JƐRƖMAAYA 16:13 - WƖA TENIŊ

¹³ Ŋɩɩ wɩaa, mɩ jaŋ lɩɩsɛma tinteeŋ deeŋ lɛ a kaa mʋ tintee dɔŋ, ma-na koo ma naabalɩmaba sɩ bɩ jɩŋ. Nɩmɛ nɛ, ma jaŋ tuto vesiŋ wɩɩhɛyɛ arɩ tɩtaŋɩŋ kala. Mɩ bɩ jaŋ kɔ dɩ mɩ fá ma nenige.”

JƐRƖMAAYA 16:13 ပူးပေါင်းရင်းမြစ်များ

2 KUOROO 25:21

Rɩbɩla tinteeŋ lee-la ba sɩɩ yɩrɛ Hamaf lɛ nɛ kuoro leŋ ba kpʋba. Ŋɩɩ nɛ Juda nɩaa mʋ yoŋ-baga a kagɛ ba tinteeŋ lɛ.

2 IZIRAL TƖŊŊAA NAABARƖŊ 7:20

ŋɩɩ-na, mɩ jaŋ kiri ma Iziral tɩŋŋaa ta tintee-la mɩ sɩ joŋo pɩma lɛ, aŋ vɩa mɩ dɩɩ-balɩŋ deeŋ mɩ sɩ lɩɩsa ʋ ŋaa mɩ kʋŋ dɩ ba zizilmi nɩmɛ a ta. Mɩ jaŋ leŋ dɩ ʋ ŋaa kʋtɔɔ, dɩ nɩaa mʋmɔŋ.

WƖA YƖƖLAA 81:12

Ŋɩɩ nɛ tɩɩ mɩ lemba ta ba ŋɩŋaa ba nyu-duo wɩaa, a tuto ba tʋɔbɩɩnaa harɩŋ.

JƐRƖMAAYA 10:18

Wɩɩ-la La TƖƖNA sɩ bʋla nɛ ŋ-la: “Bʋa deeŋ lɛ, mɩ jaŋ joŋ nɩalɩŋ sɩ hɛ tinteeŋ deeŋ lɛ a yuo ta. Mɩ jaŋ joŋ hɛɛŋ yʋgɛ a hɛ ba lɛ, dɩ ba yuo kɛsɛba.”

JƐRƖMAAYA 14:8

Ŋ nɛ la Iziral tɩŋŋaa yɩyɩɛlɛ, ŋ nɛ la Laataara, a lɩlɩɩsɛla la wʋjʋʋlaa lɛ. Bɛɛ nɛ tɩɩ ŋ nagɛ nʋhʋɔrʋ tintee-la lɛ a nagɛ wombii-vɛnnʋ sɩ mʋ chʋa leriŋ tapʋl bala?

JƐRƖMAAYA 15:1

Ŋɩɩ nɛ La TƖƖNA bʋla pɩmɛ, “Dɩ Mosis arɩ Samʋɛl nɛ fa paala kʋ chɩŋ mɩ sɩpaaŋ a sʋlmɛ ma, mɩ bɩ jaŋ fá nɩaa deemba nenige. Kiriba ta dɩ ba sʋrɩsɛ mɩ sɩpaaŋ! Leŋ dɩ ba mʋ!

JƐRƖMAAYA 15:14

Mɩ jaŋ leŋ dɩ ma ŋaa ma dʋndɔŋŋɔɔ yosi, tintee-la ma sɩ bɩ jɩŋ lɛ. Mɩ baanɩŋ jaŋ sii a nagɛ nyiniŋ ma nyuŋ a diima.”

JƐRƖMAAYA 15:4

Mɩ jaŋ ŋaa dɩ ba nagɛ kʋŋ sɩɩ sʋɔrʋ dʋnɩa kuoroo kala teeŋ, a tɩŋ wɩalɩŋ Hezikaaya nanʋala Manasɛ sɩ dii Juda tinteeŋ kuoruŋ a ŋaa Jerusalɛm lɛ wɩaa.

JƐRƖMAAYA 16:5

Wɩɩ-la La TƖƖNA bɩra sɩ bʋla nɛ ŋ-la: “Pʋpɔ ŋ sɩ́ dɩa kala lɛ ba sɩɩ ŋaa yoho kʋdiilee jʋʋ. Pʋpɔ ŋ sɩ́ yel koo a nyagɛ nɩalɩŋ sɩɩ yel bɔyɛ, bɛɛ wɩaa, mɩ leŋ ŋɩɩ mɩ fa sɩɩ pɛ ba lɛ nɛ. Mɩ fa sɩ choba ŋɩɩ a fɩfá ba nisusuŋ, ŋɩɩ bɩra tuo. Mɩ-na ma TƖƖNA nɛ bʋla.

JƐRƖMAAYA 17:4

A tɩŋ ma tɩtɩa cheeriŋ wɩaa, dʋa-la mɩ sɩ joŋo pɩma jaŋ lɛl ma nɩsɩŋ lɛ. Mɩ jaŋ leŋ dɩ ma ŋaa ma dʋndɔŋŋɔɔ yosi, tintee-la ma sɩ bɩ jɩŋ lɛ. Ma leŋe mɩ baanɩŋ faasa sii ma nyuŋ nɛ, ʋ saa bɩ jaŋ fɩɛlɛ.”

JƐRƖMAAYA 22:26

Mɩ jaŋ joŋ ŋ dɩ ŋ naaŋ kala a yuo hɛ tintee dɔŋ lɛ, lee-la ba sɩ bɩ ma kʋŋkala lʋla dɩ ma sʋʋ nɩmɛ.

JƐRƖMAAYA 22:28

Mɩ bʋl: Jehoyakim mɩɩra nagɛ pupoiŋ sɩ yɛrɛ ba joŋo yuo ta nɛ. Ʋ mɩɩra nagɛ kʋŋ nʋʋkala sɩ bɩ chɛ nɛ. Bɛɛ nɛ tɩɩ ba kiri ʋ dɩ ʋ biiriŋ kala ta, ba mʋ hɛ tintee ba sɩ bɩ jɩŋ lɛ?

JƐRƖMAAYA 5:19

Dɩ ŋ nɩaa nɛ pɩɛsa, ‘Bɛɛ nɛ tɩɩ La TƖƖNA Wɩa ŋaa wɩaa deemba la lɛ?’ Ŋ jaŋ bʋla pɩba, ‘Ma sɩ vɩamɛ aŋ to vʋɩyaa ma tinteeŋ lɛ nɛ tɩɩ. Ŋɩɩ wɩaa, ma jaŋ tɩma pɩ nɩwogusuŋ tintee-la sɩ bɩ ma kʋŋ ŋaa lɛ.’

JƐRƖMAAYA 6:15

Wʋkɩsɩa-la ba sɩɩ ŋaa, hɩɩsɩŋ kɛmba nɛɛ? Aɩ, ba paala bɩ hɩɩsɩŋ ka fá. Ba paala bɩ jɩŋ ŋɩɩ ba sɩ jaŋ kɛŋ sɩaa chei. Ŋɩɩ wɩaa ba jaŋ sʋʋ, a pɛ nɩalɩŋ sɩ sʋba lɛ. Mɩ jaŋ dɔgɩsɛba a kɛmba muuri. Mɩ-na ma TƖƖNA nɛ bʋla.”

MOSIS BƖRA WULLI WƖA WOMBIIŊ 28:36

La TƖƖNA jaŋ kiri ma dɩ ma kuoro kala a mʋ hɛ tintee-wogo lɛ ma dɩ ma nyɩmmaba ha sɩ bɩ jɩŋ. Nɩmɛ ma jaŋ kpaarɛ vesiŋ ba sɩ kɛŋ daasɩŋ arɩ tabɩaa a ŋaa.

MOSIS BƖRA WULLI WƖA WOMBIIŊ 29:28

La TƖƖNA baanɩŋ sɩ faasa sii ba nyuŋ ŋɩɩ, ŋɩɩ nɛ tɩɩ ʋ lɩɩsɛba tintee-la lɛ a kɛmba pɩsa hɛ tintee-wogusuŋ lɛ ŋɩɩ lɛɛlɛ.’