JƐRƖMAAYA 16:12 - WƖA TENIŊ

¹² Ama ma nɛ paala ŋaa wʋbɔŋŋɔɔ a kɩɩ ma naabalɩmaba-la. Ma kʋŋkala kɛŋ nyuduoŋ nɛ a to ʋ tʋɔbɔmʋŋ harɩŋ, aŋ vɩa dɩ ʋ sɛɩ mɩ niiŋ.

JƐRƖMAAYA 16:12 ပူးပေါင်းရင်းမြစ်များ

WƖAA DƖ-SUOMUŊ 6:5

La TƖƖNA na ŋɩɩ nuhuobiine tʋɔŋ sɩ hɛyɛ dʋnɩa tʋɔŋ, ʋ tʋɔbɩɩnaa ma kala lɔrɛ bʋa na-kala.

WƖAA DƖ-SUOMUŊ 8:21

Ŋɩɩ nɛ Wɩa nɩɩ kɩalɩŋ Nowa sɩ nyɩga sʋɔra dɩ ba sɩma. Ʋ tʋɔŋ tɔrɛ, ʋ bʋl ʋ tʋɔŋ lɛ, “Mɩ bɩra bɩ jaŋ tɩŋ nuhuobiine wɩaa a ŋmɩɛsa hɛ tinteeŋ lɛ. Nuhuobiine tʋɔbɩɩnaa kala ŋaa kʋbɔmɔ nɛ a lɩɩ ʋ hambiiriŋ kala lɛ. Mɩ bɩra bɩ jaŋ kɔ dɩ mɩ kpʋ kʋŋkala sɩ weye arɩ mɩ sɩ ŋaa ŋɩɩ bʋa-la lɛ.

TƖƖCHA 8:12

Dɩ nɩbɔmʋŋ nɛ jaŋ ŋaa wʋbɔŋŋɔɔ zɔlɔ aŋ ha hɛ ʋ mɩɩsɩŋ lɛ a dieni, mɩ jɩma nɩalɩŋ sɩɩ fá Wɩa a zizilu, ba-na wɩaa jaŋ vɛŋ woruŋ pɩba.

TƖƖCHA 9:3

Wɩalɩŋ kala sɩɩ ŋaa dʋnɩa lɛ a kɛŋ tʋɔ-cheeŋ nɛ ŋ-la: Wʋbala nɛ sɩ jaŋ kɛŋ la kala mʋ. Nuhuobiinee tʋɔŋ lɔrɔ kɩŋkɛŋ ba bɩbɩɩnɛ nyɩnyɛ wɩaa ba mɩɩsɩŋ lɛ, ʋ ŋɩɩ harɩŋ ba sʋʋ.

JƐRƖMAAYA 13:10

Nɩbɔŋŋɔɔ deemba sɩ vɩa dɩ ba jegile nɩɩ mɩ wɩaa, nɩalɩŋ sɩɩ to ba nyuduoŋ harɩŋ, a kire tuto vʋɩyaa harɩŋ a tɩma pɩpɩba a kpʋkpaarɛba jaŋ nagɛ tɩŋgɛnnɛ deeŋ. Ba jaŋ chei a chaasa ŋaa nɩpɛɩba.

JƐRƖMAAYA 17:9

Nuhuobiine tʋɔŋ nɛ jaŋ wuo nyɩsɛ nɩa a kɩɩ kʋŋkala. Ʋ ŋaa kʋŋ nʋʋ sɩ bɩ wuo tɩɩbɛ nɛ. Kʋbɛɛ nɛ jaŋ wuo jɩŋ nuhuobiine tʋɔŋ wɩaa sɩaa?

JƐRƖMAAYA 18:12

Ama ba jaŋ bʋl, ‘Ŋɩɩ bɩ bʋbʋa kala kɛnɛ. La jaŋ tuto la wombie-la la tɩtɩa sɩ vʋʋra bil. La kʋŋkala jaŋ kɛŋ nyuduoŋ a to ʋ tʋɔbɔmʋŋ harɩŋ.’ ”

JƐRƖMAAYA 22:28

Mɩ bʋl: Jehoyakim mɩɩra nagɛ pupoiŋ sɩ yɛrɛ ba joŋo yuo ta nɛ. Ʋ mɩɩra nagɛ kʋŋ nʋʋkala sɩ bɩ chɛ nɛ. Bɛɛ nɛ tɩɩ ba kiri ʋ dɩ ʋ biiriŋ kala ta, ba mʋ hɛ tintee ba sɩ bɩ jɩŋ lɛ?

JƐRƖMAAYA 7:24

Ama ba fa bɩ jegile nɩɩ koo a kaa tɩŋ. Ba fa mɩɩra to ba nyuduoŋ arɩ ba tʋɔbɩɩŋ bɔŋŋɔɔ harɩŋ nɛ. Ba fa mɩɩra mʋ harɩŋ nɛ, ba bɩ sɩpaaŋ mʋa.

JƐRƖMAAYA 7:26

Ama ba fa bɩ mɩ teeŋ jegile nɩɩ, a vɩa dɩ ba tomi. Ba fa kɛŋ nyuduoŋ nɛ a wasa ŋaa wʋbɔŋŋɔɔ a kɩɩ ba naabalɩmaba.

JƐRƖMAAYA 9:14

Ama ba mɩɩra to ba nyuduoŋ harɩŋ nɛ. Ba fa to vene-la ba sɩɩ yɩrɛ Baal nɛ, arɩ ba nyɩmmaba fa sɩ dagɛba ŋɩɩ.

JEMBIEE 5:7

La naabalɩmaba nɛ ŋaa wʋbɔŋŋɔɔ aŋ tuo, ka la mɩɩraa na hɛɛŋ ba wʋbɔmɔ-la wɩaa.

ƐZƖKƖƐL 20:30

Ŋɩɩ wɩaa, bʋla pɩ Iziral tɩŋŋaa, ‘Wɩɩ-la mɩ-na ma TƖƖNA Wɩɩjarɩbakɔ sɩ pɩɛsa nɛ ŋ-la: Ma ma jaŋ cho dɩ ma ŋaa disiniŋ hɛ ma tɩtɩa lɛ arɩ ma naabalɩmaba fa sɩ kpaarɛ ba tɔŋŋɔɔ sɩ ŋaa disiŋ kɩa a kɛŋ disiniŋ ŋɩɩ?

AMƆS 2:4

Wɩɩ-la La Tɩɩna sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Juda nɩaa a tɩŋ ba wʋbɔŋ dandaŋ-la wɩaa. Ba vɩa wɩalɩŋ mɩ-na ba TƖƖNA sɩ dagɛba nɛ, ba bɩ mɩ niiŋ sɛyɛ. Ba leŋe wʋnyɩɛrɩ vesi-la ba naabalɩmaba fa sɩɩ kpaarʋ kɛmba yeŋŋi nɛ.

MALAKAƖ 3:7

Ma naabalɩmaba bʋa lɛ nɛ ma suomo vɩa mɩ niiŋ wɩaa a bɩ wombie-la mɩ sɩ dagɛma ka to. Dɩ ma nɛ mɩɩra kɔ mɩ teeŋ, mɩ ma jaŋ kɔ ma teeŋ. Ama ma yie pɩɛsɛ, ‘Ɛɛ nɛ la jaŋ ŋaa a mɩɩra kɔ ŋ teeŋ?’

Maak 7:21

Ŋ tʋɔŋ lɛ nɛ ŋ yie bɩɩnɛ wʋbɔŋŋɔɔ ŋaanɩŋ a ŋɩŋaa bachɔrʋŋ arɩ hachɔrʋŋ wɩaa, a gɩgaa, a kpʋkpʋ nɩaa, a chɩchɛ nɩaa haalaa,

MOSIS BƖRA WULLI WƖA WOMBIIŊ 29:19

Ma sɩ nɩɩ kalɩbɩŋ deeŋ, dɩ nʋʋ nɛ ha hɛ ma tʋɔŋ a bɩɩnɛ arɩ ʋ jaŋ ŋaa ʋ tɩtɩa tʋɔtɔrɛ wɩaa, ka dɩ wɩaa ha vɛŋ woruŋ a pʋ, ʋʋ nyɩsɛ ʋ tɩtɩa nɛ. Ʋ jaŋ lɛrɛ wʋlɔrʋnʋŋ kʋ hɛ ma lɛ dɩ ba chei ma nɩzɔŋŋɔɔ arɩ nɩbɔŋŋɔɔ kala.

MOSIS BƖRA WULLI WƖA WOMBIIŊ 9:27

Liisi ŋ tɩntɩnnaa Abɩraham, Aɩzɩk arɩ Jekɔb wɩaa, aŋ sɩ́ nɩaa deemba nyuduoŋ, ba wʋbɔŋŋɔɔ arɩ ba wʋcheelee wɩaa beŋ.

2 Timoti 3:13

Ama nɩbɔŋŋɔɔ arɩ nɩalɩŋ sɩ gɔllɔɔ nyɩsɛ nɩaa jaŋ wasa ŋɩŋaa wʋbɔŋŋɔɔ. Ba jaŋ nyɩsɛ nɩaa aŋ pɛ nyɩnyɩsɛ ba tɩtɩa maa.

Hiburu TƖŊŊAA 3:12

Mɩ naambiiri, má pɔ ma tɩtɩa lɛ dɩ ma tʋɔŋ nʋʋ sɩ́ wʋbɔŋ bɩɩnʋ koo a kɛŋ tʋɔbɩɩna-la sɩ jaŋ leŋ dɩ ʋ sɩ́ Wɩa laa dii, dɩ ŋɩɩ leŋ dɩ ʋ joŋ harɩŋ yɩa Wɩa sɩ weye.

SƖPAALAARAA 2:19

Ama dɩ sɩpaa-laarʋ-la nɛ sʋba, nɩalɩŋ yie bɩra vɩa La TƖƖNA nɛ aŋ mʋʋ to wombie-la sɩ bɔmɔ kɩɩ wombie-la ba nyɩmmaba fa sɩɩ to, a tuto vesiŋ a kpʋkpaarɛba. Ba vɩa dɩ ba joŋ ba wʋbɔmɔ-la arɩ ba nyu-duo-la a ta nɛ.

1 SAMƲƐL 15:23

Dɩ ŋ nɛ vɩa ʋ niiŋ, ŋɩɩ ŋaa wʋbɔŋ nɛ a nagɛ nʋʋ sɩɩ vʋgʋ. Dɩ ŋ nɛ kɛŋ sɩɩ-duoŋ, ŋɩɩ ma ŋaa wʋbɔŋ nɛ ʋ teeŋ a nagɛ nʋʋ sɩɩ kpaarɛ vʋɩyaa. Ŋ sɩ bɩ La TƖƖNA niiŋ lɛ to ŋɩɩ, ʋ ma kiriŋ kuoruŋ lɛ nɛ.”