JƐRƖMAAYA 15:7 - WƖA TENIŊ

⁷ Mɩ jaŋ kɛŋ mɩɩ-chaarɛ gbaŋa chaarɛma a balɩma lɩɩsɛma tintee-la tabalɩŋ boi-baalaa niiŋ. Mɩ jaŋ joŋ tʋɔ-cheeŋ hɛ mɩ nɩaa lɛ, mɩ jaŋ cheiba, bɛɛ wɩaa ba bɩ ba wʋbɔŋŋɔɔ ŋaanɩŋ leŋe.

JƐRƖMAAYA 15:7 ပူးပေါင်းရင်းမြစ်များ

WƖA YƖƖLAA 1:4

Nɩbɔŋŋɔɔ-na bɩ ŋɩɩ naga. Ba nagɛ mɩɩ-jɔrʋŋ nɛ peliŋ yie paa viiri.

AZAAYA 41:16

Ma jaŋ ŋmooba villi, dɩ pel-duoŋ paaba viiri. Ma tʋɔŋ jaŋ tɔrɛ mɩ-na ma TƖƖNA sɩ ŋaa Iziral tɩŋŋaa Wɩa sɩ bɩ disiniŋ kɛnɛ nyuŋ a chʋɔlɛmɛ.

AZAAYA 9:12

Siiria tɩŋŋaa sɩ hɛ wɩɩpɔsʋŋ dɩɩrɩŋ, arɩ Fɩlɩsɩtɩa tɩŋŋaa sɩ hɛ wɩɩjʋʋlʋŋ dɩɩrɩŋ, ba jaŋ yuo dii Iziral tɩŋŋaa. Wɩaa deemba kala jaŋ ŋaa, ama La TƖƖNA baanɩŋ ha bɩ jaŋ fɩɛlɛ, ʋ ha jaŋ dɔgɩsɛba a pɛ.

AZAAYA 9:13

Arɩ ŋɩɩ kala, Iziral tɩŋŋaa ha vɩa nɛ dɩ ba bɩrɩma lɩɩ ba wʋbɔŋŋɔɔ lɛ aŋ kɔ La TƖƖNA doluŋ kala Tɩɩna sɩ dɔgɩsɛba teeŋ.

JƐRƖMAAYA 18:21

Ŋɩɩ wɩaa, La Tɩɩna, leŋ dɩ losuŋ kpʋ ba biiriŋ dɩ ba sʋʋ. Leŋ dɩ ba sʋʋ laalɩŋ lɛ, dɩ ba haalaa sɩ́ biiriŋ kɛŋ aŋ ŋaa yo-haalaa. Leŋ dɩ ba kpʋ ba baalaa arɩ bapʋɔsaa kala laalɩŋ lɛ.

JƐRƖMAAYA 5:3

La TƖƖNA, wʋtɩtɩɩ dee ŋ chɩchɛ dɩ ŋ naa? Ŋ ŋmooba nɛ, ama ʋ bɩ ba lɛ wɩa. Ŋ wʋrɩgɛba nɛ, ama ba bɩ ŋ dagɩŋ sɛyɛ. Ba leŋe ba nyuŋ dol nɛ a kɩɩ tabɩɩŋ, aŋ vɩa dɩ ba bɩrɩma lɩɩ ba wʋbɔŋŋɔɔ ŋaanɩŋ lɛ.

JƐRƖMAAYA 51:2

Mɩ jaŋ tɩŋ nɩwogusuŋ dɩ ba mʋ Babɩlɔŋ a chei ʋ tinteeŋ kala a paa chaarɛ. Ba jaŋ chɩŋ ʋ lɛ sɛmɛ na-kala tapʋlɩɩ-la wʋlɔrʋŋ sɩ jaŋ jʋʋ-ʋ.

JƐRƖMAAYA 9:21

Sʋʋŋ to tokoroba nɛ a jʋʋ la dɩɩsɩŋ a jʋʋ la dɩɩ-duoruŋ. Ʋ kpʋ hambiisiŋ nɛ womporunuŋ lɛ, aŋ kpʋ bapʋɔsaa ma biliiŋ lɛ.

ƐZƖKƖƐL 24:21

Bʋla pɩ Iziral tɩŋŋaa, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩɩ chɛ dɩ mɩ chei mɩ dɩɩ-bal-la nɛ, dɩ-duo-la ma sɩ kɛnɛ a kɛŋ babii-ballɩŋ ma tʋɔŋ tɔrɛ ʋ nyuŋ ma chou woruŋ. Ma hambolibiisiŋ arɩ ma hantolibiisi-la ma sɩ leŋe ta Jerusalɛm lɛ, ba jaŋ kpʋba laalɩŋ lɛ.

ƐZƖKƖƐL 24:25

Ŋ-na, nuhuobiiŋ, tapʋlɩɩ jaŋ yi dɩ mɩ kɛŋ mɩ dɩɩ-bal-la sɩ ŋaa ba dɩ-duoŋ laa ba teeŋ. Ʋ ŋaa ba babiibal arɩ ba tʋɔtɔrɛ lee nɛ, ba tʋɔŋ tɔrɛ ʋ nyuŋ woruŋ ba chou. Mɩ jaŋ kɛsɛ ba hambolibiisiŋ arɩ ba hantolibiisiŋ ma tapʋlɩɩ-la.

ƐZƖKƖƐL 36:12

Mɩ jaŋ kɛŋ ma-na Iziral tɩŋŋaa, mɩ nɩaa mɩɩra kɔ tintee-la. Ʋ jaŋ ŋaa ma kʋŋ, ʋ bɩra bɩ jaŋ leŋ dɩ ma biiriŋ sʋsʋʋ.

ZƐKARƖYA 1:4

Má sɩ́ ma naabalɩmaba nagʋ, ba nɛ mɩ wʋlaabʋlla-la laa sɩpaaŋ kʋ bʋla pa ŋɩɩ: Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ: ‘Má bɩrɩma lɩɩ ma wombii-bɔŋŋɔɔ arɩ wʋbɔmɔ-la ma sɩɩ ŋaa lɛ.’ Ama ba bɩ jegile nɩɩ mɩ teeŋ koo a kaa tɩŋ. Mɩ-na ma TƖƖNA nɛ bʋla.

Matiu 3:12

Ʋ jaŋ kori ʋ mɩɩ-chaarɩ gbaŋa, dɩ ʋ ŋmoo ʋ mɩaa kala dɛrɛ, ʋ jaŋ kɛŋ gbaŋa-la a kaa chaarɛ a lɩɩsɛ mɩɩ-biiŋ a hɛ ʋ vire lɛ aŋ joŋ jɔrʋŋ a hɛ nyiniŋ lɛ. Nyiŋ-la bɩ jaŋ dɩsɛ.”

MOSIS BƖRA WULLI WƖA WOMBIIŊ 28:18

Ʋ ŋmɩaŋ jaŋ diima, ʋ bɩ jaŋ leŋ ma lʋl biiriŋ yʋgɛ, a leŋ dɩ kʋdiilee nyaa ma tinteeŋ lɛ, ma nɛsɩŋ, piesee arɩ bʋʋnaa ma bɩ jaŋ pʋŋ.

MOSIS BƖRA WULLI WƖA WOMBIIŊ 28:32

Ba jaŋ kɛŋ ma biiriŋ laa pɩ tintee-wogusuŋ nɩaa, ma jaŋ bibeŋ dɩ ma tʋɔŋ wʋwɩɩ, ka ma bɩ wɩɩkala wuo ŋaa.

MOSIS BƖRA WULLI WƖA WOMBIIŊ 28:41

Ma jaŋ kɛŋ hambolibiisiŋ arɩ hantolibiisiŋ, ama ma bɩ jaŋ tɩɩba, bɛɛ wɩaa ba jaŋ yuo kɛsɛba dɩ ba ŋaa yosi.