JƐRƖMAAYA 16:16 - WƖA TENIŊ

¹⁶ Ama lɛɛlɛ, mɩ-na ma TƖƖNA jaŋ tɩma yɩrɛ nɩ-daŋ dɩ ba kʋ kɛsɛ nɩaa deemba a nagɛ chenfil-kpʋʋra sɩɩ kɛsɛ chenfilee. Ʋ ŋɩɩ harɩŋ lɛ, mɩ jaŋ tɩma yɩrɛ nambagɩlaa ma a yʋgɛ, dɩ ba kʋ bagɩla kɛsɛba peelee arɩ dundolluŋ nyuŋ arɩ bʋ-pɛgɩsɩŋ lɛ.

JƐRƖMAAYA 16:16 ပူးပေါင်းရင်းမြစ်များ

WƖAA DƖ-SUOMUŊ 10:9

Ʋ fa ŋaa nambagɩl-duo nɛ La TƖƖNA doluŋ lɛ. A lɩɩ ŋɩɩ harɩŋ, dɩ nʋʋ nɛ bagɩlɛ woruŋ, ba yie kɛnʋ mɩmagɩsɛ Nɩmɩrɔd a bʋl ʋ nagɛ Nɩmɩrɔd.

AZAAYA 2:21

Tapʋlɩɩ-la La TƖƖNA sɩ jaŋ kɛŋ tinteeŋ jigisi, fawʋllʋŋ jaŋ kɛŋ nɩaa dɩ ba fá jʋʋ bʋ-bʋɔsʋŋ arɩ bʋ-pɛgɩsɩŋ a faa, a tɩŋ La TƖƖNA tʋla arɩ ʋ doluŋ wɩaa.

AZAAYA 7:19

Ba jaŋ kʋ jʋʋ su ma fuonaasɩ-la kala sɩ luŋie arɩ bʋ-pɛgɩsɩŋ arɩ lere-la kala sɩ kɛŋ sɔsʋŋ arɩ lere-la sɩ kɛŋ lɩɩŋ.

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 4:29

Dɩ ja-jɩllaa arɩ to-yuoroo nɛ kpɩa, taŋ kala nɩaa yie giŋ nɛ a fá lɩlɛl. Dɔnsʋŋ jʋʋ tɩɩ-lugunuŋ tʋɔŋ, ka dɔnsʋŋ ma fá jɩla jʋʋ bʋ-gɩraa tʋɔŋ. Ba yie fá vɩa tasɩ-la kala nɛ, nʋʋkala tuo ba lɛ.

JƐRƖMAAYA 49:5

Mɩ jaŋ leŋ dɩ nɩalɩŋ sɩ hɔnɔ gollima fawʋllʋŋ kɛmma. Mɩ-na ma TƖƖNA doluŋ kala Tɩɩna nɛ bʋla. Ba jaŋ kiri ma kala ta. Nʋʋkala bɩ jaŋ kɛŋ nɩalɩŋ sɩ fa pɩsɛ kʋ hɛ dɔŋɔ.

JƐRƖMAAYA 6:9

Wɩɩ-la La TƖƖNA doluŋ kala Tɩɩna bɩra sɩ bʋla nɛ ŋ-la: “Ba jaŋ tiire kpʋ Iziral nɩkaana-la, dɩ ba kala lɛl gbelem gbelem a nagɛ ba sɩ tɔrɛ girep nɛnɛɛ aŋ bɩra mʋ kuuni.”

JEMBIEE 4:18

Nɩaa ka densi la nɛ, la bɩra bɩ la womporunuŋ lɛ wuo vɛŋ. La dɩdɛrɩŋ kpaga nɛ, la tapʋlaa dɛrɛ nɛ, la dɛrɩŋ yie nɛ.

JEMBIEE 4:19

Nɩalɩŋ sɩ kiree to la harɩŋ naachɛɛŋ lɩma a kɩɩ kachuuŋ sɩɩ fil. Ba kirila baarɛ peelee nyuŋ nɛ, a faa gbɛrɛla tintee-hɩlɩŋ lɛ.

HOSIA 10:10

Bʋa-la lɛ mɩ sɩ cho, mɩ jaŋ dɔgɩsɛba, mɩ jaŋ leŋ dɩ tinteyee nɩaa sii hɛ dɔŋɔ a kɔ ba lɛ, a kɛsɛba a dɔgɩsɛba a tɩŋ ba sɩɩ ŋaa wʋbɔŋŋɔɔ bʋlɩa bʋlɩa.

AMƆS 4:2

Mɩ-na ma Tɩɩna Wɩɩjarɩbakɔ ŋmɩɛsa nɛ mɩ yɩrɩ zɔmʋŋ lɛ: Bʋa kʋbala jaŋ yi dɩ ba kɛŋ gbɩamba kɛsɛma a nagɛ ba sɩ yie kɛŋ chenfilee ŋɩɩ.

AMƆS 5:19

Ʋ jaŋ nagɛ nʋʋ sɩ fá kagɛ naachigiŋ lɛ a mɩɩra mʋ jʋʋ lʋgʋmʋŋ niiŋ, koo a nagɛ nʋʋ sɩ jʋʋ dɩa a joŋ ʋ nɩsɩŋ tɩgɛ jeeŋ, dɩmɩŋ kaa dɩŋ nɛ.

MƖKA 7:2

Nɩalɩŋ sɩɩ fá Wɩa tintee-la lɛ lɛlɛ nɛ, nʋʋkala tuo a ŋɩŋaa wɩaa ba bʋa lɛ. Nʋʋkala hu a gbɩgbɛrɛ nɩaa nɛ dɩ ʋ kpʋ. Nʋʋkala ka bagɩlɛ ʋ naambie nɛ.

ZEFANAAYA 1:12

Tapʋlɩɩ-la mɩ jaŋ nyɩgɛ chaanɩŋ a gbilli Jerusalɛm a dɔgɩsɛ nɩalɩŋ sɩ bɩ sɩɩfɩɛsɩŋ kɛnɛ, nɩalɩŋ sɩ nagɛ sɩnɩŋ ba sɩ nyʋa aŋ ka bʋbʋɔŋ, nɩalɩŋ sɩ bɩɩna mɩ-na ba TƖƖNA bɩ jaŋ ŋaa ba wɩɩkala, wʋzɔŋ koo wʋbɔŋ.

1 SAMƲƐL 24:11

Mɩ nyɩmma, beŋ mɩ nɩsɩŋ lɛ a na gɛrɩ-kɔsʋ-bie-la mɩ sɩ koro. Ŋ gɛrɩŋ niipiniŋ nɛ ŋɩɩ mɩ keri, aŋ bɩŋ kpʋa. Lɛɛlɛ jɩŋ woruŋ arɩ mɩ bɩ wʋbɔŋ ŋaa cheyiŋ koo a vɩa ŋ niiŋ. Mɩ bɩ wʋbɔŋ ma joŋo ŋaa ŋ lɛ, ka ŋ bagɩla chɩchɛmɛ dɩ ŋ kpʋ.

1 SAMƲƐL 26:20

Sɩ́ leŋe dɩ ba kpʋmɛ ta tintee-la sɩ bɩ la TƖƖNA kʋŋ ŋaa lɛ. Mɩ-na teeŋ mɩ ŋaa kʋpɛɩ nɛ, a nagɛ buguluŋ ka Iziral kuoro bɩbagɩlɛ dɩ ʋ kpʋmɛ, a nagɛ nɩa sɩɩ bagɩlɛ yoho peelee tʋɔŋ.”