɛ ma jaŋ jɩŋ arɩ mɩ nɛ ma TƖƖNA Wɩɩjarɩbakɔ.’

ƐZƖKƖƐL 24:27

Bʋa-la lɛ nɛ ŋ jaŋ wuo suri ŋ niiŋ bʋl wɩaa ʋ teeŋ, ŋ niiŋ bɩra bɩ jaŋ tɔ. Ŋ jaŋ ŋaa magɩl nɩaa teeŋ a chɩchagɩlɛba, dɩ ba jɩŋ arɩ mɩ nɛ ba TƖƖNA.”

ƐZƖKƖƐL 25:14

Mɩ jaŋ leŋ dɩ mɩ nɩaa Iziral tɩŋŋaa ŋaa wɩaa tiŋ chɩmɩŋ Ɛdɔm tɩŋŋaa lɛ a pɩmɛ. Ba jaŋ kɛŋ mɩ baanɩŋ a ŋaa wɩaa Ɛdɔm tɩŋŋaa lɛ. Ɛdɔm tɩmma-la jaŋ jɩŋ ŋɩɩ mɩ baanɩŋ sɩ naga. Mɩ-na ma TƖƖNA Wɩɩjarɩbakɔ nɛ bʋla.”

ƐZƖKƖƐL 6:7

Ba jaŋ kpʋ ma nɩaa dɩ ba sʋʋ pɩŋ lee-kala. Ŋɩɩ nɛ ma jaŋ jɩŋ arɩ mɩ nɛ ma TƖƖNA.

AMƆS 5:8

La TƖƖNA nɛ ŋaa chɛnwʋlaa a leŋ ba chɩŋ ba dɩchɩnaa, ʋ nɛ kɛŋ birimiŋ a bɩrɩmɛ pʋlʋmʋŋ, a bɩra kɛŋ pʋlʋmʋŋ ma a bɩrɩmɛ birimiŋ. Ʋ nɛ yie leŋ mʋgʋ-balɩŋ lɩɩŋ bɩrɩmɛ duonuŋ a nɩɩ hɛ tinteeŋ lɛ. Ʋ yɩrɩŋ nɛ La TƖƖNA.