JƐRƖMAAYA 16:18 - WƖA TENIŊ

¹⁸ Mɩ jaŋ timba naansɩɩŋ bʋlɩa a tɩŋ ba wʋbɔŋŋɔɔ arɩ ba wʋcheelee wɩaa, bɛɛ wɩaa ba ŋaa disiniŋ hɛ mɩ tinteeŋ lɛ nɛ arɩ ba tɔmɔ-la sɩ bɩ wei, a leŋ mɩ tinteeŋ su arɩ ba tɔmɔ-la mɩ sɩɩ kɩsʋ.”

JƐRƖMAAYA 16:18 ပူးပေါင်းရင်းမြစ်များ

WƖA YƖƖLAA 106:38

Ba kpʋ nɩalɩŋ sɩ bɩ wɩɩ cheye, ba hambolibiisiŋ arɩ ba toloo. Ba kɛsɛba kpʋ nɛ a kpaarɛ Kɛnaŋ tɩŋŋaa tɔŋŋɔɔ, ba chalɩŋ leŋ tintee-la kɛŋ disiniŋ.

AZAAYA 24:5

Dʋnɩa nɩaa ŋaa tinteeŋ kɛŋ disiniŋ nɛ. Ba chei La TƖƖNA wombie-la ʋ sɩ bile dɩ la tuto nɛ a vɩa wɩalɩŋ ʋ sɩ daga, aŋ ŋaa wɩaa chei nii-la fa sɩ maga ʋ hɛ ʋ dɩ ba pɛgɛ a kaa mʋ wuu.

AZAAYA 40:2

Má fɩɛla bʋl wɩaa pɩ Jerusalɛm nɩaa dɩ ba tʋɔŋ pɩŋ dɩ-bala, arɩ hɛɛ-la ba fa sɩɩ na dɛrɛ nɛ. La TƖƖNA leŋe ba tiŋ ba wʋbɔŋŋɔɔ chɩmɩŋ kala nɛ, ʋ dɔgɩsɛba naansɩɩŋ bʋlɩa nɛ a tɩŋ ba wʋbɔmɔ-la wɩaa.

AZAAYA 61:7

Mɩ nɩaa sɩ dii hɩɩsɩŋ ŋɩɩ, ba jaŋ nɩɩ sɩma kɩɩ ŋɩɩ bʋlɩa bʋlɩa ba tinteeŋ lɛ. Ba sɩ jolimiba ŋɩɩ, ba kpaalɩŋ jaŋ ŋaa bʋlɩa tintee-la lɛ dɩ ba kɛŋ tʋɔtɔrʋŋ a kaa mʋ wuu.

AZAAYA 65:6

Mɩ paala kɛŋ wɩalɩŋ mɩ sɩ jaŋ joŋo ŋaa ba lɛ hɛ dɔŋɔ nɛ a bil, mɩ bɩ jaŋ joŋo chɛba, mɩ jaŋ dɔgɩsɛba a magɛ ŋɩɩ sɩ maga.

AZAAYA 65:7

Mɩ jaŋ dɔgɩsɛba a tɩŋ ma naabalɩmaba arɩ ma tɩtɩa wʋbɔŋŋɔɔ kala wɩaa. Mɩ-na ma TƖƖNA nɛ bʋla. Ba nyɩgɛ kʋsʋɔrʋsʋŋ nɛ peelee arɩ dundolluŋ kala nyuŋ a jolimimi. Mɩ jaŋ dɔgɩsɛba a magɛ ba faafaa wʋbɔmɔ-la ba fa sɩ ŋaa cheimi.”

JƐRƖMAAYA 17:18

Leŋ dɩ nɩalɩŋ sɩ to naasɩŋ dɔgɩsɛmɛ dii hɩɩsɩŋ, ama lɩɩsɛ mɩ-na hɩɩsɩŋ lɛ. Leŋ dɩ fawʋllʋŋ kɛmba, ama lɩɩsɛ mɩ-na wɩalɩŋ sɩ kɛŋ fawʋllʋŋ lɛ. Leŋ dɩ wʋlɔrʋŋ kʋ jʋʋba. Cheiba naansɩɩŋ bʋlɩa.

JƐRƖMAAYA 2:7

Mɩ kɛmma kaa kʋ jʋʋ tinteeŋ sɩ sɩma nɛ, dɩ ma dii ʋ kɩaa arɩ kʋzɔŋ na-kala sɩ hɛ ʋ lɛ a nɩɩ sɩma. Ama ma kʋ jʋʋ nɛ a ŋaa disiniŋ hɛ mɩ tintee-la mɩ sɩ joŋo pɩma lɛ, a leŋ mɩ dɩ-tɩɩlɩŋ nagɛ kʋŋ mɩ sɩɩ kɩsʋ.

JƐRƖMAAYA 3:9

Iziral tɩŋŋaa fa sɩ bɩ wʋchɔrʋmɔɔ ŋaanɩŋ joŋo dɩ ʋ ŋaa wʋbɔŋ ŋɩɩ, ba kpʋkpaarɛ tabɩaa arɩ tɩɩsɩŋ a ŋaa disiniŋ a hɛ tintee-la lɛ.

JƐRƖMAAYA 44:4

Mɩ tɩŋ mɩ wʋlaabʋllaa nɛ ba teeŋ bʋlɩa bʋlɩa, ba bʋla pɩba, ‘Má sɩ́ wʋkɩsɩa-la mɩ sɩ bɛrɛ ŋaa.’

JƐRƖMAAYA 7:30

La TƖƖNA bʋla, “Juda nɩaa ŋaa wʋbɔŋŋɔɔ nɛ mɩ sɩɩŋ lɛ. Ba joŋ ba vʋɩyaa mɩ sɩɩ kɩsʋ nɛ a bil mɩ dɩɩ-bal-la mɩ yɩrɩŋ sɩ hɛ lɛ, a ŋaa ʋ kɛŋ disiniŋ.

ƐZƖKƖƐL 11:18

Dɩ ba nɛ mɩɩra kɔ, ba jaŋ chei tɔŋŋɔɔ sɩ ŋaa disiŋ kɩaa arɩ vesiŋ mɩ sɩɩ kɩsʋ kala sɩ hɛ tintee-la lɛ.

ƐZƖKƖƐL 11:21

Ama nɩalɩŋ sɩɩ to tɔŋŋɔɔ sɩ ŋaa disiŋ kɩa arɩ vesiŋ mɩ sɩɩ kɩsʋ, mɩ jaŋ dɔgɩsɛba a tɩŋ wɩalɩŋ ba sɩ ŋaa wɩaa. Mɩ-na ma TƖƖNA Wɩɩjarɩbakɔ nɛ bʋla.”

ƐZƖKƖƐL 36:18

Ŋɩɩ nɛ mɩ na baanɩŋ ba nyuŋ a dɔgɩsɛba a tɩŋ ba sɩ kpʋ nɩaa tintee-la lɛ, aŋ pɛ kpaarɛ tɔŋŋɔɔ a ŋaa disiniŋ hɛ tintee-la lɛ.

ƐZƖKƖƐL 5:11

Ŋɩɩ wɩaa, mɩ-na ŋ TƖƖNA Wɩɩjarɩbakɔ ŋmɩɛsa nɛ, a tɩŋ ŋ sɩ ŋaa wʋkɩsɩa-la a kɛŋ tɔŋŋɔɔ sɩ ŋaa disiŋ kɩa kʋ jʋʋ mɩ dɩa a leŋ ʋ kɛŋ disiniŋ, mɩ jaŋ lɩɩsɛ mɩ nɩsɩŋ ŋ lɛ, mɩ bɩ jaŋ fá ŋ nenige, mɩ jaŋ dɔgʋsʋŋ.

HOSIA 9:7

Bʋa-la lɛ Wɩa sɩ jaŋ dɔgɩsɛ Iziral tɩŋŋaa ka kɔ nɛ, tapʋlɩɩ-la ba sɩ jaŋ na hɛɛŋ kpaga nɛ. Ma Iziral tɩŋŋaa jɩŋ wɩɩŋ deeŋ nɛ. Ma wʋbɔŋŋɔɔ yʋga nɛ kɩŋkɛŋ, ma chaasa tɛrɛ nɛ woruŋ, a joŋ Wɩa wʋlaabʋlla arɩ ʋ ŋaa nɩyaarɩ nɛ, nɩɩ-la Wɩa dɩma-la sɩ hɛ ʋ lɛ arɩ ʋ ŋaa nyɩnyɛ tɩɩna nɛ.

LEVI DOHO NƖAA 26:30

Mɩ jaŋ chei ma vʋɩ-kpaarɛ leree arɩ korunu-la nyuŋ ma sɩɩ nyɩgɛ ma kʋsʋɔrʋsʋŋ, aŋ kpʋma a paa ma kʋsʋʋnʋŋ daŋ dɔŋɔ lɛ ma tɔmɔ-la mɩ sɩ cheye nyuŋ, aŋ vɩama ta.

MƖKA 2:10

Má sii viiri, daha tuo ma dɩ-wiesii. Ma wʋŋaalaa leŋe ʋ kɛŋ disiniŋ nɛ, ʋ cheye nɛ, nʋʋ bɩra bɩ jaŋ wuo wasʋ.

Jɔɔŋ Wʋnaalaa 18:6

Wɩalɩŋ ba sɩ ŋaa ma lɛ, má ma joŋo ŋaa ba lɛ, a tiŋ ma chɩmɩŋ naansɩɩŋ bʋlɩa. Gbaŋa-la ba sɩ kaa ŋaa sɩnɩŋ pɩma ma nyʋa, má ma kɛŋ ʋ tɩtɩa a ŋaa sɩnɩŋ naansɩɩŋ bʋlɩa pɩba dɩ ba nyʋa.