JƐRƖMAAYA 16:19 - WƖA TENIŊ

¹⁹ La TƖƖNA, mɩ doluŋ arɩ mɩ dɩ-duoŋ, ŋ nɛ mɩ yie yuori dɩ hɛɛŋ nɛ jʋʋmɛ. Tinteyee nɩaa jaŋ kɔ ŋ teeŋ, a lɩɩ dʋnɩa sɛmɛ na-kala a bʋl, La naabalɩmaba bɩ kʋŋkala kɛnɛ see vesiŋ sɩ bɩ wʋtɩtɩɩ kɛnɛ, tɔŋŋɔɔ sɩ ŋaa kʋpɛɩba a bɩ wʋzɔŋ kala ŋaa pɩba.

JƐRƖMAAYA 16:19 ပူးပေါင်းရင်းမြစ်များ

1 KUOROO 20:23

Bʋa-la lɛ dɩ Siiria kuoro tɩntɩnnɩ-hɩasɩŋ bʋla pʋ, “Iziral tɩŋŋaa vesiŋ ŋaa peelee nyuŋ vesi nɛ. Ŋɩɩ nɛ tɩɩ ba wuola ŋɩɩ. Ama dɩ la nɛ yuoba tintee-taala lɛ, la jaŋ wuoba.

WƖA YƖƖLAA 18:3

Mɩɩ dɛnnɩŋ La Tɩɩna, mɩ sʋla yɩrɩŋ nɛ, ŋ laamɛ ta mɩ dʋndɔŋŋɔɔ nɩsɩŋ lɛ.

WƖA YƖƖLAA 19:14

Leŋ dɩ mɩ tʋɔbɩɩnaa arɩ mɩ niiŋ wʋbʋlaa tʋtɔrɛ ŋ tʋɔŋ. La Tɩɩna, ŋ nɛ kɛŋ doluŋ a nagɛ bʋŋ a laamɛ tɩta.

WƖA YƖƖLAA 27:5

Dɩ wɩaa nɛ jʋʋmɛ tapʋlɩɩ dɔŋ, ŋ jaŋ pɔmɛ. Ŋ jaŋ kɛmmɛ faa ŋ lɛbɩŋ tʋɔŋ, a jommi sagɛ bʋŋ nyuŋ.

WƖA YƖƖLAA 46:1

Wɩa nɛ ŋaa la dɩɩ-duoŋ arɩ la doluŋ. Ʋ kɛŋ ʋ tɩtɩa hɛ dɔŋɔ nɛ dɩ ʋ pɛ la lɛ bʋa na-kala dɩ wɩaa nɛ jʋʋla.

WƖA YƖƖLAA 46:11

La Tɩɩna doluŋ kala Tɩɩna hɛ la teeŋ nɛ, Jekɔb Wɩa nɛ la dɩ-duoŋ.

WƖA YƖƖLAA 46:7

La Tɩɩna doluŋ kala Tɩɩna hɛ la teeŋ nɛ. Jekɔb Wɩa nɛ la dɩ-duoŋ.

WƖA YƖƖLAA 62:2

Ʋ dʋndʋŋa nɛ mɩ dɩ-duoŋ sɩ nagɛ bʋŋ arɩ mɩ Laataara. Wɩɩkala bɩ jaŋ wuo jigisimi.

WƖA YƖƖLAA 62:7

Wɩa nɛ laamɛ ta, a leŋ mɩ kɛŋ yɩrɩŋ. Ʋ nɛ ŋaa mɩ dɩ-duoŋ sɩ nagɛ bʋŋ, mɩ yie yuori.

WƖA YƖƖLAA 65:3

La wʋbɔŋŋɔɔ fa sɩ nyagɛla bil, ŋ joŋo chɛla nɛ.

WƖA YƖƖLAA 68:31

Ijipiti tɩŋŋaa arɩ Kus tɩŋŋaa sɩpaalaaraa jaŋ kɔ a dɛnnɛ Wɩa.

WƖA YƖƖLAA 86:9

Ŋ nɛ ta tinteyee nɩaa kala, La Tɩɩna, ba jaŋ kʋ kpirimi ŋ sɩpaaŋ a dɛnnɩŋ, ba jaŋ yɩrɛ ŋ yɩrɩ-balɩŋ.

NAMAGABA 18:10

La Tɩɩna yɩrɩŋ kɛŋ doluŋ a nagɛ dɩɩ-leŋiŋ nɛ, tʋɔpʋl tɩŋŋaa yie fá jʋʋ faa nɩmɛ, wɩɩkala bɩ ba lɛ ŋaa.

AZAAYA 25:4

Summoo arɩ nɩalɩŋ kala sɩ bɩ lee kɛnɛ yie fá kʋ yuori ŋ nɛ, ŋ nɛ ba yie kʋ yuori, ba wʋwalɩmaa dɛrɛ. Dɩ pel-duo nɩɩ kɔ, ŋ nɛ yie chu tɔba, dɩ wɩa nɩɩ kpʋba, ŋ nɛ yie tɔ fɩɛlɩŋ hɛ ba lɛ. Nɩbɔmɔ-la wʋŋaalaa nagɛ pel-duoŋ sɩ luo aa yagɛ jeeŋ nɛ,

AZAAYA 32:2

Ba kʋŋkala jaŋ nagɛ kʋŋ sɩɩ kɛrɛ peliŋ a bɩra ŋaa lee, dɩ peliŋ nɩɩ lu ŋ sɩ jaŋ wuo fá mʋ a faa. Ba jaŋ nagɛ fuoŋ sɩ pɩŋ tintee-hɩlɩŋ lɛ, a bɩra nagɛ bʋŋ sɩ keese tɔ nɩaa lɛ tintee-la lɛ lɩɩnyʋasʋŋ sɩ faasa hɛ.

AZAAYA 44:10

Bɛɛ nɛ tɩɩ nɩa jaŋ mɛ tɔmʋŋ aŋ jɩŋ dɩ tɔŋ-la bɩ jaŋ wuo ŋaa wɩɩkala?

AZAAYA 44:20

Ɛɛ nɛ nɩa yaara magɛ, a sii joŋ ʋ yɩɛlaa hɛ kʋŋ sɩ jaŋ wuo dii a bɩrɩmɛ tʋɔrʋŋ lɛ? Nʋʋkala bɩ jaŋ wuo to ŋ-la a laa ʋ tɩtɩa ta. Ba bɩ jaŋ wuo jɩma pɩ ba tɩtɩa arɩ kʋ-la ba sɩ koro bɩ wʋtɩtɩɩ kɛnɛ.

AZAAYA 45:14

Wɩɩ-la La TƖƖNA sɩ bʋla pɩ Iziral tɩŋŋaa nɛ ŋ-la: “Ijipiti tɩŋŋaa arɩ Kus tɩŋŋaa bayal kɩaa jaŋ ŋaa ma kɩaa. Sɛba tɩŋŋaa bawayiile-la kala jaŋ ŋaa ma yosi. Ma jaŋ hɛba chɔrʋmɔɔ, dɩ baa to ma harɩŋ. Ba jaŋ kpirimi ma sɩpaaŋ a suri ba niiŋ bʋl, ‘Wɩa sɩ chɩŋ ma harɩŋ nɛ sɛnɛ ŋaa Wɩa, kʋŋ dɔŋ tuo.’ ”

AZAAYA 49:6

La TƖƖNA bɩra sɩ, “Ŋ bɩ jaŋ ŋaa mɩ tɩntɩnnʋ, a kɛŋ Iziral doho doho-la dʋndʋŋ mɩɩra kɔ mɩ teeŋ Jekɔb doho nɩkaana-la sɩ bɩ sʋba, ama mɩ ha jaŋ leŋ dɩ ŋ nɛ ŋaa nɩalɩŋ sɩ bɩ Juu tɩŋŋaa ŋaa ma pʋlʋmʋŋ, dɩ mɩ laatanɩŋ wuo yi dʋnɩa sɛmɛ na-kala.”

AZAAYA 62:2

Tinteyee nɩaa jaŋ na ŋ tʋɔpʋla-la, dɩ ba kuoroo ma kala na ŋ tʋla. Ba jaŋ hɛ yɩrɩ-falɩŋ pɩŋ. La TƖƖNA nɛ jaŋ hɛ yɩrɩ-la pɩŋ.

JƐRƖMAAYA 10:3

Nɩalɩŋ naabarɩŋ bɩ bʋbʋɔ kɛnɛ. Ba yie keri tɩa nɛ duuŋ lɛ, saara kɛŋ ʋ saaŋ saa daa-la a kaa bɩrɩmɛ vʋɩŋ.

JƐRƖMAAYA 10:5

Ba vʋɩya-la nagɛ ba sɩ ŋaa kʋa bil baga lɛ nɛ dɩ ʋ nyɩnyɩsɛ diiree. Ba bɩ wɩaa wuo bʋl, ba yie jomba chʋŋ nɛ, bɛɛ wɩaa ba bɩ wuo vɛŋ. Má sɩ́ ba fá, ba bɩ wʋbɔŋ wuo ŋaa ma lɛ, a bɩ wʋzɔŋ ma wuo ma lɛ.”

JƐRƖMAAYA 12:16

Dɩ tintee-la nɩalɩŋ nɛ gʋnnɛ mɩ nɩaa wombiee woruŋ, a kɛŋ mɩ yɩrɩŋ tɩtɩŋ, a bʋbʋl, ‘La ŋmɩɛsɛ La TƖƖNA sɩ weye,’ arɩ ba fa sɩ leŋe mɩ nɩaa ŋmɩŋmɩɛsɛ vene-la ba sɩɩ yɩrɛ Baal yɩrɩŋ lɛ ŋɩɩ, ŋɩɩ-na ba jaŋ hɔŋ mɩ nɩaa tʋɔŋ.

JƐRƖMAAYA 14:8

Ŋ nɛ la Iziral tɩŋŋaa yɩyɩɛlɛ, ŋ nɛ la Laataara, a lɩlɩɩsɛla la wʋjʋʋlaa lɛ. Bɛɛ nɛ tɩɩ ŋ nagɛ nʋhʋɔrʋ tintee-la lɛ a nagɛ wombii-vɛnnʋ sɩ mʋ chʋa leriŋ tapʋl bala?

JƐRƖMAAYA 17:17

Sɩ́ leŋe dɩ fawʋllʋŋ kɛmmɛ kɩŋkɛŋ. Ŋ nɛ mɩɩ yuori bʋa na-kala dɩ wʋlɔrʋŋ nɛ jʋʋmɛ.

JƐRƖMAAYA 2:11

Tintee-kala nɩaa tuo a vɩa ba vesiŋ aŋ mɩɩra tuto veŋ-wogo. (Ba vesi-la ŋaa kʋpɛɩ ma nɛ.) Ama mɩ nɩaa-na joŋ yɩrɩ-zɔŋ-la mɩ sɩ laa pɩba, a mɩɩra pɩ vʋɩyaa sɩ ŋaa kʋpɛɩba nɛ.

JƐRƖMAAYA 2:8

Wɩɩsʋllɩ sɩpaalaaraa bɩ pɩɛsaa chɛmɛ, a bʋl, ‘Nɩɩ nɛ La TƖƖNA hɛ?’ Nɩalɩŋ sɩ maga dɩ ba dagɛ nɩaa wombii-la mɩ sɩ bile dɩ ba tuto, bɩ mɩ jɩŋ. Sɩpaalaaraa ma vɩa mɩ niiŋ nɛ. Mɩ wʋlaabʋllaa ma mɩɩra bʋbʋl wɩaa vene-la ba sɩɩ yɩrɛ Baal yɩrɩŋ lɛ, aa to vʋɩyaa sɩ ŋaa kʋpɛɩba.

JƐRƖMAAYA 3:23

Goŋ-la kala la sɩɩ ŋaa dundolluŋ nyuŋ arɩ peelee nyuŋ a kpʋkpaarɛ vʋɩyaa, laa nyɩsɛ la tɩtɩa nɛ. La TƖƖNA Wɩa dʋndʋŋa nɛ jaŋ wuo laa Iziral ta.

JƐRƖMAAYA 33:9

Ŋɩɩ nɛ tabalɩŋ deeŋ jaŋ laa yɩrɩŋ pɩmɛ dɩ mɩ tʋɔŋ tɔrɛ, dɩ nɩaa dɩdɛnnɛmɛ a zizilmi dʋnɩa tinteye-la kala nɩaa sɩ nɩɩ wʋzɔmɔ-la mɩ sɩ ŋaa pʋ sɩpaaŋ. Fawʋllʋŋ jaŋ kɛmba dɩ ba chichel a tɩŋ dʋa bal-la arɩ fɩɛl-la mɩ sɩ pʋ wɩaa.”

JƐRƖMAAYA 4:2

aŋ kɛŋ wʋtɩtɩɩ, a ŋɩŋaa wɩaa ba bʋa lɛ arɩ tʋɔpʋla a ŋmɩɛsɛ mɩ-na ma TƖƖNA sɩ weye, ŋɩɩ na, tinteyee nɩaa jaŋ chɩchɛ dɩ mɩ pɛ ba ma lɛ, dɩ nɩaa kala jʋjʋɔsɛ mɩ teeŋ.”

ƐZƖKƖƐL 11:16

Ŋɩɩ wɩaa, bʋla pɩ nɩalɩŋ sɩ hɛ yoŋ-baga lɛ, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ nɛ fa leŋe ba mʋ tintee-wogusuŋ a kɛmba pɩsa hɛ tinteyee sɩ bolie lɛ, ama mɩ hɛ ba teeŋ nɛ a pɔba tinteye-la kala lɛ ba sɩ mʋa.’

JOWƐL 3:16

La TƖƖNA jaŋ chaŋ Zaayɔŋ lɛ, a hɛ Jerusalɛm lɛ aŋ kpɩa goŋ. Tinteeŋ arɩ wɩa-nyuŋ jaŋ jigisi. Ama La TƖƖNA jaŋ tɔ hɛ ʋ nɩaa lɛ, ʋ jaŋ ŋaa dɩ-duo a pɩ Iziral tɩŋŋaa.

AMƆS 2:4

Wɩɩ-la La Tɩɩna sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Juda nɩaa a tɩŋ ba wʋbɔŋ dandaŋ-la wɩaa. Ba vɩa wɩalɩŋ mɩ-na ba TƖƖNA sɩ dagɛba nɛ, ba bɩ mɩ niiŋ sɛyɛ. Ba leŋe wʋnyɩɛrɩ vesi-la ba naabalɩmaba fa sɩɩ kpaarʋ kɛmba yeŋŋi nɛ.

NAHUM 1:7

La TƖƖNA wɩaa zɔmɔ, ʋ nɛ nɩaa yie mʋ yuori dɩ wɩaa nɛ jʋʋba. Ʋʋ beŋ nɩalɩŋ kala sɩ laaʋ dii nyuŋ nɛ,

HABAKU 3:19

La TƖƖNA Wɩɩjarɩbakɔ nɛ ŋaa mɩ doluŋ, ʋ nɛ leŋe mɩ naachɛɛŋ lɩŋ a nagɛ aamɩŋ kʋa. Ʋ nɛ pɛ mɩ lɛ mɩ wuo jɩjɩl peelee. Yɩɩl-la ba sɩ yɩɩ pɩ gɔgʋ-hɩaŋ nɛ ŋɩɩ.

ZƐKARƖYA 2:11

Tinteyee jaŋ yʋgɛ dɩ ba nɩaa kɔ La TƖƖNA teeŋ bʋa-la lɛ, a ŋaa ʋ nɩaa. Mɩ jaŋ hɛ ma tʋɔŋ, dɩ ma jɩŋ arɩ La TƖƖNA doluŋ kala Tɩɩna nɛ tɩmmɛ ma teeŋ.

MALAKAƖ 1:11

Tinteyee nɩaa jaŋ zilmi a chɩŋ wɩɩpɔsʋŋ a kaa mʋ wɩɩjʋʋlʋŋ. Lee na-kala ba jaŋ nyɩgɛ kʋsʋɔrʋsʋŋ aŋ kpʋ pʋsʋŋ a ŋaa Wɩɩsʋlɩɩ-la sɩ maga a pɩmɛ. Tinteyee nɩaa kala jaŋ yɩrɛ mɩ yɩrɩŋ. Mɩ-na ma TƖƖNA doluŋ kala Tɩɩna nɛ bʋla.

Rom Tɩŋŋaa 1:25

Wʋtɩtɩɩ-la ba sɩ jɩma a tɩgɛ Wɩa lɛ, ba joŋu lenni wʋnyɩɛrɩŋ, a mɩɩra chʋchʋɔlɛ kɩalɩŋ ʋ sɩ ŋaa, aŋ vɩa dɩ ba chʋchʋɔlɛ Nɩɩ-la sɩ ŋaaba. Ʋ maga dɩ la dɛnnʋ a kaa mʋ wuu. Amɩɩ.

1 Pɩɩta 1:18

Ma kala jɩma arɩ Yesu Kirisito tiŋ ma chɩmɩŋ nɛ, a lɩɩsɛma wʋpɛɩba-la ma naabalɩmaba fa sɩ joŋo dagɛma, ma ŋɩŋaa lɛ. Ʋ bɩ naga arɩ kɩalɩŋ sɩɩ chei a nagɛ sɛlɩmɛ koo hɔɔ-pʋla nɛ ʋ joŋo time laama.

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”