JƐRƖMAAYA 16:10 - WƖA TENIŊ

¹⁰ Dɩ ŋ nɛ bʋl wɩaa deemba kala pɩ nɩaa deemba dɩ ba pɩɛsɩŋ, ‘Bɛɛ nɛ tɩɩ La TƖƖNA bʋl wʋlɔrʋŋ deeŋ a tɩgɛ la lɛ? Wʋbɛɛ nɛ la chei? Wʋbɔŋ bɛɛ nɛ la ŋaa La TƖƖNA Wɩa lɛ?’

JƐRƖMAAYA 16:10 ပူးပေါင်းရင်းမြစ်များ

JƐRƖMAAYA 11:17

Mɩ-na ma TƖƖNA, doluŋ kala Tɩɩna sɩ leŋe ma hɛ nɩmɛ, bʋla arɩ wʋlɔrʋŋ jaŋ jʋʋma, bɛɛ wɩaa ma Iziral arɩ ma Juda nɩaa ŋaa wʋbɔŋŋɔɔ nɛ a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a ŋaa mɩ baanɩŋ sii.”

JƐRƖMAAYA 13:22

Dɩ ma nɛ pɩɛsɛ ma tɩtɩa, “Bɛɛ nɛ tɩɩ wɩɩŋ deeŋ ŋaa la lɛ?” Ma wʋbɔŋŋɔɔ sɩ yʋga wɩaa nɛ tɩɩ ba kɩɛsɛ ma gɛnnɩŋ aŋ dɔgɩsɛma ŋɩɩ.

JƐRƖMAAYA 2:23

Ɛɛ nɛ saa ma jaŋ wuo bʋl, ‘La bɩ disiniŋ ŋaa chei la tɩtɩa, la bɩ vene-la ba sɩɩ yɩrɛ Baal kpaara?’ Má beŋ wɩalɩŋ ma sɩ ŋaa fuonaaŋ lɛ. Má kɛŋ wɩalɩŋ ma sɩ ŋaa bɩɩna na. Ma nagɛ bʋntaŋŋɩ-nɩɩŋ sɩ gɔllɔ fá a chɩchɛ belliŋ dɩ ba jɩlʋ nɛ.

JƐRƖMAAYA 2:35

Wɩaa deemba kala lɛ ma ha yie bʋl, ‘La bɩ wɩɩkala cheye, La TƖƖNA bɩ baanɩŋ na la nyuŋ.’ Mɩ ha jaŋ dii ma sarɩya a dɔgɩsɛma, a tɩŋ ma sɩ sɩ, ‘La bɩ wʋbɔŋ kala ŋaa.’

JƐRƖMAAYA 44:3

a tɩŋ wʋbɔmɔ-la ba sɩ ŋaa wɩaa. Ba leŋe mɩ baanɩŋ sii ba nyuŋ nɛ ba sɩ nyɩgɛ kʋsʋɔrʋsʋŋ a kpʋkpaarɛ vesiŋ, ba-na koo ma-na koo ma naabalɩmaba sɩ bɩ jɩŋ.

JƐRƖMAAYA 5:19

Dɩ ŋ nɩaa nɛ pɩɛsa, ‘Bɛɛ nɛ tɩɩ La TƖƖNA Wɩa ŋaa wɩaa deemba la lɛ?’ Ŋ jaŋ bʋla pɩba, ‘Ma sɩ vɩamɛ aŋ to vʋɩyaa ma tinteeŋ lɛ nɛ tɩɩ. Ŋɩɩ wɩaa, ma jaŋ tɩma pɩ nɩwogusuŋ tintee-la sɩ bɩ ma kʋŋ ŋaa lɛ.’

JƐRƖMAAYA 9:11

La TƖƖNA sɩ, “Mɩ jaŋ leŋ dɩ Jerusalɛm pɩŋ jikpeeŋ, a ŋaa jolluŋ dɩjʋʋlʋŋ. Mɩ jaŋ leŋ dɩ Juda tasɩŋ pɩŋ hoi, dɩ nʋʋkala sɩ́ wuo hɔŋ lee-la.”

HOSIA 12:8

Efirem bigisi ʋ tɩtɩa lɛ a bʋl, “Mɩ kɛŋ kɩaa nɛ woruŋ, mɩ nɛ dʋa kɩalɩŋ. Mɩ kɛŋ dʋa-la ŋɩɩ nɛ, ka nʋʋ bɩ jaŋ wuo na dɩ mɩ chei wɩɩ koo dɩ mɩ ŋaa wʋbɔŋ.”